影片
港铁南昌站 A 出口, 步行约8分钟
继续阅读
营业时间
星期一至日
08:00 - 18:00
以上资料只供参考，请与餐厅确认详情
【深水埗區】【Mark 哥冰室】尋日我去咗法院嗰邊做啲嘢，咁經開呢頭就梗係搵埋嘢食。原來疫情呢段期間，呢邊啲屋邨都起到八八九九，雖然仲未完成，但係已經漸見規模。呢啲新派嘅公屋簡約而優雅，我敢講靚過好多設計過時嘅私人屋苑。而經過海達邨街市，佢叫「海達在西九」，都幾靚仔企理。睇返資料原來係今年嘅一月十一號先正式開張，玩咗未夠半年，難怪感覺依然簇新。不過佢好似冇商場，要行商場嘅話就要用行人天橋過 v walk，咁都算方便嘅其實。不過喺未有商場之下，我就要喺街市搵嘢食，佢同粉嶺嘅華心市集一樣，都係有一行外賣店咁嘅設計，對我呢種崇尚「就地正法」嘅食客嚟講就有啲唔係好方便喇。成個街市得兩間嘢可以堂食，今日講從未見過嘅呢間冰室。坐低咗發覺環境都算乾淨，一啲都唔似街市，啲餐具都仲好新，畢竟開業冇耐。而疫苗通行證方面，入餐廳係需要另外再嘟，唔係用街市嗰個。咁嚟到呢間自稱係冰室嘅餐廳，就梗係叫返個常餐試一試佢啦，大家明架喇。主食係「雞扒公仔麵」不過我轉「紐紐通粉」，佢係咁寫我照佢寫法，雞扒即煎即出勁夠熱，不過唔算嫩滑，只係普通料。配菜係「粟米火腿奄列餐包」，兩樣嘢嚟，放心，個奄烈生熟度 okay，只係有粟米喺度硬係有啲怪。個餐包唔係差，配埋杯「熱奶茶」收我 $46 我無話可說。本身係咁多，不過見有西多就用 $22 散叫返件「懷舊西多士」先，我知有人期待睇西多士相片嘅。佢都你雙層花生醬，蛋漿又勁厚，係個糖漿爭啲，埋單 $68 走人。。。（地址：九龍長沙灣深旺道38號海達邨2期MARKET IN地下MK6, 7, 7A, 41, 42號舖）#1amfoodie #foodie #hkfoodie #thatfoodiething #hkfood #food #instafood #1am0693 #1ambackup #foodies #tasty #globaleats #foodpics #followforfollowback #love #eat #1am深水埗區 #南昌 #長沙灣 #marketin #海達在西九 #Mark哥冰室 #茶餐廳 #冰室 #常餐 #雞扒公仔麵 #紐紐通粉 #粟米火腿奄列 #餐包 #西多士
继续阅读