ME.N.U 360° (已結業)

有時候經過此餐廳，看到佈局開揚，以及我愛吃的薄餅、意粉、甜品和特式飲品，一直期待嘗試。終於有機會了，看到二人餐也不錯，有金素翅忌廉蘑菇湯兩客（其中一客加了$8要酥皮）、酥炸雞全翼四隻、火腿什菜薄餅及主食一客（選了黑椒汁雞扒石鍋飯），然後分別加了$5及$8要了汽水和梅子青蘋果特飲。金素翅忌廉蘑菇湯，金素翅味道簡單清淡，外觀及質感像真度極高，的確不錯；忌廉蘑菇湯味足，酥皮香脆不膩。雞全翼炸度適中，外脆肉嫰，不油，好味！火腿什菜薄餅雖然用料簡單，但加上芝士醬，配上脆口的薄餅底，香口及有清新之感。至於黑椒汁雞扒石鍋飯，黑椒汁夠濃亦辣，而且挺香；飯亦軟熟，在鍋底找到飯焦，雖不夠香，但脆口，個人認為不錯。梅子青蘋果特飲的青蘋果汁不是人造糖水，青蘋果味濃度夠，梅子肉質爽口夠甜，與青蘋果配搭得宜，增添美味。餐廳上菜不慢，店員適時收碟，服務令人滿意。餐廳所提供都是一般標準的西式菜式，在創意方面可再作研究，但做得好吃，希望下次可再試其他食物！

我住係附近，商場咁多間既早餐已經俾我食哂，(除咗一間，0個間真係……)呢間係我經常去食既一間，一黎佢有coupon，二黎呢間服務態度比起其他總算唔錯，所以呢度算係我既飯堂。佢既食物水準好好，味道對路，而且係熱，咁樣先食得落口，(前排我先幫襯其中一間，結果請咗4天病假)，不過今次稍為有d 失準。最主要唔係好夠熱，無論係碟上的食物，定係碗長通粉，不過一讚既就係服務態度，讚。當然唔可以同高級餐廳比較，但係一般既食肆(我指大路尋食地點)相比係好過其他地方。

呢間MENU之前食過幾次都無咩問題自從加左價之後貴左好多, 上星期見到LUNCH要四十幾蚊一個酥皮湯餐，仲要加錢先有DRINK今次因為夜晚無飯食, 太和又無咩好食先幫趁，但係真係食到我火都黎叫左芝士焗卡邦拿意粉+酥皮湯+熱華田一開始好快黎左杯飲品但係過左兩個字, 個侍應捧左碟肉醬意粉同酥皮湯黎, 問我係咪叫肉醬意粉我話唔係, 仲俾埋張單佢睇, 跟住佢又拎番走, 然後個類似經理GE人走黎睇我張單, 又睇第二台張單好明顯佢俾錯左我碟意粉俾左第二枱跟住我又等左成三個字都未有嘢食黎我就追個經埋, 佢睇完我張單自己都話"真係好耐喎"佢都即刻叫個啱啱行過GE侍應俾左碟粉我先我即刻話仲未有湯, 我諗住佢會好快俾我, 食住意粉等啦..點知食完碟粉都未黎仲要我見住D湯係咁出都唔俾我, 咁我揮手叫女侍應, 點知佢都懶得行埋黎我張枱度...要我離遠咁大叫"我未有湯"跟住又等多個幾字先黎個湯食物水準講真真係普通...咁GE價錢換黎咁GE服務態度....即係迫我BLACKLIST佢姐

今日叫左個3人餐+一個酥皮湯配黑椒豬柳飯先黎左3人餐6隻雞翼,好夠熱,味道....OK啦....同平時茶記啲雞翼差唔多....再黎左個3人餐的PIZZA,PIZZA好薄,料都好足,有紫椰菜,雞肉粒,火退粒,沙侓醬等,不過佢啲料擺曬係中間,食嗰陣好"呢HEA",同埋焗耐左少少,個皮有啲苦三人餐有3個湯,日日都一樣....不多講黑椒豬柳飯,啲汁一早入曬味係飯到,YUMMY~~~~之後就要講下服務態度方面,有位WAITRESS真係好好人,我問佢拎熱水,佢問我係咪要好熱嗰啲,我答係,佢就叫廚房幫我裝,裝緊嗰陣再問多我一次,咁嘅服務態度真係抵讚話說我食完上面講嗰堆野大概用左25分鐘,之後啲野仲未黎,我就向收銀嗰位講幫我追一追單,坐返去之後,佢特登走過黎講:"已經幫你地追左單,唔好意思,請你地等多陣"又係勁好嘅服務態度,讚~~~~之後等多5分鐘石鍋飯(窩旦肥牛)黎喇~份量好多,味道好好,仲有個蟹子海鮮意粉,唔知係忌廉汁定咩汁,汁太稠,味道還好最後仲有個漏左單嘅酥皮湯....飽到食唔落...家人說這個OK喇...不太好`(最後我由WAITRESS那得知漏單原因是有人入錯單,理由還可接受,希望下次改善

去到門口見d餐牌，又想食意粉，又想食飯，再見到收銀處有sell shabu-shabu，最後還是點了海鮮意粉 (龍蝦汁)。個酥皮湯飲完已經半飽，再食個意粉，勉強食晒去 (我覺得如果可以俾人揀普通湯會好d)，d汁好多，撈意粉幾好，但d海鮮無乜味。飲埋咖啡，都幾香。呢一餐過得去啦，同埋值得讚的係，食物夠熱。(先生點了冷麵，又要讚下連碟都夠凍，如果隻碟唔夠凍，d冷麵會好快變唔凍唔熱ga)

去到果時..冇咩人,,吾駛得位..間餐廳位置好open..落單好似快餐店甘出去比錢..但食物會由侍應送到過黎..感覺還不錯整體格調都很好.很舒服宜且價錢十分平!值得一試呀~食物酥皮湯,栗米波菜意粉栗米白汁個味好夠..個汁都好多..絕對足夠撈均D意粉,宜且D意粉林度岩岩好.吾會太林.我中意食D意粉系冇甘林geh..個酥皮湯都好好味,,一定會再去食丫!!!

同朋友兩人去食晚餐,叫左一個栗米波菜意粉($34),一個龍蝦汁海鮮意粉($39),各包一個酥皮湯及一杯飲品.栗米波菜意粉: 栗米最正常,一般罐頭貨;波菜冇味;最攞命係個意粉!40蚊個餐都唔預佢有咩驚喜,但係個意粉都唔好好似未煮熟咁,係又乾又硬嫁囉!D汁又唔夠撈意粉.....另外個意粉亦一樣....酥皮湯: 酥皮OK;但係個湯煮既時候未搞勻,有好大既結塊...飲品: 凍檸茶渾濁,熱華田成杯奶水咁....稀到阿媽都唔認得!以上任何一樣大家樂或大快活都做得好過佢.....

今天完了考試，和朋友到ME.N.U 醫肚，這裡的款式不多，但也有普遍的焗飯、意粉，石鍋飯，其他小吃等等。我們分別叫了2個石鍋飯同1個焗飯。拿著號碼牌，我們一行三人走到一個角落處坐下等候，不消5分鐘就來了第一個餐：和風豬柳鍋飯──一看之下沒什麼特色，一個熱騰騰的石鍋上，有幾條小豬柳，再加上一點啡色醬汁。友人一搞拌下，發現汁非常不夠，拌幾下就沒了，而且豬柳是白烚的，沒有任何肉味和肉汁，且很乾，整個其實一點都不和風。第二道是黑椒牛柳鍋飯──在石鍋中，一團黑椒汁伴著牛柳絲放在飯粒上，吃了幾口，牛肉絲切得細小，牛肉和汁料沒什麼味道，濃烈辛口的黑椒味倒是超豐富，吃到友人狂飲水！，加上他非常熱，看見他已滿頭大汗了。值得一提的是，兩個鍋飯都有飯焦，這倒是意料之外，而且吃了半小時，石鍋仍然冒著煙呢第三個是我的焗雞扒飯──他用一個錫紙盒上碟，飯面都是茄醬，汁似乎多了點，而雞扒的大小比錫紙盒的一半還小，但綜觀三個餐，我這個應是最好的了，雞肉還有點味道的，茄醬也很豐富，飯是珍珠米，帶點濕潤，就焗飯而言，不算及格。其實又不太差，不過要我給他一個笑臉，我又做不到呢

腸仔雞扒湯意粉 用意大利菜湯做湯底, 加上煎香了的腸仔片及雞扒, 味道好到連個湯都飲哂~! 雞肉辣肉腸 pizza (半個) + 沙律 雖然個 pizza 底似厚多士, 但好脆, 毫不影響口感及味道. 沙律, 芝士比較少, 但配 pizza 少些芝士無問題, 反正個 pizza 已經啖啖芝士, 而且, 找不到壹片爛或燶了的菜葉, Good~!以價論貨, 比起【扮法蘭西】快餐店, 好得多~! 只是個店名 ME.N.U, 將 Menu 拆解為 Me & You 已值得加分~!

呢日黎搵個朋友，之後就黎呢度食飯。呢間都開左幾耐，我都黎過一次。呢晚就食個酥皮湯套餐，有個石鍋飯同野飲。酥皮湯係好普通既忌廉湯，不過味道都唔錯。好香滑，加埋酥皮真係錦上添花。肉醬雞扒石鍋飯本來食咖喱豬扒飯，不過豬扒太韌。所以換左呢個，呢個就好食。肉醬既味就好大路，但都幾好味。雞扒又唔算太韌，不過可以做得更好。而個飯都唔錯，有好多飯焦。Yo Yought特飲一杯，個味道唔錯。不過我飲唔出呢隻野飲既材料。呢餐都係麻麻，野食都過得去。不過等野食等得太耐，又唔算多人都等左差唔多半個鐘。希望佢地可以改善食品製作既時間啦。

看到這裏只需出示學生證便可以享用學生價的午膳，而且價錢便宜的驚人，就決定在這裏用飯好了。我點的是粟米雞立方熱石鍋飯($20)，加上冰奶茶及忌廉蘑菇湯(+$10)。弟弟則點了肉醬熱石鍋飯($20)。雖然我們是分開付款的，但服務員看我倆談笑風生，便把我們兩張單子都拼在57號之下，其觀察之入微，令我頗為歡喜。價錢便宜不在話下，讓我們真正驚喜的卻是分量與質素。首先奉上的是忌廉蘑菇湯，雖然罐頭湯的質素，卻頗為濃稠，吃進嘴裏盡是奶油的馥郁。冰奶茶茶香濃郁，甜的剛好，我可以說與金鳳茶餐廳的雖有差別，卻差得不遠。服務員送來了肉醬熱石鍋飯。肉醬份量不少，米飯也舖滿了整個石鍋。由於不是我吃的，在下不便評價；但肯定的是每一口飯都拌著不少的肉醬，弟弟吃得甚為滿足。服務員送來了粟米雞立方熱石鍋飯。第一口吃下去：燙口的。粟米醬有機會是罐頭開出來的，但是夠香濃，也就夠了。雞塊是嫩的，醃的不錯，沒有過醎；如果能把雞皮先煎一下就更好了。米飯做得不錯，沒有其他茶餐廳過硬的問題。值得一提的是，吃到最後，沒有一粒飯焦在石鍋上，然則石鍋仍然是熱得燙手，飯仍然是燙嘴巴的。我很難相信這是快餐店，很難相信我只付出了二十塊。這完全是中

星期六只有我和媽媽兩人撐臺腳放工後就來試一試這在商場中開放式的餐廳要了兩個set dinner石鍋小龍蝦墨魚汁飯配酥皮湯加凍檸茶鮮茄茸雞扒意粉配酥皮湯加熱奶茶酥皮湯 - 酥皮蠻鬆脆, 有牛油味 湯就不得了,是罐頭湯之餘又稀又咸又沒材料小龍蝦墨魚汁飯 夠熱又很香,可惜沒什麼材料龍蝦仔只有三數粒, 雖然很彈牙不過真的太少了反而作為拌菜的菠菜卻有一大堆凍檸茶聽別的食家說這兒是以健康為主, 食物飲品都不太重味所以這杯凍檸茶就像平時喝的少甜一樣味,自己可以接受不過檸檬只有三小塊實在太少鮮茄茸雞扒意粉賣相不好,味道偏淡雞扒味道不錯, 又香又脆 ,可惜只有薄薄的兩小塊 以這個價錢來吃絕對不值熱奶茶 - 媽媽說一點都不熱的真不明白明明大家都是吃同一樣東西但質素為何可以相差這麼多?要不是見它蠻有格調,服務態度又不錯的話這次一定是個喊,短期內一定不會再來吃第二次

真的 ... 喜歡個店名才去光顧 ... 這間「變種大家樂」 ME.N.U. 將 Menu 拆解為 Me and You, 妙哉!試過後, 又發現, 不太差. 相比同集團的快餐店, 食品種類不多, 食品價錢也比較高, 買票後不用自取, 但不等於有人 service 你. 食品質素, 與價錢成正比, 介乎抵及超值之間. $36 set lunch, 有湯, 有飯/意粉, 有小食, 有飲品, 算抵. 但 $31 半個細 pizza, 又像是小家了些, 情願 pizza 直徑細些但有完整壹個.

太和商場真的繁榮了好多...變了美食廣場!由以前只得大家樂、2,3 間快餐店變了差不多行幾步就有間...最近我又愛上到大堂中間的ME.N.U 食野!~但係開放式的,周圍的過路人都望到...食得不太習慣...款式方面唔多!肉醬湯意粉- 一般般!焗既好食D...小龍蝦墨汁飯-唯一特別既係撈飯既墨汁,真的很香...做得不錯!可以試~窩蛋肉醬熱石窉飯-真係超熱!食到D飯硬晒都未食完...肉醬較咸雞扒肉醬熱石窉飯-除了多件雞扒之外其他同上~酥皮湯-個酥皮好林,湯冇乜味比大家樂的差...令我印象最深刻既係個經理真係好好人!我ORDER錯左個可樂...佢幫我換返7喜!服務態度好好....GD~繼續支持!!!意粉同PIZZA...不過PIZZA好細塊...

之前去九龍灣睇下OPENRICE有咩食店介紹都有留意到呢間ME.N.U咁岩...太和開左分店因為比較近, 所以黎左呢到食<<石鍋小龍蝦墨魚汁飯(龍蝦汁)>> SET DINNER : $50 (餐湯+主菜+飲品)轉特飲 +$4餐湯: 磨菇忌廉湯夠味...不過較稀..杰d會幾正主菜: 石鍋小龍蝦墨魚汁飯(龍蝦汁)估唔到小龍蝦數量都幾多雖然細細隻, 不過都有十幾隻煙煙un un....龍蝦汁>>好味石鍋都夠熱, 所以有d飯焦添有幾條好似莧菜係小龍蝦下面感覺更好, 唔會100%食肉轉特飲: 紅豆冰因為呢間食店主張"健康"所以紅豆冰係無加糖水開頭飲唔慣淡, 不過飲飲下都接受