ME.N.U 360° (已結業)

太知商場裝修之後，有好多新既餐廳進駐，呢一間係其中一間。呢度既設計係開放式設計，感覺都唔錯既。我同個同學呢度見下午茶咁平，就試下啦。我地叫左個咖喱雞扒石鍋飯同個芝士肉醬薯條。但個薯條sold out，就轉左個pizza。咖喱雞扒石鍋飯好正呀，好多飯焦。咖喱汁又唔會太多，雞扒好脆口惹味。個份量都幾大，好正呀。超級什錦pizza個pizza好薄，都幾脆口既。材料都幾多，芝士同蕃茄醬既份量剛剛好。唔會太多都唔會太小，個pizza雖然得半份，但下午茶算係咁啦。凍Mocha加4蚊就有得轉飲，杯野幾好飲既，咖啡味好濃。面頭既cream好好味。整體上，價錢相宜，環境幾好。食物質素更加唔使講，實有下次既。