Meet Met Met

营业中

休息中

明明佢d餐都唔係好多油煙嘅嘢事，食完都會好大陣油煙味出番黎。希望你地改善下你地抽油煙機系統。同埋d嘢事真係唔係好食，完全係得個樣係到扮野，d名改到好有gimmick，結果都係茶餐廳水準。同商場差唔多價位，其他餐廳好食過佢好多。價錢真係完全超出佢餐品水平。d凳都坐得唔舒服。非常多改善空間嘅餐廳。唔怪得之就算附近無咩其他餐廳，同商場其他餐廳好多都大排長龍，黎間永遠都無人等位，真係可一不可再。希望唔係好掂。

是日戶口活動後回地鐵站，站旁便是Southside，所以順便進內逛逛，場內都是中高價特色店舖，食肆種類不多，想輕食及休息一下，所以選擇了meet met met 。店內舒適，簡單，輕柔西方流行曲。食物精美，味道佳，茶餐其中一款甜品👍🏼，All day餐亦中規中矩👍🏼選擇多，結帳HKD2xx。

好多健身選擇，有椰菜花飯同好多沙律bowl ,最岩健康人士，但可能太健康，味道沙律同椰菜花飯味道一般la 😆但勝在健康！ 咖啡都係一般水平，不過不失，不過服務很好 。

Southside商場下半場·大家樂meet met met!這個商場的食肆選擇不太多，太多是吉鋪，還有一個foot court，但大抵也不是便宜！結果，尋遍整個商場，在burger和健康輕食二選一，我和老婆選了後者！在門外等了一陣子，便獲店員安排位置！但是，這個位置不是太出色，位置處於兩張sofa的中間，屁股zip在中間，不太舒服，在有大量四人枱的時間，這個安排不是太好！餐廳採取自助點餐，省卻了部分人手！等了一陣子菜式便上來！我們點了1️⃣牛油果沙律·柚子醬·港式伯爵奶茶$98這個牛油果沙律很健康，牛油果配上磨菇，感覺很小清新，柚子醬沾上沙律菜，實在很是開胃！餐飲中的fusion餐飲伯爵奶茶很是特別，既有伯爵茶的香味，也有奶茶的港式味道，mix and match得很吸引！2️⃣燒牛肩肉配雜菌薯條·即磨咖啡$178這個牛肩肉，店員沒問我們要幾多成熟，但出奇地弄得好吃，standard吧！另外牛肩肉下面鋪滿了磨菇，減輕了罪疚感，薯條🍟也是熱辣辣，配合黑松露醬，感覺很不錯！最後，筆者覺得這個店舖的店員過份積極，在我但和另一枱顧客還未完成用膳的情況下便急急腳詢問能否收碟，這個情況我就覺得有待改善！

全都很好味豬排、牛肩肉高質素，廚師用心製作 龍蝦汁椰菜花飯，沙律都好吃同樣用心製作，很好！係年輕侍應生為主，服務中規中矩，但不影響我們用餐係真係有只蚊子或蒼蠅陪伴用餐，是餐廳／商場附近有什麼嗎？🤔小插曲：豬鞍不熟（我家製作常常也是這樣，太熟又真影響味道，真需要誠意製作），即給我們換一份 店長（？）好醒目！讚！

人流唔多環境寧靜舒適午飯時間想靜靜地幾啱值得讚美一下佢哋個餐單可以根據需要嘅營養選擇有蛋白質餐奧美加3餐選擇咗日式帶子龍蝦汁椰花飯低酮飲食都有得揀驚喜培茶咖啡香濃又滑讚小食 雞翼配蛋黃柚子醬清香又唔會肥膩整體適合健康飲食人士

原本排緊隔離NOC, 見佢有位唔使等，返正都係星期日brunch，咁咪試吓囉，之不過以咁嘅價錢，食物嘅質素有待改善。服務態度尚可，但無法彌補食物嘅味道。整體而言，呢餐嘅經歷令我對呢間餐廳感到有啲失望，仲有全程有隻小蒼蠅陪食。🙄或者係因為環境吸引咗我同朋友入去，但食物嘅質素應該行先。對我嚟講，呢次嘅用餐經驗令我明白，唔好畀虛有其表嘅裝修呃咗你入去, 入去之前要睇吓其他食客嘅食評，先考慮入唔入去啦🙂‍↕️

梳化位舒服，但全程有隻蚊飛黎飛去，影響進食食物質素一般，沙律bowl正常份量，all day breakfast太細碟，會收加1，價錢偏貴，而且作為大家樂旗下cafe，有小小失望，有得揀，唔會再幫襯。

今日嚟呢度食下午茶送上嚟嘅薯條係凍嘅叫咗個意粉要成半個鐘先上仲要係提左佢但間餐廳係得三台客人😅仲要根本冇任何服務，連叫嘢食都係掃QR code收服務費唔會再幫襯 好差 又貴又唔好食

成日都出去食嘢嘅我，一路都想搵啲提供低碳低卡食物嘅餐廳，今次喺新商場行街中俾我搵到啦🤩Spaghetti cheese Bolognese with Miyazaki Poached Egg 芝士蕃茄宮崎縣溫泉蛋肉醬意粉🍝有別於一般西餐廳，佢哋既蕃茄醬比較淡味，醬汁都算幾多，每條意粉都掛滿醬汁😍意粉軟硬度啱啱好😋Vitality Power🥗食材都幾多，全部都低碳同好新鮮，配上椰菜花飯，雖然份量唔算太多，但係其實都夠飽😊

服務體驗 餐廳需要先落單及付款才製造食物本來都係一件好事 方便簡單咗程序但係竟然仲要收加一服務費 服務在於帶位上菜執枱？落單到嘢食到嘅時候需等25分鐘 餐廳唔係爆場 都要等咁耐食物質素 豬肉十分乾 唔講以為食緊白烚雞胸牛肉煎得唔均勻 入邊全熟一邊未熟餐廳十分多蚊滋 飲品內都有蚊滋飲品叫了一杯熱奶茶一杯凍檸茶奶茶係暖的 凍檸茶冇檸檬味查看食評才得知，原來係大家樂集團整體嚟講就係快餐店質素 西餐廳價錢食到太谷氣 平時都唔寫食評 埋單兩位接近$400

好耐未試過遇到咁差嘅用餐體驗😨同阿仔去Meet Met Met食晚飯，叫咗一個「冬陰公海蝦意粉」、「香煎日本刺身級帶子｜牛油果｜龍蝦汁椰菜花飯」、「芒果乳酸沙冰」同「凍宇治抹茶茶凍虎堅果燕麥拿鐵」。我份意粉先到。大大一個碟，少少嘅份量喺中間，都唔緊要，我只係食到微辣微鹹，一D 冬陰公味都無，其實係乜嘢味都無，好淡！蝦就係新鮮嘅，算彈牙爽口；上面嘅火箭菜同個意粉完全唔夾，入面嘅蕃茄同矮瓜都未熟透😓等到我食完，阿仔個椰菜花飯都未嚟，我同店員講，佢check完之後話即刻幫我做。結果阿仔好肚餓咁等多咗15分鐘先有得食😤期間兩杯飲品上嘅時候，我發現只有我哋嗰枱係用紙杯，其他客人都係用玻璃杯或瓦杯。我問店員點解，佢話唔夠人手洗杯🤯好明顯紙杯嘅溶量係少過玻璃杯嗰喎！最後阿仔個椰菜花飯終於嚟到，賣相唔錯，不過佢話唔好食，無龍蝦味，似用茄汁撈埋嘅芡😵唔係砌餐廳「生豬肉」😂我真係見到隔離枱投訴豬扒係生嘅😱餐廳有幫佢哋煮返熟，不過到我走嘅時候佢哋都無再食，唔知味道如何🤷🏻‍♀️總之，我好耐未食過一餐咁難食又咁「甩轆」嘅餐廳😵睇返張單，原來餐廳係大家樂集團，估唔到水準會咁差！👎🏻

有時候食嘢都幾唔健康😵‍💫有時又想食得好味又健康都幾難😅近排畀我發現位於黃竹坑THE SOUTHSIDE 嘅 Café Meet Met Met 佢食物大部分都係低卡低碳✨啱曬你想食得健康又美味🍽️上班族同健身人士都非常適合👍🏻👍🏻▫️自家研發嘅香煎日本刺身級帶子龍蝦汁牛油果椰菜花飯🥦由日本刺身級帶子加上澳洲牛油果配搭以燒香龍蝦頭熬製3小時而成嘅香濃龍蝦汁🦞椰菜花粒食落都幾有飯嘅感覺絕對可以以假亂真▫️Power Bowl淨係一上菜都覺得已經好吸引七彩繽紛，見到都勁開心☺️以海蝦、雞肉、牛油果、煙三文魚加上新鮮沙律菜組合而成任意配搭4款特製醬汁🔽香濃黑芝麻沙律醬獨家微辣是拉差醬清新柚子醬經典油醋▫️挪威焦糖芝士比利時牛角酥窩夫配食到咁上下梗係要食埋甜品啦🍧除咗喎外觀好吸引之外，滿佈住滿滿挪威焦糖芝士🧀窩夫都係做到外脆內軟然後配搭埋Häagen-Dazs 雪糕球真係超級好食！▫️虎堅果抹茶燕麥拿鐵▫️虎堅果焙茶燕麥拿鐵兩款拿鐵都選用高營養虎堅果燕麥奶製作 ，有好高嘅營養價值🙂前者係飲落有淡淡嘅抹茶味後者係好濃既焙茶香味，超級適合鍾意飲茶嘅人❤️‍🔥▫️士多啤梨紅茶面層放咗一串士多啤梨🍓相當打卡able 📸

星期六下晝到黃竹坑新商場行吓，見呢間餐廳又有意粉、all day breakfast、burger，價錢又相宜，一於試吓😚😋叫main跟餐會連飲品，但只包熱檸水、熱檸茶及即磨咖啡，凍飲要加$7，其他特飲則可補差價~我地分別叫咗一個Vegan All Day Breakfast ($128)、芝士肉醬温泉蛋意粉($78)及野菌蘑菇忌廉意粉($88)Vegan All Day Breakfast ($128)炒蛋有啲老，如果滑啲會更加好🙈牛油果好熟好好味，大啡茹亦不錯，其他食物都不過不失，一個女仔食完已經夠飽肚~ 芝士肉醬温泉蛋意粉($78)賣相吸引，肉醬亦十分足料，性價比十足😆野菌忌廉蘑菇意粉($88)意粉忌廉味好濃，亦有好多不同種類嘅蘑菇，不過食完有啲滯，建議同朋友share食😛三個人total食咗ard $330連加一，以cafe嚟講算不錯，環境亦舒服，下次會想試埋沙律同burger~🤩

嘩～黃竹坑的𝐓𝐇𝐄 𝐒𝐎𝐔𝐓𝐇𝐒𝐈𝐃𝐄開幕啦(⁎⁍̴̛ᴗ⁍̴̛⁎)! 貪新鮮的我，當然要去看看囉💕～商場真的好大，還有好多美食呢😏! 特別要推介全新健康餐飲品牌💚𝐌𝐞𝐞𝐭 𝐌𝐞𝐭 𝐌𝐞𝐭啦!!主打健康美食兼走文青風的餐廳，超級受歡迎呀☺️! 店內有大量綠色植物，配上木系傢具，打卡一流。食物款式好多，主食、小食、甜品都有哦～【 香煎日本刺身級帶子牛油果椰菜花飯🥦】帶子軟腍鮮甜，椰菜花飯用龍蝦汁調味濃郁，好吃耶!【 𝐎𝐦𝐞𝐠𝐚 𝟑 𝐏𝐨𝐰𝐞𝐫🐟】用料豐富的沙律，有煙三文魚、紅菜頭、中華沙律、車厘茄🍅等等，色彩繽紛，好有食慾。【 柚子蛋黄醬雞翼&松露蛋黄醬薯條🍟】兩款都炸得香脆，雞翼肉汁飽滿，薯條也好脆哦～【 挪威焦糖芝士比利時牛角包窩夫🧇】 賣相吸引的窩夫，味道鹹鹹甜甜，窩夫好脆，大愛呀!!【 宇治抹茶虎堅果燕麥麥拿鐵、日式焙茶虎堅果燕窩拿鐵、士多啤梨紅茶🍓】 飲品也相當不錯，拿鐵味夠濃，紅茶有士多啤梨蓉，你都快點來試試啦～•💚 𝐌𝐞𝐞𝐭 𝐌𝐞𝐭 𝐌𝐞𝐭🗝#黄竹坑 𝐓𝐇𝐄 𝐒𝐎𝐔𝐓𝐇𝐒𝐈𝐃𝐄 𝐋𝐆𝟑𝟏-𝟑𝟐