Milu Thai มิลู่ไทย (百樂中心)

营业中

休息中

每間餐廳都總會有一道或者幾道招牌菜，今日去了銅鑼灣百樂中心的Milu Thai มิลู่ไทย，個人特別喜愛它們的招牌菜～火山排骨，賣相和味道都讓人驚豔😍 由出𨋢門開始，到餐廳每一幅牆壁都是漫畫塗鴉，氣氛好輕鬆，我和兩個朋友坐近窗邊的位置，可以望到街景很不錯。火山排骨$228，個火山砌得好高好澎湃，排骨份量很多，舖了大量蔥花、芫茜、辣椒，顏色配搭特別搶眼，醬汁惹味偏辣，越食越過癮！大推👍泰式蛋包炒金邊粉$118，賣相同樣精緻，但味道比火山排骨較為遜色，有3隻大蝦，每人一隻 份量剛好，炒金邊粉沒有大驚喜。蒜蓉炒雜菜$88，雜菜包括有芥蘭、椰菜、通菜、黃芽白和什菇，可揀蒜蓉/馬拉盞/飛天/清炒，揀了蒜蓉炒，比較香和惹味。炸蝦餅六件$88，香脆彈牙，沾埋醬汁就更美味。芒果糯米飯$88，必點甜品之一，今次仲要係心形擺盤 更加賞心悅目💯珍多冰$36椰青$52，味道、價格正常。整體環境氣氛和食物水準都很高，價錢合理，十分推薦！

人生總有喜怒哀樂，有時睇得太重要，未必係一件好事，但係如果將呢一種喜怒哀樂，放喺餐盤上邊，就變成一種樂事。以下係我今日食呢個泰國菜嘅感受。🍖喜，人生好多事情都好有趣，今次特別脆嘅係個蝦餅，即炸永遠係最好味，裏邊又超彈牙，而且泰式甜辣醬呢個無敵嘅組合，可以話係泰菜嘅最佳前菜之一。🍖怒，生命中總會遇到幾個食鱔嘅老細， 有時候真係火都嚟，將呢種怒氣轉為火焰燒雞，觀賞性十足，睇住啲怒火系咁燒隻雞，個心舒服曬，之後仲有人幫你切埋，爽。春雞嘅好處就係皮薄，而且冇乜脂肪，肉質又嫩，兩個人食都可以好容易ko。🍖哀，面對冷冰冰嘅人生，有時都會感觸悲哀，生蝦刺身，解凍得宜，冇雪藏味，加埋對靈魂泰式辣醬，爽彈口感，似乎話到俾我哋聽，所有悲哀都可以有解決方法。🍖樂，做人好簡單食一餐好就可以好快樂，酸甜得宜，又超足料嘅冬陰公湯，仲有愛心造型糯米飯熱辣辣既甜品芒果糯米飯，兩者分別以辣味同甜味刺激味蕾，同埋口水分泌，帶出歡樂同滿足嘅感覺。凡事唔好諗咁多，專注於食泰菜，專注於放空心情，咁先至不枉此生。

最近網上有一間超出名嘅泰國餐廳，位於銅鑼灣，而今日我同同事因為要開會，所以成8點先有得食晚餐，我地一致都話要對自己好d，所以今晚一於來呢間餐廳大食一餐！餐牌有好多選擇，睇完一轉之後第一樣嘢話一定要叫嘅就係個黃咖喱炒大頭蝦，呢個真係超級抵食，每隻大頭蝦都炸過先至再用咖喱茶每一隻大頭蝦都好多個，而且隻隻都超大隻，啲咖喱用嚟撈飯就一流，所以我哋都叫埋飯撈埋嚟食，真係食幾碗飯都得！朋友每次食泰國餐都要叫冬陰功湯，見到呢度有大頭蝦冬陰功湯就決定要個細嘅，佢嘅辣度剛剛好，而且大頭蝦真係好新鮮，肉質爽脆，加埋超多膏，真係好少食到冬陰功嘅蝦係咁新鮮！另外都叫咗兩個喺泰國餐廳必點嘅item，就係馬拉盞通菜同炸蝦餅，兩個份量都唔少，質素都比一般泰國菜餐廳更加好食。就連個椰青都好清甜，椰子肉一scoop就可以食！講真冇諗過星期四夜晚咁夜食飯都有餐廳可以咁好氣氛，而家喺香港真係好少見，更加難得就係所有店員嘅態度都好好！

老友帶我食高質價錢親民的泰國菜 《Milu Thai 》餐裝修簡約牆上劃有壁畫，坐滿九成半食客。我們點左泰式燒魷魚$148，即叫即燒熱烘烘上枱，魷魚厚肉味鮮甜好好食，醬汁小辣好惹味👍小食拼盤 $188，有蝦餅、魚餅、春卷、香葉雞、炸蝦片，全部美味😋又大碟確抵食😍泰式青咖喱燒羊架$158（3件）羊肉味香腍滑無羶味，燒得有肉汁，青咖喱味香不辣，值得推介💯💕燒牛柳$98，牛肉軟腍可口，牛肉味香，份量十足超值之選😁甜品：芒果糯米飯，芒果香又甜，飯心型真靚靚，椰汁濃郁。飲品：椰青$52，

呢間泰國菜人氣高企，成日都見到好多朋友去食，今日終於拉埋朋友一齊黎試~🍲椰汁雞湯 (小）$118之前飲開嗰啲就椰奶會比較重呢個就會甜中帶小小酸酸辣辣咁飲落就唔會好漏同時又好開胃😜飲湯之餘仲有好多雞件食頗嫩滑的～🦀青咖喱軟殼蟹 $168呢個幾有驚喜青咖喱偏甜帶少少辣蒜蓉包本身幾重蒜香點咖喱食好惹味好幸福🤤🤤🐠 泰式明爐烏頭魚 $208烏頭都幾大條下上枱時會先幫我哋點火如果之後熄咗可以叫店員幫手點翻咁樣可以保持個溫度外食物亦滲透大量既青檸同酸辣嘅味道所以會越嚟越辣🤣同十分之入味😚酸酸辣辣咁好開胃配上大量嘅粉絲連埋啲湯汁食嘅 正！⚡️西瓜沙冰 $48食完辣野飲返杯沙冰簡直係爽！夠清新唔甜！⚡️珍多冰 $36雖然冇得少甜但都唔會好甜🌟芒果糯米飯 $88芒果真係好甜又唔會有渣份量都幾大糯米飯上枱時仲係熱辣辣🥰🥬飛天通菜 $88呢到有四種炒法~通菜夠爽唔算超辣幾有鑊氣呢到我覺得黃豆麵豉醬會重啲辣度就會低調小小～啱哂食唔到辣既朋友仔🌙Milu Thai มิลู่ไทย (百樂中心)銅鑼灣耀華街3號百樂中心2樓

今次fd帶我黎呢間泰國菜等lift有啲耐但食物水準整體都好高經過銅鑼灣絕對可以一試！已經想encore炭燒豬頸肉私心好推！片豬頸肉厚薄均勻肉質爽口彈牙唔會燒到柴（好緊要）咖哩三重奏選擇困難嘅必點一次過滿足晒三個願望紅黃綠三款咖哩都有齊😻咖哩配以炸魚、軟殼蟹同海鮮仲有埋蒜茸包粒我地仲加左個薄餅黎配三色咖喱紅綠咖哩超好味！菠蘿海鮮炒飯食泰菜都會叫嘅飯加入菠蘿粒酸酸甜甜而家炒飯粒粒分明泰式春卷（6件）炸至香香脆脆而且每件都有滿滿嘅餡炸物控一定鍾意！

再訪依舊出色！火山排骨震憾級好食好睇🌋，咖哩必點，愛辣波友請去食 一波🤘🏻！・・・・・・・・・・・・・・・・・・・・🍖 火山排骨 HK$228・味道：排骨肥瘦相間，仲有骨之間有好多骨膠原，只靠原本排骨肉味，冇乜明顯調味都已經夠好食👍🏻！醬汁酸酸辣辣好開胃，有青檸🍋、辣椒🌶️、香料🧂、芫茜🌿，中和排骨膩感，必點！・口感：超巨型🌋！3-4人食先食得晒XD，排骨軟腍一搣就甩，醬汁可以揀另上，單食或點醬食兩種味道，仲會按人頭畀埋手套，開心share啱晒！🥘 咖哩三重奏 HK$218・味道：紅黃青三色咖哩🚥！紅色偏酸辣，青口同大蝦正常發揮🦐；黃色鹹辣為主，配扇貝同炸魚柳，魚柳炸得好惹味🐠；青色係椰奶味偏種嘅咖哩，加炸軟殼蟹好邪惡XD🦀 想讚一讚啲炸嘢炸皮香脆，浸住咖哩都唔易淋！三款咖哩都係入口冇乜嘢，但個辣味會慢慢滲出嚟，惹味有層次！仲有一碗蒜香牛油麵包粒畀我點住咖哩食🍞，呢個出色，點滿咖哩嘅蒜香牛油多士真係不死級嘅美食！！！・口感：咖哩醬汁夠杰身掛汁，炸物香脆，不過炸皮薄啲更好～🥩 泰式燒牛柳 HK$98・味道：一開始見到全熟以為中伏，點知煎得好香，完全mind blown🤩！食唔晒拎返屋企叮返

📍火山排骨份量係超級超級多😚建議最少3、4人share排骨用左酸辣汁去調味🥰骨的肉質食落好軟稔基本上一撕就開性價比超高，MVP🤣.📍黃咖喱炒大頭蝦咖喱用左好多香料去調味，勁惹味😆大頭蝦就相對無咁搶眼但佢份量有好多，4大隻再開埋2真係幾個人都夠食只係略為覺得蝦肉唔夠啖啖肉✨如果下次黎會揀其他餸配個咖喱.📍蒜蓉包另一MVP👍🏻👍🏻烘到好脆口之餘又唔會太過乾身蒜蓉味亦好豐富👏食到悶再點埋咖喱汁食都好正.📍生蝦刺身蝦肉相當新鮮😇食落去好彈牙配埋個酸汁一齊食相當開胃🥳.📍泰式串燒（豬牛雞）穩陣之選首先串燒唔會燒到好乾😍同埋每串個份量都漲卜卜啖啖肉☺️其中特別欣賞佢個沙嗲醬配埋一齊食相當惹味.📍椰青&青檸梳打椰青飲落好清甜好fresh🤭青檸梳打就好清爽食完咁多野最岩解下漏😌

一直都好想試呢間泰國菜，今次一次過叫哂睇落勁吸引嘅嘢嚟食，真係正到爆🤤原來收藏榜第1位嘅餐廳冇花冇假，真係好食😋 🔥 火山排骨 $228 呢道菜一上枱，包你同朋友一齊「嘩」一聲！真係超大份，拎上手都覺得重。排骨肉質啱啱好，唔會過老，內裏軟嫩多汁，最正係可以啜骨髓～酸辣調味辣得好過癮，真係又香又惹味🌶️🍛 咖喱三重奏 $218 紅、黃、青咖喱一次過滿足哂～每款都各有風味，完全唔同嘅層次，特別鍾意大大粒扇貝同炸軟殼蟹，配埋蒜蓉包點咖喱食，滋味一流！🦀🍞🥗 泰式鳳爪沙律 $88 鳳爪酸辣爽脆，份量十足，酸辣味道好開胃👍🦐 生蝦刺身 (6件) $108 生虎蝦食落香甜爽口，配埋辣魚露、辣椒同生蒜，啱哂🌶️🧄🥥 椰青 $52 🍧 龍眼冰 $36 食泰國菜當然唔少得椰青同龍眼冰，清涼又解辣🥥🍧

The pork ribs are so tender and flavourful. It is well marinated and not smelly at all. It comes with a sauce that is refreshing and quite spicy. You can pour the sauce on the ribs or have it at the side.The grilled chicken is also extremely good! Meat is juicy and tender, the skin is slightly charred and you can taste the marination seeps through the meat. So delicious!When going to a Thai restaurant, pork neck and water spinach are a must! The pork neck here is so tender and slightly charred o

今日嚟到 #銅鑼灣 食 #泰菜 我哋嗌咗泰式燒魷魚🦑呢個有驚喜 真係食得出燒烤味🍖再加上佢秘製醬汁 平時啲醬汁都偏辣味 呢個唔係 幾用心🤙🏻火山排骨🌋份量好大 兩個人食有排食🤣好貼心有手套🧤濕紙巾🧻同醬汁另上 每啖肉都可以點到汁😎啲肉唔會好淋 有口感😚青咖哩配牛肉🐮額外加香煎薄餅🍕食咖哩🍛必備薄餅 呢個幾脆薄 impressive~青咖喱好濃椰奶香味 面頭都見到啲椰汁🥥🤙🏻飲品嗌咗椰青🌴同泰式奶茶🫖奶茶可以揀少甜少冰🤙🏻芒果糯米飯🥭非常鐘意呢個甜品😍個芒果超甜 而且份量唔少 糯米飯有滿滿椰汁 又係好飽嘅一餐兩個人食係飽到夜晚都差啲食唔到 大家可以三五成群嚟食！

(留港消費，附有單據，自費)經常去食泰國菜，今日嚟到銅鑼灣Milu Thai, 食左咩？粉絲焗大頭蝦 $268大大煲嘅粉絲內有經過煎炒嘅開邊大頭蝦，而呢餸嘅靈雲係个汁令到d蝦變到好邪惡~惹味無窮。鮮檸檬肉碎明爐烏頭 $208烏頭肉本身頗實，用湯浸住煮能使其軟腍些。除了鮮檸檬味外，仲見到有醃檸檬。魚上面怖滿芫荽，芫荽又沈入魚中，芫妥控人仕勿錯過。黃咖哩炒蜆 $178是大隻size 嘅蜆，肉質爽口。黄咖哩不辣、當中混合蛋白和椰奶，令其非常香口，餸飯一流。生菜 $18一籃子上枱，约有十片八片，非常新鮮翠綠，椰青 $52原個椰青，鐘意開口開得大，方便食埋入面d椰子肉。

👍🏿咖喱三重奏 $218本身仲覺得呢個咖喱好貴 不過嚟到見到份量足嘅 紅黃青咖喱 仲有海鮮 除翻開又唔算好貴嘅~平時散嗌仲貴啦 而家可以試晒3款又唔使太大份三款咖喱都系偏向奶味重 口感順滑嗰種青咖喱椰奶味較濃 所以冇乜辣味但食食下就會食到有啲辣味滲出 其實幾惹味😚平時軟殼蟹通常配黃咖喱 今日呢間就選擇咗配搭青咖喱可能因為佢味道比較mild 所以都幾夾🤣大大隻蟹 有肉有膏 不過就略嫌佢炸得有啲over咗 蟹腳偏硬黃咖喱有椰香而唔會冚過咖喱應有嘅香氣鹹中帶甜 啱晒唔系好食得辣嘅史努比😝最值得一讚嘅系佢大大隻扇貝! 呈半熟狀態 所以非常之嫩另外仲有好幾塊炸魚 又厚又大塊 仲好嫩滑紅咖喱就相對失色啲辣味唔夠 反而椰奶味好突出雖然食落幾creamy 味道唔錯😂但就唔系expected嘅紅咖喱配料幾足 青口唔腥唔臭 魷魚爽彈媽媽👩🏻話蝦同帶子仔都唔錯另外每款咖喱都會有啲蔬菜 吸盡咖喱嘅精華 梗系好食🤣仲有跟一份蒜蓉包粒微微香脆 帶少少蒜蓉牛油嘅香氣點咖喱唔可能唔好食!🤣對於唔系好食得辣嘅人嚟講 呢款咖喱幾好食但如果你系食辣狂人 佢就未必系你杯茶啦~味道: 8/10性價比: 7.5/10👍🏿蒜蓉包

銅鑼灣人氣正宗泰菜!!所有人都為左火山排骨及火焰燒雞而來!!但個胃就裝唔晒，所以試左其一，非常有驚喜!!😋- 火焰燒雞 HK$208 🔥🐥人氣no.1燒雞!!整隻上桌後點火燒香，外皮酒香十足皮脆油潤!!肉質嫩滑多汁!!入口蜜香濃厚超惹味!!- 生蝦刺身 HK$108 🦐虎蝦新鮮有彈性，仲有冰陣可以慢慢食非常貼心!!辣汁味道清新辣度十足，泰好食!!- 青咖哩軟殼蟹 HK$168 🦀驚喜之作!!青咖哩充滿椰香，軟殼蟹炸得酥脆又吸汁，超惹味!!- 泰式串燒 HK$108 🍢- 椰青 HK$52 🌴- 珍多冰 HK$36 🍹

其實呢間嘅餐廳啲食物質素真係唔得，工作態度人員又差，一出𨋢已經feel到佢西面，入到餐廳嘅裝修係黑黑沉沉，音樂又大聲，員工係會睇住你食飯嘅，不過呢個都唔緊要啦，算數。叫咗個火山排骨，諗住一定係好食嘅，因為個個都會嗌嘅，咁就一心試吓啦，點知嚟到嘅感覺係好似用200幾蚊食緊幾舊啱啱煲完湯嘅骨咁樣，啲汁還算可以，但係真係覺得唔好食，最正常係個生蝦，炒雜菜都覺得冇味喎，泰國菜大多數都係好重味，但係個炒雜菜我覺得係唔好味之餘又唔入味，叫杯青檸梳打，一樣唔同其他嗰啲泰國餐廳嘅青檸梳打咁樣，總之會俾你感覺到係好Hea嘅感覺。一定唔會再黎。真係唔知點解佢咁高分囉😂