MiSS‧Mixian Sour Spicy 米線專門店 (已結業)

每次想食蕃茄湯米線自然地會想起這裡味道不是特別好，但至少還有蕃茄味因坊間大多所謂的蕃茄湯，也只是在原本的清湯底加些蕃茄蓉在面蕃茄味相當淡，不了所以有時突然心血來潮想食蕃茄湯米線時，貪方便便會過來雞腿肉米線茄蛋湯湯底無疑是用茄膏開出來的其實要蕃茄味濃郁的話，湯底用茄膏是無可避免，這是以前家政MISS講的比起只加蕃茄蓉在面便自稱是蕃茄湯，用茄膏已經算有誠意了與店名"蜜絲"相乎，湯底味道是偏甜，是甜到失去蕃茄的酸味很適合怕酸的朋友們，但嗜酸的本人便覺得太甜了湯的蛋花令湯底質感變得稠身，這點是不錯自從食完這裡的茄蛋湯，本人在家煮蕃茄湯也會加蛋花雞腿肉肉質也不會老，而且肉的量也算多作為下午茶，整碗份量都多，女生食完是會很飽不得不提，作為一個設計JJ，令本人不解的是為何點餐紙是A4 SIZE是本人見過最大SIZE的點餐紙總括而言，下午茶$28連熱飲才$30以為下午茶應該會是小小一碗，沒想到份量都算多服務態度就是一般般收完點餐紙侍應姐姐也沒有確認一下便直接入機雖然味道是普普通通，但都算是抵食，下午茶是可以一試

昨天我和男友去街，見肚餓就去揾野食，之後本來想食炸雞，但途中看見該店餐牌裏的美食好吸引，於是入去食，一入去就好奇怪，4人座位得2張椅子，有點熱冇乜空調，正常一坐，張手放係桌子上看餐牌，突然有d痴痴地感覺，就用張濕紙巾沫下，成張濕紙巾變黃色……好污蔑🤤，不過美食可能對我大開眼界，不過災難事情發生，我地想咁食咩個時個侍應好像想吹我地落單，作為米線專門店，首先叫左個豚肉米線配麻辣湯底+生菜+孜然雞翼， 味道如何都好難判斷。利申:我討厭芫茜也不知道有芫茜係上面。不過米線有d似譚仔個一種味，豚肉係最好食但得4~5塊👍，個湯底唔夠辣，生菜好像學生飯盒一樣咁難食，隻孜然雞翼難食過自己屋企煮d雞，一泥好乾，二泥食唔出有咩味。如果單評呢個米線幾多分，我只會比3分（10分滿）2分係豚肉1分米線。另外，叫左個咖喱飯，一食落口完全唔覺有咖喱味，得個辣字，芝士都冇味😯，之後豬排就勁啦，隔夜蜜汁叉燒口感，食左都唔知有冇事🤔🤔🤔如果佢係20元一個飯同m記比，仲可以放得入口，30元以上就可以免🚫。最後到呢個蜜絲四重奏，分別有雞翼、炸春卷、炸餃子、炸燒賣，唯一最特別係炸燒賣食唔係咩肉整，不過個醬料仲好食過四重奏，甜酸辣

到油麻地工作，過了午膳時間打算隨便吃些小東西，路過被這間食肆的下午茶吸引，因米線加飲品才$24，不用考慮便立即內進。order了蘿蔔牛腩米線加熱豆漿，米線份量其實頗袖珍，但竟有三大件size不小的牛腩及蘿蔔，而且出奇地牛腩幾稔，味道亦不俗蘿蔔雖有小許根及不夠牛腩稔，但卻很清甜且全無苦澀味😋雖則米線份量不多，但其實若食量不大的女仕也足夠當作一餐本來$24元的下午茶也沒有抱太大期望，卻出奇地帶给我一個小驚喜😍最後一彈是食具"痴痴立立"😑好像不大乾淨咁

伏中之伏!!!! 同朋友第一次試呢間既$98邊爐燒肉set，聽講唔錯，同埋星期六晚飯時間竟然唔洗等位，就諗住試下。點知一坐低打開塊餐牌已經開始覺得中伏，塊餐牌勁油，污糟到我地唔想掂佢! 🤢我地叫左凍檸茶，但間餐廳就俾粗飲管我地飲，凍檸茶係要篤檸檬，咁用個粗管飲就會不斷吸到啲檸檬核，員工太無常識了吧…😑之後野食開始黎，因為我地坐2人枱，員工就可能覺得太細唔夠位放，就叫我地搬位，其實我同朋友都唔介意要搬位，只係個位好高既中年女員工用左唔太好既語氣叫我地搬枱首先，佢係冇望住我地講野，正常都唔覺得係同我地講緊野，所以我同朋友都疑惑左但無郁度，然後個位中年女職員可能覺得我地仲唔企起身去搬位煩到佢定阻到佢，所以佢即刻黑曬面用極度唔耐煩既語氣講: 快啲跟我黎啦!你地個到擺唔曬架! 個一刻係令我同朋友都忍唔住燥左😠行到去新果個位之後先發現原來係同另外兩個人面對面咁搭檯，啲員工幫我地搬返啲食物同我地事先拎既醬油碗個啲過黎，但有個染左紅色髮尾帶眼鏡既後生女員工係將啲碗碟極求其咁放，結果佢將我係自助區拎既一包辣椒油一野飛左落我碗芝麻醬到…所以係一包醬直插左落芝麻醬到…而且佢見到之後冇道歉亦冇打算俾我換過個醬

同朋友行過見到呢間番茄湯米線專門店好似幾正，於是我哋就二話不說入去食中午飯。12點左右亦都唔係好多人，唔需要等位直接入得，原來鋪頭入邊都仲有好多位，空間都幾闊落，兩個人可以坐四人枱。我叫咗一個番茄湯套餐，朋友就叫咗個麻辣湯米線，兩個都係連一杯熱飲，配落都有幾款餸菜，我嗰個有孜然粉雞翼，同一碟生菜。雞翼方面個一早整好，所以有啲縮水同埋凍，但係有啲孜然粉cover下，味道都OK嘅，碟生菜就正正常常。值得一讚係佢個番茄湯，真係非常之濃郁，味道酸酸甜甜好開胃，湯入邊有幾塊肥牛同埋蘿蔔，肥牛有啲軟身嘅好入味好好食，但係亦都有一啲係比較硬身嘅，蘿蔔鮮甜唔錯！推介第一次黎呢到搵食嘅人，都應該要食番茄湯因為係呢一度嘅特色。兩個人食埋單100左右，算係正常價，有機會會再幫襯

是日在油麻地經過見到呢間米線鋪面裝修設計都好靚，張張海報都好吸引，於是跟朋友一同入去試試。我叫了 厚切5味豬扒魚春卷米線選了麻辣湯底，朋友叫了牛肉蘿蔔番茄濃湯米線配生菜，等了大概10分鐘，終於上餐了豬扒不算太厚，但味道不錯，肉質鮮嫩，口感不會太老，尚算入味，但米線湯底的麻辣湯一點也不麻辣，也不算濃味，不過米線入口爽滑，硬度適中，不會太淋，套餐56$ 配一杯氣水，價錢不算便宜。另外試了朋友的番茄濃湯，口感不錯，番茄味道濃郁，配搭米線一起吃，簡直是番茄愛好者的必食之選，此套餐配兩隻孜然雞翼，雞翼不過不失，如果火候再掌握好些會更好味，總體而言，覺得還算可以，值得一試的是此店的番茄濃湯系列

上完堂 周圍行周圍搵一個人坐低食既餐廳諗返起朋友post過個油麻地有間蕃茄湯米線 就過左黎試一試啦一坐低睇到餐牌 下午茶都唔少野揀喎 周圍睇下其他人叫咩 再加埋要試既蕃茄湯米線 最愛飲既凍檸茶 最後叫左個T3早晨全餐 一聽就知豐富 有香煎雞扒滑蛋腸仔牛油脆豬 仲有一碗蕃茄湯米線 送飲品 （米線可以轉烏冬公仔麵）都係38蚊炸🤤 叫左凍飲+3蚊 38蚊有咁多野食都好抵食 質素ok 只係湯底有啲甜飲管仲係獨立包裝 相當衛生 又切合最近既走飲管行動最好係星期日客唔少都招呼週到 並冇待慢 👍🏻

當日諗住位置方便入去試下，點知入到去坐低，先覺得環境有d污糟，張枱好似未抺過咁，周圍d櫃、枱都有污積，又一達達黑mun mun, 感覺已經唔好，好想食完快d走叫左個豬扒魚腐烏冬，落單佢都confirm左係烏冬，張單都係打烏冬，點知送黎既係米線，仲要一放低就行開左咁我就搵返個阿姐啦，佢就勁耐先理我之後話佢知我要烏冬，佢仲要睇過我張單先信，仲問我唔介意既就食米線啦！我話我唔要米線，要烏冬！跟手佢走左，以為佢拎過碗比我，點知...佢居然拎左碗無湯淨烏冬，仲要得1/3碗放低左，求其講句你撈落去食到幾多就食啦！就轉頭走左咁我又無乜時間趕返工唯有食啦！食完d烏冬當然唔夠飽，食左少少米線，果然不出所料，d米線一睇就覺得好林，浸左好耐咁，一食...根本就一pat pat咁😤😤😤🤢🤢🤢🤮🤮🤮仲有舊炸魚腐，又干又黑mun mun，唔講都唔知食緊咩，我相信可能係反炸再反炸先咁既樣🤢🤢食完真係一肚氣，仲要56蚊，咩服務態度，野又難食🤮🤮🤮

2點左右大部分餐廳未有下午茶，剛好經過Mi.S.S. 看見已放下午茶餐牌便決定在這𥚃吃了。我叫了常餐 羅宋湯米線、牛油脆豬和炒蛋。但未有任何通知下，牛油脆豬換成牛油方包，不過方包十分軟熟。炒蛋普通，軟硬，不夠滑。羅宋湯米線只在蕃茄湯中加入了紅蘿白絲和洋蔥，味道仍只是茄湯，但湯很甜，像加了太多糖，明顯的是用茄醬和茄膏開出來。柚子茶等了近20分鐘但豆漿下單後5分鐘不到已送上，加入檸檬味道不錯，但冰塊和柚子佔了大半杯。這裏的下午茶在旺角算是十分便宜，但分量也頗少，只要求便宜可以一試，但質素比荼餐廳差。

我地叫左一碗雞腿肉蕃茄蛋蘿蔔湯米線、雞翼、生菜再加個牛肉飯咁上到黎啦 d雞蛋絲仲多過雞腿肉，差d見唔到隻雞翼又冇味又鞋口 完全係唔想放入口個隻，d 蘿蔔仲要有皮既食完因為太嬲，所以連相都唔記得影係個牛肉飯正常d，但都要59蚊。野飲就一般，杯可爾必思荔枝特飲淡到差唔多好似水咁，好彩唔洗加錢，唔係就會更加扣分依間野食既質素咁差，真係唔洗旨意再回頭食!!!無下次餐廳裝修:4/10食物質素:1/10價錢:2/10服務質素:3/10---------------------總分:10/40

之前一望舖名以為剩係食米線 應該冇太大特別,點知原來有得打邊爐同食鐵板燒  食慣吉邊既你又有新選 而且配料可以追加,不過大食既朋友就最好—人一個鍋😅😅一人一鍋就一定夠飽.👉🏻 一人鐵板鍋餐  配烏冬 / 米線,飲品一杯,火鍋拼盤（包括嚮鈴,芝士腸,午餐肉,金菇等）另可以選配以下其中一款主食:🔸$78 北美特切牛肉 🔸$98 日本和牛粒個人推薦—定要叫番茄湯  非常鮮甜 就甘飲都好正 同朋友都加咗幾次湯 真係覺得番茄湯幾濃郁 可以一試

之前食過呢間幾次，因為裝修幾靚又係連鎖式米線店以外既選擇，都覺得不錯，但愈食愈麻麻就無再去。今日放工約左朋友係油麻地站又因為好趕時間，所以就再揀呢間米線店餐牌轉左好多，價錢都貴左，不過就多左選擇，有焗飯有鐵板有小火鍋，但我黎呢度始終想食米線，就揀左蕃茄湯米線，朋友就轉烏冬特切牛肉蕃茄湯烏冬 $46豚肉蕃茄湯米線 $46好多蕃茄，岩晒蕃茄控既朋友本身職員落單搞錯左落左茄蛋湯，拎到黎見到茄蛋湯係蛋花，賣相麻麻，有點失望之後換返我點既蕃茄湯底，完全唔同晒，好多蕃茄肉呀，每一啖米線都有蕃茄，好好味，而無論我點既豚肉定朋友點既牛肉都份量足，呢個價錢算好抵

以旺角同油麼地有好多嘢食黎講，有時真係花多眼亂吾知食乜好，今日中午就諗住好耐都冇黎過，所以入黎食午餐但呢餐午餐只有失望😞，我叫左蘿蔔雞翼米線餐酸辣湯底，個湯吾酸又吾辣，一睇個雞翼係整左好耐有單就俾你個種，冇孜然味兼凍既，食左廿幾分鐘個杯凍即磨咖啡仲未到，同侍應講個侍應响對講機幫我追左一次，然後又係等左成5分鐘都仲未到，凈係杯嘢飲，前後等左半個鐘，杯即磨咖啡，咖啡味欠奉、奶味欠奉、冰已經溶得七七八八(應該擺左好耐)，從未試過飲杯咁難飲既咖啡⋯以前的味道沒有了以前的服務沒有了回頭當天的一切像泡影⋯⋯

曾幾何時...Mi.S.S. 都係一間好食嘅米線寬別一年再次到來，不但食物質素每況愈下，服務，環境亦是如此。以往的番茄湯底雖然都係茄膏煮成的，但至少唔會係一陣茄醬味，我今日食緊嘅係茄醬煮出黎嘅湯。萬幸米線煮出黎的水準尚且能夠保持。雞肉的味道不過不失，當然尼個價錢有更好的選擇，例如吉野〇。飲品的質素恕不評論，可能豆漿同阿華田並不配合，無從談起。服務質素由一開始帶位的混亂，到落單、送餐。帶位 -「4位唔該」「果面啦」餐具不齊全 - 要三催四請先有筷子用 而且好多污垢落錯單+落漏單雖然晚市時間可能比較混亂，但店內亦見好多空位。總結而言 - 成也番茄湯，敗也番茄湯

雖說是米線店, 但焗飯卻似乎很吸引。而且店內的環境不錯, 就進店一試!店內的感覺清新, 內牆是Tiffany色, 坐位也算舒適。雖然是米線店, 但焗飯似乎很吸引。秘製咖哩燒雞腿丼秘製咖哩燒雞腿丼其實燒雞腿是不錯的, 嫩滑。但這個秘製咖哩, 真的完全沒有咖哩味, 很有用水沖出來的感覺。芝士蕃茄焗豬扒飯芝士蕃茄焗豬扒飯這個焗豬飯, 幾令人失望。不是蕃茄, 是茄醬, 而且是一點蕃茄味都沒有, 只有甜味的茄醬....再一次, 塊豬扒其實都是正常, 新鮮的, 但配這個人工甜味茄醬....完全失去了焗豬飯的分數。兩個飯都冇誠意。熱奶茶其實我唔覺得有奶, 上圖是已要求加了奶。真係好"gip"。失敗之作。有甜味冇豆味的熱豆漿。似乎ok的環境, 配合這樣質素的食物, 真的令人失望。