Moment Cafe

营业中

休息中

一個人悶悶地走出去雞地食個All Day Breakfast($82)加杯熱朱古力(+$10)。Moment Cafe嘅裝修比較殘舊一點喇，同埋啲service就麻麻地。都係講番個早餐先，一嚟到見到個Benedict放喺中間，正常地第一樣就食佢，點知失望就浮現，雖然味道唔差但竟然完全凍嘅，俾我感覺係唔知放咗幾耐。旁邊有三條腸仔，兩條係辣一條正常，味道尚可接受。而多士配花生醬加煉奶，多士都夠熱同脆，但係放埋啲咸嘅食物側邊有啲唔夾。薯角同一般嘅餐廳一樣，冇特別。最後沙律其實可以落多啲Dressing啦，唔洗咁孤寒喎！熱朱古力熱就夠熱但欠缺了朱古力味~

星期日訓醒都已經成十一點, 但仲想食早餐類嘅野, 就搵下屋企附近邊到有 all day breakfast. 上網搵到呢間 Moment Cafe, 又幾近西鐵站, 於是就去試下。 由於一心想食all day breakfast, 一入到去見到餐牌有就即刻order, 冇太留意有乜其他野食。到上菜啦, 個賣相都幾得, 有多士, 香腸, 火腿, 沙律, ,薯角,benedict egg 同生果, 仲送杯野飲添, 都只係$88, 一啲都唔貴,而且份量都唔小。 呢個質數嘅食物,係出面都可以食到,但一定唔會係呢個價錢。

元朗地鋪小店愈開愈多難得呢間cafe keep到食物嘅水準而價錢又唔貴我是喜愛的all day breakfast 🥞 好有誠意💁🏻除左有流心蛋，德國辣肉腸同普通豬肉腸都有齊，多士烘得啱啱好，配花生醬食更好味沙津同水果都唔係每間餐廳會有，呢到水果配合時令，有時係橙，有時係提子等煙三文魚意粉三文魚唔只一兩塊，係大大塊仲要係有四五塊凍咖啡冇咩咖啡味，多左啲奶整體來說都係唔錯，性價比又高

星期六緊係要叉下電去左我最愛既moment cafe 食個tea呢個煙三文魚黑松露意粉三文魚大大塊all day breakfast 係我既至愛咩都有感覺好充實而且價錢亦比出面公道好多呢杯朱古力就有小小失望比較淡味

半年冇黎食，今次再黎真係好失望。所有職員侍應唔同晒，場面好混亂。以前覺得d早餐好有誠意，今日差到貼地。比我遲黎既食客都有得食，我就遲遲都唔見。應該俾我既餐，俾錯隔離枱，之後仲要俾隔離鋪既侍應攞走埋，先問其他人個餐去左邊重新再整俾我，原來重新整過早餐都只係需要10分鐘仲要個早餐既誠意真係十足，有蛋殼有鑊燶。環境亦十分噪吵，以往要求的寧靜環境已不再。這些噪吵的聲音不是屬於客人，而是屬於員工及煮食所發出。真係沒有最差，只有更差

朋友帶我來食嘅元朗隱世小店，因為間鋪嘅位置比較難搵，冇車唔會過嚟食😁😁今日我哋好早起身所以過黎食咗個早餐😸我叫左個1號餐雜菌奄列，比我想像中實在好食太多😻😻佢嘅多士有烘底，上面仲有煉奶同埋花生醬😁平時唔食早餐多事嘅我都食晒💗💗我朋友叫咗個班尼迪蛋，個蛋係流心嘅😸下面仲有啲溶咗嘅芝士，你想唔想像得到有幾邪惡🎶🎶另外我哋好健康咁叫咗一杯苦瓜雪梨汁同埋苦瓜蘋果汁，兩杯都係現榨既😻雖然係小店，同埋店面唔大，但係食得出佢地嘅食物係用心製作💗有機會再嚟食過🤗

已經多次光顧Moment Cafe，通常星期六、日想吃個豐富早餐，而又想不到別處，便會來Moment Cafe。我們點了牛角包餐和1號全日供應精選早餐，兩個早餐均附熱飲。相信這個牛角包餐是我最常點的早餐了，十分豐富，包括炒蛋、法蘭克福腸、時令沙律、水果和芝士火腿牛角包。 我特別喜歡他們的法蘭克福腸，咸味剛剛好，而且外皮脆脆的。另外，當天的水果有哈蜜瓜，非常清甜!另一份是1號全日供應精選早餐，包括雜菌奄列、法蘭克福腸、全麥多士、時令沙律及水果。雜菌奄列略嫌太乾，味道正常，而全麥多士則加了奶醬。雖然這裡的早餐不算驚為天人，也不算特別便宜，但食物感覺清新健康，漸漸成了吃早餐的好地方。

中學在餐廳附近就讀，moment成了我中學時期經常到的餐廳之一，學生們排了長長的隊伍等外賣。中學畢業了兩年，相約朋友第一次回到moment食飯，沒了學生優惠也只需平均$50多元一個套餐，已經是很便宜了，和朋友叫了兩份蛋包飯，沒想到超級大份！蛋包飯裏的蕃茄炒飯更佈滿融化了的芝士，薯角本來就有點鹹味，也炸得很脆，正正可以化解食太多甜的蛋包飯帶來的膩感，另外，同一盤子裏還有沙律和水果，將餐前餐後食的都在一盤中一併奉上。多年後moment的食物依然價格相宜又好食，份量更是中學時的double，不過份量太大，我和朋友都吃不完，有點浪費。

Went there for a friend's birthday brunchThe place didn't disappoint usWe ordered all-day breakfast set, as you can see, it looks super nice, portion is big and most importantly, it tastes good too.Seating is a bit packed though, but can't ask for more as price is cheap. Would definitely come back someday!

Moment 是一間舖頭細細，外面裝修具田園风味的小型咖啡店，設有2間地舖，內裡位置細細，但坐得也算Ok幫襯了多次，食物質素仍然保持水準，加上開業至今，沒什加價，堅持走經濟路線，受惠街坊，值得推介！主打簡餐及全日早餐，以腸仔，全麥包，奄列為主，好受欢迎！今天早餐~雜菌奄列、法蘭克服腸 、全麥包、什菜沙律腸仔外皮好脆，非常爽口， 奄列內的雜菌好充足豐富，雞蛋炒得熟透但卻能保持滑流質感， 全麥包外面烤得很脆，加上奶油花生醬 (多酱）非常好吃， 還有沙律，加上自製的士多啤梨醬，酸酸甜甜，很易入口。貨真價實， 希望餐廳能keep住水準 ，那便是一間值得不斷幫襯的咖啡店了!

都有一個月無黎啦，差左囉！先唔好講出食物唔跟次序！啲沙律菜超唔新鮮！成個菜頭放係面唔係用切好既包裝菜，而係自己買菜返黎切，嘩，又霉又黃全部菜邊都見到梅紅色，都唔知話佢買左菜尾，定切完雪到唔要得好，我見到都唔敢食，塞埋比我老公，仲要見到成個菜頭係度唉，唔係下話，禁都上得台，All day $82，另一個菠菜芝士三文治$42，已經全部都加左$4蚊價（上次黎已經加左）都比啲禁既野客即刻同老公講“睇黎又要另覓食點啦！”埋單個時都有同返佢講，佢都有話唔好意思，係唔小心跌左落去！我話“下，兩碟都有喎”個人覺得佢廚房轉左！個三文治連件包都係斷開既講返上野食既次序，我入既時候，係第一台，跟住我尾兩台，隔左陣再入兩台，嘩，台台都已經食緊，我地都未有，仲要第四台既人，都係叫All day，人地都食得，我都仲等緊杯熱啡上左好耐變左凍啡雖然味道無乜點變，但係以上幾樣野夾埋，真係已經火都黎埋

游完水，同朋友去左share一個餐，因為佢想飲咖啡，我想飲果汁，呢度就兩樣都有，我地六點係附近訂左枱食晚飯，未夠鐘，但我又肚餓，所以簡左班尼蛋包，佢有兩件一模一樣既包，就可以一人一件，啲沙律醬甜甜地幾好（但個人唔鍾意甜沙律醬，鍾意醋）仲有兩片橙同一粒蕃茄仔（個蕃茄我懷疑無洗過，有啲泥，又凹凹地唔靚，但我無同朋友講，就咁叫左佢食😂）我黎過呢度幾次嫁啦，幾鍾意飲佢個苦瓜蜂蜜雪梨汁朋友叫左個接骨木凍咖啡，我地都覺得個味有啲怪留意到佢地係唧唔同既糖漿整唔同味既咖啡啲醬個樽好靚既，我係其他咖啡店見過係外國造，我諗大家都見過。但個人唔係咁鍾意飲成品。苦瓜蜂蜜我諗我可以試下自己整黎飲，可以成日飲保持健康，又平啲。

今日天氣咁熱，同老婆游完水好想搵個地方坐低嘆個下午茶，飲杯咖啡。周圍行，見到呢度冇乜人，幾舒服，就即管入嚟試下。睇餐牌，見到有款班尼迪蛋好似幾下午茶feel，就點咗嚟試下，另加一杯接骨木花咖啡。先講下隻蛋，最底層係一片muffin，一片芝士，一片蕃茄再加一隻好滑嘅流心蛋。雖然幾層都唔係乜嘢特別嘢，但加埋一齊總係覺得好好食，蛋亦夠香，伴碟有菜絲沙律（沙律汁似係yogurt 味，粉紅色）。接骨木花咖啡好特別，入口有一種酸酸地嘅花香。入嚟輕鬆下絕對係一個好地方👍🏼

初訪Moment Cafe 店子小小 顧客多多剛好有位 靠牆坐 感覺舒適煙三文魚伴黑松露醬意大利粉 $82 醬汁入味 煙三文魚與番茄片交替包成小花沙律菜配了士多啤梨乳酪醬（好似係）還有小生果 感覺家常但別緻All Day Breakfast $82斑尼迪蛋😍😍😍😍😍😍 賣相味道不俗蜂蜜苦瓜牛奶汁（可選加蘋果/ 雪梨/ 牛奶）跟餐加$15 健康小滋味 再濃香啲效果更佳櫻花咖啡 跟餐免費 一般喝不出櫻花味 看不懂的拉花 但免費也OK啦會再來試試其他的～～

我今次是第3次這裏Moment Cafe吃早餐,今次遲了還有五分鍾中午十二時,我原以為没有早餐吃,今次叫了All Day Breakfast($82)好豐富早餐(法蘭克複腸、煙辣肉腸、阿歷士黑椒腸、Cold Cut火腿、班尼廸蛋、炸薯角配奶醬多士及雜菜沙津和生果),我等十分鍾早餐送上,首先吃3種腸仔,煙肉腸、黑掓腸有些辣,跟住食班尼廸蛋,我是第ㄧ次食好物别,.蛋黄有流沙配芝士蕃茄ㄧ起好看滑,底下有多士未烘,覺得好硬呢!再食奶醬多士已凍了,包開始硬,我想應該首先吃多士應該會鬆化些,然後食薯角很鬆翠點茄计吃,最後吃沙津菜很新鲜還有些麺包碎很好味和爽,生果有2片橙和l粒蕃茄。,還有杯熱朱古力有心型知忌廉朱古力,好好飲加十元到值得呢!整體早餐很豐富和滿足,吃完覺得精神爽利。