Moment Cafe

营业中

休息中

假日黎度呢間小店食個lunch，我地坐喺窗邊長檯，望住岀面街景，好舒服。今次點咗個牛油蒜子虎蝦意大利粉。意粉味道不錯，配搭嘅蒜子煮得好腍好香。可惜虎蝦肉質偏腍，不夠新鮮。飲品是朱古力曲奇咖啡，香濃但略甜。下次都係食番招牌all day breakfast 啦。

約左屋企人過嚟行下，襯住未夠鐘就嚟搵下好野食先入到嚟一眼就留意到個all day breakfast睇落好豐富咁，唔洗諗咁多，即刻叫番個試下先再揀左杯咖啡主菜終於嚟啦真係擺得好靚，味道又唔錯食完飲番杯Cappuccino整體環境同食物都唔錯，下次帶埋屋企人嚟試下

元朗高質用心小店cafe，歎佢嘅all day breakfast係非常之享受。店鋪雖然細小，但充滿綠色和植物的裝修，令人感到很舒暢，食物水準一流，尤其是德國腸。但記得要坐晚市前到，因為晚市時餐廳是不開的🤣🤣

係yoho打完羽毛球，行行下見到呢間cafe有位，起初都無望價錢，入到去有驚喜，午餐都係五十拎蚊，於是叫左個芝士磨菇蛋漢堡食，蛋味香，還有配菜加橙，感覺無咁熱氣。

今日同朋友想搵間cafe傾下計，嘆番個下午茶。再次來到元朗呢間小店，點咗個牛角包餐同班尼迪蛋share。一如既往的好味道，份量剛好，加埋杯mocha真係好perfect。依家好多地方都做all day breakfast，而且多數都唔平，呢間小店性價比高，值得推介

蘑菇蛋漢堡好難食，好濕立立，芝士味道一啲都不存在！初頭是我睇錯以為有肉，原來是全素的！雞蛋蘑菇漢堡，蛋裏邊應該有芝士，但係完全食唔出來，食落的這蛋與漢堡包皮基本上是不配合的，只適合素食人士，如是食肉獸的，千祈唔好叫，感覺不是太良好！

好耐無嚟Moment食野，今日有朋友自遠方來，一定要搵間唔會令人失望嘅餐廳招呼朋友我地叫左Special All Day Breakfast Moment嘅All Day Breakfast 份量一向無得輸，賣相好吸引，不過今日啲腸仔煎到有少少甩皮😝如果茄汁可以加多兩滴同另上會更好芝士蘑菇蛋漢堡配炸薯角我本身好鍾意食蘑菇，加蛋一齊炒做成漢堡，味道一流下次想試佢個手打牛肉漢堡唔記得影凍檸蜜同凍檸茶𠻹😅朋友好滿意呢餐，2個人食到好飽，今日雖然人多，不過好彩無用餐時限，可以慢慢食慢慢傾。

黎到元朗11點鬆d～又未有胃口食午餐～男朋友就黎帶我黎Moment Cafe 食Breakfast 全日供應嘅早餐選擇都幾多種類多士、三文治、Benedict、All day breakfast 包埋熱飲～叫左個牛角包餐芝士火腿牛角包，時令沙律，炒蛋，法蘭克福腸好豐富啊～早餐有埋沙律同水果，感覺好健康！牛角包同炒蛋味道就正正常常～不過不失最鍾意食法蘭克福腸～ 外皮夠脆～甜甜地～另外沙律個dressing 好特別價錢合理唔算太貴，性價比不錯～可以再黎食～

入元朗搵朋友，佢就推介呢間，話呢間既all day breakfast 好正，就去試下🤤🤤🤤我就緊係揀最豐富個款啦🤩一上碟已經feel到不得了，成個碟好滿我鐘意佢個班尼迪蛋🤤🤤食落去啲蛋汁湧出泥，配埋蕃茄同芝士，口感豐富，蕃茄令到成個配搭濃得泥有啲清新。多士都好正，烘得好香脆，同時個麵包依然保留到軟熟既質感。花生醬好多，每一啖都好滋味，一啲都唔dry。薯角好脆好多薯蓉，正。其他就正正常常冇乜特別環境有啲迫

之前經過都好想試下，中午時段好多學生，我地2大一細，叫左2個餐，1個辣雞炒意粉，味道奇怪，似泰式辣醬炒意粉，真心難食，價錢偏貴，可能我試過係區內食到$4x連凍飲好食既意粉，我就覺得佢連凍飲$6x唔值，另外1個叫左個漢堡連薯角，一樣唔好食，中間既免治漢堡扒冇肉味，醬汁又奇怪，好好奇廚師用咩味道標準煮食，如果餐廳只係all day breakfast 好食，咁就專注奇一，唔好出其他食物變成老鼠屎，性價比低，不會再來

呢間野真係好難食🤮，仲未執真係無天理，曾經係其他媒體分享過佢既員工有「幾好」禮貌，而家只講食物，因為附近既cafe食厭左所以又返黎呢度再食，諗住比多次機會佢，因為唔想食d有腸既餐就叫呢個芝士水果多士🥪，諗住健康d,Well~~~本身好憎提子乾🤷🏼‍♀️，點知幾廿粒老鼠屎咁鋪哂係度好傷心😑，然後d香蕉就咁拎去焗又氧化哂，色香味呢家野無一樣得🤬，仲有氧化哂既菜同跌打酒味既沙律醬，反映過佢都仲係咁，其實我好多朋友都話佢所謂自家溝過既沙律醬難食，只係唔想浪費食物先會食左佢，最cheap係而家問佢拎杯水，佢話無，得$2 支樽裝水，喂！想洗下刀叉我買支水把鬼咩🤷🏼‍♀️

叫左午餐 等左三十分鐘等半個鐘唔係問題 我諒解可能你繁忙時段 客多半個鐘後 請個侍應A跟一跟單 好 無問題再十五分鐘後 格離左右枱都黎齊午餐再問侍應B 佢竟然答我入單既次序係唔跟時間架我嬲到即走其實我想講 公平咩一間店再好食 但竟然係咁既待客之道 我真係寧願唔食！好嬲

星期六瞓到自然醒，早餐時間又過左，突然醒起之前朋友提過呢間既 ALL DAY BREAKFAST 好鬼掂，二話不說起身出車去搵食。去到剛剛好門口有一枱，今日天氣唔太熱，又有少少風，正！露天茶座FEEL ！ 一坐底，貪食的我，就點左最大份的 SPECIAL ALL DAY BREAKFAST，呵呵！乜都齊晒，一次過試晒佢！我仲叫左至愛泡沫咖啡，正！ 朋友仔就點左個 TWIN EGGS BENEDICT 加 榛子咖啡！上餐都好快，我一見到份 SPECIAL  ALL DAY BREAKFAST  已經心心眼😍，岩晒我口味，嘻嘻！接主朋友果份都到埋，賣相真係不得了，我地2 個 已經好肚餓，流晒口水，馬上啟動！SPECIAL ALL DAY BREAKFAST 都好豐富，有 3款唔同口味既香腸，我最鐘意係佢有 一個班尼迪蛋，一切開蛋汁慢慢流出，蛋下面塊多士仲係脆卜卜架，有驚喜！讚👍 佢個沙律菜都好新鮮，沙律汁好突出，正！

元朗區真係美食天堂，餐廳又多，好味嘅又多，可以日日早午餐都試新餐廳！今日揀咗呢間西餐廳，對出路邊可以泊車，門面幾有趣嘅係，餐廳有兩間店舖位，不過中間夾住間車房，店舖門外放咗有傘桌椅，好在彎位離馬路邊遠，無食塵去到差不多中午點半，剛剛有食客食飽走，坐室外四人枱，店員放低水及餐牌，介紹午餐特色後行開，比時間我哋慢慢揀，我哋示意先來落單香草辣雞意大利粉（$52）賣相驚喜，無唸過有水果同沙律，呢個意粉店員推薦，果然好味，意粉煙韌乾身，辣辣惹味醬汁包裹意粉，雞肉嫩滑鹹香惹味，蔬菜係青椒，洋蔥，爽脆好味！水果係兩件切橙（平時我唔食切橙）橙肉清甜無渣，好味，沙律菜爽嫩，少少沙律醬已吊到味！雜錦花茶（跟餐$15）玻璃杯雅緻，不過天藍色茶比同事話似魚缸！😆七彩乾花夾在玻璃夾層中，又靚又唔會成口渣！我無落糖，飲落清爽唔澀！帶菊花香！好飲同事食：芝士蘑菇蛋漢堡配薯角（$52）手打牛肉漢堡配薯角（$52）凍咖啡（跟餐加$3）凍檸茶（跟餐加$3）食物好味之外又顧及健康，比沙律同鮮橙！份量夠，男仔都食得飽！呢個價錢有呢種好水準真難得！店員有禮斯文，主動介紹午餐，我問佢啲花茶，佢又介紹餐牌無嘅雜錦花茶叫我試！唔覺煩

突然得閒想嘆一嘆，有B又有狗，係moment座外面啲位，真係岩岩好~閒日無咩人，啲野食即刻變返無禁“拿西”全部放返靚靚仔，份量仲多返啲，阿媽揀左松露煙3文魚意粉每啖意粉都有汁，啲汁既濃度岩岩好，但唔漏，而且清新！重點係好大卷煙3文魚，好正~我照舊要左All day唔知點解試過禁多間，雖然間間都係腸~蛋~包~不過我始終都係覺得呢間啲用料係最正，最有睇頭今次無要咖啡，要左熱檸茶，唔知係咪因為坐出面，呢頭落糖，篤完檸檬，杯茶已經凍哂lu