Moment Cafe

营业中

休息中

小店位於yoho mall 後面，元朗鳳攸南路近鳳琴體育館。這邊有很多小餐廳，今次揀了這間佈置很清新很田園的餐廳Moment Cafe。餐廳内外都有座位，很多人選擇坐外面，可能較自在吧~因為外面坐滿了，我和朋友只好選擇了室內座位，其實也不錯。餐廳以all day breakfast為主打。我們選了兩款。All day breakfast精選特色餐 ($82)這個餐很豐富，包括三款特色香腸 (法蘭克福腸 辣肉腸 黑椒腸)，兩片凍火腿片，班尼迪蛋，炸薯角，奶醬全麥多士半塊，菜沙律和橙。這個餐可以一次嘗試到三款不同的香腸， 辣肉腸和黑椒腸帶點辣。 凍火腿片味道很好，不太鹹和不太膩。班尼迪蛋的蛋是半熟流心，下面配上一片芝士和脆多士，味道很好。All day breakfast是跟全麥多士，感覺很健康。唯一不好的地方是奶醬太多，碟上其他的材料如菜沙律和橙都沾上了奶醬，感覺有點奇怪。 另外一份是輕盈份量的all day breakfast ($42)。這份有蘑菇奄列，法蘭克福腸，奶醬全麥多士半塊，菜沙律和橙。這個all day breakfast 份量比較適合女士。蘑菇奄列不錯，很多蘑菇，很香。同

食物還尚算不錯，但是價錢頗貴而且很可惜，甚麼也不提供不提供水，不提供紙巾想問店員拿飲管時，只在她伸手可及的位置，卻說要自己拿。。。結帳時，我給了店員金錢和帳單她和收銀機只是一步之差，卻一定要我自己走岀來結帳，我可真是無語了。。。。。

係元朗雞地果邊，特別多小店。今日去左元朗呢間moment cafe。成日都聽人講佢既all day breakfast好好食好抵食，今日終於可以試。的確好好食，特別係佢加入左有花生醬既多士，腸仔款式都多，egg Benedict亦非常出式😍😍😍

依間cafe係我喜愛既小店之一，每次黎到都會好多人等位，就好似即使今日係下雨天，門外仍有唔少食客撐傘等位，可見大家對依間餐廳既喜愛。All Day | $82 |All Day餐內容豐富，三款唔同口味既sausages，尤其偏愛黑椒腸，開頭食一兩啖都唔覺辣之後愈食愈辣，其他兩款腸普通但好食；奶醬多個包烘得夠脆口👍🏼 唯獨是時令沙律個dressing味道偏甜有啲怪怪地，如果可以轉做柚子醬就更配合同醒胃，另外係benedicts下面塊芝士，好硬，如果可以溶啲會更好。玫瑰咖啡 | 跟餐+$10 |玫瑰咖啡一向係我致愛，無諗過佢地既咖啡一啲都唔求其，個拉花都好有心機，賣相一流！味道方面咖啡味比較重，蓋過左玫瑰花味，如果可以取得到個平衡更佳。

放工來到moment cafe試下睇下有冇好野食同同事吹下水咁一流不過moment cafe 店面唔算大 佢分左兩間鋪面 另一邊大啲坐得舒服啲 不過被安排係原鋪 原鋪較窄較逼 要同人塔檯講野就真係唔太方便另外鋪入面有某個員工比較惡可能自家經營嘅小店 人手不足比較惡掛 其餘都好nice 講返食物 其實小店造出黎嘅食物都好有質素重點係份量多 大大份班尼迪蛋 賣相好靚 蛋黃流心 不過蛋包飯就普通小小 蛋好似食到有生粉味 不過飯底真係好大份好多 岩晒啲男仔食 唔會驚cafe 食唔飽而且佢會配薯條 薯條大大舊 用正中薯仔切總結黎講其實食物ok ga 係環境比較逼

Moment 嘅all day breakfast 一直係我食all day breakfast 嘅首選～用嚟打卡一流，佢嘅食物擺得好有美感，睇落去又好豐富，顏色又整得好吸引～當然味道都有返咁上下，最鍾意食佢嘅薯角，真係新鮮炸出嚟，擺入口仲熱辣辣嘅～今日嗌埋佢個花茶，影相打卡就一絕了～

星期六不需上班, 總是休休閒閒的渡過, 到了食 Tea 的時間, 總會心思思的想去食野,  由於第一次光顧這家店舖後便愛上, 一想吃東西便想起它, 食物質素非常好, 新鮮美味, 價廉物美, 今次第一次嘗試 All Day Breadfast , 店員放低這一大碟食物, Oh...My God 一看之下真的赫呆了, 食物豐富, 全碟擺放得真吸引, 淨是眼看就很想食了, 不再等下去, 立刻開餐!  沙拉菜好新鮮, 腸仔好好味, 多士和薯角都是新鮮焗製, 最吸睛的都是它的招牌班尼廸蛋, 真的冇可比美 !  再加一杯清香花茶, 甜味剛好, 不會影響花香, 又大大杯, 兩人份的 All Day Breadfast 只有我一人享用, 真的感覺滿足, 為這個休閒的星期六添加不少色彩 ! 

睇早場前黎食個早餐😆環境舒適，有露天空間選擇餐牌上選擇多，好多都有配沙律同水果，好健康🤗都有junk food type, burger配炸薯條😂😂大部分$42蚊左右，價錢實際😉牛角包餐賣相唔錯份量大，沙律新鮮唔會太多sauce炒蛋同腸仔味道都正常幾欣賞牛角包內有蕃茄，生菜，芝士同火腿，中和到芝士火腿既油膩🤗🤗💕芝士奄列配多士奄烈味道一流😉多士配上花生同煉奶醬，仲係全麥多士！可惜整體份量較細，男士可能唔夠飽😂😂飲品都令人覺得特別好飲，檸蜜真係用蜂蜜沖，凍holic又濃味，唔會溝水令到好淡味😂 (係我近期飲過最濃味既凍holic😂)

今日放假可以瞓晏少少，唉...一個單身女子去邊好？雖然未有人陪伴都要對自己好D，所以決定去食個豐富早餐。由於下午約左朋友去元朗等，所以我先早點入去，諗住行下街，同埋食個靚早餐，被我見到Moment Cafe 。🤔我見到有人食佢嘅Special All Day Breakfast, 勁大份，好似幾正，決定一場入到元朗食好D。😏😏😏真係見到都興奮，好豐富，好多種類，最愛班尼迪蛋，熟與不熟之間，又有不同腸類 吃點沙律唔會太dry, 多士滿足了澱粉慾望。😋😋😋太滿足了，一個人也可以好幸福。🤩🤩🤩

早餐一定要食，而且要食好dd先得，話晒一日之計在於晨🤤而最開心係，能夠有一個可以隨時約到出黎一齊食早餐嘅朋友。呢間餐廳，出名嘅嘅all day breakfast,雖然係超級吸引，但我地兩個又真係冇甘大個胃容納到個份all day breakfast,唯有都係食返個normal breakfast la!我就揀左牛角包餐，其實都好豐富，腸仔、炒蛋，牛角包入面仲有芝士火腿同蕃茄。友人就揀左奄列餐跟奶醬多士。我地其實都好欣賞佢配沙律嘅醬汁，甜甜地好開胃，仲有兩塊鮮橙，成個人都fresh 晒🥰

今日就帶啲朋友過嚟試吓呢間我間唔中都會嚟食嘅餐廳，喺區內已經係出晒名嘅平民all day breakfast, 舖頭算係幾大，有兩間地舖，同埋可以坐出面，算係幾chill ga!一個咁嘅all day breakfast閑閑哋都要差唔多成舊水,呢度只係40-50有交易，有平有貴任君選擇 ：） 所以我間中都會想黎食下。炒蛋份量足、多士有埋奶醬、benedic egg 都睇得出有心機整嘅☺️ 咁嘅價錢有咁嘅質素性價比真係超高！同行友人重大讚杯咖啡好飲tim ！

元朗嘅西式早餐好多選擇，淨係雞地已經有幾間啊，當中最出名嘅就係今日嚟到食嘅呢間Moment，眼見都幾多人去食下如果唔好彩就要等位啦。All Day Breakfast就要嗌俾女朋友試下嘅，港女至愛呀哈哈！花茶香而唔甜，飲完幾醒神，值得試下！

上次第一次到來吃了招牌班尼迪蛋餐, 今次再來便試中午的意粉 Spaghetti, 嘩 ! 真係冇得彈, 意粉炒得好有鑊氣, 好似食緊大排檔小炒一樣感覺, 好好味, 意粉軟硬適中, 我好鐘意好有口感, 份量亦剛剛好, 不會太少或太多, 加埋好新鮮的配菜一起吃, 真的要講多一次, 好好好好味再加上極爽脆沙律菜和橙, 真的配合得很好, 相信食肆老闆絕對花了很多心機才會有此完美配搭, 每一口都感覺到他/她的努力 !  雖然, 該小店整體裝修一般, 亦沒有很高級的感覺, 但感覺奇怪, 好像在家! 不知是不是刻意營造, 但食品質數真的無可挑剔!  會再黎光顧, 或者會成為我指定飯堂 !

話說book左15人一起去食all day breakfast，舖頭話有位，已經立即趕到。入到入面，老闆娘話全部15人位都係背住牆，都唔緊要。之後問佢等多陣d人食後，我地可唔可以拍埋一齊坐。佢話位就移架啦，係咁架啦，你地坐唔坐，唔坐就唔好hold住D枱...........其實唔得咪唔得囉，使唔使去到咁串呀⋯⋯開得門口做生意就預咗人問架啦。其實之前食過一次啲嘢凍冰冰都唔係話特別好食。現在印象更加差👎🏻👎🏻👎🏻👎🏻👎🏻👎🏻

平時週末行過都會見到好多人帶埋寵物黎食，今次中午時候黎到，店員安排隔離舖室內就座。依到既all day breakfast種類有好多，輕食/重型啲都有好多選擇。．🔸Special All Day Breakfast $82份量十足，係有史以黎食過最大份既all day!講真兩個人share黎食都夠😂有三隻味既特色肉腸、火腿、班尼迪蛋、炸薯角、奶醬多、沙律菜同水果。如果想食少啲份量，其餘仲有好多早餐選擇供應。價錢仲非常抵食添😀🔸鮮茄雜菇意大利粉 $52如果你係素食者，依碟可能就係你既心選！超大一碟！除了有唔同種類雜菇，配菜有青椒同蕃茄，十分豐富。另配水果同沙律。🔸士多啤梨梳打(跟餐+10)🔸櫻花咖啡 (跟餐+10)．by VIN環境分數: 6/10食物分數: 6.8/10