Monster Sushi (已結業)

呢排d壽司店一到夜晚就半價，所以感覺好抵，呢排就同友人排隊試下啦七點去到有十個人排隊，不過我地係兩位，等左五分鐘就已經可以入去先原來得壽司刺身同飲品半價，其他小食冇，所以我地主攻壽司。店員仲提我地有每位最低消費100蚊。上菜速度幾快，而且都算新鮮。刺身都擺得相當靚，赤蝦夠大隻啖啖肉飲品就有少少伏，巨峰乳酸沙冰雖然粉紫色好靚，但係太甜，有d似藥水味。藍莓mojito雖然冇酒精，但係相當好飲！埋單二百幾蚊，都算抵

今日決定食日本野！咁岩monster sushi 做緊promotion所以由一壽司轉投ms懷抱一去到已經覺得座位好寬敞所謂要食得好一定要坐得好！第一印象good!!坐底叫左一堆野食，有幾樣野值得推介首先三文魚腩好新鮮，好肥美呢個價錢黎講算係相當好食另外海膽亦都冇腥味，平時我唔多敢食海膽的不過唔知係咪我小食，我覺得海膽味好似唔多夠有一樣special食物值得推介就係蝦膏甜蝦海膽軍艦啦！好特別，蝦膏味好濃郁，又唔會腥，正！唯一美中不足係上菜較慢，可能因為promotion客人多左下次會再黎食！

monster sushi最近做緊壽司半價優惠, 咁就約埋d friend去食啦。 由於半價關係,無得book枱,只有walk in,所以都排咗成個鐘先入到去。 入到去都無失望,本身都驚半價人多質素會降低咗,好彩都無。 下面有部份果日叫咗既野食相片, 炙燒三文魚配芝士真係好好吃, 其他好似軟殼蟹壽司,帆立貝同厚切刺身都好好食。 雖然小食無半價, 但呢個雞翼好好食,所以照叫。 不過唔知點解廣告上既特色壽司好似無咗,所以今次試唔到,有d可惜。

以往幫襯Monster Sushi 好多次，每次都相當滿意，軟殻蟹手卷，帆立貝壽司，海膽軍艦，牛舌都鮮味十足ichiban👍🏻, Monster Sushi 最近搞半價推廣，既然正價我都幫襯，半價當然不會放過，卷物，刺身，手卷，壽司都有半價，我一口氣叫了十幾碟，試過之後，只嘆一分錢 一分貨，全部水準都係得番一半，軟殻蟹手卷嘅軟殼蟹似係剩番嘅頭頭尾尾兼且稔晒！帆立貝，喜靈魚和海膽軍艦無咩鮮味，其他如三文魚，左口魚裙邊都係平平無奇，唯一例外係鰻魚壽司，尚算合格，我諗正價先再幫襯好啲。

聖誕isquare食tea, 呢間要排隊, 諗住應唔錯, 都等左半小時, 坐迴轉台, 只提供午市套餐, 3分鐘上前菜, 試過第一口湯...就唔熱...失望,接住等左10分鐘飯到, 賣相還可以, 食落, 1餸好少, 2飯太爛, 最後黎壽司, 賣相還可, 新鮮度一般

平時公司加班收得工黎都已經到9:30pm, 時間剛剛好可以食到優惠時段, 可能真係太夜到達, 星期五晚竟然無需等候便可以入座入座後, 二話不說先點菜, 基本上以下食物每一次都會點, 貪佢夠創意, 出色除咗壽司外, 呢到既小食也不錯, 一客三件, 煎蛋上有一小堆蟹膏點綴, 令玉子燒更加鮮味銀邊三文魚腩非常厚切, 肥美無比, 最後要再encore 一客海膽吞拿魚腩卷要同友人一人一客先足夠, 雖然紫菜已經淋左, 但紫菜包住的全都是吞拿魚腩蓉, 再加上面層新鮮海膽, 每食一啖都讚口不絕海膽認真是原塊上, 每一塊都好大塊 蒸蛋比我預期中大碗, 兩個人share食都冇問題, 熱辣辣, 冬天食就啱晒牛舌好淋, 每一塊上面有蔥花炸蒜粒, 連埋一起食, 非常惹味有甜蝦龍蝦沙律, 夾住少量芥末籽, 好夾, 多重口感炸雞軟骨份量多, 配埋甜甜酸酸沙律醬一流帶子壽司同吞拿魚壽司兩者都好新鮮, 質素唔會因為用coupon 而下降

之前係Facebook見到Monster Sushi做緊半價優惠,5:30p.m.後所有刺身、壽司、飲品都係半價!! (熱食就正價既~)所以就決定慶祝男朋友仔包生日果日黎試一試佢至愛既日本菜~黎個自我興奮假放題啦果日係星期六,同我預計既一樣,我地5:15p.m.左右到左都已經開始有人排緊隊 排緊隊既同時,店員會派定d點心紙比我地剔著先,但由於我地兩個人比較鐘意看圖FF,所以我地決定入到去先至再睇著Menu慢慢揀過左5:30p.m.我地大概等多5分鐘左右就可以開始入去,入面有Bar枱同窗邊卡位, 當然我想揀窗邊卡位喇,但原來卡位要四個人先至得..不過唔緊要!!!之後一定有機會再黎過嫁!! I will be back!!!!店入面既環境都唔錯,空間夠大,感覺舒服兩個人可以慢慢傾下計仔好!!入正題喇 Menu入面既選擇比我想像中多,但同時亦都冇左我之前睇食評見到想試既菜式,就好似哥斯拉卷同和風極上刺身盛果d..所以都有ddddddd失望我地兩個人一次過叫左一個刺身盛、一個沙律、 十八款壽司、四個熱食同一杯飲品,總共二十五樣野諗起都開心仔點完菜之後野食都黎得好快~大概5分鐘左右就黎左杯飲品同

行尖沙咀見到Monster Sushi 現在舉行「半價寿司祭」 覺得十分吸引一於去看過究竟。我們大約六點半左右到達，門外已有人在等候幸好我們兩個人到齊可以立即入座蒜香厚燒牛舌 - 牛舌香味濃郁而且軟腍十分好味玉子燒 - 玉子味道淡，比較硬身味道一般劍魚腩、油甘魚腩寿司 - 寿司飯比較大件把劍魚和油甘魚的味道蓋過，只得一口飯鮮味欠捧象拔蚌、赤海蝦、帆立貝寿司 - 不知何解象拔蚌和赤海蝦好像放了很久有點風乾了似的，帆立貝比較新鮮食落甘香鮮甜有鮮味龍蝦沙律、呑拿魚腩海膽軍艦 - 龍蝦沙律軍艦味道出色龍蝦彈牙紫菜脆口，吞拿魚腩海膽軍艦味道不過不失海膽味比較淡不過冇腥味黑松露三文魚 - 三文魚微微火炙過魚油香味四溢再加上黑松露提鮮，味道一絕黃金卷 - 加州卷外加上一層芒果肉味道豐富，充滿了芒果的香味，十分吸引呑拿魚腩海膽手卷 - 味道一般海膽味淡，紫菜夠脆

難得又girls talk, 本來去食一壽司，見太多人排隊就上左黎monster，竟然一樣咁多人排隊😑但水準好似下降左好多，特色嘢無晒，得返d普通款壽司🤔玉子燒一般，好似唔夠熱。刺身係新鮮的，但細件。壽司就真係一般...................最後呢個新款既有海膽有吞拿魚又三文魚籽的丼都還可以。

刺身海膽都有半價，即管叫一板試下。點知黎到先知中伏! 一板是平時餐廳一板的1/4, 只有4件普通size海膽! 味道亦只是一般!半價後都要接近90元! 勁後悔叫左! 其他食物ok。

論排隊—七點黎到已經條隊幾長下，無飛拎要乖乖地排隊，因為得兩條友所以排到第十個左右 ，職員就問是咪有兩位，可以入先，就咁我就同朋友帶住勝利既微笑入左去，望住等三四個位果批人我諗佢要等成粒鐘，慘慘豬。不過食完出番黎，八九點鐘，其實好少人。論環境—黑，好似好有格調。乾淨。坐既位置感覺有少少似同人搭臺，同一張臺同一張沙發，不過個位都幾闊，無咩問題。論食物性價比—整體黎講，價錢好似平過元氣少少。難食既無影到。最難食係帆立貝，唔知佢唔新鮮定點。帆立貝個樣好好睇好肥美但實質苦到喊，入口就好似見到你以為一個好好睇天生麗質既女仔係你面前落妝咁，好苦。第二個唔係難食，只可以講唔好食。就係玉子，我認為既玉子係甜既但佢唔太甜。口感都差少少。燒既油甘魚幾香幾好食，推介下，不過無圖。牛油唔知咩菇份量都幾多，不過味道還可。論服務—無走單，人地咁忙唔會奢望見到咩笑容態度好。不過有時見出面排緊隊，但其實裹面有位不過未汁好臺，感覺有點兒微妙。總結—我見人地講帆立貝好好味咁，如果你自認你食果日運氣唔係幾好，咁就唔好叫了。整體都係抵，點左唔少野兩個人買單３００多少少咁多。不過睇在個玉子同帆立貝份上，唔想比笑臉。

是咁的~果日係我嘅生日,我嘅女朋友就準備一日滿滿嘅行程 所以我事前係唔知黎Monster Sushi食晚餐 呢排餐廳就做緊壽司刺身半價啦(熱食果d仲係正價) 所以就想黎試試 晚市五點半開始 我地五點半就到左已經見佢set緊line排隊:排隊果陣,已經有職員俾menu我地剔,可能想d顧客可以快d有野食掛,之但係我地又想睇下圖先決定所以就冇喺排隊果陣剔啦…大約1745就入去坐企左,樣樣都想試所以都剔左好多:左邊係吞拿魚腩帆立貝,呢個真係要用“世界級”黎形容,吞拿魚腩(蓉)好香甜已經不在話下,帆立貝係超厚超鮮甜超肥美,一啖咬落去你第一下會食到吞拿魚嘅鮮甜但係好快就會俾更加鮮更加甜嘅帆立貝搶曬個味,出面食貴d嘅帆立貝會俾你食到海鮮果種鮮甜,帆立貝嘅爽口質感,但呢到會多左一份肥美,係肥而不膩嘅味,絕對一定要試!!!右上分別係馬刀貝(左)同象拔蚌(右),個人覺得如果唔係特別喜好蚌類嘅人,呢兩碟可以二選一,而我會叫象拔蚌,呢兩種蚌類嘅鮮甜係淡淡地,好清新果種(啫係唔同帆立貝果種咁濃),但係馬刀貝同象拔蚌最大分別就係個口感,鐘意彈牙爽口嘅一定要叫象拔蚌,真係好爽好彈牙,絕不痴牙!介紹下熱食,呢個係牛舌

好耐冇食過啦，等咗半個鐘就入得以前好鍾意食佢嘅鰻魚蛋卷，今日唔見有，得原味都照食啦。暖既都唔錯，少d汁會更好，都軟。火炙三文魚有少少黑松露，燒得唔多，三方魚算大件。刺身帶子大粒同鮮，甜鮮比想像中細同不夠甜。其他都好食清酒煮蜆，份量好多，估佢唔到抵，又有茹同無沙頭。軍艦有海膽同三文魚子，海膽唔算新鮮但都唔okay，三文魚子好卜卜脆。半價嚟講算唔錯啦。

在尖沙咀行街見到有姐姐拎住個牌寫住Monster Sushi 「半價寿司祭」 ，所有壽司、刺身都半價，咁筍當然要去試下～5:40pm到達，等了大概10分鐘左右就有位坐。既然半價，見到有興趣的一於全部叫晒，等待食物的時間都算合理，比想像中快呢。最難得是質素沒有因為半價而降低，飯團不會過硬，吞拿魚、帶子、三文魚都很鮮甜肥美，保持一貫水準，還食了季節限定的吉列炸蠔，很滿足的一頓晚飯呢。服務尚算ok，冇乜特別，如果可以講D推介食物同埋多D笑容就好啦。

平時食迴轉壽司食到厭，今次就試吓呢間打高尚路線嘅壽司。先來一個創意十足嘅芒果花之戀。三文魚都幾新鮮，而且配合清甜嘅芒果味道好正。火炙醬油魚背裙邊，口感極之幼滑，油香味重！配埋點點辣醬好滋味帶子大大粒，非常爽口清甜。唔會有好似平時唔新鮮嗰啲梅梅地咁嘅感覺。牛油炒雜菌分量唔算多，不過牛油味幾重，味道都唔錯。而且用鐵板上保持溫度，可以慢慢食。不過人手略嫌真係有啲不足，服務速度緩慢。其實外面大排長龍，但係入邊幾員工執唔切枱，所以要等好耐。