MOS Burger (錦薈坊)

营业中

休息中

飲食男女有5蚊CUPON咪走去試下! 套餐適用!讚：魚柳包! 好味到不得了!食物熱騰騰!彈：真係幾貴! 脆雞唔太好食！　比不上KFC!有錢就會去食多次!

如果不是有優惠劵,我都幾難再到訪MOS,一來價錢貴,二來一個餐又食不飽我(怕羞),無可能一次食兩個餐食咁得人驚嘛.打完羽毛球肚子餓到不得了~~~~但是MOS的包類有十五款,選擇困難症…諗諗諗,好在有個醋字行頭的黑醋SakuSaku雞肉漢堡,不用煩了就要這個.(酸野優先).而老友就點了吉列蝦漢堡,這個我都好想試…我跟A餐厚切薯條飲熱檸茶,老友跟B餐選摩斯脆雞飲薑味汽水.即叫即制,等十分鐘後成盤食物送上,成盤花咁好壯觀.漢堡包的包上層超厚啊,下層對比下就薄少少,麵包我估不是嘉頓卦,因為無食開的’嘉頓味’,麵包甜甜地,蜜糖味似的,而且好香好鬆軟.椰菜切到極幼絲,清爽脆甜,大大劈主打黑醋醬汁超好味,勁呷醋,配上甜甜地的沙律醬,估不到可以這麼味美中間塊炸雞肉跟本全被蓋過去了.哈哈薯條熱到拿不上手,攤了一陣放入口都很熱啊,裡面好多薯蓉,好正好正.和三個O的薯條出品一樣質素!食到最後一條都KEEP住熱!紅茶包用上TWININGS的English Breakfast tea,茶味香純,配上絕配檸檬片,多分檸香.平時都有飲開TWININGS茶,既然這裡跟餐就有就一定要飲啦.餐廳在配套上都很貼心,除了茄醬

搬進屯門數月, 已經光顧多次,都是第一次寫食評。n年前mos剛到港時在旺角吃了一次當時覺得又貴又唔好食, 可能因為我冇堂食結果就再冇食過數月前在台灣再吃了一次發現原來mos都幾好食(吃了鱈魚堡)當時在台灣的雜誌看到mos有即沖粟米湯,可惜沒有時間去買搬進屯門後,發現有mos於是就來試了, 因為儲夠印可以換杯, 於是一有機會就來吃最好吃的是黑醋雞, 摩斯漢堡, 蝦堡我覺得麻麻, 海鮮珍珠堡不錯但細左小小近來的加喱雞堡也不錯但醬太少, 當天個汁傾側一邊(我見到鄰人座有人要求加汁)至於其他小食中, 最好吃的是薯餅, 是番薯+薯仔, 單買13元好貴,但原來炸雞set可以轉薯餅薯條好吃過麥記, 炸雞冇咩特別, 沙律幾好吃, 雪糕也不錯飲品試過coffee ok, 最好喝是凍紅茶, 可以選加lemon/milk,但我覺得淨飲個茶好香粟米湯我覺得太淡,不過中意清甜的人可以一試mos最好的地方是即叫即整, 所以炸物做得最好,不過好熱氣同埋包的配菜分量多+新鮮不過價錢就小貴, 一個包加set最少要35元自從食左mos後我就不吃麥記了, 因為麥記實在太難吃已儲夠5個印花,杯得手了, 都幾靚

之前黎果陣，係做緊裝修。乜野都睇唔到咁，呢日行過呢頭又唔知食咩好，咁就入黎食個lunch啦。咖喱芝士脆雞漢堡呢個係新出既，其實都唔錯架。不過我覺得個脆雞細舊左小小，但個味道都唔錯。而且雞肉唔鞋口，咁都算唔錯啦。而個咖喱汁唔算太辣，同個芝士算幾襯既。整體上個包都唔差既，食得過。粗切薯條一向都覺得好好食既薯條，好有薯味架。而且係新鮮炸，好好食架。而且唔算好油，正。凍咖啡個味真係好濃，好似係即磨咖啡再加冰既味道。點都好，個咖啡飲完之後真係好醒神。其實，Mos Burger都唔算太貴。野食既質素都唔錯，服務又幾好。實有下次既。

我記得第一次見到 MOS Burger 係喺朗豪坊！估唔到而家進駐屯門市中心！全港十八區，只得15 間分店嘅 MOS Burger ，其中一間喺屯門區！可想而知，屯門市中心係人流集中，佔盡地利！但係我一直都未幫襯過，因為我對漢堡包興趣不大；細細個已經食唔少老 M 牌漢堡包！大個咗當然要品嚐各種美食！無謂侷限於一種食物！最近，我行過荃新天地，見到 MOS 個 Menu，先知呢度嘅賣點係日式及特色漢堡！每個漢堡大約 $18 ~ $22 不等，加埋飲品或套餐，起碼 $35 ！再睇埋 Openrice 食家嘅食評，真係令我不試不可！入到屯門，已經好肚餓，所以買咗：珍珠海鮮堡 $22 + A set ( 飲品 + 細-厚切薯條 ) 再加 $3 轉黃金粟米湯 珍珠海鮮堡：即叫即做，熱辣辣，食剩 3 份 1 ，仍然有煙出！自從多年前喺 "大X活"食過 Rice burger 之後，再無食過。今次帶俾我有一份新鮮感！珍珠：係日本珍珠米，無味，勝在夠軟熟，全靠醬汁。海鮮餡：蝦、魚柳粒、洋蔥絲、紅蘿蔔絲、豆角，全部入味；黑椒醬汁有點辣仍好惹味！厚切薯條：我本著少吃多滋味，多吃壞肚皮心態一試細薯條！炸得金黃

自從好多個月前樓下開了呢間mos之後，幾乎個個星期都幫襯兩三次以上，初時是因為食物既包裝同味道，賣相同埋晌日本旅行時食既感覺一樣，每個麵包同幅廣告相一樣咁精美，味道亦都滿分！講到味道，我最鍾意食佢個蝦漢堡，每隻蝦都有蝦應該既質感同味道！唔好以為呢樣野係好基本要求，只要食過另一間M字頭早前出過既蝦漢堡就知呢個看似基本既要求已經唔一定做到…另外佢既炸雞塊都好好食！比起另一些炸雞店又唔油，個包裝又設計得好，唔會整油了隻手。總之晌呢間分店出品既所有野我都比好高評價。誇張d講直情係食出幸福既味道！不過驅使我login寫食評既原因~係因為我好欣賞呢間分店既絕大部份員工既工作態度！睇得出佢地都係好鍾意呢份工，對客人笑容好友善，唔會好機械式咁去收銀。其中一個矮矮地既男仔同埋兩個好似已經無晌呢間鋪做既女仔最好工作態度。另外，因為近排商場外牆裝修，窗外景色被遮住了，本來個景都令人好relax的。希望快d裝修好…

今日學校早放,所以就來左mos burger開餐啦。我地總共3個人,要左兩個脆雞漢堡同一個芝士漢堡tea set。每個set都係18蚊,連埋一杯指定既熱飲/coke。都ok喎,18蚊既tea set..可以滿足到我既慾望。我叫既係芝士漢堡tea set,飲熱咖啡。杯咖啡7分滿@@ 算係可以接受啦..不過味道就唔係太好啦,重有改善既空間。雖然佢唔係陳豪代言,不過都應該留意下咖啡既質素=]重叫左兩包大既厚切薯條。熱辣辣,大大條~~每包都係10蚊。呢個真係超抵。 如果鐘意食薯仔既朋友,呢個係我既心水推介。另外,原來依家學生去呢間分店,叫普通既SETA~C..係有九折!真係更加吸引到我再來。

呢日唔知做咩會興起，想去呢度食個午餐。因為出左個新餐，所以都吸引左我地去。滿滿流流芝士漢堡個芝士好似芝士丸既芝士，個味道又係唔錯。牛肉好juicy，好鬆軟。個包事先烘過黎，所以幾好食架。厚切薯條唔錯，好有薯味。而且份量都唔小，好食過M記多多聲架。個餐都唔錯，又唔算太貴。而且個包真係幾好食，可以有下次既。

呢間野出左名夠熱 夠快 夠哂正我因為一次朋友介紹 一食就愛上搞到我無哂去M記既動力都無我平時就會去開 青衣 個間但係 屯門 都有所以就去試下(之前都有去過)真係一叫就到不過出黎效果都係咁正D野食夠哂熱個間野都好大嫁 唔怕會無位 員工服務好又有禮貌 熟野既時候佢地有講有笑真係好投入工作 所以佢地係開心既心情下整野食一定會好好味的真係好正你住屯門 唔試好笨呀!

今日跟我的朋友~去去市中心那間mos berger食野,,,第1次去,,感覺幾新鮮^^入到去同朋友各自叫左個餐~我叫左黑醋sakusaku雞肉漢堡加A set~可樂,薯條加大~超多-v-厚切果然厚切!熱騰騰!我朋友叫左個脆雞漢堡~B set~可樂,雞塊4件,,好大舊~好多汁xD好味食個包都超飽~女孩們試得過^0^店舖叫野食,,差吾多即叫即到,,好快手-3-我推介屯門人士去食下~未常係一個好選擇^^

同BF想食平D, 即想到Mc Don Don等食都食到悶ge快餐...其實都知道屯門有Mos burger好耐! 但一路無機會去試~ 餐廳位置好隱蔽!!Mos cheese burger + 周打蜆湯+ 北海道牛奶雪糕 = Burger px + $19 setFresh burger + 薯條 + coke = = Burger px+ $15 set兩個burger都應該係即做即做(唔知係咪無人?) 食落去熱辣辣~ 好好味! 牛奶雪糕& 薯條etc pdt都唔錯!P.S. 個湯好creamy, 夠多蜆, 又夠熱! suprise!~

MOS Burger是我成日會去食店之一.有一款以飯為材料漢堡,平時一般漢堡以麵包來做配料,MOS Burger有一款珍珠海鮮漢堡(22元),以飯來取代,真係好好食,即做即制,感覺材料好新鮮,食下去好熱,加餐要15元,今次要了綠茶牛奶,味道都唔係好甜,薯條都幾好食,MOS Burger是粗薯條,估唔到咁好食屯門分店在公司附近,我多數是晚餐時段去.價錢貴左些少,十分好食,物有所值

好耐之前同朋友去屯門 mos burger 食早餐點左早餐 c -- 照燒雞肉漢堡套餐 配 黃金粟米湯首先講個包包皮有 d 脆 , 好香生菜咬落去索索聲 , 極度新鮮爽甜雞肉好正 ! 尤其個 照燒汁 <--- 我超級中意 ! 到個 黃金粟米湯里個湯係杰嫁 ,,, 絕對唔似其他快餐店咁勁溝水好希而且里個湯好香甜 ... 好有栗米味某個連鎖快餐店都試過推出栗米湯 但味道淡 , 料又唔足 d 漢堡包 入面既菜又爛又梅扖極乾冇汁所以 ..雖然 同價錢 ... 但一個天一個地宜家我每星期都要去 mos burger 食過早餐 c 先安落乘日都對里個包同個湯心掛掛講起宜家又想食啦 !

兩間M字頭同時推出蝦堡~今日先試呢間..吉列蝦漢堡 +set A-$37 x 2, 醬味吉列豬扒漢堡 +set A -$34先講我地期待既吉列蝦漢堡--厚厚既漢堡包既夾著吉列蝦餅和椰菜絲賣相幾好~,麵包因為烘過~外脆內鬆軟，好多椰菜絲…一路食一路趺~蝦餅感覺新鮮~微熱又脆，而且食到有蝦肉，肉質尚算彈牙, 滿意他他醬份量剛好, 因為最怕d醬太多會整淋個包~整體質素幾好。醬味吉列豬扒漢堡---又係期間限定item~所以咪試下囉~漢堡包依舊好食~但夾住o個塊吉列豬扒肉質又乾又嚡, 又冇咩味~d醬汁味道似照燒汁，鹹得黎甜甜地~但係就太多..整淋左個包…宣傳既廣告圖好似好吸引~而被騙了…薯條就係一貫既脆~咁當然比另一間m字頭好啦~飲品選擇雖然多~但唔多吸引~我飲既咖啡就唔夠濃..質感較稀…會再黎~因為屯市就只有呢間burger店

入店去吃，內裡小貓兩三隻，員工仲多過客，店內好整齊乾淨，見出了個三周年漢堡，就要它，加多個黑醋Saku saku 雞堡。黑醋…味道很不錯，黑醋味酸酸甜甜，加上沙津醬的美味，配上脆口的雞肉，正呀…三周年…漢堡麵包夾著牛肉漢堡扒、芝士和洋蔥，配上黑椒醬油汁。但洋蔥好少得幾條，唔夠惹味，幸好有黑椒汁吊吊味。