MOS Burger (錦薈坊)

营业中

休息中

屯門的Mos Burger分店一向都是魚子媽的小飯堂，多半是下午茶時間就會來，或許是地點少許隱蔽，很容易被人遺忘，所以經常可以輕鬆找到位置，地方闊落，即使推著BB車也很多選擇。今次再來，是為了吃新的鰻魚米堡，同時又發現有新的甜品tea set~ Brownie 的選擇頗吸引，即管點來一試，卻發生了一點小插曲朱古力布朗尼配熱抹茶鮮奶 [$28 + 8] - 這裡的Greentea Latte在我這個抹茶怪來說，是比Starbucks好上幾倍，較為濃郁富奶味，即使要加$8升級，很多人秋冬也會喝這個，誠意推介吃Brownie 的過程發生了一點小插曲，就是室溫上的一件Brownie ，硬到叉不入，而且堅硬無比，那刻深感中伏；考慮了一會，拿著碟到櫃面跟店員說可否代為叮10秒，不是投訴，也不需要負責，我只想吃暖的Brownie，最後10秒過去了，但回到座位又發覺毫無起色，看來要叮30秒才有效果Brownie 的味道相當濃厚的，而且好夠份量好Dense，但敗了在沒有醬汁和雪糕的映襯，而且就是上菜的溫度，若然不是喝Greentea Latte的話，應該會更難捱；魚與熊掌，味道是好的，但配套全欠，如何

天兔來襲, 可憐的我竟然要上班, 還要早早回公司。忽然想吃Mos, 滿心歡喜來到, 喜見新出品吉列豬扒RICE BURGER怎料......「小姐, 只有早餐可選......」晴天霹靂事實上, 早餐中某些套餐是很吸引的, 可是由於是外帶關係, 只能選包類。看看堂食的人們, 一人一個可坐下慢慢吃的早餐, 例如腸仔/沙拉/烘麵包/炒蛋。我卻只能回公司哽包結果無奈地選了照燒雞扒包早餐, 配凍咖啡。$24元, 是比平日的套餐便宜一半, 可是很擔心不夠飽呢(事實如此......)照燒雞扒包, 想不到也是滿有雞味的, 可是勁漏油, 要不斷用餐巾處理。內餡是一片生菜和沙拉醬, 包依舊是很香, 算不錯。可是飲品咖啡卻難喝得不行, 由於早餐不能轉我愛的牛奶抹茶, 結果加3元換咖啡就出事了。早知如此點摩斯紅茶算了, 不加奶喝也美味。個人估計另一些套餐會好一點。問早市時間, 開8時, 相信我與嘆世界版早餐該是無緣的了, 所以這張買十送一的積分卡也沒用了。

近來好多時都係一個人食飯，加上之前介紹的 Mos Burger 吉列豬扒漢堡真係幾好味，所以先幾日又去多咗次。去到先至發現多了「飯堡」，是吉列豬扒，所以點咗黎試下。老實講，咪就係唔用飽，用咗飯，新意就無乜，但都好好味。椰菜夠脆，豬扒同樣香軟。好食還好食，想真一點，咪即係吉列豬扒飯的合體！

再一次去到 Mos Burger ，發現新推出了吉列豬扒漢堡(單售$27)。吉列豬扒可以算是日本的美食之一，近年亦有很多以吉列豬扒飯作為主打的日本餐廳在香港開業，較平價的有吉豚屋，貴價的有丼吉和銀座梅林等。把Mos Burger 的吉列豬扒跟各店比較，我覺得Mos Burger 的較軟身，適合用來做漢堡。店內說明指豬扒是西班牙豬，合理想像不會是黑毛豬，但水平亦有返咁上下。豬扒上沾上了豬扒汁，味道跟其他豬扒飯店的很不同，甜味較重酸味較輕(我比較喜歡 Mos 這個味道。)椰菜很爽脆，芝麻醬亦與整體的味道配合。而飽身是一貫以來的水準。

「座落在目黑區深宵那個摩斯漢堡店...」MOS BURGER, 或許是你與旅遊的回憶每次光顧, 就會喚醒到日本、台灣旅遊的快樂記憶之前MOS BURGER推出新口味: 三文魚珍珠堡標榜真正以三文魚肉做成的魚扒魚扒味道其實一般, 帶一點腥氣, 愛魚的人相信不會介意不過當中的鼓油+芥茉, 加上珍珠飯, 再夾附紫菜, 這個配搭真的很美味像吃熱壽司的感覺依舊是我的最愛牛奶抹茶, 試過加錢換購有CREAM的版本, 都是沒CREAM版本較好此外沙律配油醋醬也很美味

m記既21蚊餐一直都吸引唔到我因為我唔係好食薯條 除左汽水又無乜其他選擇但Mos burger既tea set就岩曬我都係廿一二蚊 有個飽同野飲今次選左個薯蓉飽餐 加三蚊轉做凍紅茶加奶買完拎個牌揾位坐底就有人拎餐俾你雖然係tea set賣個廿二蚊 但制作份量一d都唔求其飽 摸落手係熱既 麵飽好軟熟塊炸薯蓉係熱辣啦 明顯係即叫即炸 炸粉夠薄 而且食落一d都唔油膩配菜雖然只係得生菜絲同醬但剛好唔會搶左主角既風頭 配合得剛剛好至於凍鮮奶紅茶 好夠茶味雖然佢另外附糖水俾我 但其實佢本身已經夠甜 唔使落如果佢原本無落糖 由我自己黎就更perfectmos burger用既係細冰粒 比起m記既大冰粒佔左半杯去好 good~~呢個tea set男仔食一定唔夠我兩點食完 五點既就又肚餓了

第一次接觸MOS BURGER係三四年前嘅荃新天地,當時只買了一個黑醋sakusaku雞肉漢堡,食後感覺良好,自此成了FANS而不論旺角分店或屯門分店,其質量都有一定保證今天心血來潮,又再光臨本來跟餐想要雪糕,但竟然無貨,唯有退而求其次要薯餅這類日式薯餅,自己最早於屯門的匠工房秀吉品嚐,之後板長也有,對比上述兩店的薯餅,MOS BURGER並不算特別出色但仍不失香口(可惜屯門匠工房秀吉已結業,而板長則沒有了奶油薯餅)食了幾淡薯餅,開始覺得唔對路,點解中間凍嘅,作為消費者當然要反映,店方亦道歉並馬上炸一塊新嘅點知新嘅一塊中間都係凍嘅,見幾位店員伙頭吹水開開心心,自己又有嘢要做,就當今日黑仔至於黑醋sakusaku雞肉漢堡就保持水準本來呢餐未食已經諗住呢篇食評會俾個笑,點知結果係咁失望,原因有二第一,我明白人腦唔係電腦,而做下HEA下亦係合理嘅工作態度,但總唔能夠連自己嘅本業都差不多先生,炸塊薯餅都可以連錯兩次,有無搞錯第二,MOS BURGER俾咗我好多開心嘅回憶,今次係第一次食完唔開心嘅,如果唔係感情分,我真係想俾個喊喊符號

今日同2個老友去食lunch,無咩頭緒,就去mos burger好了~我發現menu好多款burger都試過~我點左1個照燒牛肉burger $20,再加個set配雪糕~但冷氣唔夠涼爽...... cashier的女職員幾nice,醒目~熟悉餐牌,很快搞掂付款覆單程序~照燒牛肉burger 牛肉真的很jusicy~有日式燒汁的味道呢~帶微甜的醬汁,有生菜多塊tim~食到索索聲呀~但嫌沙律醬太多姐....整體的味道非常不錯~不過食完後,發覺牛肉都幾重味精.......口乾乾的~ 北海道綠茶雪糕~ 夠冰凍!!!很硬身的雪糕~要先「不」個雪糕表面果一薄層先~套餐配飲品熱檸水~

當日同朋友入屯門市中心,食埋lunch先起行,見到1款新推出的咖哩芝士脆雞漢堡,買來試試看先~~咖哩芝士脆雞漢堡$18.2呢款burger的日式curry汁好鬼正,芝士片夠芝味~中間件脆雞金黃色,相當美~卜卜脆~雞件的厚度很適中,真是日式burger的創新口味呢 再加$20 set C,跟 salad~很大份呢~配千島汁,但比漏左隻叉..飲品配薑味汽水~ 薑味唔重..tasty!冷氣真係唔多夠.. 企門口個職員講野唔開口又唔clear......笑容真是欠奉呢間餐廳幾闊落..唔太多人..可以慢慢坐~

六時左右到MOS BURGER，打算吃一個厚切薯條，說到底這裏的薯條較厚，比麥當勞幼糼的好得多。來到卻失望極了。翻炸的薯條，不脆，而且加添油膩感，連我這個薯條愛好者也吃不下！近鏡更甚，一定不會再光顧！

我係漢堡怪，任何類型的漢堡都喜愛但太太則不是，就只有 MOS 的海鮮飯堡吸引到她我與太太會返教會星期六晚的崇拜，所以返教會前會在屯門醫肚入屯門食都只有幾個選擇 (唔係選擇唔多，只係我地去來去去都係果幾間)今晚又係食 MOS (用又係係因為打既時候，即 18/6 之後又去食左一次 XDD)太太依舊不變的吃她至愛 - 海鮮飯堡其實我都愛吃海鮮飯堡，不過有新款式的漢堡，我會 prefer 試新野今次試左佢地個 lemon sakusaku 雞堡，檸汁雞味道不錯！多數會跟餐，同埋多數係會叫雞寶 (太太)、脆雞塊 (我)飲品就會是 soup (太太)，凍啡 (我)我地有時都會去朗豪坊的 MOS，但係呢度好的是沒有像朗豪的大電視 - 很影響食的情緒不好的地方是環境不太乾淨~ @_@

要找個地方慢慢食下野坐下，想到這間屯門市中心的MOS Burger，位置比較僻，人比較少。見到又推出新包，於是一試~吉列八爪魚漢堡 $20.8 - 一貫的豐富，大量菜絲，炸八爪魚餅比較油膩，裏面的八爪魚肉不少，但是有點腥味。炸八爪魚餅沾上了日式醬汁，酸酸鹹鹹的，很濃味，連沙律醬的味道也全蓋過。總括來說這個包有點失望，味道一般。元氣漢堡 $22 - 簡單但真的好味，牛肉漢堡扒又好味，包又軟熟，正！摩斯泡沫可可 $15，抹茶鮮奶 $18

一向都食開MOS Burger嘅早餐照燒雞漢堡 今日換左食個蛋腸加多士隻蛋好正常唔難食 多士就濕左小小條腸就好難食用支叉一吉入去d油就飛彈出泥 條腸多油到嘔一定唔會再食呢個早餐換返食照燒雞漢堡 題外話：依家有食一百蚊早餐送一個早餐都幾低食

自台灣一遊後，愛上MOS BURGER，自搬進屯門這不毛之地後，更愛MOS BURGER。因此，當MOS招收追隨者時，便決意要把這會藉拿到手加入會員篇：（這個所謂的攻略來得太遲了吧，反正也並不是什麼祕技便是了）-->約兩個月前開始吧，能成為會員，相信是很不錯的，上次印花換來的杯，我仍在快樂著（實在是美）-->50元一個印花，儲滿12個，便得會員卡一張，95折+少於10張COUPON($5現金劵、85折生日優惠、早餐買一送一等)-->還有積分計劃，但詳情未知。-->所謂捷徑，便是買3張100元COUPON，立即入會。-->條件是你很愛吃MOS BURGER，和要有最少一人陪你吃。-->因為那COUPON是100元，雖MOS的東西偏貴，但一個餐X2都是要加點小吃才夠100元。-->所以我男友說用完這三張COUPON想休息一會(如你不太愛MOS，這種吃的模式很容易令你恨它的）-->可是立刻入會是有好處的，立刻入會，印花照儲，95折立即生效，省回5元換薯條(當然代價是吃得撐死了)-->不要COUPON：50X12=600元

想食吃了幾天，一起床就去食依舊　Mos cheese burger set 即叫即整，賣相很吸引似menu一樣，不像ｍ記zip了整個burger。Mos cheese burger包料有蕃茄、粒粒洋蔥肉醬、芝士。厚身的蕃茄起了重要作用，中和了肉醬的油膩，洋蔥的味很突出亦很refreshing。吃完後口腔也不會有很油的感覺 不過口有點臭...　粗肥肥薯條ｏｋ跪熱哄哄！粗身薯條有咬口快來快去! $37 多謝 order 後服務員為你送餐 環境企理，清楚舒適