MOS Burger (荃新天地一期)

营业中

休息中

好耐無食Mos Burger 了久違了的味道，雙重芝士漢堡，芥末蝦堡，炸雞塊均值得推介此店還多了不錯的服務，員工貼心但薯條太「油」，雖然更換左一次，但未有改善，唯一不足之處會再次光臨，期望下次會有改善

之前未試過在mos burger食早餐，難得今個星期六早起，唔好食其他成日食既美式快餐店既早餐啦，一於就試下日式快餐店既早餐啦！早餐選擇都算多，有牛角包類、漢堡包類同all day breakfast類😕全日早餐類好似好吸引咁，叫左個雞扒餐，連飲品三十幾蚊。黎到真係嚇親，估唔到雞扒得咁細塊😧😧唔夠一個手指長，而且好dry好唔好食😨炒滑蛋都唔多得，一d都唔滑又硬...全部最好食既係玉米湯啦，可惜同便利店買即沖果d係一樣既😐總結都係美式快餐既早餐好食...唔怪得多人咁多

下午4點幾有少少餓想食啲野，又吾想食甘飽，就去左mos burger食個餐。1. Mos cheese burger Classic既burger。都係即叫即做，入面啲配料都係牛扒，番茄，芝士。牛扒係比較新鮮的，咬落吾韌口又吾係鞋洽洽既，牛味夠。不過，最欣賞都係佢個包皮，好軟熟，又夠熱。但個包都要$28， 性價比黎講較低。吾想食老麥既時候都可以轉下口味既。2. 南瓜餅新鮮炸，炸粉薄。成塊都係南瓜，淡淡的南瓜清香。但食完都好飽。成個set加埋都要$49，tea黎講，真係吾抵。

今(13-4-2019 Sat)朝同老公食早餐,我唔係好肚餓,唔知食乜好,老公之前睇到呢喥有櫻花漢堡套餐,就想食,但朝早有咩?唔係晏晝至有?我哋決定嚟到睇睇先,去到我哋睇餐牌係有呢個餐,問問職員o衣o家有冇?佢哋答有.竟然咁早有?咁就要呢個,不過成$61.00,好貴,再要個早餐拼盤,$31.00嘅摩斯煙雞肉,飲熱奶茶.7分鐘後,兩個餐送到,睇吓,份量唔多,真係貴.我先食牛油多士,唔脆,失望.紫菜風味薯條,薯條份量好少,呢個原來已經係大薯條,不過比較粗,味道清淡,即使加咗紫菜粉都係,但佢係熱騰騰.櫻花漢堡,話係天丼珍珠堡,餐牌冇講係咩餡,唯有靠自己食到咩就係咩,呢個味道有少少似梅嘅酸味,熱熱地,我就覺得食到炸蝦,炸粉係脆,就係咁.炒蛋都嫩嘅,但味道好淡,好似冇落鹽;摩斯煙雞肉薄切,味道一樣係淡,淡到食唔到煙煄味.熱奶茶,又中招啦,紅茶加奶,味道又係淡到爆.抹茶鮮奶特飲,唔大杯,味道又係淡.衛生:有蚊滋飛嚟飛去.抵食係1.5分其他:其實櫻花漢堡套餐喥杯嘢應該係櫻花特飲,但老公買完嘢返埋位,個職員行過嚟同佢講,做櫻花特飲嘅材料未到,須要轉其他飲品,老公就轉咗抹茶鮮奶特飲,因唔使佢哋退錢咁煩.

這間餐廳分店唔多，荃新天地這間最舒適。顧客雖然很多，稍等也能找到座位。由於未食lunch, 比較肚餓，所以今勻點了和牛漢堡，香味四溢，份量十足，和牛肉厚味濃，非常juicy, 麵飽軟滑，保持水準。加埋厚切薯條，鬆脆可口，飲埋汽水已經飽晒，大满足!

今日原先想去試下荃灣有名冰室，但見好多人排隊，所以就選擇其他，見到Mos burger ，見到入面都好爆，但仍然唔難等位，決定一試，野食選擇唔多，主要都係一個包，另外加其他食品，汽水就一定有，就睇下想跟薯條、沙律、定還是炸雞，咁我就選了個吉列炸蝦堡包配炸雞汽水，我女友就選咗和牛漢堡配薯條汽水，食過好驚喜，因為價錢唔貴，但食物味道好好，又足料，尤其係和牛，真係好味，難怪是人氣首選，另外配薯條是粗薯條🍟，都好有口感，唯獨是比較差嘅就係炸雞，可能已經炸咗好耐，比較淋，但總結抵食，值得推介。

坐在目黑區深宵那個摩絲漢堡店🎵細細個就知道MOS burger，好開心依家香港都有得食日式漢堡☺️今次去左位於荃灣citywalk 1期既呢間分店食漢堡。因為唔算太肚餓而且跟住去做運動既關係唔想食太飽，所以就只係買左一個burger食！揀左Chicken Burger 脆雞堡😃坐低等左陣，店員送黎熱辣辣漢堡～ 我好鍾意佢用呢款包，軟林林既💕 仲有相對起美式一大塊生菜，個人黎講真係好buy切絲既，食起黎方便好多、容易咬🙈 佢個sauce係有少少泰式酸辣醬既味、開胃！個雞排都炸得好香脆總括黎講荃灣分店維持到一貫水準，唔錯

#Throwback to the day when I tried out the Hokkaido croquette burger from MOS Burger.😍😋😋Japanese beef hashbrown was used as the burger patty, it consists of fresh grounded beef and Hokkaido potatoes. Crispy golden-brown, thick and meaty.🤩👅It was indeed a bizarre combination when it comes to spaghetti and burger.😂🍔🍝 But it was beyond expectations. Perfectly matched, and with some sliced lettuce and salad dressing. What a great COMBO!🤤🤤🤤

今次叫咗芝士魚柳漢堡 ,加薯條再加可樂，味道幾新鮮，魚柳炸得幾脆，環境唔錯，好耐冇食過， 同埋 點餐同等候時間 都唔耐， 分店好似越嚟越小， 見到所以就即刻上去食 ,可以一試，會再去 推介魚柳漢堡

北海道薯餅漢堡😛Mos Burger我真係好耐冇去食啦🙈今次呢個漢堡包，又真係幾好食👍厚厚既薯餅，非常有口感，再配上茄汁意粉作配料，好有創意，而且幾好食🤤

早前見到MOS Burger 新出12週年紀念漢堡“北海道薯餅漢堡”，見佢咁特別，中午就去試下先，買左之後影比朋友睇，佢見到問我點解有麵條？其實係人地特登將意粉融入個包度架新野黎架！未食個陣以為口感奇怪，但食落又出奇地夾，意粉唔係超重茄汁，薯餅又無特別重味，所以味道唔會各自發揮，加埋個包入面啲醬，唔知係咪沙律醬呢？所以食落唔會膩讚呀仲有配埋熱辣辣厚切薯條，真係超級熱啦新鮮薯條，再飲埋杯可樂，今餐簡直大大滿足呀！

Mos burger一向都好鐘意食，但奈何住既附近都冇分店，通常都係經開見到先幫襯，買左黑醋雞肉漢堡，鐘意佢d椰菜絲切得夠細條，配埋個醬汁真係好好食，雞肉都有肉汁唔鞋口

Mos burger 好少分店，難得去到citiwalk見到有，即係買黎試下先！新出既包黎，「意粉烤雞扒包」，配上薯條同埋汽水！大約$50！呢個包係其間限定，新推出的，真係好想試下，點用意粉整個包出黎！個意粉包食落去都冇咩違和感，唔會話太乾身咬唔到，又夠大夠厚身，雞扒加上新鮮生菜都好juicy，仍沒有太油既感覺！原來意粉包都冇中伏！薯條係個人最like既粗身大薯條，好有薯仔味！脆脆地仍都唔會太油既感覺！唔錯

為食的人又再想減肥，通常只有口講，但開始想通飲食法則，將高質食物放入口，好過食垃圾。食快餐亦例外，今日食貴價漢堡同薯條，起碼自我感覺良好。今日食海鲜珍珠堡，有正氣嘅飯做包身，中間夾住煎海鲜，配上即炸嘅粗薯條，正係爽丫丫。

今次食咗增量牛肉芝士漢堡包單買$38 加左$23set 有雞塊再加$9有凍咖啡連忌廉topping . 個包份量都幾足夠。女仔食完一定夠飽。一袋有4塊的炸雞塊都幾新鮮。mos burger 其實全部全部都係合成肉。漢堡包入面的菜份量會相對比多少少。但羊毛出自羊身上。所以嚴格來講都係同麥當勞差唔多!但就係高級貴版。 都係少食多滋味多吃壞錢包。哈哈哈。