MOS Burger (荃新天地一期)

营业中

休息中

又係mos burger既時間😂。佢已經成為我經常去既快餐店🤣。通常如果佢出左新野我都會試新野😊。今次佢出左意粉漢堡，所以要試一試佢😛。故名思義，意粉漢堡就係用意粉整既漢堡😂。佢其他漢堡都係用包或飯整既，呢個就係用闊條麵整既。開頭以為佢既闊條麵係炸過既，會脆的。但原來唔係，係淋淋地，就好似平時食既闊條麵一樣，冇乜驚喜。薯條大條偏淋，可能因為大條所以好難炸得脆。叫左我最愛既抹茶飲品同北海道抹茶味雪糕，飲品有淡淡的抹茶味，甜度岩岩好。雪糕抹茶味好濃，夏天食雪糕真係好正😬。我覺得呢款雪糕好味過其他「名牌」雪糕。

今日心血來潮想食burger, 諗諗下之前搞左張mos burger 嘅金vip member, 就決定去食啦 順便用下d coupon!去到結果看到有期間限定嘅吉列三文魚珍珠堡，身為珍珠堡fans 嘅我梗係二話不說叫左黎食，順便搭配雞塊(泰式辣醬) 同埋凍檸茶 用左coupon 四十幾蚊先講三文魚珍珠堡，塊三文魚炸得啱啱好唔會過鞋或者過生，同埋食得出新鮮三文魚香而不腥，可能真係用左挪威品種而至於今次嘅雞塊就keep 住一貫水準，新鮮炸起熱辣辣外脆內暖，正呀!

日式漢堡包係我最愛！每次同老婆都會食以下兩個呢兩個包！（除非有新包推出後想試摩斯漢堡包加芝士，完美嘅配合！相比起西式漢堡包，日式漢堡包個醬汁相對較輕口味。但一樣咁野味！一大塊蕃茄加上肉醬和洋蔥，每淡咬落去都係爆汁咁！而芝士味道都十分濃厚而我自己次選會係和牛漢堡包。與摩斯漢堡包相比多了生菜，但醬汁就改用燒汁，因此我覺得比較咸。最後只加了一個薯條（無咁罪惡感）。咁多間快餐漢堡包當中，我最鐘意呢間啲薯條，因為薯條係厚切！外脆內軟，真係返唔到轉頭

想當年MOS首次進軍香港市場，首店在朗豪坊，當時成為城中最熱話，群眾為買個包排成個幾兩粒鐘，不過港豬們就是貪新鮮，現在MOS也關了不少分店，客人也一般不多。老實說我也很久沒有幫襯MOS，因為相對老麥，MOS一向偏貴，不過質素是較優勝的。但在近年老麥不斷漲價後，差距已漸漸收窄。今天到訪才發現早餐和下午茶包加飲品不到$30，頗抵食。十一周年紀念，更特別推出$13八爪魚包優惠，限定四日。有人送餐，包的size好像比以前食更大了（以前總覺得MOS包很小吃不飽），同老麥包相若，而且很挺身，很吸引。包來的時候還是溫熱，八爪魚扒炸得很脆但一啲都唔油，菜絲也很新鮮清新。不過不是很吃得出來是八爪魚，你跟我說是蔬菜餅我也會信。但不論如何也是一件優質的炸物。

終於嚐了新推出的增量和牛漢堡。和牛漢堡煎得剛好，不會太乾。和牛的油脂比例較一般高，入口滿油香，比普通漢堡嫩滑。煙肉的脂肪跟肉的比例也恰到好處，不會過份油膩。漢堡中加入爽口洋蔥及生菜，令口感更豐富，配上烤汁和熱烘烘的麵包，更加滋味。

忙左成個禮拜，終於等到星期六可以休息下，瞓醒覺梗係要去食返啲好嘢慰勞自己啦！突然諗起好耐冇食mos burger嘅漢堡包，所以諗都唔諗就同個朋友去咗荃灣荃新天地呢間分店，食我至愛嘅黑醋雞肉漢堡！😻😻係下午茶時間去到，全場滿座，等左一陣先有位，即刻order黑醋雞肉漢堡，再跟B set要大薯條🤤比完錢好快就有職員將食物送過黎喇，服務真係冇得頂，好有禮貌👍🏻漢堡包新鮮製成，熱辣辣，雞肉好脆，又唔油，加埋黑醋啱啱好😋大薯條份量多，都係新鮮炸起，外脆內軟，而且大薯條只係貴過細薯條3蚊，份量都多好多，抵食！汽水又夠氣，一個字，正呀！

有心唔怕無工做，摩斯漢堡又請人，見習經理只是多過店務員少少。😂很久沒有來過這間日式餐廳，應該是快餐店才對，想不到，服務態度仍然非常好，歡迎光臨、謝謝光臨！不好意思要你等那麼久，通通都有。日式快餐店，台式服務態度，盡是港人，世間難求。點了一個飯的漢堡，吃海鮮那一種，海鮮，好像有蝦粒、帶子、還有些青豆，等等，用料充足，醬油不會太多不會把飯都沉林，味道剛剛好，米飯又不會太爛，不會太冷。這個漢堡包仲得非常精美，以保溫紙包著，還有膠紙貼着開口處。薯條不算極之新鮮，雖然未至於麥當勞那般的「回氣薯條」。但是這個薯條不是我在摩斯漢堡來吃為熱燙燙的。薯條而言，仍然是粗薯條，內容豐富，外皮不太好，溫度尚且夠熱。裝修過後，門口仍然是側面出入，蠻怪怪的，座位亦都不多，大約10多人，每人坐一張枱的話，便坐滿了。

認識我的都知道我是一個超級杯迷!!單是公司的杯都已經有6-7隻了吧有一個是喝水的 一個喝咖啡一個喝茶 一個喝果汁 一個吃水果(?)*哈哈然後我某天經過MOS Burger時看到上面這張圖立 刻 被 杯 神 召 喚過 去 !算一算 $50一個印花 集4個都可免費擁有一只杯!也太容易了吧 !!!!*我就跟豬男友說要連吃兩天 哈哈哈哈哈*我在排隊的時候看到前面的人吃一次就可以換到果然人多好辦事呀心裡默默覺得很緊張深怕眼睜睜的被人換光光 (想太多哈哈)*這是換了杯的第二餐第一餐太餓忘記拍照...*極品和牛漢堡 $31豬男友點了這個極品和牛漢堡他就是一個不折不扣的「牛迷」不過海報的確是很吸引有普通的和牛肉餅版和 50% 増量版他(竟然)很保守的點了普通版*雖然照片和實物有點落差這個和牛漢堡真的不錯吃!主要就是有煙肉、生菜、蕃茄加上和牛肉餅*和牛肉餅的表面微煎有點脆脆的口感一咬下就是鮮嫩多汁 牛味還是很夠!煙肉應該是半煎炸的那種煮法 外面卜卜脆 但內裡又不會「乾爭爭」的*特別要讚一下它擺放的次序把煙肉放到最頂層 汁都被飽吸收了令連最不起眼的飽都加入爭寵的行列 哈哈*另外 蔬菜的新鮮程度是一流的 我

食漢堡包，大家一定會諗到“麥叔叔”個間。但薯條黎講，most burger係『真』薯條，熱辣辣粗薯條。另外，漢堡包方面，日式洋食漢堡包，菜較多，雞肉包同牛肉包醬汁，牛肉包個醬加芝士，仲有啲似肉醬意粉架醬汁，好味道！

午飯時段、肚子正在打鼓、突然脑海裡浮現出mos burger……於是、急步走入店内、即order了~Rice burger套餐熱騰騰、蝦新鲜、醬汁与海鲜混合得天衣無縫、而外面的飯口感軟綿綿得耒QQ的、鲜味滿足了我所有的味蕾裏裹外外都配合得一流！👍👍👍 還有沙律的菜很新鲜、加上一杯Berries Soda酸酸甜甜的很清新！正！大滿足呵！雖然价格水平扁高、但我認為值得！

被美式快餐洗左甘多年腦之後，已經將漢堡同美國劃上等號，估唔到漢堡還可以是日式的出品。這次來mos burger 主要是嘗鮮，試下新野，買了一個吉烈炸蝦漢堡。一食之下，唔錯喎，椰菜絲，微微山葵味的沙律醬，和熱辣的吉烈炸蝦堡味道配搭得宜，內裡的炸蝦的比例都幾多，嫩口鮮味，覺得香口之餘又唔會太膩，幾好食。薯條都唔錯，首先比麥當勞貨色粗不少，而且都是即炸出來熱辣辣，香脆好味: )

行左成個荃新天地對我d死窮鬼真係唔係好多間岩食唔係，唔係！！係價錢太貴食唔起～～但又唔想食大家樂同kfc個d…於是好辛苦地選左mosburger食，點解選佢？第一：價錢有平有貴有得比你選擇第二：有位唔洗等好耐，已經係食晚餐時間仲有位！難得第三：個環境望落可以扮晒高級咁xd入到去就睇餐牌好快地選左吉列炸蝦漢堡，因為平時食蝦好貴先食到難得呢度26蚊就有得食！！仲有小食粗切薯條加汽水21蚊，成個餐48蚊都算低啦！服務都算唔錯唔洗自己去拎個餐自己坐係度等就得，等左差唔多3，4個字就黎啦！個賣相望落去都好靚擺得好整齊，咬落去包個口感好鬆軟夾埋好脆既炸蝦好正！！同埋我叫既係wasabi味同隻炸蝦喊喊地味道都好夾。至於包薯條比較失色左d啦！粗切真係得個粗，咬落去唔脆而且仲好淋…唔知係咪擺左好耐不過成個餐10分都有7分既，個3分就係因為個薯條比較失望

又到周末，見天氣好好，想出黎隨便地行下。唔想出太遠就係荃灣天地附近兜兜轉轉，近六點有小小肚餓，見mos burger有位就入咗去。之前食開Mos Burger總是點黑醋雞堡同烤牛肉rice burger，摩斯漢堡作為看家產品我竟然從未食過，今天點都試下。乍看之下個漢堡未算大，厚切鮮茄與牛肉之間淋滿蕃茄肉醬，再被烘到脹起的麵包包住，若要一口咬下去還真有些困難。食至中間部分啲肉醬不停咁溢出來，十分juicy！由於厚切薯條同雞塊啱啱出爐，香味四溢，未等涼就忍唔住食，差啲熱嚫手。不同於細薯的脆，厚切薯軟軟綿綿，百食不厭。雞塊的配醬兩隻口味都要咗，個人偏好蒜辣多啲。除左店員態度好nice，佢地每收完一次銀都會㩒消毒液抹手，算係衛生。有時候，簡單而熱辣的一個漢堡餐就足以令人滿足。

一個人係星期五晚食飯，真係好難搵位。 Mos burger 係不錯之選。叫左個最普通的mos burger,加左個chicken nugget. 叫完去搵位，會有專為人攞個餐俾你，好貼心的服務，個個員工都好有禮貌，值得加分。 等左5分鐘就送尼，個包新鮮熱辣,香噴噴,一定即叫即整。料好多，塞到滿潟。牛肉滿有香濃肉汁，好juicy.生菜同蕃茄好新鮮爽脆,蕃茄汁酸甜度適中。唯一缺點，洋蔥仍然好生好辣，有小小蓋過全個包的味。炸雞塊有小小炸過火，雞肉乾左小小。但總括很美味，有小小貴的日式漢堡包，會再encore.

行街行到攰攰地, 就搵個地方坐下醫肚, 唔想食咁貴就去左Mos Burger, 試下呢類傳統店有無退步先. 呢間都幾爆, 不過多數單身人士食, 所以容易搵到位.睇下個餐牌, 選擇都好多, 另加錢就變餐, 自由配搭唔錯.等左一輪食物終於搞掂, 店員會幫手拎到你枱面, 日本集團既服務掛.要左個脆雞漢堡$22+汽水薯條$18, 包既份量唔算好大, 包夠鬆軟, 脆雞外表香脆唔油, 肉幾嫩, 配埋少量蔬菜更開胃.另要個和牛特級漢堡$29+汽水脆雞尾$23, 包同樣唔算大, 牛肉夠嫩夠juicy, 肉汁流落配菜一齊食, 更爽口.跟餐既薯條正常, 粗身唔會太咸. 但脆雞就一般, 有D乾而且唔夠脆, 肉質亦有D鞋.