Mr. M (已結業)

士林夜市不在士林，卻在荃灣。早前試過附近的熱狗，現在再談漢堡。漢堡款式三樣，賣點是安格斯牛肉。做多不如做精，特別是小店。聰明人都知道，坊間做到十多款漢堡出來的，其實都是車仔麵做法，看似豐滿，其實沒有內涵。今天點了小牛堡，配雞翼，總共只是四十元，便宜得很，不知道質素如何。漢堡新鮮即做，牛肉不厚，應重一百克，即麥當勞足三兩，但肉味香，油脂夠，有肉汁。配料簡單，菜新鮮，洋蔥爽甜，煙肉香脆，麵包鬆軟，只售三十元，比不少大連鎖店賣六七十的漢堡要好。雞翼，十元三隻，有孜然味道，香脆，肉汁稍欠仍在合格之上，對比價錢，超值有餘。整體而言，真正超值之選。唯一是擔心定價太便宜，難以經營。

又發現到仙野！荃灣除左路德圍有得掃街之外，其實係對面條大馬路都有條食街係入面，曾經介紹過熱狗同餃子，荃灣美食多籮籮呀 😛 今次繼續掃呢個絕對可以撼贏 7 仔嘅十九流心蛋，#炸蛋 $18，即叫即睇住佢整，所以絕對新鮮衛生，呢個已經抵哂，而實質係隻吉列肉碎流心蛋，炸嘅時間岩岩好，外面炸得熱辣辣脆脆，係蛋上面放左 pat 醬，隻蛋流心效果亦收貨，係炸皮同蛋之間塞滿哂肉碎，食完感覺滿足得黎又頂肚，經過可 try try 🤤-Mr. M荃灣鱟地坊 80-84 華成樓地下 B4 號

I wasn't expecting this to be my first and last visit to Mr. M!Anyway, this joint has been open for a year now but I only just found out as I was in the area recently for Cart Noodles.Located in an Alleyway is Mr. M serving Scotch Eggs, Burgers and Fish Fingers and Chips.On the counter was a Pop-Up Pirate where players take turns to insert plastic swords into slots.The unlucky person who launches the pirate is eliminated.I was tempted to play but it wouldn't be funny if the pirate landed in the

等咗幾日終於開返！依間漢堡早有耳聞，但基於過往經驗，同隔離舖出品嘅影響，以為個包好大食唔晒。人就是這樣，到想食佢就落幾日閘，無貼通知，得個大信封，令我滿腦子想像，最後竟然放連假唔出聲？大信封係採訪邀請…好！宜家有機會食，但食完有衝動煮返隻麵。首先味道真係正，鬆脆麵包解決咗我最接受唔到嘅濕包問題，如果切法跟返漢堡包黃金比例會更好，蔬菜新鮮，煙肉香脆，漢堡攪得剛好，只有一粒硬肉，肉味香濃，加上醬汁唔會膩，但細咗D無法每口都咬到。跟餐多份薯條同汽水，同薯條比個包感覺好大，其實薯條真係少，粗切無調味，薯味普通，依個份量俾D特別少少嘅醬都好呀！茄汁⋯我俾多少少去隔離買多成倍。秘製雞翼黑黑的？聽聞抵食梗要試吓，外表呃我唔到嘅！正常大細，咬落脆口無燶味，一種說不出的酸味湧出，香料嘅酸？如果係香茅就係十倍、廿倍嘅感覺，好似食冬蔭功，好多人應該會覺得太重口味，但我個人偏好依種重味，肉質嫩滑，食到依種味絶對覺好食。總結值得試，不能當正餐，唔好跟餐，買個包再加小食仲好！

下午餐經過荃灣呢度就睇下有咩好食，見到個炸蛋好吸引，20蚊一份，就睇下咩料啦！初望個外型就覺得冇乜特別啦，但細心品嚐一下食落口感層次非常豐富，面頭一啲鹽同黑椒，再配埋包住蛋嘅肉球！真係好夾！值得一食！推介！

小牛堡Combo🤔$40秘製雞翼(3隻)😎$10漢堡扒都幾juicy，不過份量就太少😩個份量當下午茶可能啱啲，而且呢個價我覺得有啲貴😔炸雞翼尚算好食😎$10三隻合理👍

見到賣廣告啲相好似幾吸引，🍔🍔五十蚊一個burger餐大大個，就試下!!即叫即做，等左五至十分鐘，🤩都唔算好耐，塊漢堡仲係安格斯牛，唔會好似其他漢堡咁乾，食落好juicy, 有驚喜呀～😋😋炸雞翼🐔🐔十蚊三隻，嘩😱，好耐無見過呢個價錢，雖然咁，都唔係交行貨野喎，真係有味道喎😜😜，同出面食開個啲又真係唔同啲喎。可惜無食過炸蛋🥚🥚，賣哂，so sad!不過就淨係得汽水揀🥤🥤，多啲選擇會更吸引!!

🍔🍔正正正！！親子漢堡有驚喜，手撕雞配太陽蛋, 出奇既夾！！招牌炸蛋果然好好食！！炸雞翼唔同出面其他咁統一口味，秘制係唔同啲！成體感覺係有誠意之作，值得一試！！

隱世新開漢堡店食炸蛋✨ 冇去一排發現荃灣鱟地坊條食巷變哂天，有一半舖頭都唔同哂樣，然後賣嘅都大都係啲基本嘢，不過俾我發現其中一間漢堡店個menu有樣得意嘢，就係炸蛋😂咁當然炸蛋唔係普通嘅炸蛋啦，其實佢係蘇格蘭蛋scotch egg，簡單嚟講即係用啲肉包住粒半熟蛋拎去炸成嘅肉蛋。話說之前西環都有間有炸蛋食，不過賣成八十蚊，然後呢度賣十八蚊平四倍真係好痴線😱咁當然包裝上係冇得比，但食落覺得超值，出現炸粉激薄，脆得嚟唔會話好厚粉增加肉層嘅負擔，然後啲肉好鬆軟肉味好香，再加上隻半熟蛋炸完都仲係好軟滑仲識流心添✨而其他小食全部嘢都係即叫即炸夠哂香，最貴嘅魚手指配薯條都係廿八，魚手指肉質唔嚡口，薯條意外地係用粗薯。最有驚喜係個雞翼，以為係普通炸雞翼，點知原來真係好似佢個名咁有秘製過，入面有類似水牛城咁微微嘅辣好惹味✨（時間關係，朋友襯我未影已經搶咗隻雞翼同魚手指食）仲有師傅私人醒咗塊試作品菠菜薯餅過我地試，同平時快餐啲薯餅唔同，佢係將薯仔刨絲再煎，放菠菜上面再鋪芝士，平時好邪惡但又俾菠菜減咗膩，都幾好食，但食落有點過油，如果再脆啲香口啲仲正，不過試作品應該會再微調嘅😏見個炸蛋咁出色就順便試埋個漢堡

有日食lunch無聊行下之際 見有間新開既小店係戴倫址隔離未試下 。 服務幾好 不過因為即場新鮮做 所以等得比較耐 等左十分鐘有多 好啦 食落係有誠意既 不過味道有待改善 價錢亦都唔平 希望黎緊會有進步