Mr Poggy

营业中

休息中

行開呢邊買外賣，等緊期間見有新店開左叫Mr Poggy，攞張外賣紙返去研究下先。都幾多野揀喎，漢堡包，pizza，意粉，沙律，小食等，仲有套餐添。搵日就黎左叫外賣，即整都唔算等好耐，十幾分鐘就有得拎了。佢門口有幾張枱仔可以立食，天氣唔算好熱，襯新鮮食下啲炸野先，外賣返到去就會失色不少。主食揀左經典芝士漢堡，原來仲跟埋沙律菜，咁又幾好，有菜有肉感覺健康啲。個漢堡睇落平平無奇，食落又意外地juicy喎，漢堡肉重肉味，軟綿綿嘅麵包，仲好重芝士味添，呢個厚度剛剛好可以一口咬落，好味好味～另外仲叫左燒羊肉配薯條，羊肉用烤的，好香口呢，口感唔錯啊！羊肉同薯條份量都超多，一盒滿哂㗎，share食就啱啦。其他有炸洋蔥圈同炸雞塊，啱啱炸起唔會唔好食啦，呵呵～洋蔥圈勁抵呀，廿幾蚊有咁多，嘩～自己買都唔平嘛。雞塊又係抵食，用味道近老麥的雞塊，唔係平價個隻又粉又淋，正！最後仲要讚下啲醬汁，店家比左黃色嘅蜜糖芥末醬，白色嘅蒜味沙律醬，仲有個紅色嘅辣醬，三種都好好味，個人鍾意紅白醬兩溝，哈哈，辣辣地又酸酸地咁，再帶埋蒜香勁好味。食咁多野再加罐冰凍汽水，一樂也。

上次去食越南法包，轉角位撞見新開咗間粉紅色鋪頭。離遠一睇就知係賣Burger Pizza Pasta嗰啲，而我自己鍾意試小店，咁係mark低要黎食門面粉白二色有個食到舔舔脷嘅公仔，都幾得意！老闆好盡責同友善介紹食品，聽完我都好驚訝pizza係即叫即焗。但係我比較想食薯條，最後嗌咗個燒雞肉配薯條再加燒牛肉沙律。老闆話啲肉都係清真肉經過禱告嘅肉對我地而言會乾淨好多。燒雞肉好入味，就咁睇有少少似土耳其Kebab。老闆應該改良過，食落就咁齋食雞肉都唔會鹹，最勁食曬都唔頸渴老闆好友善問我食唔食得辣，連埋啲辣椒汁好正！坑紋薯條本身炸到啱啱好就已經簡單美味。我發現老闆好細心除左表面淋左啲蜜糖芥末汁，連薯條底都有醬汁座底，所以薯條條條惹味，點埋老闆介紹嘅素食yogurt醬超好味！我食到停唔到口燒牛肉就係切得夠薄，一塊一塊方便我地慢慢咬，肉裡面夾雜啲香料好有心機，沙律啲沙律菜同番茄仔都好新鮮由細微之處見到老闆啲用心之處，沙律菜啲水分處理得好好，唔會整到啲牛肉濕晒。老闆對醬汁好有研究，自己調製素食yogurt醬真係值得推薦，比起市面嗰隻同類醬唔會咁膩酸度啱啱好。下次我要去食pizza！試埋其他醬

芝士漢堡會肉好juice!仲有埋沙律菜配搭！最欣賞這點！薯條唔會太油。味道好好，價錢好合理!員工服務態度非常好，主動介紹有咩款式，一定會繼續幫襯，非常支持小店出品。

👀遠遠被一面紅牆吸引了，走近睇完餐牌發覺價格便宜由於選擇眾多唔知揀咩好，店員便很有耐心介紹食物，最後推薦了超級食肉獸薄餅，薄餅餅底煙韌有咬口🤗，有清真牛肉，火腿，肉腸等，芝士鬆軟，每件薄餅🍕都均勻有餡料，而且肉量很多鋪滿厚厚一層，名副其實岩曬食肉獸！燒羊肉飯配沙律，羊肉選用了清真羊肉，我估經過放血程序處理，所以羊肉味道香濃適中😋烹調手法好有水準！小食選了椒鹽雞粒份量多🐔雞肉外脆內軟，炸得剛剛好，保留住肉汁鮮味，配上辣醬汁酸酸辣辣咁，正呀！而且食物即叫即做，但又唔會等得太耐，由落後10分鐘就有得取餐，岩曬繁忙既香港人服務好👍食物好👍環境好👍

平時都會同屋企人去何福堂個邊食大排檔，見到隔離新開了一個意大利外賣店，有薄餅、burger、炸飯及意粉等，而且價錢合理，今晚外賣返去同屋企人當晚餐。這裏的雞、牛、羊全部都經過清真儀式處理，所以全部放血放得好乾淨，食落去唔會有血腥味。而且煮的時候亦都唔會落油，靠其天然油脂煎煮，十分健康。經典芝士漢堡麵包鬆軟，牛漢堡扒厚度正常，肉質濃郁有juicy，好味過某大連鎖集團多多聲。芝士煙肉漢堡加了煙肉後多了煙肉油脂香味。另外旁邊還配上清新健康的沙律菜。芝士焗肉醬意粉表面舖滿了芝士及肉醬，番茄醬味道濃郁，意粉爽口。

何福堂這邊整條食街著從晚市堂食開返之後真係非常有氣氛呀特登過嚟買外賣，大排檔食得太多，今次見到這間 漢堡包pizza外賣店，選擇都幾多全部即叫即做一於試下食物選擇都算多主要係burger pizza飯和意大利粉小食等等仲有沙律經典芝士漢堡 應該係signature巴一於試下12蚊加薯條當然要啦即叫即做漢堡包熱辣辣芝士半溶 狀態 牛肉 漢堡非常juicy一啲都唔人好鍾鉉一咬落口好滿足薯條脆卜卜係我最鍾意食嘅坑紋薯條芝麻pizza有六吋和12吋 可以額外加topping揀咗六吋 至尊 去了非常多同樣熱辣辣 批底鬆軟 比某個大品牌還要好食😏😏叫埋雞翼和雞軟骨有唔辣雞肉嫩滑 好香口唔會太油膩啱曬我椒鹽雞軟骨 肥仔只愛佢表示好味真係一個不錯嘅小店， 而且店員仲好 友善，继續支持小店😉

屯門何福堂附近新開外賣薄餅店，整間外賣店以粉紅色為主，被搶眼粉紅色吸引，外賣薄餅同沙律返屋企食。店員推介蜜糖芥末醬，話有客人不斷吱左不少返屋企食，仲裝左蕃茄醬同辣醬俾我。6吋意大利辣香腸薄餅$68 加芝士+$10：餅底算薄身，見加左芝士後表面果真係好多芝士醬，辣香腸微辣，好滿足。雞肉沙律$60：店員話雞肉採用清真雞肉，雞肉切得薄薄一片，烤得乾脆加蜜糖芥末醬好開胃，溫和甜滑。沙律菜豐富，有酸酸甜甜蕃茄仔，清爽青瓜。細薯條+$12：細細條，最鐘意點茄汁食。加$5有飲品，蜂蜜綠茶夠晒解渴消膩！

今天路過試了間外賣小店, 門口看到價錢吸引, 經典芝士漢堡只是$39連沙律一盒上. 由於我本身不喜歡沙律所以直接走了沙律再加$12一個細薯條. 小店即叫即做6分鐘左右就有真的很快. 打開先吃漢堡, 一口咬下包還有少脆不是淋包, 吃到很香肉味還有些許肉汁, 不過跟出面不同沒有加茄汁, 是不是因為這樣所以才吃到不錯的肉味呢??? 細薯條是一般有紋的薯條, 不過分量很足, 基本上我一個女生吃不完, 剩下一些薯條. 這個漢堡真的很驚喜, 以$39一個這樣質素再加沙律真的性價比很高, 但聽老闆說平時用開的薯條沒有貨所以轉了這款, 之前那款沒有紋會更好味, 下次有機會再試試先!