Ms. Hot 麻辣燙 (已結業)

以前食開麻辣湯都係一啲小店，又或者好簡陋嘅地方先食到，元朗呢間Ms. Hot 麻辣燙環境乾淨企理，裝修新淨。店舖採用自助嘅形式，客人只需自己喺出面自取食物，並以重量計算價錢 ，15蚊100克，又或者可以自己揀套餐都得，豐儉由人。配料有好多選擇，有肉丸腸仔餃子牛肉等等...仲有我最鍾意食嘅鴨血，鴨血鮮滑嫩口，非常之值得推介！我自己就揀少少，埋單磅重都係六十幾蚊，湯底有四種選擇，食得麻辣燙就梗係揀麻辣湯底啦，呢種四川辣真係好正， 辣得有勁。

夜晚行過一間新開的店面，感覺應該幾好味，因為個個都在雪櫃前挑選心儀食物每$15/100g，感覺好似幾抵食，但埋柜臺秤一下才知道原來要四五拾圓，不過其實款式選擇都多可隨意挑選適合自己的食物。整體個人感覺偏貴。

想食辣野就試下呢間麻辣燙! 出面有兩個大雪櫃，啲食物$15/100g。其實好似車仔麵咁，鍾意食咩就夾咩，啲食物都係普通邊爐野。唔係話好肚餓，樣樣夾少少試下，夾左三粒丸、兩粒冬菇 、幾舊牛肚豬紅同少少菜，麵揀左火鍋粉(麵類大部分都係$12份，烏冬出錢一丁都$12其實有d貴)。連埋個盤磅，聽到佢話$56真係嚇一嚇 心諗少少野就五十幾，其實個盤都可能佔左唔少錢個麻辣湯底冇咩特別，普普通通咁啦，好油唔夠麻。火鍋粉其實係類似薯粉咁，但好闊扁身既，煙煙韌韌幾好食。睇落個碗就大，其實我啲餸好少，真心唔抵食，試一次就夠

開頭聽個店名以為又係四川辣野食🌶點知朋友話可以簡唔辣，咁又試下啦一入門口有一邊都係凍櫃放哂勁多不同嘅火鍋配料原來係自己夾完佢再一獲過煮麵呢個上次食左今次自己一個人試左個老雞湯麵超濃郁藥𧬆雞湯味😋好想飲哂個湯小食涼拌萵筍絲（可選辣度）估唔到佢係小食類竟然咁大碟味道清新👍🏻一個人最後梗係食唔哂啦🙄呢間食物份量偏多唔係咁大食就唔好叫咁多野食啦～

呢個牌子Ms. Hot其實喺元朗朗屏呢區已經開左3個店面, 間間都有唔同主打.而呢間本身就主力sell麻辣燙, 不過自己同埋朋友因為唔習慣佢點餐既竅門, 結果第一次佢新開張果次無食飽就唔忿氣自己再去多左次,然後一食就返唔到轉頭.返正題先, 呢間店其實開左唔算耐, 店面乾淨企理又光猛, 望下附近d人都點左呢碗酸菜桂花魚米線又跟住點左碗 (仲望到有個tvb綠葉artist喺度食添)等左唔算耐, 大概10分鐘就送左上泥,米線望落份量夠大, 酸菜又多, 即刻就飲返啖湯頭先,酸菜因為落得勁多所以好夠味, 不過鍾意清淡既可能會嫌會有d鹹可以半價叫多杯特調飲.湯頭仲有用一兩隻泡椒煮, 所以雖然無辣度但又不失四川風味.但嗜辣既我就自己再加左辣椒油食.而桂花魚就起曬骨, 夠曬厚肉又夠魚鮮味, 唔會話湯頭太濃就無曬味.所以雖然話佢要成72蚊一碗都係會想返泥再食.

見呢間嘢比人報導過於是乎就去試下， 但係試完嘅感覺完全係麻麻地， 佢有兩個option畀大家揀， 一係叫menu上面嘅 or 食麻辣湯。 不過我一心係上嚟試佢嘅麻辣湯嘅 ， 睇下係咪好似之前你介紹咁要成百幾蚊一碗☻☻入到去佢好似喺大陸食麻辣湯一樣，有两個雪櫃，放咗一堆食材例如：雜丸，海帶，肉等。。。我哋叫咗兩碗👉🏻第一碗係蕃茄湯👉🏻食材有👉🏻 黑牛柏葉，鴨血，薯仔，豆皮， 海帶，蓮藕，豬腸，牛筋，通菜，豆腐串+ 寬薯粉第二碗 👉🏻酸菜湯（ 好似酸菜魚嗰啲湯底咁）👉🏻 牛肚，魚腐，豆卜，冬瓜，牛筋， 豬潤+ 鵝腸麵（依碗唔知係咪睇錯價錢 ，所以掉咗啲唔知咩肉落去，我地無夾到）※我哋兩碗嘢一共夾咗168蚊（ 原因係牛黑牛栢葉比較貴要30蚊一碗）， 平均都八十幾蚊一碗相對嚟講都比較貴😥😥😥我哋夾完嘢食之後都等咗大概十分鐘到，兩碗嘢食先上嚟期間都見到雪櫃前面有小昆蟲喺度飛嚟飛去， 可能因為個雪櫃冇任何嘢冚住，所以先會有小昆蟲光顧，但係喺客人角度嚟講就比較唔衛生😂😂😂👆🏻✅ 有番茄味，粉q彈，蓮藕同薯仔都爽口 ❌ 海帶有啲臨同埋黑栢葉有生布嘅感覺（30幾/

人總係犯賤既 其實食之前已經睇左食評 但見到新開真係想試試佢其實3十幾度啲食材咁樣攤開任人夾 好唔衛生另外一個出前一丁同噹噹鳥外都要12蚊 真係好過去搶 😂個啲海鮮包 係急凍海鮮黎 見到個樣都覺得有陣臭味 當然啦 如果係好食係值既有咩所謂 柑桔檸檬同檸檬益力多 冇特別所有食材唔係啲咩貴價貨 午餐肉食cheap 野個隻黎 午餐肉都咁難食 真心係大陸食仲好食過呢間野麻辣湯 得個辣味 完全唔冇麻味 同埋成碗都係辣油黎 本身佢個湯係冇味既呢碗就係我碗麵整出黎既油 其實有好多人好唔理智 一味係咁夾餸 但其實食唔哂根 佢啲野食就算一條菜都係計緊錢到埋單個陣就話貴 所以想試既朋友諗清楚先好夾見佢個餐牌啲野食係唔平

一開始去試，都唔係好習慣自己夾送，但試過之後覺得幾好，平時叫米線啲送得幾粒，而家自己夾，鐘意幾多就幾多，唔洗就住，唯獨是好肚餓去的話，唔覺意就會夾多左，最後又食唔哂。另外食物質素幾好，冬菇夠大粒，豬腸都唔錯，連埋特飲都只係83蚊埋單，推介！

一行三人去食..分別 68蚊一碗 82蚊一碗 103蚊一碗..夾幾多計幾多..眼見唔小人眼寬肚窄 夾完食唔哂..湯底叫中麻辣..味道有係大陸食開果種感覺..同行友人叫左大麻辣 飲左兩啖 ..味道比中麻辣再濃d 面就普通冇乜特別 。價錢上想食得精d..就衡量下自己食到幾多....同埋小夾d丸...一來重磅d..二來要食丸唔洗黎呢度食..飲品方面都係普普通通 。總括黎講..呢個價錢我覺得算係咁..不能夠用其他三四十蚊食到碗既麻辣面比。

每次食麻辣野，都會期望可以帶比我有辣嘅感覺例牌每次去到呢啲店舖，都會叫最辣咁當然10次有九次半都失望唯一值得讚嘅係湯底幾香如果香港店舖可以引入印度嗰隻斷魂朝我相信吸引好多鍾意辣嘅朋友去食

第一次比食評，一入到去坐位尚算寬敞，雖然要搭枱但依然夠位伸展。叫左個龍骨湯底同埋蕃茄湯底。龍骨湯味道唔夠濃，比較淡味蕃茄湯底蕃茄味欠奉，唔知點知仲有少少苦味。佢既配料係以自助形式的，係出面因應口味自己夾，種類不多但都幾貴下。我地揀左手工麵 紅薯粉 雲吞 魚蛋 菇 花胛 等等食材海鮮是另外計錢的 $45先得細細碟好唔抵食 花甲亦非常細粒 比指甲還細小 肉眼幾乎看不見雲吞不俗 但其他一般 尤其魔芋不夠嚼勁 不過服務態度尚算令人滿意老實說 這個價錢選擇多的是 也不必破費吃這頓充滿資本主義的晚飯吧 

最近元朗區最熱門既一定係Ms.Hot麻辣燙，不論網上怎麼評論都好，小喵都要一定去試試，試左先知熟實。下午的麻辣燙不是太多人，正好岩哂我同牛叔叔2個靜靜地去食。原來Ms.Hot 跟國內的火鍋一樣是行自助模式，先拿取工具，後夾取食物，磅食材，然後揀湯底，付款。就是這樣的簡單。而餐廳內放了2個大雪櫃，入面有40-50多款菜、丸同海鮮。單是豆製品已有6款，仲有香港極為少有的油面筋，絕對岩哂素食既朋友。仲有手製既鵝腸麵，據聞十分彈牙。好啦，因為下午茶加上食素既關係，我只是夾了一些嚮鈴、炸豆腐串，最重的應該是蒿筍片，磅一磅加埋大概$35。然後再揀湯底，湯底是免費的，而唯一適合素食的只有蕃茄湯，最後連餸一齊烹調。再點了一杯百香果飲品綠茶，百香果的酸酸甜甜味道很開胃。因為2個人吃，無理由只叫一碗淨餸咁少，我怕被人打。所以叫了牛叔叔最愛的【老鹵鵪鶉蛋】，這個鵪鶉蛋好吃得不得了，據店家講，鵪鶉蛋先用鹵水醃製，後用麻辣湯汁浸泡，口感微辣，吃得牛叔叔十分開胃，個人十分推薦。話咁快我的麻辣燙就送到上來，先說說湯底有點兒濃，味道帶鹹，蕃茄味也不算太突出，$35淨食瓜、菜、豆腐還可以，比較適合細食的朋友，會再來嗎?

這間店曾經成為一時佳話，被登上新聞說價錢太貴，一直都好想試試到底幾貴，今天剛巧經過，所以便一起去吃。店內裝修有點中國feel，右手面放滿琳琅滿目的食物，座位不算好多，但都好多人光顧。先找個位置，然後出去拿食物，假如不拿自助食物的話，都要到收銀處點餐。食物是以重量計算的，每100g/$15，好像比之前的報道便宜了$2。自助區食物款式好多，都是打邊爐的配料，丸類等等，還有肥牛及海鮮，肥牛價錢是一碟碟計，食物排列整齊，感覺乾淨。點餐後職員會給我一張卡放到枱上插卡器上，之後製作完成會送到我們枱面。湯底有麻辣/龍骨/酸菜/蕃茄可揀，我選擇了麻辣湯底，鮮紅色的還以為好辣，入口不嗆喉，味道都幾刺激，而且好香好惹味。麵底選了烏冬，後來發現烏冬是200g一包的，難怪會被人話貴。這碗麵約$150，不過可夠兩個人分享。老鹵鵪鶉蛋 $32麻辣味香，吃不到鹵水味道，不過鵪鶉蛋彈牙，味道不錯綠茶椰果益力多 $26益力多味香濃，不會好甜，吃到底部的椰果，但感覺綠茶味不濃。其實餐廳最好放一個磅供客人磅食物，好讓大家心𥚃有個預算，不談價錢的話，我覺得麻辣湯底好好吃的。

元朗多嘢食人人皆知，不過近期比較火熱推介莫過於這間食店。以$17/100g嘅招徠，但能夠全院滿座真的難以理解他的吸引力何在。小妹決定深入虎穴去探究一下，六點時分人流不多可能還是太早的關係。 所有配料猶如任點任食給客人夾取，但其實並不是這麼玩法，可能一不留神便會夾多了。全部肉類、海鮮類、菜類都均以按份量計算。湯底方面：有蕃茄湯、酸菜湯、龍骨菌湯底及麻辣湯底只有最後是辣的其餘都是不辣。我與朋友特意夾少許丸、豆腐、菜等，真的不知不覺就百幾蚊，舉手不回這才是重點所在。以後真的需要三思而行，量力而為。 並有一張卡仔拿取米缐，即整的關係熱騰騰利用大湯碗去盛載。龍骨菌湯湯底正常而合理，大大碗可以三至四人Share享用而價格就見人見智。

開頭行過見個環境唔錯，又想食辣🌶所以就入左去、坐得係幾舒服既👹出到去夾野食 款式好少，打邊爐啲丸同菜🤷🏻‍♀️～～～夾左少少丸同菜、豆卜加個烏冬，90幾蚊埋單，真係比佢嚇親～😱😱😱我仲以為自己聽錯🤷🏻‍♀️🤷🏻‍♀️🤷🏻‍♀️真係勁搵笨🤦🏻‍♀️🤦🏻‍♀️🤦🏻‍♀️～～～好食啲都話呀～～湯底又唔係特別出色而且太油了👎🏻味道唔正宗～～真係無下次🤦🏻‍♀️做一次水魚夠喇🙍🏻🙎🏻⭐️⭐️價錢同食物質素太唔成正比⭐️⭐️