Munch Now (已結業)

荃灣分店食過兩次 味道.服務.質素都好好！今晚經開馬鞍山店，成件事係360度唔同哂 由餐湯.牛角餐包.主菜.飲品 差到理解唔到點解可以樣樣都唔好食紐西蘭牛柳餐 1.紅湯係鹽溝水咁味 2.變型牛角餐包上枱 3.牛柳難切都手攰+伴碟南瓜唔熟嘅，薯條都係一般咋 4.杯凍檸茶好淡味另外咖喱牛舌飯 白飯係凍+硬...煮唔熟白米咁......食到口都where !!!唯獨係份量 餐廳環境稍為可以接受。普通茶餐廳一定比呢餐飯出色 鳴啊

Munch Now主營西式菜式，係馬鞍山呢個沙漠算係難得一見，所以就試一試。香煎紐西蘭西冷牛扒配餐湯 $118牛扒叫咗5成熟，一般餐廳預計黎到再熟多少少，但黎到竟然係變咗全熟，比較失望，牛扒肉質唔錯，唔會太油膩，薯條尚算合格，黑椒汁味道濃郁，醬汁還可配蒜蓉汁。餐湯普通羅宋湯，冇乜特別。Munch Now比較失望係牛扒由5成熟變到全熟，其他尚算合格，另外價錢包熱飲，凍飲另加$3。但份量唔多，以lunch價錢算頗貴。

本身無寫食評既習慣，但真係忍唔住手... 今晚夜收工所以8點幾經deliveroo叫左外賣，但黎到之後其實都幾失望，係我叫咁多次外賣中最差既。黎到既時候.... 真係有d呆左~ 正常百幾蚊個餐，份量其實可以再考慮下？~ 食物已經唔熱，味道真係麻麻，豬同牛都要靠個汁先落到口... 我食既係黑毛豬，但我真心覺得某d茶餐廳既豬扒好味好多... 而價錢.....~ hello？牛扒寫明係250g，真係煮完會縮水成半變11x g？？唔通我要連埋薯條先岩數

我們二人在11點40分入座，叫了兩客午餐，等到1215分咖哩牛腩飯還未來，問一素來都黑口黑面的女侍應還未到，她高聲話整緊囉，好，忍你，卒之1220來了，此店在1130至1230話有八折，我又睇下你敢唔敢收我正價，我哋很快吃完在1237埋單，那女的照收正價，我話係你哋遲來，1145下單待到1220才來，10分要吃完，我隱約聽到之前佢地話咖喱燶咗，但無人同我地解釋過，亦無話的嘢遲嚟可埋單先，雖則最後我據理力爭下退回相關折扣，但那女的待客之道真不知所謂，清碟時一聲不響就咁攞，之可以在此做了這樣久，恐怕是事頭婆吧，不憤氣也要做，開心也是一樣做，何必呢，以後我也不會再看她咀臉。其實大家樂，一粥麵等集團式的友善限多，我不信他們的客量會少過此店，而此店跟本不多客，從未忙過。

午飯時常在公司附近找吃的，終於找到了平價午餐。打開menu,嘩有成廿十幾個Lunch set.平的Lunch set 只跟湯，另外較贵的有跟飲品。我喜愛午餐的配撘，總有一些炒雜菜在旁，炒得很美味。午餐有咖哩(豬，牛，羊，雞)，有扒/雜扒(豬，牛，羊，雞)，有西式意粉如肉醬，卡邦尼，等，也有局飯，意粉，漢堡，等。味道，口感也不錯，賣相也很好，只是大部分食物也較咸了一些。如午餐點扒餐或牛脷都可選配飯，意粉，薯條或沙律，漢堡餐則跟沙律及薯條。平價的午餐最貴的也只是68元很抵食。另外有不跟餐的烏冬，拉麵也只需40元亦不用加一。上餐的速度也頗快。服務也OK. 因為餐廳實在有很多選擇，午餐時可以常去。

偶爾行過馬鞍山地鐵站附近的地面，見這間好似唔錯的西餐廳，入去試試。餐廳有簡單雅緻裝修，餐牌選擇豐富，我隨便的挑了香煎豬扒飯（$48-），飲品要加錢，叫了熱檸茶（$6-）。餐湯似周打魚湯，有少少薯仔及紅蘿蔔，不太稠或稀，味道唔錯。👍🏻豬扒飯望落有快餐店 feel。 豬扒有2件，頗大size 。豬扒咬落鬆軟，但落了鬆肉粉，所以質感不算自然。但它煎得很香，燒汁味道唔錯，少少甜並不咸。配菜有南瓜及椰菜，略嫌太少。整體而言，只是俾快餐店好少少的水平，亦可能這個餐是最平的。若有機會，會試吓其他餐。

本身一心想試下呢西餐廳，開業咁耐都冇機會黎試，餐廳女職員態度極差，黑面之餘有枱唔比人坐，一定都要人搭枱。問佢咁我等一陣啦，佢用極差態度答真係唔知等幾耐喎。永不幫襯！

作為新來街坊，第二次來吃。第一次平日晚，因要慶祝，吃貴價的牛扒，叫五成熟，來時變 well done，韌到有些部分根本咬不開，本來想加叫生蠔也即時不想叫。服務也不好，已覺得不值。隔了幾個月，週末下樓隨便吃午餐，二人見有位就進去找張吉檯坐下，當時有多過一張全吉的四人檯，坐下後侍應才來想我們改去搭檯，我們有大背包，搭檯位置又窄，外面又不是有人排隊，決定不理。然後都未點餐就有疑似經理以 "這是四人檯" 為理由又想我們轉去搭檯，態度分明趕客，我指著另一張只坐了一人的四人檯問為何（後來發現那人明顯是熟客），經理氣結，話一陣多人亦要搭檯坐一邊，我話好，有客先搬。食物普通，朋友也說黑椒豬頸肉炒烏冬太鹹，咖啡 after taste 偏酸。其實之後成餐都食之無味，這樣的待客態度，你想客人來 貴品牌當食西餐抑或當食連鎖快餐來受你氣好？要食快餐的話，馬鞍山也不再是美食沙漠大把選擇。你覺得人會多，就應該客人一進來就安排座位，怎麼四個樓面顧十檯客都招呼不好，客人自己搵位坐好了又要人轉檯，仲要看到其他人都是一人二人坐四人檯，你怎會好意思叫客人有吉檯又要搭檯然後看著你們樓面繼續同熟客吹水？題外話，整餐飯一直看著

自問對食物要求唔太高，但係起碼d食物要熱囉！第一次食 牛舌 豬排 薯條都係熱既第二次食 雞排係唔熱既，但薯條係熱既第三次食 所有野都係唔熱既！第四，五次食都係唔熱既好失望😞雖然我知有好多公司既食物都係整定先既，但係都會處理下，整熱返佢，但係呢度既食物係一d温度都冇！

經過 Munch Now，環境好似不錯，算係馬鞍山夠偏既位置夠寧靜，就入去食份扒先。大約十張枱，靜靜地傾吓計，啱哂啲想傾下計慢慢食既人。我嗌左香煎加拿大豬鞍，先上蘑茹湯，有蘑菇味，濃道適中，不錯，跟住上豬鞍，全熟不韌，但味道偏淡，始終都係覺得豬鞍慢煮較好。另一位点了香煎纽西蘭羊扒，5成熟，可惜來了7成熟，這很影響口感，要扣分，但味道不錯也冇騷味，至於配菜翠玉瓜夠霖和蓮藕夠乾身。最後是咖哩雞配油酥餅，咖哩汁味比較淡，雞就不过不失，油酥餅也是一般。整體環境不錯，夠靜，每人平均$160，水準一般， 經經濟濟，傾吓計，值吾值就見人見智啦。

午餐嗌左佢個豬頸肉意粉，講真味道真係幾好的，但好無奈，佢一拎埋黎啲意粉用差一拎起，已經幾乎無曬本身以為係咪佢哋夾少咗，問過店員佢話就係得咁多~ 雖然佢哋可能主要做晚市，但係一間好嘅餐廳服務同食物都唔應該馬虎而且佢地既喇沙烏冬竟然仲用緊類似當當烏冬既麵質

今日年初五去左munch 食lunch, 之前都食過幾次，一直都覺得呢間野ok，不過今日就好失望。坐低見到直至初六都要+20%服務費，過年嘛，被屈都沒辦法。叫了個日式咖哩牛肋肉蛋包飯，之前食過應該沒有伏。。誰知等了又等，隔離枱遲過我黎一兩個字，食完，我個lunch 都未到; 追呢，個侍應又講得出我爭乜，咁我唯有等喇。最後等左半粒鐘先有。。。一個唔係蛋包飯既蛋包飯，連蛋蓋飯都唔係。幅相我筆左啖飯先記得影，所以舊飯爛左，但上面啲蛋原身已經係咁爛。啲飯咬落係生既，再隔離枱有個又係叫呢個飯，佢就投訴話咖哩好咸，同埋啲飯好生，我果碟就唔覺得咸，不過搞笑既係個侍應問我咸唔咸，見我講唔咸就同投訴果個人話你兩碟係同埋一樣，然後就走左去。咁其實係咪落鹽唔 勻呢？但咁就收加2 服務費了我諗我有排都唔會再去呢度，又唔係無其他選擇

今日當提早做節，一反傳統，食西餐平時行過呢間餐廳，雖然人唔多，但好似幾有格調，門口睇一睇餐牌，見價錢唔貴，入去試一試啦餐牌一面係套餐，包餐包餐湯主菜同飲品，另一面係散叫，加餐要加$30餐包餐包鬆軟，翻熱過之後先拎上枱，暖嘅包配上溶嘅牛油，滋味忌廉湯餐湯冇得揀，指定得一種忌廉湯，湯無任何配料，除咗忌廉之外飲唔到有其他味道，而忌廉亦煮得好「杰」，極難入口原隻燒春雞（$119）賣相好，份量大，絕對唔只係一隻春雞，而外皮燒得香脆問題嚟啦，一切開隻雞，有大量疑似雪水流出，應該係解凍不足嘅問題，雞應該係有肉汁，而唔係有雪水味道方面，係冇味嘅，食過好多餐廳，燒春雞都會攞香草去燒，燒完隻雞會香味十足，但呢隻燒春雞，相信應該係原隻白燒，冇任何調味可言最大嘅問題嚟喇，由門外嘅餐牌，到枱上面嘅Menu，從來冇提及過「加一服務費」，正常來講，如果要加一，餐牌定必提及。到埋單的時候，我哋嗰餐係收咗加一嘅，侍應話每逢星期六日都要收，雖然只係10%嘅差價，但感覺同濫收費用的並無差異

兩個字：中伏！ 首先個湯超難飲，南瓜湯一D南瓜味都無，完全好鹹。點左一個Ribeye但上左個西冷，心唸算啦 都照食～ 但越食發覺越唔對路，整塊牛扒都係肥肉。。。有圖有真相，部分仲要好生唔知點食。 另外一個點左個石斑魚，仲慘 塊魚好硬完全無味。。好似雪藏好耐咁 配菜都好難食 罐頭蔬菜，雖然唔係好貴價嘅西餐但絕對唔值158+10% 快餐牛扒（大家樂/美心）仲好食過佢。我見到隔離檯個牛扒都太生要拎入去重新整。所以勸大家都係唔好試。見到地下周圍都係滴嘅汁衛生應該都麻麻

是次去食dinner.其實食物係ok,但人同餐牌真係好有問題。餐牌上寫套餐包咖啡或茶，但凍即磨咖啡就+$12，好啦到落單時我都指住餐牌個欄問職員(呢度甘寫我要杯凍咖啡洗吾洗加錢)職員答我吾洗，個餐包左。到埋單，張單有寫加左我$12，我當然問點解加啦？個職員首先話打錯左，之後問完高級d既又話對吾住，其實係要加先岩。嘩，我可以點，吾飲都飲左，結果我費事嘈都照畀左，但真係要大家知，呢個做法真係好有問題！