MX (中華總商會大廈) (已結業)

美心MX 這分店推出早食飯優惠套餐不定期換款上一次時叉燒飯今次是$39 的海南雞飯1130-1230 午餐時間1730-1830 早晚餐一份海南雞,3款醬汁,一碗例湯一碗香米飯雞皮夠滑,肉夠嫩,味道偏淡,米飯夠香,湯一般

運動前的下午茶☕️呢間MX既座位都幾好坐，下午茶又算抵食，雞翼西多下午茶套餐，食物味道都做得唔錯，去做運動前，我一定要食D嘢，呢個食完又不會太飽，有時係其他地區既MX真係吳掂，尤其是新界區，真係區域晤同，食物好食D，連1地方都坐得舒服D😊，雞翼脆卜卜，夠熱又夠脆，😊平日很小吃西多的我，西多亦做得不錯😊，加埋獨立包裝、乾淨衞生的糖醬、牛油，更加惹味😋唯獨是🍋茶。茶不夠濃郁，比較淡左D😅小食店內的舒適座位，坐得舒服，食得自在🤗

在中環IFC這個貴到傻的🦈地方，大多數餐廳都要過一百元，能找到50元只有吉野家，麥當勞，大家樂，和MX。其他都是真心貴，快樂蜂更除了炸雞就其他都是伏，伏味濃。MX最近推出了台灣定食，還弄了個抽獎，買一份就有一張卡，安慰獎是平時都不會order上湯菜(淡而無味娃娃菜)黑醋豬軟骨感覺不錯的說，很好吃，醋汁撈飯都滿足了相反小吃是搾菜，云耳，花生，當中花生是。。。。🤢台式炸雞做得這麼特別，可以是全港第一了，令人印象深刻，和雞一起炸的豆腐反而吃光，至於炸雞，我們懷著感激之情，留下一半在碟子🤦🤦🤦🤦🤦🤦🤦🤦🤦🤦🤦🤦🤦塊葉子反而好吃🤣

夜晚一個人食飯嘅話，最適合就係食快餐啦。點解呢？因為一個人都唔會覺得寂寞，人來人往，而且好多快餐店嘅人都係自己一個人食嘢。今日放工之後，就嚟咗美心M X食飯。叫咗叉燒米線， $40 ，真係好平呀。米線嘅湯係幾有味，叉燒就嫌佢太鹹，有少少味精嘅感覺。七點幾嚟到食，大把位，唔使排隊。快快脆脆食完個晚餐，呢個正正係快餐店嘅優點：快靚正。

是咁的，既然佢出品好咗，再幫襯是常識吧，仲好大膽咁樣試新野。呢頭讚完呢間連鎖店嘅水準高咗，嗰頭就出咗個略低水準嘅烏冬.....野菜天婦羅咖喱烏冬 - 天婦羅係新鮮炸起，細心咁放咗張吸油紙喺店面，天婦羅炸得係OK嘅，但炸粉略嫌多咗，仲有應該啲油係唔夠高溫，天婦羅嘅又好快食返晒出嚟。有誠意嘅係用日式咖哩湯底同日式幼身烏冬，但野菜變得酸，薯仔同紅籮蔔未熟透，烏冬好快就一餅嘢咁。另外加左$6嘅咖啡，大x樂同大x活好飲好多。成個餐加埋差不多$60，快餐店來講算中上價錢，用料係唔錯，但呢樣出品卻係強差人意。

雖然是五月天但外面感覺竟然有點濕寒。看到餐牌上面有上海特色套餐包酸辣湯，即刻叫來試試。上枱時紅燒獅子頭煲一直冒着蒸氣。一打開，裏面的汁仍熱辣辣滾著。拳頭咁大嘅獅子頭煮得入味，送飯一流。有點期待的酸辣湯，料足味道較得不錯，可惜湯太杰，落多左獻。

今日午飯時間很餓，決定去美心嘆我很喜歡的雙髀飯，其實就是燒味飯加錢轉髀囉⋯⋯ 可惜我忘了叫免斬🙈 我比較喜歡拎住全隻髀咬，感覺開心好多架～ 其實也是兩年前左右才知這類連鎖店可以這樣点餐，真係好感激那位告訴我的舊同事教我吃好野😆 食好野真係令人開心好多的～ 而且價錢亦十分合宜，我覺得是物有所值😋 食到乾乾淨淨，剩返包骨～還可以順便參加埋美心Facebook game, 可惜我唔係大嘥鬼現身果日黎食，所以就預唔到佢😩

天氣涼涼地，最適合就係打邊爐🍲幾間連鎖店都紛紛推出不同特式的火鍋，近日見到美心MX既醉雞鍋好似幾吸引，今日終於去試下🍴有三款火鍋可以揀--牛, 雞, 海鮮湯底都有三款: 沙嗲, 芫荽皮蛋, 花雕藥膳醉雞火鍋當然揀花雕藥膳湯底，湯底真材實料，好香酒味😋十分滋補雞件有醃過，十分夠味同濃香酒味，食落好嫩口配料十分豐富--赤海蝦, 餃子, 雞肉, 飛魚子雞滑, 蟹棒, 油揚, 炸魚片頭, 烏冬, 南瓜, 蘿蔔, 粟米生菜, 油麥菜，全部都好新鮮，足料👍另外仲試左個海鮮鍋，配沙嗲湯底湯底沙嗲味唔係好濃郁，較遜色😯配料名符其實，好新鮮同豐富，帶子同赤海蝦鮮甜又彈牙😋，肥牛仲好濃郁牛肉味👍其餘配料同醉雞火鍋一樣豐富同新鮮仲單點叫左個牛丸，牛肉味香濃，彈牙彈汁，相當有驚喜😋仲叫左$20蚊三杯咸檸七同雙檸可樂，檸檬味唔濃，但汽水係打邊爐必備👍中環呢間MX坐得舒服，而且服務都幾好總括黎講: 藥膳湯底幾特色，材料新鮮同豐富(p.s.一行3人食兩個火鍋加$20三款配料已經好飽)，CP值高🍳🍴味道: 8/10👩👨服務: 7/10🏠💺環境: 7/10💰💸抵食: 7.8/10總消費: $204 (3人)

香港人大多好忙👣，搞到收工好夜🌌，一個人有時都唔知食咩好🤷🏻‍♀️。草根姐妹亦唔係日日一齊食飯，妹妹去拍拖嘅日子，姐姐試左美心MX嘅個火鍋🍲鮮氣逼人海鮮火鍋🍲（$75）Seafood and American Corn-fed Beef Pot 💁🏻‍♀️配料：北海道帆立貝、赤海蝦、美國穀飼肥牛、蝦滑·**配藥膳湯底** 其實一個人涮涮下都可以係一種浪漫嘅👉🏻👈🏻個名改得好好😂，*鮮氣逼人*海鮮火鍋，另外仲有 “酒不醉人醉雞火鍋”同 “牛氣沖天肥牛火鍋”。湯底有3款，揀左藥膳鍋湯底，估唔到真係幾香，配料全部正正常常，帆立貝夠大粒幾鮮甜🐚，蔬菜量唔少，最後淥埋個烏冬，吸晒d藥膳同海鮮味🌊，一個人食完好飽飽。有時享受下一個人獨處嘅時光✨，一邊食火鍋🍲一邊沉澱下忙碌嘅生活都好唔錯🌚🌝 .

八號風波打唔成，注定要ot!6點幾好肚餓，就去左美心食飯。海南雞飯，雞肉好嫰滑，油飯粒粒分明。點埋酸辣汁，好開胃。仲有一個靚湯。成個餐好滿足，食完充滿力量。繼續加油！奸爸爹！

去左跑小丸子校園跑，跑完熱到食唔到野！因為公公入左醫院，男友陪我山長水遠去港島，去到中環先發現有一啲啲肚餓，男友建議去食個下午茶！邪惡地揀左炸雞脾碗仔翅紅豆冰一起開心share！雞脾炸唔透或者炸太耐，唔脆口！碗仔翅係好普通街邊都買到嘅貨！紅豆冰出奇地好味，唔太甜又有好多豆，豆夠淋

店名由美心改為英文名，黑色格調多少窺見此店改革的雄心。自少覺得它和兩快餐集團不同，紅色細格仔圖案，餐具精緻，格局，食品都比大集團高半個檔次。我把此店當作餐廳，是約異性食晚餐的好地方。當年，已知道切忌約女士去麥記。寫了食評年餘，仍無法用筆墨，比較此店和兩快餐集團有何不同。此分店裝修了三年，才首次入來光顧。餐牌的字偏細，燈光偏暗，令我不習慣。價位很「貼地」，隨意點選「港式早餐」，測試與我吃慣的兩快餐集團西式魚柳炒蛋套餐有何不同。「五香肉丁米粉」餐的五香肉丁米粉合格，味道似茶餐廳多於快餐店。香腸特長，多士是粗麥包，刻意表露個性，質素中上。煎蛋太工整，似是微波爐「叮」出來。朋友的煎蛋則正常，有脆邊。游泳後來吃午餐，選中「濃濃龍蝦湯」系列。吉列豬扒被大家樂比下去，不是優質豬，瘦而無肉汁，無嚼勁。熱度不是高。前日是假日，中環少客，貨不是即炸。龍蝦湯是做到海報靚女「湯底滋味.口感細膩」的承諾，濃稠適中，掛麵力高，不咸而覺濃郁，馥郁，不只龍蝦味，味道有層次，比很多餐廳出色。為寫食評，昨天早上去食「濃濃龍蝦湯」系列早餐。和牛漢堡煎得香脆，整個早餐豐盛，滿足。烏冬換作螺絲粉，質素平凡，湯底依舊香濃。今早的

食晏放飯食快餐，去咗食MX中環，一心諗住食天使雞扒飯，排隊嗰陣見到有個自由扒餐，塊板可以揀和牛漢堡、雞扒或者豬扒，跟住再揀火腿、腸仔或者午餐肉，之後再揀汁，再加飯或者意粉$46連嘢飲，總共有36個唔同嘅過關組合。最尾我揀咗和牛漢堡配火腿，配紅酒牛肉汁意粉，跟凍奶茶加$3。和牛漢堡比較細塊，但厚厚地幾好咬口，質素同MOS BURGER和牛漢堡差唔多，口感各有不同，紅酒牛肉汁幾好味，總括來講成個餐都唔錯，但如果佢可以好似大快活咁，有多啲菜就再好啲。再簡單介紹下呢間MX，比較特別嘅係佢係有兩層，兩層都係有各自嘅收銀處同廚房，好少見，賣嘅嘢食大部份嘅都一樣，但係有啲係樓下有樓上冇，所以唔趕時間嘅你可以睇下樓上樓下分別有咩食先買。個人比較鍾意坐上層，因為有窗口感覺冇咁侷促。今日去食嘅時候係星期日，成間舖都坐滿菲傭，感覺置身菲律賓，快快食完我就起身。

意想不到在這快餐店內有厚切雞扒吃。肉身很厚，但熟得來不會生，也不會過熟，有肉汁，也很鮮嫩。雞皮很脆，很惹味。加上汁是另上的，別有一番快餐店的體驗，真是很物超所值。

MX 是有多不喜歡客人堂食呢。外面天氣18度，它居然將冷氣調到單位數，周圍的食客同清潔職工都打冷震。同經理反映，居然跟我說不通風，爭取了三次後說會降低冷氣，但到吃完還是又涷又大風。本來食物已經一般，仲不理客人感受同反映，管理層是不是應該處理一下。