Natural Chiffon

营业中

休息中

在旺角銀城廣場的地庫裡，隱藏著這麼一間售賣健康杯子蛋糕的小店。之所以說它售賣的杯子蛋糕健康，是因為這兒的杯子蛋糕全是少甜，無色素，無香精的，這還不是十分健康嗎？這店子雖然地方小小，不過售賣的杯子蛋糕款式還真不少，就以這天所見，便已有十多款不同的味道可供客人選擇，包括咖啡、花生、咖啡朱古力、榛子朱古力、蛋白奶油忌廉、芒果、開心果、紅桑子、玫瑰荔枝紅桑子、血橙熱情果、綠茶等 ，款式多多，而且色彩繽紛。蛋糕造型雖不是太特別，主要都是以花朵為主，仍然頗為吸引。這兒的杯子蛋糕只供外賣，不設堂食，精美的外賣盒子有三款大小選擇，分別可裝兩件、四件或九件杯子蛋糕。外賣盒子其中一面透明的設計，可讓裡面的杯子蛋糕清楚給人看到，吸引途人的目光，這宣傳手法都算不錯。也欣賞這店子在外賣盒子的當眼處，寫下了 Cupcake 的食用小貼士：「放室溫下解凍30分鐘，口感更佳。」這提醒雖看似普通，卻是店子服務貼心的明證。這次幫襯，我只買了兩件蛋糕，味道分別是老婆仔喜歡的芒果味和我最愛的榛子朱古力味。老婆仔的芒果杯子蛋糕造型漂亮，彷如一朵盛開的嬌黃色鮮花模樣，所用的奶油忌廉味道清新，甜而不膩，讓人在吃到芒果味道的同時，不

在食過這家店的CUPCAKE 前, 我總是覺得CUPCAKE 只是外貌裝飾得美美卻是甜得很的東西! 但這家店真的令我改變了這種想法, 這家的CUPCAKE 除了裝飾得很優雅之外, 還一點也不甜, 令我一食再食呢! 我超愛這家店的CUPCAKE全是由天然材料而製, 即使是CAKE 上的裝飾都是無色素的, 並且是由天然水果/植物的顏色提煉而成, 十分健康而且食得好安心呢. 今次食的是玫瑰紅桑子及特濃朱古力玫瑰紅桑子CUPCAKE 一入口就食到淡淡的玫瑰味, 然後就會食到微酸的紅桑子味, 好FRESH, 一D 都唔甜,蛋糕好香牛油味, 不過可能我太心急食了, 未等夠解凍30分鐘就食緊, 所以蛋糕有點實呢至於特濃朱古力呢, CAKE 如其名, 朱古力味果然好濃厚, 就連個蛋糕內都夾有朱古力碎呢, 十分有口感,呢個CUPCAKE 可能有多D時間解凍, 蛋糕果然鬆軟一D.這家店還有很多很多不同味道的CUPCAKE呢, 下次經過都必定會再買~~~

上星期有朋友在生日時請我們食了這間cup cake後便好像上了癮一樣，於是今日途經旺角便一定要衝去買來止渴先！我地2人叫了4個cup cake，2個開心果味，1個花生味，1個綠茶味！開心果味是我地上次友人請我們食過後一試難忘，所以今次一定非吃不可！cup cake面既開心果味cream超滑超香濃開心果味，喜歡開心果的人一定大愛！滑滑的cream入口慢慢溶化，食完口腔還有少許開心果的餘香！而蛋糕亦有好香的雞蛋味，鬆化又美味！花生味今次第一次食，花生cream一入口比想象中更驚喜，很喜歡這店的原因是每一款香味的蛋糕也很自然，不似加入人工香精或香料，感覺好像是真的用很多花生/ 開心果磨出來一樣，有真材實料的感覺！所以花生味令我很驚喜，花生迷一定不可錯過！綠茶味相對就淡很多了，有點兒失色，綠茶味不香又不濃，令我有少少失望…今日我大約5點左右到達，沒有其他顧客，所以可以慢慢挑選！

其實我好少寫食評, 不過真係好想支持一下呢間cupcake店!好耐之前呢間鋪頭仲係試業果時,有次等上堂無野做落去行下先發現到呢間唔起眼既小店!最初純粹係貪佢靚所以買黎試食完一次之後, 從此我就成為呢間鋪既fans!!!次次出旺角都一定要去買!!高峰時期次次都去買9個裝分開每日食1個先安樂而家有朋友生日我都寧願買capcake比佢地多過買d唔好食既蛋糕.有誠意係因為食得出d味道好天然, 連最怕甜既mami都話覺得好食款式更加係大方得體又靚. 最少唔係求其一pat cream, 而係有唔同既花甚至公仔而店主又好, 成日見到既店員都好nice好親切, 亦都係我幫襯咁多次既原因之一 我自己最鐘意就係重cream味既蛋白奶油 不過最清爽&同樣好味就係血橙熱情果!唯一要改善既地方..就係以前明明都會有好細個唔同味既capcake仔供試食而家無哂搞到有時想試新味都唔敢亂買, 希望快d有返

想買生日蛋糕俾一個朋友,但係兩個人真係食唔到一個正常的蛋糕於是想到來這裡買CUPCAKE!因為睇食評見到D CUPCAKE好靚,一D都唔求其而且好平呀,$15一個,以佢咁特別咁靚既外表,呢個價錢真係好平買左兩個真係好靚,睇到我好心動買左荔枝玫瑰同朱古力咖啡前者仲未食,但個朱古力咖啡真係要讚本來以為得個樣,但原來好好味的D CREAM唔會太甜,香香的朱古力同咖啡,mixed very well另外個cake本身係朱古力味,有一粒粒的朱古力o係入面,好好味 must buy!很好的生日蛋糕! 好滿意

昨天晚上和母親來到時剛好十時，店員已經正清理店面，準備打烊，深感失望。今天午後再訪，誓要一嚐無添加Cupcakes。Cupcakes造型全是花朵，賣相精緻可人，而且味道多變，可謂「花」多眼亂，最後買了四種不同的味道和一盒兩件的棉花芝士蛋榚。Cupcakes只需HKD15一件，相對過往吃過的來說便宜一大截，而棉花芝士蛋榚兩小件共HKD10，價錢相宜。先說棉花芝士蛋榚，看上去質感與一般日式芝士蛋榚同樣細密，平凡樸素。咬一口，質感果然鬆軟幼滑，雖不及棉花，但在質感方面絕對是件稱職的日式芝士蛋榚，芝士味也如日式芝士蛋榚般清淡，吃光兩件也不感甜膩，冰冷的榚身更留下深刻的印象。不過，對於愛好芝味的我來說，這裡的芝士蛋榚雖然算是抵食，但是我還是偏好濃重芝味的歐美式芝士蛋榚，再買的話會進貢給家人吧!先來幀震撼的Cupcakes圖吧!左上的是蜂蜜味，右上的是咖啡朱古力味，左下的是綠茶味，右下的是雲呢拿味。咖啡朱古力味，咖啡味和朱古力味的牛油糖霜均十分幼滑，可可味不過份濃烈，而且帶點咖啡味，咖啡味也不會喧賓奪主，兩者並列主角之位，甜度也很到位。而其下的朱古力蛋榚可可味相對較為濃郁，而其中上層更夾粒粒的朱古

最近，見到有位食友的食評是漂亮的 cupcake， 而售賣的地方正是 <Natural Chiffon>！ 此店標榜「獨創天然果蓉做忌廉，以及無香精及無人造色素」作賣點！我那天專程走到旺角一趟！找找這間 cupcake 小店！ 位於西洋菜南街的銀城廣場，望到 Puma ，搭扶手電梯落一層，即見到青綠色招牌的 <Natural Chiffon>！ 招牌上最顯眼莫過於那隻綿羊！ 綿羊令人聯想起軟綿綿的感覺！用來形容 cupcake 軟綿綿的質感，相當貼切！ 店內擺放了多款 cupcake ，琳瑯滿目！ 還有做結婚的 cupcake tower sample！ 此外，不少得雪櫃，貯放著已弄好一盤又一盤的 cupcake！等待售賣！所有 cupcake $15 / 件，用上法國牛油及蛋白，混合果蓉，打製成奶油忌廉！而且， 款式多不勝數！大部分以各款別緻的花藝形狀做奶油忌廉，又看得又食得！一舉兩得！ 海綿蛋糕分別有原味及朱古力味，要視乎個別口味，才跟朱古力味海綿蛋糕！不同忌廉顏色代表不同口味！當日看到的口味包括：蛋白奶油忌廉、芝麻、綠茶、血橙熱情果、熱情果、芒果

早前開到周圍都係既CUP CAKE 店靜悄悄地失消晒之後都冇點再搵過CAP CAKE 食啦最近見到有一間新店竟然咁有勇氣開左就2話不說去下試味一向CUP CAKE 給人的感覺都是甜都死很多自稱嗜甜者都大呼怕怕不過LI 一間CUP CAKE 就不同了CUP CAKE 比半時的少了一半甜度下午茶食ARMARM 好雖然外表唔係行創意路線是外表正常的CUPCAKE但味道還是十分不錯吃了4款:紅桑莓, 開心果, CHOCOLATE 同 雲呢拿個人認為紅桑莓cupcake味道最好~酸酸甜甜 紅桑莓味夠FRESH 唔會食得一口油忌廉味開心果既CREAM 十分有開心果味，而且外形最得意朱古力就一般 不算有濃烈的朱古力味 但都交足功課最普通是雲呢拿 雖然可以望到雲呢拿籽 不過真的是吃不出味道來

我自己鐘意整蛋糕，特別鐘意牛油蛋糕，但出面的牛油蛋糕一般不能滿足我的要求，因為很多都沒有牛油香，有D唔知係咪落得太多乳化劑，好像很黏牙糊口的，但他們的不會，有點像我在家自己做的牛油蛋糕，但比自己做的鬆一點點。CREAM方面，真係好好味，我食左綠茶，真係幾香。外表好靚，不過我冇影相，因為其實今次只買了一個當係試食，如果味道OK就會找他們做結婚的CUPCAKE TOWER。價錢方面呢，如果唔係咁靚，我諗就算好食我都覺得貴。

食的味道有7款: 有蛋白忌廉﹐桑莓﹐開心果﹐芒果﹐雲尼拿血橙同藍莓忌廉。我每個都食左一個就encore左桑莓同開心果(raspberry was sour enough and pistachio was rich in nut flavor)﹐因為其他都不太引人哦。雖然蛋糕底是鬆軟好吃﹐但整個蛋糕就太普通﹐而且另外的七種味道都沒有個性﹐只是chiffon cake topped with甜甜但又融融的忌廉的喇。食左一件超厚的巧克力杏仁rectangle曲奇﹐雖然沒有死甜而且質感鬆脆可口﹐但又是巧克力味不夠濃郁沒有個性﹐仲有呀厚不代表抵食呀。

好鍾意食靚嘅甜品,所以對於精緻嘅Cup Cake愛不釋手Natural Chiffon嘅招牌望落感覺似M字,對M字有情意結嘅我更加對佢加分(當然睇清楚佢只係Natural Chiffon 嘅縮寫忍唔住手一買買咗九件,有啲擔心會食唔晒呀九款唔同味道─玫瑰荔枝紅桑子,蜂蜜朱古力,開心果,雲尼拿,杏仁榛子,荔枝記得六款味道咋,款款都好似藝術品咁靚架,當晚番屋企食咗2個,另外7個第二日當Lunch食晒甜味適中唔會死甜,味道天然真係好Natural架蛋糕底軟綿綿好好味!!希望快啲再有時間食多次

之前睇報紙見到有介紹呢間cup cake, 以無香精及無人造色素作招徠. 今日經過附近, 特意買來一試.買左開心果味, 造型好別緻, 上面的奶油好軟滑, 入口唔算甜, 有開心果味, 幾好味~ 下面蛋糕為原味, 質地較實, 上下兩層一齊食口感唔錯~ 有機會會再試其他味. 負責人都好詳細講解食法及貯存方法, 幾細心. 買兩件蛋糕有小紙盒盛載, 入面有位固定蛋糕, 出面再有膠袋方便拎. 原本覺得幾好幾美觀, 但落到地鐵發現個盒傾側, 蛋糕在盒內周圍滾.......上面的花花爛晒........非常失望, 所以都費事影相....出面個膠袋實在太易走位, 如果紙盒直接有手挽位會較好. anyway, 唯有下次小心d.

對我而言，有誠意的食肆比起單單製作美味食品的餐廳更加吸引。在今日人做色素及香料這些刺激味蕾的東西氾濫的時代， 堅持使用純正材料去做食物的食肆真的寥寥可數。Natural Chiffon令我有衝動去寫Openrice第一個食評的原因就是它堅持使用無香精，色素及防腐劑去做蛋糕。 在試過第一口後先知道原來以前一直都是食有香精及色素的蛋糕，而且糖分極高。Natural Chiffon的主打是Cupcake，比起一些咖啡店售賣甜到頭痛的美式cupcake，它的cupcake絕對不會過甜。蛋糕底有原味及朱古力味，我個人比較喜歡朱古力味，因為蛋糕內有朱古力粒粒。每個cupcake都是15元，我認為是誠意價錢。