Neighbor (已結業)

見個外表幾靚入去試下，去到坐低都冇乜野， 慢慢慢慢就覺得好嘈， 可能環境太細同埋又密封，明明樓底唔矮，但係成個環境都好似好嘈咁。 叫咗個有廚師推介嘅肉眼扒同埋一個 三文魚帶子意大利飯。肉眼扒賣相都ok，但一切落去又靭又乾， 切到爛曬都切唔開… 非常失望，一啲都唔好食。 意大利飯好硬，不過都ok，非常普通。以西餐嚟講算係麻麻， 咁多選擇我應該唔會再幫襯佢

呢間餐廳格局有d似cafe，幾優閑，坐位係sofa，頗為舒服。不過侍應有時掛住圍埋一齊，有d難注意到客人。第一碟黎既係南瓜蟹膏大蝦意粉，賣相吾錯。一食冇乜蟹膏味，只有濃濃既南瓜甜味，先發現原來我未攪拌好d蟹膏。呢樣真係好重要！攪拌完既味道完全吾同，中和左，吾會偏重其中一邊既味，幾香，幾惹味。之後我地重叫左鵝肝黑松露意大利飯。其實我第一次食鵝肝，有d腥，但當同意大利飯攪拌一齊，味道又好左。淨係食意大利飯會覺得香草蓋過左黑松露味，但好彩有鵝肝。最後一道主菜係燒豬鞍，個汁酸酸甜甜，幾開胃。而豬鞍外層亦燒得好香口！讚！最後叫左杯pink lady，幾好飲，好fresh。

在open rice search 餐廳，因為想吃鵝肝選擇了Neighbor。位置在邊寧頓街，天橋下面的押舖旁邊，行一條長樓梯上二樓。星期日晚上八點光顧，餐廳𥚃只有三枱客人。整體裝潢是工業風，水泥灰，店內燈光也比較暗。1. 飲品味道不錯不會太甜。2. 薯條切得薄但寬，炸太耐很乾很硬，叉都拮唔入，後來重新換了一盤薯條仍然偏乾硬。3. 鵝肝多士，多士烤太耐，乾丶硬丶咬唔到，鵝肝煎燶左，廚房上菜時將燶黑果邊朝下放，印象中鵝肝定價大概是100元，感覺被騙錢，我們已經懶得投訴。伴碟沙律沒有醬，完全純伴碟裝飾。4. 蘑菇意麵一般般地不好吃。總結服務丶飲品ok，食物完全不合格。

朋友俾左張50蚊coupon我，同男友來呢度食餐好既。上次其實來左食佢個牛肉漢堡，覺得唔錯。所以今次來食晚餐就無再嗌漢堡，試下其他野。我見OpenRice d 人都有讚下話佢塊肉眼好食，其實我本身麻麻地肉眼，我鍾意食西冷多啲，但見肉眼好評咁多就試下啦，反正如果食唔晒都仲有男友幫我解決呢個係餐湯-蘑菇煙肉忌廉湯，湯好濃郁，應該真係落士忌廉而唔係打芡既。因為我聞到好香既奶味。岩晒我口味。呢個係Caesar salad，用黑醋同olive oil dressing ,健康前待已久既肉眼扒終於來喇，10oz都幾大塊,隔離有啲火箭菜伴碟。肉眼扒我地嗌左七成熟，切開真係七成一咬落去，不得了，牛味濃，好嫩，真係好有牛肉味！好正。呢個下次來一定會再嗌！第二碟係德國咸豬手。上來既時候拆好晒肉，皮好好好脆，肉好實。同我係德國食既真正咸豬手味差唔多。唔錯，但我同男友係呢個時候都食到好泄了。題外話，來左呢間野兩次，都發現一個好有趣既地方，就係侍應好多，但大多數人都係係門口行行企企自己圍威喂傾計，同淨係望門口，入面啲食客舉好耐手都無人見到，我唔知係特登唔想做定點，淨係望門口架喎真係。又唔可以話態度差，不過就係h

七月流流 見到條又長又黑嘅樓梯都咪話唔驚你想呢間餐廳之前必須要經過一條咁樣嘅樓梯所以如果行動不便或者老人家就建議你唔好去 費事嚇餐飽!銅鑼灣要搵嘢食話難唔難話易唔易,因為有好多餐廳都食過,點解開頭我會揀呢度食?係因為餐牌上面有啲好得意嘅飲品名,有一個叫做咩"吸血鬼咩青蛙"!點知嚟到嘅時候已經冇咗 而且book位食飯有甜品送,滿心歡喜所以就揀咗呢度黎食!呢個沙律唔錯,勝在材料夠多!火箭菜好夠味,好新鮮,而且仲有粟米帶返起個甜味!同煙三文魚都好配合,沙律用上嘅蔬菜一啲都唔平,但係個青瓜就切得有啲,怪 因為青瓜本身有草青味,如果切到咁大舊好容易令唔鍾意食嘅人反胃😂!漢堡包都唔錯入面塊肉好有肉味!😊😊😊而且個大啡菇充滿水分,啲肉冇搶走個菇!本身嘅味道,但係伴碟嘅薯條同蔬菜就麻麻地,分數全部係畀曬個麵包! 大家可以見到個菜有少少林,好似唔太新鮮,而且個薯條唔熱,仲要加咗啲奇奇怪怪嘅調味料,年連薯條都好多肉味,真係好奇怪!上面伴碟嘅薯條唔好食,呢個真係以一道菜嘅形式咁樣出嘅薯條更加唔好食 佢用嗰個黑松露醬做主打,但係個醬完全冇特別,可以話黑松露味一啲都唔突出,真係點個茄汁都好食過黑松露醬同埋薯條份

話說見operice 咁多好評， 咁梗係要同friend去食啦! 點知大獲啦! 首先黎左個香草醬帶子煙三文魚意粉， 普通得嚟唔好食， 不過都算啦! 諗住仲有個茄蓉海鮮意大利飯同七7成熟既美國安格斯肉眼扒10安士，個意大利飯個汁好奇怪，好似用左臭洗蝦水加落去煮咁，我食左一啖係食唔落第2啖。咁都算啦，諗住個扒實冇死啦！咁多人寫好評，一切個下，成大半塊牛扒都係肥膏，切落去好怪，唔似7成熟，同個侍應講想換過塊扒，再黎既時侯係岩岩個塊扒，諗住照食，我d fd 食左2口之後，有半邊肉係宿既，吐都吐唔切，即刻叫經理過來反映比佢地知，經理話換過比我地，但我地唔敢再試!經了解後比左85折我地。短期內都唔會再食扒同意大利飯，真係有暗影。Ps:上2層樓梯時既衛生環境差，如果唔係咁差，我唔會浪費咁多時間打我第一次既食評!!!

頂樓個地要抹下啦，sin到分分鐘爭D跌倒。坐低之後係唔會即刻比水你嘅，明明水杯就係隔離張台。等D嘢等十年都未到，寫嘢gor個女仔全程黑面，其他服務人員企係個電腦後面都係聽唔到有人叫嘅。要咗個龍蝦汁蟹肉意粉，係冇肉眼可以見到嘅蟹肉嘅，其他嘢都係一般西餐廳水準啦。D嘢都未上完，見我食完個意粉就收走咗個叉，服務質素真係要再train下，唔會再來，第一個差評就比呢間。唔係好明評分點解會咁高，可能樓梯一上去個層會服務好D。

本身見到有200幾個 又少負評 諗住實冇死啦 點知... 啲野食賣相睇落都正常 但係主食既味道就真係唔多掂 首先講左啲正常既先我地叫左個煙三文魚沙律 正正常常 跟住最好食既就係薯條 夠晒脆又熱辣辣既粗薯條野飲都幾好飲 叫左個垃圾桶 係芒果特飲 唔會係好假既芒果味小食仲叫左個水牛城雞翼 未放到入口淨係脷尖掂到 已經覺得好鹹同埋都辣辣地到左主食叫左個黑松露意粉 個黑松露醬唔知係咪落多咗芝士粉 搞到好稠 味道都麻麻 食到芝士粉味呢個千島海鮮pizza 一拎起就全部配料跌晒出嚟 得返個Pizza皮 主要係因為太濕 而濕既原因係d海鮮 而唔係太多千島醬 因為濕到我地都食唔到千島醬味 上面除左海鮮仲有d菠蘿 但d海鮮仲有d腥味 成個pizza最好食係d菠蘿之後最大伏既茄蓉大蝦帶子risotto 上面有一粒帶子同兩隻燒大蝦 首先一黎到已經見到好多汁 嚴格來講係番茄湯 但個味又有d怪 成件事就係汁還汁有味 d飯就係米味 唔知係咪因爲隻蝦燒得比較燶 搞到面層既飯好大陣燶味同油味個帶子煮得熟左小小 2隻蝦就正常最後因爲openrice訂座送左2件cake 朱古力味個個都幾好食 另一件就略嫌中間既海綿蛋

本人喪鍾意食burger,如果唔係因為要成日注意keep fit同就住荷包，我相信我午晚餐都可以係食burger 而毫無怨言架🤣👍🏻而今日來老銅做facial,做facial前有少少時間剩，見肚餓餓地，就上openrice搵下有咩好burger 係附近啦。近近地幾就腳，而評價似乎又唔差既呢間小店就吸引左我去試喇。來到嗌左個main course (注意：我唔係嗌set ga)來到門口，見到無位坐咁既，原來呢間野係要行深啲入去，會見到條樓梯，要行上一層到啦，好有神秘感。車打芝士漢堡，點知無set都會連埋薯條同沙律菜，呢下小妹承認係驚喜左架。個burger 包size同手掌心差唔多，但厚度來講呢都夠，厚過麥記個安格斯牛寶（大約係1.5個安格斯牛寶咁厚）而你會見到佢啲芝士溶晒，遮晒塊漢堡扒架，好吸引。當你掀開個面包，發現無野睇架係。因為呢個漢堡既layering 係包+芝士+漢堡扒+蕃茄+菜+包，好classic 既芝士漢堡。個漢堡扒牛味充足，而且好juicy 室內地方其實唔算大，總共可以坐44人到啦，最大既枱係我張相影既卡位，坐到六個人。應該會返來再食，帶埋朋友來食。我個包就夜晚來食98蚊

最近食得多日本野，所以想食下西餐，醒起朋友介紹既一間係銅鑼灣既餐廳，就叫埋朋友一齊去啦！環境十分古堡既感覺，室內有個鋪滿綠色植物既牆，古堡得黎有點小清新！我就叫左個美國安格斯肉眼 10安士既套餐，有個西蘭花既湯，西蘭花打到十分碎，完全同食緊完整既味道一樣，十分鮮甜！田園沙律非常大碗，用左黑醋黎調味，好開胃！個餐以外我仲叫左個水牛城雞翼，用微辣既醬汁包住成隻雞翼，非常惹味，令我食唔停口！到左主菜，安格斯肉眼，10安士黎到分量十分，沒過多既調味，都味道十足，我叫左七成熟，都唔會過熟，肉質依然嫩滑，十分juicy ! 伴碟有粗切薯條，係剛炸起既，所以咬落好脆！呢度既服務員好親切又細心，值得一讚！ 下次仲想食下佢地其他菜式

今次再嚟食 已經被依到迷到係咁食係咁食 因為真係太好味！今次試新野 食嘅係龍蝦汁蟹肉意大利粉 一如以往 賣相已經好吸引好吸引 一食落口 不得了！依款意粉好好味 好香嘅龍蝦汁 每啖意大利粉 都有好香濃嘅龍蝦汁 食一啖就知道好足料！而且入面有蟹肉同菇類 令成碟意粉口感更豐富！而且個人比較中意食菇類 個人好中意依到啲菇類 每次食都覺得食落口好香 真係一試難忘嘅感覺是次依款意粉冇令我失望！不得不讚 食身賣相又有 味道又好！而係環境方面 我好中意依到嘅格調 雖然樓梯位有啲暗 不過成個環境好好！👍🏻👍🏻👍🏻👍🏻

曾經係「Neighbor」食過lunch，覺得唔錯， 所以今次就同同事一齊再試下佢個dinner～😏 餐廳主打意式歐陸菜， 有各式各樣的沙律、小食、薄餅、扒類、意粉和意大利🇮🇹飯。 飲品方面更為創新， 除了咖啡☕️、朱古力、汽水等， 仲有smoothie和special drink， Special Drink d名超鬼馬！ 斯里蘭卡吸精吸血殺人大青蛙🐸（$43） 咁長嘅名order嘅時候一定要鬥快朗讀出黎呀！😂 以菠蘿🍍汁為base， 加上薄荷汁嘅點綴， 成杯飲品都變左綠色（青蛙🐸）， 加上血紅色嘅士多啤梨醬，真係吸精吸血喎！😳 求其特飲（$43） 以紅莓、士多啤梨、藍莓和檸檬🍋梳打組合而成， 果香味十足，幾解渴！ Salad with Japanese Scallop 日本🇯🇵帶子刺身沙律（$68） 有多款新鮮蔬菜如雜菜沙律🥗菜、粟米、車厘茄組合而成， 加上日式芝麻醬，香甜可口， 帶子刺身有2L size，鮮味有嚼勁，值得一試！😏 Buffalo wings 水牛城雞翼（$68） 一客有5隻， 不是正宗嘅水牛城味， 反而是帶點港式風味的水牛城，微辣惹味，不錯吃！ L

眼見OpenRice啲評語唔錯 就一於嚟試 結果冇令我失望☺️ 兩個人 嗌咗一個pizza一個意大利飯先講pizza 嗌咗個千島海鮮薄餅 一嚟到 賣相相當吸引 pizza係薄又脆口 而上面又有好多嘅千島醬 材料豐富 絕對係真材實料！啖漸啖千島醬 仲有好多嘅海鮮 每一啖都好滿足👍🏻👍🏻第二樣嗌咗南瓜帶子意大利飯配煙三文魚 賣相同樣相當吸引😍特別中意依到嘅意大利飯 口感好好 有嚼口 唔同白飯 意大利飯俾人感覺好似生生地 但其實依樣先係精髓！而南瓜汁包咗粒粒嘅意大利飯 好香好香好香 除咗帶子 仲有一啲菇 果啲菇好香牛油味好好味！成餐飯好滿足 除咗得到視覺嘅滿足 仲有味蕾嘅滿足 雖然價錢上好似少少貴 但物有所值 俾咗嘅價錢 而食物嘅賣相味道絕對超出價錢！

餐廳裝修以木與綠色植物, 感覺柔和卡邦尼意大利粉 $88竟然喺銅鑼灣區找到不用$100的意粉. （起初有點擔心😅）NEIGHBOR的意粉彈牙👍🏻(有口感的)濃濃的芝士香配上煙肉, 雜菌, 每一條意粉都掛上適量的醬汁, 食得津津有味, 超推澳洲頂級西冷 $168係我喜歡的厚度, 五成熟✅ 肉汁多又有咬口, 少許脂肪部分, 帶油脂香, 輕輕沾上一點海鹽調味, 更能提升肉味👍🏻水果茶～霸王橙 $38哇～杯裡在3-4片橙 賣相果然霸氣！喱杯係綠茶與鮮榨橙汁混合, 味道好清新 才$38 餐牌有套餐散叫食物種類都幾多沙律, 小食, 意粉 意大利飯 連pizza, burger 都有😍絕對會Encore!

某日見到團購有$288 二人晚餐, 只需要用餐後加多$29服務費, 於是即日打去BOOK都仲得, 好方便!7點鐘去到, 坐左3-4成滿, 不過直到食完都係坐唔滿, 而睇落全場都係食緊二人餐, 而餐廳都盡量安排客人隔一張枱咁坐, 所以都幾舒適。一坐低仲睇緊餐牌, 店員已經奉上餐湯同沙律效率真係好高。磨菇湯好足料, 有一粒粒磨菇, 牛油味/忌廉味唔算太重, 感覺唔膩, 幾好。而個沙律份量都唔少, 隻蝦都幾爽口幾好食!不過同行友人食完之後就問定我地主菜要乜, 睇得出店員都好趕時間, 我地主菜叫左1個西冷牛排, 1個雜菌PIZZA。西冷牛排都幾大塊,目測有10-12oz,  5成熟既程度黎講係熟左少少, 不過都幾好味, 而且仲有D鹽放係側邊, 幾細心, 粗薯條份量好多, 炸得不錯!!森林雜菌PIZZA, 個人本身對薄批無咩興趣, 因為多數都得個硬字唔太好食, 不過呢個PIZZA都幾驚喜, 芝士夠多之餘, 個批底脆得黎又帶D口感, 雜菌份量唔多, 不過芝士+茄醬配合得剛剛好, 唔會太膩, 食唔停口二人餐仲包飲品同一件蛋糕, 咖啡/茶唔洗加錢, 當日蛋糕係一件疑似red velvet既蛋糕, 面頭