NeNe Chicken (新都會廣場) (已結業)

約了同事們聚餐，來到韓式炸雞店，當然要吃炸雞和炒粉絲，也是我們最歡喜的食物。無骨炸雞外皮很鬆脆，肉質也嫩滑。招牌炸雞炒粉絲意粉飲品顏色漂亮勁量級雞蛋卷雞蛋卷切開有蛋汁流出來，不會乾身，蛋味濃。

今日嚟到呢間位於新都會廣場嘅韓國餐廳，呢度嘅環境唔錯，員工嘅態度都幾好。食物方面，呢度主打係炸雞，炸雞外脆內軟，佢哋啲醬汁都配得好好，另外值得推薦嘅係佢杯特飲，佢會俾啲糖漿你自己落，由藍色變紫色， 外型靚之餘，味道都唔差！👍🏻

今次同老公叫左呢個二人套餐1) NeNe芝士火鍋一開始食芝士火鍋配面包，芝士同面包好香，雖然好好味，但我唔敢食晒，因為仲有好多野要食。 2) 皇牌炸雞其實係好味，不過一次過食太多，會覺得漏3) 脆炸紫菜蝦卷好有誠意啲紫菜卷，所有野夾埋一齊好好食，加埋沙律醬真prefect4) 芝士薄餅三重奏一共有3款 pizza, 一款雞，一款牛， 一款火腿，可能當時太飽，已經食唔落太多，覺得有小小漏呢餐其實好豐富， 最後太飽食唔晒，我就打包部分食物包返屋，第二日做早餐！

隔離韓烤排長龍，就過去食炸雞。見隔離枱嘅餸分量十足，我人少不能多點，只order兩樣，期待先黎個雙併嘅炒年糕+部隊鍋，賣相自正算，但味道有點臭的 超級怪味，勁難食，其實點餐前問過隔離枱，人家已話普通，我深信佢地太有口德，反而令人中伏真的中伏了！雞，又係叫咗雙併，試一不可再，比一般快餐，唔係專做炸雞嘅舖頭還要差呢！芝士只係散d粉上去，肉無乜味，甜酸嘅就只有白醋酸味基本上係求其落吓味粉/淋上汁料。 怪不得飯市都無乜人啦。

男朋友喺韓國旅行嗰陣試過呢間炸雞店，味道都唔錯，所以今次試下香港分店，睇下啲雞嘅質素同水準維唔維持到。我地叫左一個2人餐，套餐包一份炸雞、兩樣主食同埋兩杯飲品。炸雞另加5蚊可以自選兩款味道，我地咁為食當然有加啦。最後就叫左初雪同埋韓式甜辣炸雞，主食就點了芝士炒年糕伴拉麵同埋明太子蛋捲。韓式炸雞跟酸酸甜甜的醬汁搭配得宜，愈食愈覺開胃，不容易吃膩。炸雞面頭的粉漿薄身，炸得蠻香脆的，更重要的是餐廳用上了去骨雞塊，咬落啖啖雞肉好滿足。另一種口味初雪就是用來形容炸雞面頭滿滿的芝士粉，芝士粉香味十足，不過食落就無想像中咁帶濃郁的芝士味，反而是甜味為主。本身諗住明太子蛋卷應該喺煎得比較乾身個種，不過實際上一切開就流哂啲蛋汁出嚟非常juicy，而且明太子份量適中，食落唔會話得個咸字。芝士炒年糕伴拉麵的味道以甜辣為主，平時不太能吃辣的我都尚算能接受這個辣度。麵條和年糕都沾滿了醬汁，十分惹味。面頭還舖了很多芝士碎，所以食落比較膩。整體質素不錯，有機會都會來試一下其他菜色。

第一次嚟食，份量好大份。但味道太一般，甜辣炸雞完全得個甜字都算，最灰係啲店員個個都黑面，態度惡，㩒電話。特別有個，衰到行過都一定要踢吓我張櫈腳或背，我都冇同你講過嘢或得罪你😭😭😭😭眼見其他啲客人好好同佢哋講或問嘢都勁惡回應。擺低啲餐具又勁大力同悔氣😱😱😱，講真得罪你哋啲咩?如果真係有事唔開心唔係咁攞啲客嚟出氣。香港啲服務唔怪得比其他遊客都話怕怕。唔會再去😑如果想受氣。

同屋企人又食炸雞了叫咗新出既蟹籽沙津蛋捲，幾好食。不過價錢係三款蛋捲中最貴。仲有叫咗初雪+甜辣炸雞。第一次食初雪原來係咁既味我個人唔太中意，反而甜辣係每次必叫。最後叫咗意粉係最失望，味道已經同之前食既唔同咗，唔知係咪轉咗配方整，冇咁好食了

想食NeNe chicken 好幾次，試過有一次黎話午餐無炸雞或烤雞，晚餐先有，所以想等人同我share。今日終於有人陪，兩個人，點左一份烤雞同一份小食。整體黎講：覺得雞太乾同無咩味，有啲失望。招牌烤雞原味（全隻）$174烤雞等待時間比較長。雞上枱時，有冒煙，係幾吸引。但食落肉質比較乾食，同無咩調味。有問店員拎辣醬，佢有「溫馨提示」話嗰醬有少少咸，叫唔好點咁多。的確無想像中嘅辣味，但都好過無😶迷你雞蛋卷（明太子）$90份量亦都比想像中大，我哋點左「迷你」，覺得其實係指regular ；「勁量」應該係指加大。蛋卷味道係正常架，入面有拉絲芝士、火腿粒同大量生洋蔥同青紅椒！純粹係我哋個人喜好問題，唔鍾意食洋蔥同青紅椒，所以對佢嘅味道有所保留。

好耐都無食韓式炸雞啦，見葵芳有nene chicken,咁就去呢間食啦。我地7點去，唔洗等位，我地被安排坐近門口嘅座位。近門口嘅座位比較大風，愈坐愈凍。我地見隔離有位轉左過去，但風勢都一樣。職員有d懶散，我地叫左幾次裝水等左好耐先黎裝水（當時場面未算十分繁忙）。當日我地2個人叫左個炸雞已經飽到上心口，叫唔到其他野。呢度嘅炸雞比較多炸粉，可以再改進。另外，如果餐廳有半份炸雞叫就好啦，咁就有機會試多d餐廳其他食物。

成日食既韓國餐廳，依然保持水準，份量大價錢亦都唔貴，今次叫咗1個炸雞漢堡拼薯條，泡菜蛋炒飯同紫菜炸蝦卷，首次炸雞漢堡好好食醬汁配得好好。泡菜蛋炒飯唔會好辣，紫菜炸蝦卷係我去咁多次都會叫，非常推薦

在平日的晚上7點來到，不用排隊等位。我地三個女仔點了一份二人餐，份量剛剛好。二人餐包括半份無骨雞件，加$5可選兩種口味，另外再加2款食物，仲有2杯飲品，加$10可選啤酒初雪炸雞+韓式甜辣炸雞-炸雞選了兩款口味，初雪炸雞有濃濃的芝士味，好香，好好味，而甜辣炸雞反而冇太大驚喜，不過都好食濟洲海鮮炒粉絲-粉絲炒得好入味，配上蝦，青口同埋蜆迷你雞蛋卷 (明太子口味)-雖然話係迷你，但份量一點都唔迷你，蛋卷煎到半熟，切開仲有蛋汁流出黎，明太子仲可以帶出蛋卷香味

大年初二又要選擇中餐以外的😅😅睇賀歲電影前想起食炸雞，在電影開場前路經，訂個位，睇完戲就可以開吃，又不用等位✌🏻✌🏻店員建議3位可先點二人套餐，不足夠再加，讚👍🏻 響應惜食的原則😎$3xx的二人餐中選了吞拿魚手抓飯、泡菜年糕拉麵、甜酸無骨炸雞😋😋😋 可惜酒水貴，就算套餐改飲細枝裝啤酒都要加$10😓😓，單點價更高($48細支Hite啤，有點不合理的)吞拿魚手抓飯，第一次嚐這個，意外的好玩，味道也不錯😋😋泡菜年糕拉麵，辣度有點超出想像，菜只是一般，沒特別的。酸無骨炸雞，就算淋上了甜酸醬也覺得炸很好硊😋😋👍🏻👍🏻仲要冇骨😄😄總結都會再食的😅

其實韓流襲港咁多年…今次都只係自己首次响香港食被受歡迎o既韓國炸雞…耶!!...數月前首爾食過一次…真真滋味無窮…絕非言過其實!!..咁…同大姊去完”喪拼”…開開心心揾餐食…而商場內實在有好多選擇…查閱場內指南D大彩照…見倒NeNe Chicken碟炸雞…就立刻朝目標進發啊~~位置感覺上係比較縮埋一角...吾多顯眼…12點多近1點…都有好多吉枱…裝潢就簡簡單…快餐店差吾多…餐牌色彩豐富又吸引, 感覺歡樂!...因為一碟炸雞o既份量好大, 兩人share已足夠有多…所以我地o既決擇只在於要邊隻口味?!...連骨係全雞…無骨就貴丁多…大家都喜歡芝士… 就選Cheese Snowing Fried Chicken $178…今日想啖啖肉…點左無骨…貴$10蚊…吾洗等好耐...就大大碟放响眼前...即時心花放!!...影完相立刻起動!!..好好味啊!!...皮脆薄香口…件件肉質嫩嫩…帶甜味o既芝士粉就真像初雪一樣…舖滿整碟炸雞…炸o既技術好…覺得就算雞件稍為放涼左…都吾會產生油膩感!...除左淨翻幾片伴碟o既炸甜薯片食吾晒之外…全碟炸雞不知不覺間已經...遭滅跡!!!居然冇乜邪惡感!!...只

有睇過Running Man既朋友仔應該就會知邊個係劉在錫了！以前門口會放一個劉在錫既紙牌吸引途人既注目，現在卻不見了。但無論在餐牌還是在餐廳內的電視仍然會看到很多的劉在錫。這裏的炸雞是不錯的，分別提供有骨同無骨的，想試多一款口味炸雞的朋友可以選擇雙拼，一次滿足兩個願望。另外，餐廳會提供即棄膠手套，以方便顧客盡情地用手食雞。首先講講炸雞，甜辣醬炸雞的味道如其名一樣，少少甜帶少許辣，適合唔係太食得辣既朋友仔，不過佢的甜辣的味道並唔係咁突出，平平無奇。初雪炸雞？個名幾好聽！究竟咩係初雪呢？即係炸雞面頭灑了很多芝士粉的炸雞及配上炸薯片。這款口味的炸雞真係好好食，同炸雞好夾，令人有種不斷想繼續想食的感覺，完全可以將甜辣醬味的炸雞比下去，炸薯亦炸得很香脆。不過由於真係灑了好多芝士粉，吃太多會感覺很滯。這款芝士炒年糕伴拉麵的味道就好似冇咁辣既泡菜拉麵，只係換左另一種煮法及用鐵板奉上。拉麵的醬汁是有一定程度的辣，幾惹味，如果唔食得辣的朋友可以唔洗試，對於食得辣的我只係小兒科。拉麵伴有芝士在面頭，配菜就有一些年糕，魚片及蛋等等。份量夠兩個人食，不過價錢真係偏貴左，以這樣的食材，不太值得。

NeNe Chicken嘅炸雞其實係我心目中都佔有一個不錯嘅席位，因為老實講坊間有唔同嘅炸雞店，但大多數都會炸到件炸雞好乾好鞋，但我食過幾次NeNe Chicken都覺得佢嘅水準真係唔錯，所以近排見到佢又出新嘢當然要試吓啦。今次同朋友就點咗節日限定套餐，當中佢嘅套餐有多款食物同埋包埋嘢飲非常抵。前菜一坐底店員已經非常貼心放上前菜，當中有泡菜同粟米。炸雞半份呢個套餐可以選擇唔同口味嘅炸雞，今次我就揀返我超鐘意食嘅初雪炸雞，特別一讚佢嘅炸雞食落去真係非常多肉汁，絕對唔會乾身。NeNe 芝士火鍋套餐內原來仲有呢個芝士火鍋，當中佢會包埋麵包條，真係好有節日氣氛。脆炸紫菜蝦卷本身我個人好鍾意食紫菜卷，今次見到呢個紫菜卷嘅加強版更加令我心心眼，紫菜卷內有多款材料，外脆內軟每一啖口感都相當豐富。芝士炒年糕伴拉麵呢個拉麵份量都幾多，入面隨咗有年糕之外仲有不同嘅韓式魚糕以及超多芝士，這個味道很正宗相當惹味。套餐仲包咗兩杯$58或以下飲品整體佢嘅特飲賣相都唔錯，而呢個套餐其實都非常抵食。