影片
港铁香港站 C 出口, 步行约8分钟
继续阅读
电话号码
24151333
开饭介绍
室内设计以时尚和风设计为概念，占地2,100平方呎，更有户外花园。资深日籍厨艺团队每日制作人气鸡汤拉面，并提供近60款的居酒屋美食及炉端烧料理。
继续阅读
营业时间
今日营业
12:00 - 16:00
17:30 - 23:00
星期一至二
12:00 - 16:00
17:30 - 23:00
星期三至五
12:00 - 16:00
17:30 - 00:00
星期六
12:00 - 00:00
星期日
12:00 - 22:00
*最后落单时间: 16:00; 22:15 (一至二); 16:00; 23:15(三至五); 17:00 ; 23:15(六); 17:00 ; 21:15 (日)
以上资料只供参考，请与餐厅确认详情
有关奖赏计划
相关文章
-𝐍𝐎𝐉𝐎 🍜位于中环砵典乍街既拉面居酒屋 — NOJO一直都系我香港十大最爱拉面店之一 近排先知原来佢系黎自九州宫崎县「冢田农场」既副线 餐厅有室内外座位室外可以一边饮酒边倾偈 比较Chill 室内就落雨都唔怕🍜 Chicken Thigh Soy Sauce Ramen ($148)鸡白汤酱油拉面 — 每次黎食都系我既必食之选🤍系其他地方都唔会揾到有咁大旧又好味既鸡脾拉面🌟鸡髀先用日本酱油、胡椒等调味以60度慢煮2个钟再用酱油搽系表面炙烧至皮脆肉嫩 入口即化 香气扑鼻所以鸡皮微微焦香 酱油渗透每一丝纤维 肉嫩多汁同埋最中意系有炸得金黄香脆既炸牛蒡 好好味🌟汤底系以日本直送鸡白汤为基底 再加入鸡脚、猪背脂等熬制而成 饮落啖啖骨胶原精华 带浓厚肉香细尝有日本酱油既咸香同黑蒜油既甘润 咸香中带有甘甜拉面亦系自家制 — 用日本小麦粉及加拿大面粉制成面条挂汤 口感烟韧带麦香 每次食都觉得好幸福🥳🍜 Wagyu Ramen($198)和牛西冷拉面 — 和牛片切得薄身 但油花分布平均 入口即溶 油脂渗出时香气四溢 肉味浓郁 同样以鸡白汤为基底 加入洋葱同葱粒 令牛肉油香更突出同时带清甜 亦都有炸牛蒡 咬落有层次感🦀 Crab Paste Toast ($68)蟹肉酱面包 —中意呢个蟹肉蟹膏极度浓郁 配上香脆既面包多士 甘香鲜美 好味呢🌟🌟🌟🐟Fatty Tuna Sushi Roll with Original Smoky Soy Sauce ($128)吞拿鱼寿司卷 — 寿司卷用上油脂丰富既吞拿鱼腩鱼香脂滑 配搭烟熏酱油微微带出鱼肉油脂的甘香🐙Oyster and Octopus Okonomiyaki ($78)牡蛎同八爪鱼大阪烧饼 — 外层金黄香脆 馅料份量十足 一次过可以食到八爪鱼既爽口弹牙 又有牡蛎既鲜味 烧酱同美乃滋平冲海鲜既鲜味🐣Overnight Sake Lees, Soy and Ginger Marinated Fried Chicken ($88)清酒糟腌炸鸡 — 有惊喜🌟🌟🌟🌟炸鸡皮脆肉嫩 鲜嫩多汁 中意食落仍然有淡淡清酒香气带点微甜同发酵香 有少少似啲腐乳炸鸡咁就算唔点酱都已经好入味 口感层次丰富🥳🍤Sakura Shrimp & Corn Tempura第一次食樱花虾粟米天妇罗 🌟🌟🌟🌟🌟樱花虾鲜味十足 带微微咸香 粟米粒粒甜美多汁炸得香脆不油腻 可以选择伴芝士粉食 但个人觉得唔点都已经好咸鲜又清甜 必食！🍢Japanese Wagyu SUKIYAKI Skewer($98)🍢Japanese Pork Skewer ($68)🍢Japanese Chicken Skewer ($68)三款炭烧串烧外层炭香扑鼻 烧得好香脆 大大串又肉厚每串都配上黄椒、青瓜、冬菇同番茄仔 蔬菜鲜甜多汁 令整体口感更丰富又解腻 鸡肉同豚肉带少少烧汁加上油脂丰富 将甜味完全平衡 牛肉则焦香油润 每一啖都食到食材本身既精华🍸 NOJO Mojito ($138)大杯装Mojito沙冰 好清新清凉 岩晒而家天气热黎饮🌟🍸 Pistachio Martini ($128)冇谂过开心果碎都可以整成 Martini 酒精浓度唔高 易入口口感偏浓稠 带好香甜既开心果 有食开心果雪糕既即视感
继续阅读
餐厅环境有室内同室外：室内嘅装潢摆设将日式居酒屋、日式拉面店融入现代时尚感，有拉面枱同吧枱位置。室外嘅氛围俾人感觉似日式后花园，同朋友收工过嚟chill下吹水都几舒服。依家加$198仲有2小时free flow drink，果汁同酒精饮品都包，钟意饮SAKE、wine、啤酒等等嘅朋友仔唔好错过😆♥️∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴❥ Shogun Ramen 将军拉面用胡椒、酱油调味，慢煮2个钟嘅鸡髀，鸡皮同鸡肉都吸晒酱汁精华，一拉骨肉分离，肉质软腍鸡白酱油汤底，味道清新。拉面弹牙，多咗种小麦香气❥ Wagyu Ramen 和牛拉面油脂分布均匀嘅靓靓和牛，入口即溶汤底虽以鸡白汤为主，但散发出超浓郁牛味拉面较粗身，弹牙仲挂汤❥ Crab Paste Toast 蟹肉酱面包蟹肉酱鲜甜，搭配蒜蓉面包，味道升华，甜味更出，最后有蒜味余香❥ Oyster and Octopus Okonomiyaki 牡蛎章鱼大阪烧饼煎到外脆内软嘅大阪烧，馅料十足，啖啖都食到爽弹八爪鱼，味道唔会过咸仲带鲜❥ Overnight Sake Lees Fried Chicken 清酒糟腌炸鸡薄脆炸皮包裹住多汁鸡肉，用清酒糟腌制过嘅鸡肉变得嫩滑❥ Sakura Shrimp and Corn Tempura 樱花虾粟米天妇罗色泽金黄嘅天妇罗，充满樱花虾鲜甜与粟米清甜味，加上表面满满芝士粉，食落仲有芝士奶香❥ Fatty Tuna Sushi Roll with Smoked Soy Sauce 吞拿鱼中拖罗卷配熏制酱油油脂丰富嘅中拖罗，搭配熏制酱油，多咗种独特嘅香气，而且仲保持吞拿鱼嘅鱼香❥ Japanese Wagyu Sukiyaki Skewer 和牛寿喜烧串烧❥ Japanese Pork 日本豚肉串烧❥ Japanese Chicken 日本鸡肉串烧将和牛卷起，再用寿喜烧汁烧制，肉质软嫩甜甜哋豚肉爽口中带柔嫩；鸡肉鲜嫩有汁，搭配多款日本蔬菜，清新唔腻❥ YUZU MANGO MULE 呢款mocktail用柚子嘅酸与芒果嘅甜调制而成，酸甜交织嘅香气，开胃清爽❥ FROZEN MOJITO 高瘦杯身，翠绿色泽，卖相十分清新。青柠嘅酸爽、薄荷嘅香气，沙冰嘅口感，呢杯cocktail俾人感受到夏日嘅清新∴∵୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴
继续阅读
再次去中环嘅Nojo，真系好开心重新发现呢个好地方，尤其系喺Liberty同Sevva关门之后，揾到新嘅聚脚点。呢度嘅环境好舒服，好chill，系下班后放松嘅perfect选择！我哋由两杯清新mocktail开始：Tsukada Fruit Tea（橙汁、菠萝汁、荔枝、红茶）同Yuzu Mango Mule（柚子蜜、芒果蓉、姜汁啤酒、青柠、青瓜），两杯都好好饮，为晚餐定下好气氛。前菜有暖胃嘅芝麻酱水饺子、浓郁蟹膏酱面包（我最钟意嘅之一）、杂锦豆炒豚腩肉菠菜，仲有味道丰富嘅牡蛎同八爪鱼大阪烧饼。意外惊喜系炸煮大根同鹑蛋，第一次试鹌鹑蛋配萝卜炸到脆脆，超正！重头戏系招牌酱油拉面：面条弹牙，鸡腿肉嫩滑，炸牛蒡香口，汤底浓郁鲜味十足，完全抢晒镜。最后压轴系和牛盐釜焼，火候刚好，粉红色泽靓，带有淡淡盐香，提升咗呢款优质和牛嘅层次。仲有佢哋嘅NORDAQ优质任饮有汽矿泉水，只系$15，健康又抵饮。Nojo真系食物同气氛嘅完美结合，成为我喺中环下班后嘅新宠！
继续阅读
位于中环砵典乍街「NOJO」原来是来自九州宫崎县「冢田农场」的副线，主打日式拉面和多款居酒屋美食，餐厅有室内室外的座位，非常喜欢Outdoor 位置装潢设计，以高身木糸枱凳为主，环境好Chill ，可以一边饮倾偈，一边招牌品尝美食👍▪️Boiled Dumplings $ 68水饺子｜鸡肉饺子加上花生酱忌廉酱汁，呢个配搭超好味，食完之后好开胃▪️Stir-fried Pork Belly & Spinach with Nuts $ 48杂锦豆炒豚腩肉同菠菜｜好有镬气嘅炒物，肥美肉嫩嘅猪腩肉配合蔬菜和杂锦豆，味道咸香咸香够晒惹味▪️Deep-fried Quail Egg & Daikon Oden炸煮大根同鹑蛋｜就是好像串扬一样，外层皮薄香脆，大根超级鲜甜，而鹌鹑蛋外脆内软，好香口▪️Oyster & Octopus Okonomiyaki $ 78牡蛎同八爪鱼大阪烧饼｜最钟意食嘅这款烧饼，烟靭嘅薄饼中藏有满满馅料，八爪鱼爽口又弹牙，而牡蛎非常鲜味，好味道▪️Crab Paste Toast $ 68蟹肉酱面包｜充满蟹肉蟹膏嘅浓郁味道，配上香脆嘅多士，味道甘香美味▪️Soy Sauce Ramen $ 148鸡白汤酱油拉面｜鸡髀先以日本酱油、胡椒等材料以60度慢煮2小时，再涂上日本酱油炙烧，皮脆肉嫩入口即化，汤底以日本直送的鸡白汤作灵魂，再加鸡脚、猪背脂等材料熬制，啖啖骨胶原精华，拉面更加用上日本小麦粉及加拿大面粉制成，再加日本酱油、黑蒜油调味，面条超挂汤，口感烟韧带阵阵麦香，配合浓浓的鸡白汤底，非常滋味▪️Salt Baked Wagyu $ 298和牛盐崟烧｜和牛先煎香外层，再用用厚厚嘅海盐包住和牛和杂菜焗，上枱时店员会整走晒面层嘅海盐，一打开时香味浓郁，主角和牛一切开肉质部份仍呈粉嫩状态，口感外焦内软，肉质Juicy味道充满盐香牛味香浓👍▪️Pistachio Martini $ 128大热嘅开心果碎和酱配合马天尼，口感带Creamy有开心果嘅甜香和Martini浓郁嘅酒味，两者混合一齐原来非常之夹▪️Yuzu & Umeshu Tody $ 118原来这个系热饮，热嘅梅酒再自行加上柚子果酱，梅香中带柚子味道嘅梅酒，够晒甜蜜，冬天饮就最适合饮完非常暖胃
继续阅读
平时好少喺石板街食嘢，喺ig见到个鸡髀拉面好吸引🤩假期lunch hour去竟然冇乜人！Open kitchen见到厨师整拉面，挨近bar台见到好多酒！Lunch set combo for 2 $288 (+10% service charge)Appetizer: Overnight Sake Lees Marinated Fried Chicken上菜嘅时候热辣辣，有5块都几大块，啱啱炸起，要摊一阵先摆到入口🤣 入口好香sake味，炸衣同卖腌制嘅时候应该都落咗sake，味道咸中带甜，咬多几啖觉得有啲偏咸。Soy sauce +$20浓郁嘅酱油汤底，加埋有烧烤香味嘅鸡髀，份量好足，好挂汤，但鸡髀唔算嫩。面头嘅炸牛蒡稍嫌好重油味。🫢Yuzu Salt比较清新嘅拉面之选！鸡白汤汤底，饮落好顺滑，带淡淡嘅柚子香味，面头有啲豌豆苗、大葱、粟米芯、两粒鸡肉丸，整体冇Soy sauce咁咸，个人钟意呢款多啲～🤤Drink: Green tea估唔到系成壶咁上🤣几得意～拉面系粗麦粉整嘅拉面，质感唔错，唔会好冧，汤底都好多款式拣，中环地段嚟讲性价比都算高！
继续阅读