NZ餐館 (已結業)

很久之前就已經來過幾次，環境似茶座，有外有內，可以供吸煙人仕，又可帶狗狗的地方，有燒烤，泰國野，西餐……很多很多選擇。雖然不是很高的水準，有改善空間，但也絕對不差……因為剛搬來附近，所以再來光顧一次……點了燒海鮮很新鮮，原來他們是每天風雨不改的去入貨，而不是拿了一大堆再冰起來，所以我覺得bbq是最讚的🖒這裡的羅宋湯很好喝，大概是我喝過最足料，加一點牛油在湯裡面，非常棒…蒜茸包外脆內軟……再點了個炒青菜，咖哩雞飯，朋友點了炒意粉，一頓晚餐，很滿足的離開~~價錢相對也很實惠，因為我點了很多食物……下次希望可以跟朋友試一試他們的泰國菜，馳名豬手，看見別人吃都在讚好食過赤柱😂😂😂

其實食過幾次，一般服務員態度都好好，不過有個女經理真的不知所謂。叫佢十次追單，次次射比忙到暈嘅伙記，自己就企響到，叫我等等等。好心就自己跟啦～～等咗半個鐘，呢個所謂芝士雞扒，唔熱嘅，芝士係用生粉開嘅冇芝味道，杯凍飲又淡，想點？食物質素又比以前差咗好多～～以後都唔會去！

今天是假期, 下午去了元朗南生圍放風箏, 吃豆腐花, 因為有些肚餓, 便揸車經錦田公路中段, 到了天空之城的 NZ 西餐廳, 此餐廳可以免費泊車, 裝修算有特式, 有露天茶座, 座位舒適,  也比較靜. 新界區域, 餐廳有免費無限WiFi, 唔錯. 侍應送上多款下午茶套餐餐牌. 價錢大眾化, 我們叫了三個茶餐, 大家share.NZ 公司三文治, 麫包烤得剛剛好, 內容豐富有火腿, 蕃茄, 生菜, 炒蛋, 雞肉, 入口好味.熱狗, 賣相好, 肉腸肥美而肉質不錯, 伴有蕃茄和生菜, 沙律醬份量也足夠, 麫包烘得熱 OK.油占多士, 麫包烘得熱, 但感覺麫包較薄，烘得算香, 油占份量適中熱奶茶，茶味香濃，奶味入口夠滑，只是用了金屬杯真是美中不足有位泊車，座位都好舒服有郊外風情但價錢平, 很舒服的一個下午

今日出外工作, Lunch入元朗又唔想同人迫, 就駕車去咗高埔村附近食野, 記得之前食過"環保餐廳"唔錯. 今日去到點知佢地休息, 唯有去隔離個間NZ餐廳. 我諗因為附近有地盤, 所以好多工友係度食, 差唔多都坐滿成間餐廳. 而佢價錢都唔平, 要$50-$60一個lunch set, 心想質素應該唔會太差. 我叫咗個蒜香蝦球蜆肉意粉, 等咗差不多15分鐘先上枱. 一上到枱賣相已經麻麻, 意粉散亂而且好多油. 已有心理準備唔會好食, 點知一食落口, 比想像中的還要差.味道 - 除了鹹同埋油, 沒有其它味道蝦球 - "蝦球" 絕對不是蝦球, 只係解凍後放進鑊裏炒, 成碟只有三隻, 食落口感覺好霉, 但未至於臭, 惟有照食蜆肉 - 完全無味, 只有幾粒, 其它都係無味的冬菇同埋青椒意粉 - 非常散亂, 令落去好"粉", 口感很差最差的就係, 佢落咗大量油去炒, 我初時諗住唔好浪費食物, 又肚餓, 頂硬上食晒去, 食到1/3, 真的受不了. 我善意同侍應講"叫師傅下次不要炒得咁油, 實在食唔落" 然後就去付款了. 在收銀處, 我見收銀的似餐廳經理, 付了錢就同佢講同樣的說話點知個收銀好似怪我咁

上星期日一班人踩單車去高埔村o既NZ餐廳食晚餐, 第一次嚟號呢間餐廳, 環境唔錯, 由於而家已踏入秋天, 所以我地選擇坐外面, 一d都唔會熱, 而且氣氛仲好d, 亦冇咁焗束, 一路都播住d舊o既英文歌, 感覺好輕鬆. 我地叫咗德國豬手, 燒豬頸肉, 柚子大蝦沙律, 燒羊扒, 炸魚薯條, 海南雞飯, 燒茄子, 基本上食物全部都好味, 除咗個羊架太熟有d硬之外, 但豬手就細咗d lor  , 炸魚薯條係最好味o既一樣, 魚炸完後仲好滑又唔油, 薯條亦沒有油的感覺 , 另外, 燒豬頸肉 & 燒茄子又係好好味, 豬頸肉燒到啱啱好, 有d 鬆軟o既感覺, 加埋佢個醬汁, 真係一流, 茄子亦唔會太乾, 有d 肉碎, 好好味, 如果唔係太飽, 真係想再叫多次, 海南雞飯正常, 因為掛住食, 所以冇影到呢款食物, 响呢度仲可以飲返杯, 真係好寫意, 由於附近冇咁多大廈, 感覺舒暢. 不失為一個聚會好地方. 

假日揸車去搵早餐食，哩個天空之城總係比我一個脫俗的感覺，可能因為位於市中心邊上掛~ 羅宋湯通心粉 羅宋湯味道ok,茄味足，但通粉好厚身，而且無乜味，多士無食，因為太飽!奶茶太澀，奶味ok,但都擋不住澀味!

呢間野問題多多，首先係攞位：我地一行入去，個waitress就問我地食唔食煙，我地話左唔食，佢都猛話你介唔介意坐下面露天，我講左兩次話我地唔食煙，坐上面可露天位得唔得，佢至肯帶我地上去。行到上一半樓梯，佢又好緊張咁唔俾我地再行上去，行多步都大聲叫我地等等，又用手截住我地，食飯咋喎，裡面有政要呀？﹗但當我地響度唔知等咩既時候(餐廳大把位)，有幾個大搖大擺自己行左入去餐廳，個waitress又問我地係咪同班人一齊，然後先俾我地入去，莫名其妙﹗第二：我叫左個焗海鮮飯，朋友叫左咖哩雞飯，大家都等左好耐至有得食，期間，我叫白湯佢就上個紅湯俾我。第三：我個焗海鮮飯得三粒蝦，係細過人地炒飯果d喎，一舊細過我手指尾既魷魚，幾粒同手指尾咁大既蛤肉。個餐55蚊，俾d咁既野我食，如果佢收三十蚊咪合理囉。無海鮮就唔好叫做海鮮飯啦﹗我朋友個雞係凍既，得外面係暖架咋。大家好少聚餐，費事嘈，食完快d走﹗

新年之始到元朗錦田賞樹購花，啟行前到附近NZ餐館用膳。餐館對出有一空地作停車場，不用收費，方便駕駛人士。依餐館外表來看，應是村屋改建，另分室內外用餐區。今趟安座於室外用餐區，有點陽光，帶點微風，倒是寫意。午餐有一系列選擇，以西菜為主，價錢五十元起。先來一客木瓜中湯，清清甜甜，OK喇。主菜忌廉粟米汁雞扒意粉，忌廉粟米汁調味OK，但份量少，雖另外追加。雞扒煎香後仍算滑口。意粉用上扁身款式，煙韌度中規中矩。至於海南雞飯，雞件已去骨，食用方便。雞味不太濃，嫩滑度亦比不上雞扒。加$18追加油菜一碟，白灼西生菜，無乜特別。最後以一杯凍檸茶作結，完成一頓悠閒午餐。

我第一次寫食評，我要推介的是我一個月內幫襯兩次的nz餐廳的火鍋真係好好味，好新鮮，又好坐，個環境好好，唔駛等位，服務態度又好，職員好熱心幫你整野，最緊要係食物質素，份量足，兩個人食兩次都差唔多三百蚊，計開一人一次都係150蚊度，我覺得值!!

做顧客的, 只不過想食個滿足, 但求食到餐牌價格中的一半價錢便算值得, 餐牌200蚊, 起碼比我食到100蚊, 冇100蚊, 都有80蚊啦, 這間NZ, 你請我去, 我都要諗, 試過的便知道... 上圖的豬手皮, 頭5分鐘很脆, 之後咬極都咬唔開, 入面很乾身, 害我由老遠搭車再行過來, 朋友亦從三藩市回來, 好污where的侍應走過來, d食物o唔ok? 心照不渲, 大家都暗然走了~ 當日3人晚餐, order了一個肉眼扒, 約200, 一隻豬手約200, 一碟肉醬意粉88, 3個跟餐加28... 埋單630結果得失望, 未至於超失望o既, 如果去搵個地方, 淨飲杯凍0茶...

Set dinner menu頭盤: 焗生蠔湯: 吞拿魚忌廉或羅宋湯1-煙三文魚 $1682-T-骨扒 $1783-比目魚 $1884-西冷羊 $198（可以跟飯、意粉、或薯菜）咖啡/茶, + 甜品=========================焗生蠔 – 有兩“片”，每片有一至兩粒，好香、好creamy; 在菜絲沙律上吞拿魚忌廉湯 – 好重吞拿魚味羅宋湯 –無咩特別, 好典型味道2-最抵食 !!! 有5 塊, 好腍, 唔係只係骨，仲有好多肉黐住 3-最唔抵食, 只得一塊，薄薄的，但味道 ok4-好抵食 !!! 兩大塊厚厚的 !!!甜品：“戥 “ 蛋，有 cream 係上面，同两“粒“西瓜Service: 典型香港茶餐廳 style

今次是第二次來這間餐廳了，感覺還是很『正』。很愛這裏的環境，情侶約會氣氛肯定一流，可惜陪我來的並非我愛人 ，但知己談心這裏也是很好的選擇啦。今次三個人來點了以下食物:1.泰式鳳爪 – 酸辣適中極合我胃口，最驚喜是連蘿蔔絲也很入味2.泰式燒象拔蚌 – 上次食完之后念念不忘，所以今次可以說是專程為這道菜而來，象拔蚌新鮮有咬口，再加上那個泰式酸辣醬料，簡直令人一試難忘3.德國豬手(碎上) – 我喜歡食德國豬手但很懶得切，再加上三個人share所以乾脆請餐廳幫忙切好。豬手味道不錯，皮脆而不硬，可惜我們叫了黑椒汁，汁味太濃有點搶了豬手的原味。驚喜點是伴碟的幾粒薯角，新鮮熱辣薯味香濃，結果我一個人就搶了三粒，hehe~~4.銀雪魚扒 – 這個也是上次吃過很好吃所以再點的，但今次有點兒讓我失望，煎得不夠香感覺較像是蒸熟再淋上醬汁，雖然味道還好不過比較起上次就差了點兒5.煙三文魚凱撒沙律 – 三文魚質素不錯生菜也新鮮甜美總括來說食物質素整體都算不錯，值得推介。至於服務方面之前見很多食評講法都比較極端，有些說很好，有些又評很差，但以我惠顧2次的經驗覺得還算不錯啊！我2次都是星期六去，都是爆滿狀態，特別是

今年情人節我一早訂定位了.因為上年冇訂抬四圍都冇位.冇哂引.點解會黎呢間.係因為我每日番工都會經過的.好想入去試吓.今日.訂左7:30.我7:15分以到了.好多人呀.唔通真係咁好食.情人節冇得選擇..選擇只得一個.情人節套餐先黎餐湯南瓜湯.淡而無味.差 再黎蝦沙律食落口啲蝦以經覺得唔太新鮮.沙律菜得啲下價生菜...差差~~~主菜黎啦西冷牛扒...須然我食得出佢到冇用那些鬆肉粉做過手腳.但那些牛扒原全冇肉汁可言.我本人覺得同食牛肉干冇太大分別.最後黎過心形甜品.外觀好靚但係啲皮又厚.又硬.又凍.差差差........總結如果今次係100分滿分我會比50分.單比食物一定唔合格.50分係計埋呢到環璟靜食環璟仲可以.加埋食物就唔好了=.="""""大家明白到乜野叫(可一可再)啦!!!!!!!!

本身住錦田 成日踩單車經過不過都未入過去食 今次終於有機會去試下一開始係俾佢裝修吸引 停車場泊左架賽車裝飾 又有兩架老爺車我同女朋友踩單車入去 一入去已經有侍應招呼我地本身我食開煙 所以簡左出面茶座位置一打開餐牌 中 西 泰 式都有得食 有d花多眼亂可能我地坐得比較出 所以點餐時 一分鐘先有人發現我不過侍應全部都好有禮貌講食物羅宋湯 比平時西餐廳飲個d較淡味 但多一份天然少味精既感覺咖哩豬扒意粉 咖哩味岩岩好 唔會太辣 豬扒煎得岩岩好 同咖哩配合一流 意粉例牌野唔講 泰式白鳳爪 例牌一大堆雜菜 鳳爪味道又係岩岩好 通常出面食個d都會辣左d 但依度唔會太酸亦唔會太辣 一入口 辣味一過伴隨酸味 唔會食完仲要辣幾分鐘口麻痺 仲有個酸汁俾我地點 個汁酸味較得岩岩好 同鳳爪配合一流 唔會搶晒本身個餸既味 份量正常 讚~!芝士焗西蘭花 唔知係咪漏單 食晒前面d野 再等多差唔多三個字都未到 吹完佢 等多五分鐘到 正路野 芝士份量多左少少 不過都可以接受 入面有薯茸伴碟 配合西蘭花 味道十足!飲品 叫左兩杯 忌廉朱古力曲奇沙冰 飲唔到忌廉 飲唔到曲奇 只飲到朱古力同沙冰 不會太甜正正常常不過不失埋單

見好耐冇黎食,咪再黎食一次,點知原來好多野都改哂,不過已經唔會再黎當晚我同幾個朋友想落單,點知叫極都冇人理,其實在場有個帶眼鏡的男侍應係度,點知佢只顧住同d客傾計,我地舉哂手都冇人睇到,等左起碼15分鐘,終於有個女侍應幫我地落單! 食物終於到,之後我地想再叫d燒烤食,本來想搵番個個女仔點知佢原來係做水吧既,但幸運地今次個帶眼鏡的男侍應終於見到我地,幫我地落單,我地叫左個燒牛仔骨食,點知又係要等今次仲等左成45分鐘,之後忍唔住,叫左個黑色衫男侍應幫我追下,點知得黎既結果仲過份,原來根本冇幫我落到個牛仔骨,之後問番個帶眼鏡的男侍應,佢竟然話剛剛賣哂,我等左45分鐘你現在至話賣哂,仲要如果我唔追咪一直咁等??呢d既服務態度確實好有問題,仲一點悔意都冇,只係講左句"剛剛賣哂,或者你揀其他"就走左!!最後我地叫飲品,又係個帶眼鏡的男侍應幫我地寫,我見佢幫我地用PDA入單唸住今次唔使等太耐呱?今次真係好快到,但點知我地叫兩杯凍檸檬茶,一杯熱咖啡,佢就黎左兩杯凍奶茶,一杯凍咖啡,天呀~~我錯左d咩呀??到底係咪我表達有問題呀!!呢個帶眼鏡的男侍應態度真係有問題,檬檬下咁...埋單時我望下佢個名牌,竟