NZ餐館 (已結業)

呢間扒房8月原來係開業一周年紀念，周圍報紙都有佢地O既優惠卷加上8月唔駛加一，實在不能放過它呀。首先呢間扒房o既位置好近公路，唔難搵到呢間扒房揸車去好方便，仲有大型免費停車場，有免費WIFI講下D野食啦，呢間野主打牛扒，果D牛扒是不會加工，一切開就煎，非常原汁原味。一行四人要左4個星級晚餐，6串串燒。唔計優惠都只係$676成個餐o既流程就好似一個普通的西餐，湯，麵包，飲品，主菜。而在平凡中的不平凡，就是那塊牛。今次冇試過O加哩，O加哩都可以話係果間店o既拿手菜黎架。P,S, 果度D職員服務麻麻地...

星期日陽光普照，正合適一家大細去郊外走走，吸收一下免費維他命，曬曬日光浴。日落後，開始找尋晚飯的食店，突然想起沿路有這餐廳，也是在那地區惟一我可接受的餐廳。羅宋湯 - 味道唔錯，酸度適中，有以前 SIDE WALK(另一餐廳) FEEL。燒焗德國咸豬手 - 豬手表面沒有因燒焗煮法以過乾身，裡面肉地偏向乾身，但配菜加少許酸菜就更好。厚切巴西豬扒拼帶子 - 豬扒味淡一點，還可接受。炭燒雞扒煙腿 - 雞扒味道淡一點。綑綁煎焗三文魚 - 有驚喜，酥皮包著已熟的三文魚，面層酥皮脆，內裡三文魚香，值得再試。論環境，如果坐OUTDOOR會有機會見到昆蟲(此總是郊外)和有煙味，坐INDOOR比較舒服。論服務，似街坊茶餐廳的態度和水準。論價錢，比較上個月有7成食物加了價。

今晚在NZ食晚飯，幫自己慶祝生日，叫了德國鹹豬手，味道真係好好，雖然要等十多分鐘，不過都值得！豬手的肥瘦度啱啱好，皮好有彈性，完全唔覺得肥，肉就軟硬好適中，味道都好正！

平時睇食評食得多, 一向都無諗過要寫, 不過食完呢餐後, 我好想分享吓囉!今日响OPEN RICE 見到呢間餐廳有幾個好評,決定今日同老公&奶奶山長水遠入錦田食飯,我叫咗T-BONE, 老公叫西冷, 奶奶叫豬手, 睇個樣好似幾好, 以為好好味......餐湯: 粟米湯, 上面有D 餅乾.....好淡, 無乜味蒜蓉包: 焗得唔夠脆, 唔吸引T-BONE, 好薄, 似街市賣BBQ 食物嗰D 味, 我叫7成熟, 上枱時有11成熟囉, 外脆內軟, 脆係燒到燶咗, 軟係落咗梳打粉, 好腍.....好難食西冷叫9成熟, 又係十成熟咁上枱, 唔緊要, 反正想食熟D, 可惜又係似街市BBQ 嗰D 味....唔掂囉豬手: 呢個焗到個皮勁脆! 食第一啖OK, 跟住......硬到痺, 奶奶唔肯食, 佢話食唔落.....佢只肯食伴碟D 意粉!環境: 成餐飯, 有好多昆蟲陪食, 我打死咗3隻螞蟻service : 未有其他人所講咁差, 只係d 侍應鐘意講吓笑啫, 都算ok價錢: 唔貴, 不過唔值叫我俾分, 我真係唔識比, 我覺得大快活好d, 因為價錢同食物成正比, 大家明未?咁遠入去, 車錢都响度......

今日同朋友去元朗...知道有間食扒幾正去左試去到見到環境唔錯...又方便泊車但今日晚上7點鍾左右去好似冇乜人咁服務幾好下野食都算唔錯..但係真係好人會專登搭車入黎食除左自己有車啦^^去到叫左個T骨食真幾好大件勁正服務態度唔錯 價錢唔可以話貴既份量咁大...下次同家人再食先

食過一次晚餐，都OK，於是過兩日去試早餐。大約11點15分到。開開心心泊低車，問個WAITRESS 羅個早餐MENU， 點知個肥WAITRESS好冇禮貌，大聲答：宜家幾點呀？仲早餐？嘩？咁串？OK， 算，晨早樓樓無謂噪，叫佢比個LUNCH MENU， 佢一野落我枱面，隔離枱食客睇到眼凸！過左一珍，隔離枱呀叔十下十下叫佢寫杯熱奶茶少甜，佢大聲鬧：熱奶茶點少甜呀？喺咪要落煉牛奶吖？嘩？你冇野呀？一早咁好火？另外D WAITRESS 都冇野, 哩個肥WAITRESS 真喺好冇禮貌, 趕客一流！

第一次朋友介紹到此餐廳食飯，侍應態度OK呀，只係粗豪D啫。第二次係兩日後嘅家庭聚餐，當日才訂位六人行食晚飯(公眾假期六點幾)，去到都好多人，不過唔洗等位。第一次坐室外椅子不太舒服，所以今次訂位已事先要求不再坐那些椅子，對方亦好有禮貌及接受我的意見，由於人太多，所以我們安排到二樓坐，座位比上次舒服得多，仲有冷氣添，雖然沒有太突出的食物，但亦有少少推介:串燒雞同羊，羅宋湯亦不錯，如果以食物、環境同服務我會比八十分，雖然我見有D較年青的新手侍應好像有D手滕腳震，但我亦感受到他們是盡心盡力去招待客人，所以我們都不會怪他們，而好明顯見到有一兩位教資深的侍應(包括接電話訂座那位)服務是非常之好的。

大家如果想比錢食野之外再食埋一肚氣的話就選這餐廳吧.如果唔係就腳都唔會去,周六早餐時段都好多人,我就隨便選了一枱坐下,一會兒都冇人理,只得一個侍應,突然這個肥女人在遠處大聲叫"坐返呢邊"大聲到所有人都望過來,我心諗你不是這語氣喝我麻,我老公即火起,(因這個肥女人侍應不是第一次,之前都是好冇禮貌,大聲不突止仲大力把餐牌拍落枱面,連我朋友去過都知有這樣的一個差勁的侍應),咁我老公就問你講乜呀!佢唔理,但又唔落單,我地再叫落單,佢就話"你坐過這邊咪落囉!"但我坐嗰邊就隔離都有人坐緊,點解要迫去那邊坐,你仲要好大聲喝我地!後來我老公係咁追住佢狂鬧xo&xo,跟住走人,但都好火滾!其實這間餐廳食物同價錢都只是一般,再加上這個超難頂惡樣肥女人侍應就.........

知道屋企附近開了這餐廳,便和家人來試菜!駛車來都算易找,路牌指示清晰,泊車地方都大,對駕車人士食晚飯好方便,不愁食飯找車位泊!餐廳外觀好靚,氣氛情調好,戶外座位仲有小燭光襯托,幾岩情侶來食下飯談下心~設有吸煙區和非吸煙區,也戶外同戶內,戶外可帶同愛犬一齊進餐,幾細心照顧食客,其中有一枱食客就係帶左隻小狗黎一齊食喇~可能時間仲早,得2枱客,得坐耐左,都開始多人,而且大部分是駕車來的!餐牌選擇唔多,得幾頁典型既扒類,咖喱,焗飯/意,甜品幾款,多是芝士蛋糕,另多仲有一張餐牌係串燒,但都係得幾款,豬牛雞羊,多春魚,秋刀魚,蝦,帶子係咁多!!!惠顧晚餐仲可加$15食原價$25既芝士蛋糕!食主菜前試了3個小食即燒都唔熱,死未!!!!)串燒雞 -- 細串到一串雞軟骨都大過佢呀!而肉質0鞋!唔得~仲要成$10串,過份左d喎!!! 串燒新疆羊 -- 比串燒雞大串少少,但完全食唔出有新疆腌料味道!羊仲要貴,要$15!燒多春魚 -- 普通貨式,但$20有6條,算係咁啦~3個餐:咖喱石斑配飯,另加左$10有埋薄餅(2塊)咖喱味ok,不過唔多汁唔夠點薄餅同撈飯,石斑幾滑,有少少魚骨,飯份量一般,薄餅偏油炭燒西冷

同老公慶祝結婚兩週年紀念日, 老公特別選了這間從未食過的元朗"NZ餐館"! 到訪之前特別上openrice search一吓資料! 睇睇好唔好食? 點知只得兩個笑臉 評分!! 之後我們本著試一次吧的心態, 便揸車到這間位於元朗郊外的餐館, 到達正門時, 一看整座3層式村屋改建成餐館的設計款式Feel, 有露天雅座, 心想以為收費昂貴?! 但入內低層連廚房只感到很有住家式的一間細少餐館, 坐在外出露天的感覺比室內的感覺好! 可是, 那天晚上, 寒冷得很! 我倆只好走到2樓的室內用餐, 室內裝潢簡潔, 客人並不多, 環境清靜, 露台也設有餐枱, 可以走到露台處影相。一看餐牌, 原來每款扒餐也不過是"花園餐廳價"?! 於是, 每人叫了一份扒餐, 老公點了 ; 而我則是另一款式 , 隨餐附送蒜蓉包連餐飲!! "羅宋湯" - 足料大碗很美味, "酥皮磨菇忌廉湯" - 酥皮焗得很鬆化 ! 之後, 便是主菜"西冷牛扒"同"厚切豬扒", 本來以為厚豬扒一定比較乾而且韌? 點知入口, 不但很有肉汁, 而且豬扒表面更煎得有點脆脆的, 香口之餘亦很有口感! 老公也大讚"西冷牛扒" 份量十足煎得剛剛好

平安夜老公根據朋友指示下午親身到店訂位 (因為無電話提供)到我收工大約6點到達西鐵元朗站轉巴士到達門外馬路大約行5分鐘就到達餐廳, 由於馬路上有大型廣告燈箱所以都唔難搵~~~ 入到門外停車場已有侍應前來招呼有禮貌地問有無訂位之類, 當日所見無訂位都有位既但係位置未必咁好, 我地坐左係餐廳的戶外二人檯叫左兩個$3XX既聖誕餐, 環境同食物都唔錯唯一不滿係有人在戶外食煙, 而戶外又有防高空雜物既網蓋頂D煙困住係度, 而這裡只有室內先禁煙, 個人不喜歡坐室內因為室內感覺有點焗促, 而且坐室內無需山長水遠轉車黎頭盤係要左一份帶子, 一份鵝肝, 帶子味道一般, 鵝肝伴蘋果比想像中好味之後就係蘇皮忌廉湯, 蘇皮沒有拱起, 但係味道OK湯內有細小海鮮在內, 有隻難食既蝦之外, 其他配件都好鮮整體上個湯係好味而且都幾大碗到主菜啦, 一個係長腳蟹拼牛扒, 另一個係虎蝦拼牛扒長腳蟹夠鮮, 不過只有隻半, 餐廳將隻蟹腳開邊開口向下, 總共有3件而唔係4件, 牛扒係正常貨色跟主菜有一個黑椒汁, 而另一個虎蝦同牛扒都好味, 跟餐有蒜蓉汁兩個都有薯菜墊底~~~甜品要左芝士餅同木糠布甸, 芝士餅普通, 木糠布甸就好

大時大節, 要搵個地方食晚飯, 而又唔洗等位+大出血真係唔容易適逢d車友介紹, 今個聖誕就去左呢間NZ餐館度食聖誕大餐。原來佢係OPENRICE都仲未有評! 其實係一個唔錯O既地方, 希望可以介紹下俾大家認識。錦田公路中段, 駕車人士會較為方便, 如果係坐車入去, 係元朗打的都係26 - 30蚊左右~~去到7點左右, 店內只有數枱, 可能因為太凍, 露天地方仲未有人坐~跟手點左2個唔同價錢的CHRISTMAS SET~~(一個$ 268, 一個$328) 頭盤---鵝肝配水蜜桃 & 鵝肝配青蘋果+鵝肝醬餅干前者鵝肝較薄, 煎到外層脆脆的有咬口 =] 後者鵝肝厚切, 大大厚而且香味醇厚!! 真係好ENJOY鵝肝入口即溶呢個MOMENT~~~湯---焗酥皮海鮮忌廉湯 & 什菜湯前者讚，酥皮焗出來雖然不是完美拱型，但牛油味好香，湯的鮮味也很出色，應該有花時間"咬"出海產的鮮味~~後者.....有非常濃郁的番茄味, 湯的質地很稠, 什菜雖足料, 但如果不喜番茄人士, 可能會無法喝完主菜---美國西泠配虎蝦點的是6成熟, 火候控制到家, 留有少量紅肉~西泠一向不是我喜愛點的部位, 但