OH MY GOOSE! (已結業)

星期五晚上朗豪坊人極多好不容易找到位置坐下今天和朋友們決定吃燒味黯然叉燒飯在電影出現過說穿了就是叉燒飯配煎蛋絕佳的配搭沒有不好吃的理由但是叉燒太瘦影響口感如果是半肥的話口感會更佳原隻燒鵝髀飯是豪華之選鵝脾肉嫩滑外皮燒得香口配上軟綿綿的白飯真是絕配朋友是老饕當然是燒鵝配瀬粉這樣香港味在世界其他地方也不會找到芝士焗叉燒飯是驚喜之作味道像港式的白汁焗飯但以燒味作餡料感覺新奇喜歡芝士者可以一試最後啜一口港式檸檬茶完美落幕

旺角朗豪坊開咗間新派燒味店，打破一點舊派傳統製法，加入部份西式元素，幾鍾意個黑松露手撕雞葱油飯我覺得主角係綠柔柔嘅蔥油飯，香味突出之餘再配上黑松露手撕雞更一絕，雞肉絲幾嫩又混合松露香另外一款我都幾推介揚州炒意型米，係用上西式米形意粉再用廣東揚州炒飯煮法，米形意口感煙韌，整個配搭又好惹味，係唔錯嘅～其它仲有大大件皮脆肉質嫩嘅燒鵝瀨粉，燒鵝肉厚鵝味十足最近好多地方都有推出嘅黯然銷魂飯(叉燒煎蛋飯)都不錯爆檸茶

好耐冇黎過呢個food court 原來翻新過 而家成個感覺都乾淨左好多而且空間感亦都多咗仲有啲卡位 或許係適合自己一個人食飯既高櫈既位 仲有插頭可以插電話Food court中有大部份既餐廳仍然係度 咁就梗係要試下d新野啦 呢間餐廳見到個名就知道係食鵝架啦 但係又唔係平時掛滿一隻隻燒鵝個d傳統燒味舖 佢有12款有特式既菜式 〰️A10 黑松露手撕雞蔥油飯〰️$48呢個飯係呢度既推介 首先手撕雞上係有黑松露醬 將個黑松露醬及手撕雞撈均入個飯度 每一啖都充滿住黑松露既香氣 雖然呢個蔥油飯上面係有少量既薑蓉 但係其實我覺得就算冇左呢d薑蓉個飯都好好味 因為個飯已充滿著蔥既香味〰️A6 北海道牛乳滑蛋叉燒飯〰️$45金黃色既炒蛋配上紅紅既叉燒 個賣既經已好吸引啦 個炒蛋仲可以蓋過個飯添 用牛奶炒既蛋真係好香滑 而且仲有蛋汁 如果個飯有多少少豉油會仲好買個飯加$8可以追加油菜

今日往旺角朗豪坊美食廣場Oh My Goose!食lunch, 我點了黯然銷魂飯和爆lemon tea。黯然銷魂飯賣相吸引, 太陽蛋食落香滑, 好香蛋汁, 叉燒是半肥瘦叉燒, 大小適中, 叉燒汁甜度適中, 叉燒 食落肉汁鮮甜味美, 菜心食落新鮮爽口, 由於我喜歡食燒味飯配上薑蓉,於是叫師父提供少許, 薑蓉味道適中, 食落不油膩, 送飯一流, 白飯份量適中, 食落軟綿, 惹味足料的黯然銷魂飯；最後爆lemon tea茶味香濃, 酸酸甜甜, 口感十足, 很有特色好好飲。這裡食物美味, 份量十足, 好味黯然銷魂飯。

朗豪坊又有新野啦，係4/F既food court開左間新派燒味鋪，講得上係新派，即係除左有一般既燒味之外，仲大玩fusion元素，將傳統既燒味加入西式煮法，做出好多創新既燒味配搭呢度既裝修同傳統既燒味鋪唔同，好young同好玩味，冇左好「佬」既感覺Menu呢度主打燒鵝，以燒鵝配搭各式既粉麵飯、仲有鐵板燒味、雞脾、小龍蝦等等既菜式...鐵板海膽什菌炆飯配燒鵝肉$58呢個飯食唔出有海膽味，不過菇味夠而且香口乾身，飯粒分明煙韌，鵝肉皮薄輕脆，肉質入味唔un，係略嫌份量唔夠喉爆檸茶$18呢杯爆檸茶可以買任何飯/麵加$8就有啦，佢係由檸檬、青檸、咸檸溝成既，味道同一般凍檸茶差唔多，係多左d檸味鐵板10x芝士叉鵝飯$48至於呢個芝士叉鵝飯，真係好「芝」味，濃厚既芝士熔岩蓋住個飯，再加粒粒芝士，雙重「芝」味體驗，不過都係略嫌d叉燒、燒鵝份量比較少

今日去到旺角接朋友，見到朗豪坊新開咗間燒味店而且款式都幾特別就決定買外賣比朋友食，大約等左十分鐘都不用就有啦，而且收銀仲好好將湯同粉分開不會去到冇水。見到不少燒味放喺度當然要叫個燒味來吃，燒鵝油雞米 $58，米粉份量都夠而且燒鵝燒得不錯，雞都夠嫩滑。見到這名幾特別喎，楊州炒意型米 $52，米比較大粒而長身，炒得不錯夠乾身味道夠，配料有蝦，义燒都不少。燒鵝雪菜炆米 45，朋友都話燒鵝絲有不少，炆米份量可以，而醬汁味不錯，米粉吸晒味而又吾太咸整體不錯。爆檸茶 8/杯..見餐配吾貴就試下，有青檸同檸檬味道都幾特別，而茶底都可以，夠大杯。見到可以再加咸蛋 $6勁開心，煮得剛好吾太硬好味道。食咗咁多肉當然要叫油菜，$8價錢合理 。

旺角的朗豪坊一向都是很好逛的地方特別是和閨蜜買買化妝護膚品也就決定在朗豪坊的foodcourt解決晚餐話說我也很久沒在這裡吃過了就算以前走過也不太想在這裡吃晚餐但現在更新了幾家新面孔也讓我有興趣來試一下但礙於星期六這裡超級大滿貫我們還是決定打包外賣回家吃OH MY GOOSE的這隻鵝吸引我了😂創意港式料理所以我也順便打包給TerrGor吃我前前後後點了4個餐A1-芝士焗龍蝦伊麵 $58因為我這個天秤座閨蜜很愛龍蝦所以她也很不客氣的A了龍蝦伊麵（所以我沒有照片）據她說龍蝦是小龍蝦雖然小小隻、但是連殼咬蝦味充滿口腔麵條有彈性算是不錯👍🏻A5-芝士焗叉燒飯 $48飯底是先用散碎的叉燒和蛋炒過的旁邊的是一片片鵝肉上面鋪滿cheese整體口感很滿足但飯有點過油港式少不了+冬O T（冰檸檬茶）+$8A2-生炸雞脾飯配黑椒汁 $48雞脾肉很嫩炸得外皮超香也有附上幾小盒的黑椒汁本人最推👍🏻👍🏻👍🏻A10-手撕蔥油飯 $48這個手撕雞就不普通了是黑松露手撕雞我超愛黑松露的超香加上飯裹上很濃的青醬我的天 超推👍🏻👍🏻👍🏻中等價位卻有高級享受

玩味燒味@Oh My Goose旺角亞皆老街8號朗豪坊L4層F1號舖Food court 中新開了燒味檔，佢加了特別元素，重點係價錢唔貴只係50來元起，反正晚餐隨便就好了！黯然銷魂飯 $52好重蜜汁架叉燒，肉嫩有肉汁，再加隻太陽蛋殺曬 ，甜豉油令白飯更美味，好銷魂哦！鐵板芝士叉鵝飯$48最愛芝士了，呢個價好相宜呀，白汁溶掉的芝士包住肉同飯，美味到爆燈，好有火花的組合。炒飯底有蛋碎架，更惹味，細節看出心思。招牌燒鵝髀飯 $98，多肉燒到皮啡紅，皮難得唔油膩，鵝香四溢又芳香。加飲品$8 ，油菜$8 ，鐘意食蛋都有得加，同樣$8是日油菜是菜心飲品要凍檸茶就好了，爽，仲有了掃檸片能食到香港出名傳統燒味，又有點玩味的fusion 款，潮人好，傳統的也好，是云云眾多food court 食店中必食之選。

前幾天行了一會回復平靜的旺角行人專用區，雖清靜了但依舊辛苦，因天氣炎熱只行了一圈，身心都已疲累，於是出發去朗豪坊為身體過冷河及順路吃個晚飯就回家。夏日炎炎沒什麼胃口，去了FOOD COURT隨便找間餐廳，快食快閃。燒味外相不錯，選定了你。來個男人的浪漫，黯然銷魂飯，裡面有叉燒及煎蛋，叉燒半肥瘦是重點，肉質非常嫰滑，有時簡簡單單煎蛋拌飯再加油菜、鹹蛋已經好美味，當然大熱天要喝一杯凍飲。黑松露手絲雞蔥油飯比想像中好食，黑松露的味道與手絲雞滿配的，雞肉夠嫰，飯不算太油膩，吃起來滿香口。

OMG🙆‍♀️🙆‍♀️🙆‍♀️ = Oh my goose 🦆🦆尋日同馬拉“榴槤妹”去咗朗豪坊食黯然銷魂飯😋😋，但覺得太普通要嚟一個搞搞新意思😁😁。大玩食得夠尖😏😏加 Goose Leg 鵝脾👢同 Salted Egg Yolk 鹹蛋🍳，來一個不一樣的黯然銷魂飯🍚。OMG~ BBQ port rice with sunny side up 🍛， 叉燒係肥瘦叉，肥瘦均勻，肉嫩好夠味，食到我黯然失儀，即時黑妹上身，不停大叫oh my godddddd 🤤🤤🤤🤤。加埋咸蛋一齊食， 香、甜、鹹三味交集，令味道層次升華，呢d咪叫食得夠尖囉~😉😉燒鵝脾🦆🦆，皮脆肉滑，唔太多肥膏，有鵝油香，係貴族level，好高質啱晒我👸🏻，super match我身份。邊個話 food court冇高質high class野，旺角朗豪坊就有“Oh my goose” 。🔝🔝🔝🅰️🅰️✔✔呢個香爆Mon嘅鐵板黑椒鵝柳炒麵，加埋個香濃黑椒汁，真係好香囉😌😌～炒麵相當脆口，不會一夾就散。鵝柳、青椒、紅椒及紅洋蔥炒得很香，有傳統酒樓feel，加埋鐵板大有經典味道，似回到80年。😎😎一邊食一邊耳邊傳來周杰倫的一句歌詞“想回到過去”🙄

今日阿媽又話想食燒味，一search先知原來朗豪坊呢度有間新開嘅燒味店，嚟到呢到行街，緊係要嚟試下啦❤️見佢哋入面做嘢嘅地方乾淨企理，而且姐姐都好熱情咁介紹有啲咩好嘢食！🤩🤩先來只限量供應嘅燒鵝髀飯，真係好大隻！隔住塊玻璃都流曬口水🤩🤩再叫咗個半肥瘦叉燒 同 靚雞想食創新嘅嘢，其實呢度都有㗎！黑松露手撕雞飯，真係幾特別。手撕雞份量都算充足，而且加上滿滿嘅黑松露醬（撈暈）同埋好香嘅蔥油。本身飯都冇蔥油味。所以其實係多重味道，但係又出奇地非常夾❤️黎個雙拼飯，油雞同叉燒。個油雞一啲都唔咸而且皮薄。雞油慢慢一咬落去慢慢滲出嚟，雞肉亦都相當之嫩滑🤩😍半肥瘦叉燒，叉燒夠淋！而且片片厚薄適中 ， 食起上嚟仲帶點油香味，幾有咬口，相當唔錯😋😋主角登場喇！就係每日限量供應嘅燒鵝髀飯，都算大隻，而個皮夠脆！鵝味香濃，呢個真係必點呀❤️❤️黎張大合照畀大家一次過睇清楚佢哋嘅真面目啦。 如果唔鍾意拎返屋企食嘅，都可以買完係佢哋嘅food court到食嫁😉

今日兩個人去旺角睇戲，開場前當然要食少少野，仲要快靚正嗰隻，於是去咗朗豪坊嘅food court ，呢度容易搵位，選擇又多，見到呢間「Oh My Goose」，個名好得意，一定係出名燒鵝啦，啱晒我哋兩個離遠見啲燒味好吸引，望見都口水流，仲好多人排隊，見到個餐牌有「暗然銷魂飯」，就諗起食神嘅家燕姐，一於就試吓叉燒半肥瘦，鋪左白飯上面，叉燒嘅肉汁自然咁滲透喺飯裏面，食過叉燒飯嘅人都知道，叉燒絕不能分開上的，呢個係重點，有啲餐廳扮高檔，將叉燒分開上，就完全唔係嗰件事再將隻半熟流心蛋刺穿，將蛋黃槳混和一起，正正式式嘅暗然銷魂飯精粹喺晒度，冇得輸朋友就食得更招積，原隻燒鵝髀不特止，仲要講明免切，識食得佢吖成隻鵝髀揸住係手，嗰種滿足感，係冇嘢可以代替，睇住佢食嘢個樣真係招積到冇朋友，哈哈今餐我哋揀咗爆檸茶，係用青檸加檸檬，甜度適中啱晒香港人口味，我哋都覺得同燒味好夾，估唔到今餐我哋又撞得幾好呢間鋪頭喺呢個food court來講，長時間大排長龍，證明好受歡迎，價錢平，食物得，已經係致勝之道

近期成日都係旺角區做野多左機會係呢區搵食今日就去左豪朗坊到搵d野行行下又肚餓就落左去food court 到睇下有無野岩食喇🤗鍾意食燒味飯既我比oh my goose 餐牌吸引住上面有我最愛既暗然銷魂飯所以諗都唔洗諗 食呢間啦掛係到既燒味好肥美侍應又同我講加$18可以轉做黑松露炒滑蛋我就轉左黎試試啦打開飯盒一望本身都覺得好唔吸引心裏喺度諗唔多覺有黑松露但將一舊叉燒拎開之後發覺滑蛋上都滿晒好香嘅黑松露半肥瘦叉燒肉質好香好腍而滑蛋炒得好香好滑每一啖都有滿滿既黑松露味道不錯🤗而oh my goose 同一般燒味店有別我見到其他食客叫既飯都好吸引下次可以試試

今天到旺角買波鞋，午餐到朗豪坊food court 用膳。估唔到foodcourt開左一家新派燒味店-oh my goose, 看看名字十分吸引，今日就試試看。這兒除了供應一般的焼味外，還有創新的鐵板芝士叉鵝飯、omg炒公仔麵和黑松露手撕雞蔥油飯等等，感覺新鮮有趣。暗然銷魂飯$52這個銷魂飯即是煎旦叉燒飯。叉燒份量唔少，雖然偏瘦，但肉質軟腍帶甜香，不失肉味，加埋流心旦汁和叉燒汁白飯，味道唔錯。Omg炒公仔麵$42這公仔麵炒得好香，口感乾身，唔會炒得好油膩。公仔麵炒得香口惹味，而且完全唔辣，材料有齊燒鵝肉、炒旦、洋蔥和少量辣椒絲等等，口感豐富又滋味。招牌燒鵝脾瀬$98（限量發售）據說他們燒鵝的貨源同製法是跟足陳記燒鵝，既然他們主打燒鵝，今日不得不試。這燒鵝真的有水準，燒鵝鵝皮薄脆香，啖啖肉！燒鵝肉質軟嫩，入口鬆化又juicy,不用沾醬，吃其原味已經夠味，正呀！配埋滑溜的清湯瀬粉，認真美味！吃過燒味，飲番杯爆檸茶$8和熱檸水$8幫助消化。這兒的糖水是另上的，可自行調配甜度，加上檸檬清新無澀味，是唔錯的飯后飲品。估唔到在foodcourt 都可以吃到有水準燒味，加上價錢唔貴，可以一試。

宜家連燒味飯都用新派煮法，呢到最近喺朗豪坊食街開咗無耐，都好多款式配搭幾新穎，今日屋企無煮飯，就買幾盒外賣返屋企食暗然銷魂飯宜家好多地方都有，太陽蛋唔錯，叉燒肥瘦適中幾爽口帶點腍，飯軟硬正常揚州炒意型米其實係用揚州炒飯方法去炒意粉，意粉係做成飯粒形狀，幾煙韌又惹味，入面都算足料嘅，味道都唔錯燒鵝飯入面嘅燒鵝就偏瘦一點，食落都香嘅，肉帶一點咬口又夠入味，係少肉咗啲，會配上菜心，整體都係快餐形式價錢都合理嘅