OK德海南雞專門店 (新都城中心) (已結業)

好耐都冇食過海南雞，見呢間係寶琳地鐵站對面近近地一於試下。午餐A招牌去骨海南雞飯$70雞大塊又嫩滑，皮下脂肪少，最正當然係冇骨唔洗煩。油飯有滿滿嘅雞油香，果然係呢度招牌越式拼盤$118有雞翼、扎肉、鳳尾蝦春卷、蔗蝦，雞翼外脆內滑，鳳尾蝦春卷超酥脆，蔗蝦啲肉好彈牙易撕開，扎肉就味道正常幸福天使+$21香甜嘅菠蘿汁加上啖啖椰果，好fresh整體嚟講都唔錯，海南雞必點，越式拼盤就略嫌貴咗啲，都可以一試。

上網睇到話3至6pm海南雞半價, 又講到好勁咁，咩靚刀工、靚油香，我就去試下佢條套路。點知一去到話係蘋x日報報錯，所以已經冇左嗰個優惠，佢咁講反而我好質疑佢真偽。Anyway, 好鍾意食海南雞既我而又食過無數咁多間話得獎、傳統及米芝連既海南雞餐廳，就算冇優惠都要試佢個海南雞係咪真係咁堅。一上枱，其實貌相ok, 但一食，d肉好鞋好雪藏味，塊雞皮塊塊都甩岀黎而且又冇個層最重要既啫喱骨膠原。有三隻醬，個葱油做得唔錯，但個黑醬油同酸辣醬冇乜特別，只有現成的味道。見到員工男女打情罵俏，嘢食又一般，食左一半其實真係想停，價錢同份量，食過更好食既都比佢平一半，性價比低，都係食埋佢廢事食剩啦，很不價。Ok德真係ok so so

聞說海南雞飯有分海南式，泰式和新加坡式。但是在我來說，不管是什麼地方形式，只要好吃便好。今天好友帶我來到將軍澳的〈OK德海南雞專門店〉，一嚐美味的海南雞飯。店內是小品cafe的形式，座位夠寬闊，坐得舒適。急不及待的一定要點他們〈招牌去骨海南雞飯〉！！〈招牌去骨海南雞飯〉下單後一會兒，期待已久的海南雞飯伴隨醃蘿蔔和三色醬汁一齊奉上。還有中式餐湯和油菜附送呢果然沒有令我失望！！無骨的海南雞清爽不油膩，卻依然保持著嫩滑的口感和肉質，雞皮與肉質之間有著一層薄薄的晶瑩啫哩，膠質非常豐富。整舊放入口也沒有罪惡感，非常香滑柔潤，果然是招牌菜！！油飯亦不讓海南雞專美，滿滿的香料滲進了每粒飯粒，非常乾爽之餘亦很飽滿，高質高質。〈越式正宗手撕雞湯河〉大大碗的手撕雞湯河熱辣辣的緊接登場。清澈嘅湯底味道非常清甜，充滿骨頭和蘿蔔的甜香。襯上彈牙富雞味的手撕雞及幼滑的河粉，絕對是我近期吃過最好吃的湯河粉。〈泰燒黃金豬頸肉〉光看外表就知道豬頸肉燒得好乾爽不油膩，加分加分。表面雖然香燒得乾爽香脆，但豬頸肉片依然保持著柔滑的口感，大概是因為多餘的油脂都給燒了出來吧，非常香口惹味。〈泰式飛天炒生菜〉每餐必定要吃蔬菜是我

位置十分方便，從寶琳站A1出口，行過去對面，3分鐘到，就會見到大大個招牌。門口就有MEUN可以見到有咩食。呢間餐廳嘅食物種類可以話係應有盡有，唔係淨係得海南雞飯同泰國食，有唔同嘅湯河、撈檬、金邊粉，最驚訝嘅係竟然有意粉食，啱哂一大班人食飯，但各每個人都想食唔同野。仲有特別有一頁係咖啡MEUN，有各式各樣嘅咖啡，啱哂咖啡愛好者！下午荼時段都好似好抵食，揾日要黎試試！招牌去骨海南雞飯套餐呢個套餐非常抵食，$70蚊，就可以有海南雞飯、老火湯、上湯浸時蔬，加飲品半價，抵到爛好少套餐會跟大大碗菜，做到飲食均衡。海南雞飯肉質好滑，唔洗點咬就可以吞，好有雞味，好香;而飯都好值得一讚，事關佢一放低，我就聞到陣陣椰子香味，十足去左泰國咁;三個醬個人，最鐘意係甜鼓油，甜甜地，零舍開胃，而湯飲得出係有心機煲，蘿蔔湯亦好啱呢個季節飲。秘製潮式滷豬脾湯檬豬脾滷到好入味，個味道帶少少甜味，而家湯底有少少辣，兩者好夾，檬粉吸哂個湯底味，令到啖啖面都食到湯嘅精華，豬脾嘅份量比到好多，好似食極都食唔哂咁，就算係男仔食完一碗都會覺得飽！四川麻辣口水雞(例牌)肉質同海南雞一樣，都係咁滑，同埋認真夠辣，一放入口已經覺得好辣，

今日約咗朋友係新都城果邊聚舊，見呢間嘢海南雞飯「OK得」決定試下秘製潮式鹵豬髀（例）$95-食肉獸必選，勁多塊豬脾，啖啖肉，上面嘅醬汁咸度剛好午餐A招牌去骨海南雞飯$70-連個餐廳名都寫巾海南雞當然要試下，餐牌仲寫為保持質素每人限售180隻咋。食落真係唔錯，嫩滑無骨又唔會太油，油飯都好入味星級私房牛肉湯河粉$88-材料豐富，有牛丸、牛腩、牛肉片，啱曬啲好牛之人。湯底熱度好夠，生牛肉好快熟，連埋湯一齊食再加埋河粉好味道呢熱雪梨蘋果蜜+$18-好清甜蜜糖味，加咗雪梨蘋果粒仲有啲果香，又有啲咬口

心血來潮想食海南雞，故今日來到專賣海南雞店家。餐牌都不用翻開，當然要先點一客海南雞。除了海南雞，還有一客湯及上湯浸時菜。點餐後，不消十分鐘便上餐。剛上枱，一陣椰香味飄出，是油飯散發出的。入口非常香味，可說是色香味俱全！之後要嚐一嚐主角，無骨海南雞。皮與肉中間還有一層膠質。雞肉極之嫩滑，雞味很濃，超好味，食不停口！同我一樣喜歡吃雞的人，強烈建議點列牌！吃完海南雞後，友人想試下口水雞，我們果斷點了一客列牌。對於不能吃辣的我而言，吃了兩便停下口，因為有點辣，不過也挺開胃的。然後，就到秘製潮式鹵豬髀湯檬。豬髀的份量很大方，幾乎多過檬粉！鹵得很入味，豬髀也煮得很夠腍，是海南雞外另一個好選擇。小食方面，麻辣腎片，辣得過癮，而且還有蔬菜作伴，一同進食，口感更為豐富。而手拍青瓜，也是辣辣的，味道像口水雞的醬料，但辣度則減少。而且份量也很多，最後吃不完，做了大嘥鬼。最後吃得飽飽的，肚皮也撐著，但每人也是百多元，一個字，扺！

Ok德海南雞飯專門店 招牌去骨海南雞 雞嫩肉香 咖哩牛腩濃辣惹味 滷豬脾肉 越式香茅豬排 無味精食得安心寶林有間好出名既海南雞飯名為OK德,就在地鐵站對出馬路,行一分鐘就到最招牌有去骨海南雞飯另外仲有好多款越式美食,小菜 另有湯麵選擇,幾款焗意粉主打無味精,食得安心場中好多都係一家大細既食客幾乎滿座小食有特色滷豬脾肉,炸豬排,蝦春卷等~仲有泰式炒通菜,時蔬去骨海南雞飯咖哩牛腩飯滷豬脾,香茅豬排 油飯份量多,色澤帶黃味道不濃易入口 去骨海南雞皮薄肉嫩,雞肉鮮味 點少許醬油食味道更突出去骨雞肉非常香嫩,好出色  咖哩牛腩飯汁另外上,辣度都幾勁中小辣 香料味香,辣勁久久不辣 醬汁濃香,牛腩夠入味夠濃味夠辣,配白飯一流 越式香茅豬排醃得香,切件上配以蔥油,炸蒜,食起來帶有淡淡香茅味 潮式滷豬脾豬脾起肉上菜 豬脾皮好有彈性肉質厚身,如果再入味一點就更佳芒果特飲薄荷特飲將軍澳貿業路8號新都城中心3期地下G08-09號舖Shop G08-09, G/F, MCP Discovery, 8 Mau Yip Road, Tseung Kwan O港鐵寶琳站 A1 出口, 步行約2分鐘

呢個商場好多野食 今日想食海南雞咁巧合見到呢間餐廳有海南雞食就入去試下價錢抵食一個海南雞晚餐都係$80有湯，菜，海南雞飯飲品都係半價絕對抵食個湯係雞腳湯 好足料 有雞腳食而個菜是上湯浸的 主菜到了海南雞飯唔少得當然是油飯 呢度個油飯整得不錯 一食個雞就明白點解佢用海南雞做招牌菜個雞好滑又冇骨 份量亦好多 很好食配上醬汁和薑蔥食一流另外還點了熟牛肉河這個不過不失 個湯底可以再濃一點而個馬拉盞通菜則好好食味道夠濃又香口

My friend, hearing I love Hainan chicken rice (and yes .. yes I do), told me  a place near her home called OK德海南雞飯專門店 (no English name) opened recently serving Hainan chicken rice. Curious, I went to her place to give it a try!The place is located in near the Po Lum MTR station. It was literally across the street from the exit.  The place is simple and serves not only Hainan chicken rice but also Vietnamese dishes. Menu is in English and Chinese. There is no 10% service charge.We shared an appet

住將軍澳我都冇留意原來有間食海南雞飯嘅鋪頭😛😛😛今晚過嚟寶琳嗰邊睇吓有咩嘢食，見到近大馬路有間食海南雞嘅，就一於入去試吓啦😂😂😂叫咗個海南雞飯，啲雞好滑！又有雞味👍🏼👍🏼👍🏼最鍾意係佢嘅薑蔥，令到成碟飯生色不少😛😛😛朋友叫咗個香茅豬扒飯，豬扒係熱辣辣咁送上，不過不失😂😂我哋叫咗個小食拼盤，最鍾意係佢個扎肉，煎出嚟特別香❤️❤️❤️如果你問我成餐飯最鍾意食咩，一定係依個飛天通菜！夠大份，又入味！唔會偏鹹👍🏼👍🏼👍🏼雖然係夜媽媽，不過都忍唔住飲杯咖啡！玫瑰咖啡同薄荷咖啡❤️兩杯都好香，玫瑰味亦都恰到好處👍🏼👍🏼👍🏼

最近寶琳新開左一間海南雞專門店，女友一直話要試下，所以今日約左女友去嗰度一齊食晏。餐廳位子非常舒適。卡位固然舒服，就算唔係卡位，都有梳化凳。餐廳有自己咖啡機，所以咖啡選擇都幾多。自己都忍唔住叫咗榛子鮮奶咖啡。午餐選擇有四款，女友叫咗海南雞飯。海南雞去咗骨，唔使唧骨非常方便。肉質幾嫩滑，油飯特別正。另外仲會配上三種醬汁。我就叫左四川麻辣口水雞飯，麻辣度十足，口水雞肉質同樣嫩滑。另外叫左泰式風天炒通菜，鑊氣十足，口感嫩滑。味道同馬拉盞差唔多，不過冇咁辣。P.S 女友話餐廳裝熱飲嘅杯好得意

約jor friend探bb，同bb玩完之後，媽媽就介紹我地去佢屋企樓下食海南雞飯!!! 海南雞飯我不嬲都好like，點可以錯過lei~除左海南雞飯，仲有小食同生牛河都好吸引lei~海南雞飯賣相好吸引，雞肉嫩滑，ng鞋，幾juicy!!! 雞油飯粒粒分明，有油香，set仲有跟老火靚湯，無花果雪耳好滋潤!!!生牛肉湯河份量好多，湯底ng錯，河粉滑溜，牛肉ng鞋。泰式無骨鳳爪ng會太spicy，帶d酸甜，好惹味開胃!!!越式鳳尾蝦春卷炸到好酥脆，ng油膩，蝦肉彈牙，點泰式辣醬一流!!!Ok德仲有d好得意ge特飲!!! 浪漫情懷係青檸薄荷梳打，ho refreshing，ng太甜，o岩哂甘熱ge summer!!!朋友ge養生茉莉桂花茶好香，而且甜度剛好，佢都好like~Ok德仲有個麻辣口水雞飯，好吸引，下次玩bb再試試先~

今日weekend同朋友睇完戲，之後就去左戲院附近一間好出名食海南雞飯既餐廳食番個lunch,去到都幾多人食播，好彩最尾一張檯都比我地坐到，睇完menu叫左2個lunch set 加小食：招牌去骨海南雞飯 $70 ：差不多每檯都叫，因為佢限定180隻，賣完即止，賣相都已經好吸引，流晒口水了🤤，雞肉去晒骨，連雞胸肉仲好嫩滑，再點埋秘製醬汁更滋味，個黃雞飯都好好食，米飯都好粒唔會太散！香煎特級扎肉$58: 有少少胡椒辣味既札肉，好實肉彈牙，竟然係點蔥油醬，幾創新同埋新穎既食法！越式鳳尾蝦春卷$58: 個外皮好香脆甘香，鳳尾蝦肉都好QQ爽口,點埋甜酸醬汁更惹味香口！幸福天使（菠蘿🍍、椰果）：菠蘿🍍加埋椰果甜甜地又酸酸地幾好味道！一見鍾情（芒果🥭、椰果）：芒果🥭好甜，再加埋椰果QQ彈牙，飲完好舒爽！+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

住將軍澳的同事家附近開了一家OK德海南雞專門店，佢知我喜歡食海南雞飯，所以今日放工就約我去試下。招牌去骨海南雞飯：有飯有雞有醬汁，配埋酸瓜解膩。海南雞皮爽肉質鮮嫩，配醬汁味道更提升。雞飯軟硬適中，又香又夠味。越式香茅豬扒飯：豬扒半煎炸至金黃色，豬扒邊脆口，肉質有口感又入味！飯加了少許醬油調味，味道不錯。秘製潮式鹵豬髀：豬髀鹵得好入味，夠林又夠味，已去除肥膏和骨，啖啖肉好惹味！即叫即炸的越式鳳尾蝦春卷，口感酥脆，配泰式甜酸醬更美味！幸福天使：菠蘿加椰果，甜度適中，冰凍好飲。凍咖啡夠香濃！

Ok海南雞Kay Gor星期六當然就係Family day今次同媽媽搭地鐵去到寶琳新都城廣場搵好西聽朋友講佢哋嘅招牌就係海南雞飯當然就要試吓啦招牌去骨海南雞飯以椰漿飯香口，海南雞嬌嫩滑身👍🏻推介三個醬都要同一時間點食出嚟嘅味道都幾特別如果再多幾件食就好啦秘制潮式滷水豬髀湯底10分濃郁，豬髀肉嫩配搭河粉好好食越式鳳尾蝦春卷外層炸得鬆脆，蝦肉彈身料足👍🏻內涵更配搭紅蘿蔔白絲，令口感再加泰式無骨鳳爪辣到正常唔會太難，鳳爪皮簿爽身夢幻戀曲青瓜配搭荔枝，夏天必備一開始覺得有青瓜嘅飲品應該麻麻哋點知都幾容易入口浪漫情懷薄荷再加青檸梳打，清新薄荷味重啱啱好着之前食嘅味都清清👍🏻