OK德海南雞專門店 (新都城中心) (已結業)

近期愛上海南雞飯但係將軍澳區...除左光顧連鎖快餐店果D偽海南雞飯外好似別無選擇.......但最近住新都城既朋友同我講, 佢果邊有海南雞飯食所以週末就專程去一試約12點半入座, 不用等位我點左一客招牌去骨海南雞飯女伴點左一客泰燒黃金豬頸肉湯河海南雞飯先上, 因為已去骨, 所以啖啖肉, 非常方便進食而海南雞飯既重點, 我個人覺得係D飯飯食落口有油香, 合格! 非常香口同開胃其次既重點係醬汁, 同其他食店一樣, 有3種醬但我一般只點酸辣汁, 因為夠開胃係我差唔多食完既時候..豬頸肉湯河先黎到, 我亦不客氣試左一啖豬頸肉唔係燒既, 應該係普通煎但個湯底非常好味! 而份量亦足料由於係海南雞專門店, 我重點只放在海南雞呢間可以一戰。

雖然將軍澳人口眾多，但餐廳種類少而且大多數是連鎖店，非常乏味。最近發現在寶琳有間評語不錯的新餐廳，名字又local又得意……叫【OK德海南雞專門店】一聽名字就知道餐廳食海南雞，以為茶餐廳格局，但英文名叫Ok Cafe.....有些疑惑。甫入餐廳真係有Cafe feel，除有大大張獨立梳化椅外，裝潢都特別。另外，工業風的裝潢，水泥牆上用上水通及烏絲燈泡，充滿工業風。掛上世界各地的車牌，模型車作裝飾，相信店主是位男車迷。嚟到自稱海南雞專門店，不得不叫個招牌海南雞飯。圖片相當精美，期待實物與圖片差無幾。除海南雞外，餐牌內菜式主要分為泰式及越式，價格定位在區內叫中位。【招牌拆骨海南雞飯 $78】海南雞已經去滑，食得容易又方便。雞皮滑，皮下沒有太多脂肪。雖然不是雞脾位置，但肉質嫩滑，肉味明顯。海南雞確實不錯，但敗筆竟然是醬汁特別是這個薑蓉，顏色太鮮綠有如假一樣，味道同樣假。海南雞飯餐必定有郊外油菜及例湯，有雞有菜有湯夠豐富而且營養均衡。海南雞飯的例湯大都是以雞出來的清湯，但這裡的例湯加入紅、綠蘿蔔，味道特別清甜似中式老火湯。【泰燒黃金豬頸肉飯 $68】為照顧小公主泰燒是辣味，叫店員把汁另上，但是

天氣咁熱，唔想食熱辣辣既野，就去食海南雞飯啦!點左2個海南雞飯午餐，盛惠58元, 附飲品。一份係雞胸，另一份係雞腿。呢份是雞胸，無骨的，不太"鞋"，有點點滑的感覺。沒有點醬油都很好吃。呢度的熱檸茶沒有澀的感覺，好正。最近做PROMOTE 送鳳尾蝦春卷，我以為係一早整定晒果D ，最後原來係即炸的。熱辣辣的鳳尾蝦春卷，除了外面好脆口，內裏的蝦是彈牙的，值得一試。已經不是第一次來這裡，服務員的態度仍然保持得好好。

本人一向都對海南雞飯有偏好, 見到一間叫得做海南雞專門店, 當然要去試下啦.晚上630到達, 可能仲早, 唔洗等位, 安排坐左卡位. 環境唔錯，乾淨舒服.餐廳裝修都有D設計, 簡約舒適為主, 有高枱, 卡位, 仲有梳化位, 一D都唔迫.叫左招牌既海南雞飯海南雞已去骨, 啖啖肉, 方便食, 雞都幾滑. 配3種調味醬料 - 甜豉油、薑蓉、泰式辣醬. 最鍾意用甜豉油撈飯食, 油飯都香, 不過有點硬.另外叫左個豬頸肉飯, 雖然唔算係招牌菜, 不過出奇地好食. 豬頸肉燒得幾好味, 又唔覺油膩.小食有鳳尾蝦春卷, 好脆, 好香口, 點酸甜汁, 唔想點拼盤, 覺得太多的話, 只係點LEE個會係一個不錯既選擇.

海南雞飯係我其中一個 comfort food, 無論連鎖快餐店, 甚至茶餐廳, 都會有呢款食物, 當然吾係每間餐廳都做得好食, 有 d 甚至用普通白切雞同帶微黄色的飯就話係海南雞飯, 都令人失望。有一次weekend 行過呢間餐廳, 見門口都很多人排隊, 都想試吓虛實。 今晚經過見吾駛等, 所以即刻入去試試。今次叫了套餐, 先來了棷子雞湯, 很好飲. 主角來了, 海南雞飯賣相吾錯, 雞肉很滑, 很好味。但油飯就有d 失望, 吾夠香, 比較一般。整體來講, 都吾錯, 下次可再食過。

Ok cafe 海南雞飯專門店💁🏽之招牌去骨海南雞飯餐 Hkd 75 😆 有啲失望既係啲雞竟然係凍既..唔知佢本身係凍呀定係擺得太耐🌚反正有啲食唔慣。而且佢個三隻醬汁都好「特別」我不愛的🤦🏽‍♀️ 但勝在啲雞係真係好香好滑💯而且啲油飯都整得唔錯既⭕️送既油菜不過不失.. 普普通通啦😂但係最最最中意既就係佢碗湯‼️雖然冇影到🤦🏽‍♀️但真係好夠火喉好入味架！完全唔似啲味精湯👌🏽想飲完再飲👍🏿

呢間野都開左一段時間之前係其實媒體都對佢一致好評今日終於有機會試一試一入場，門口帶位十分有禮貌即時介紹今日有咩lunch set(唔知係咪日日一樣啦)環境唔錯，乾淨舒服黎到梗係試海南雞飯啦個飯係幾靚不過好快到，應該整定哂味道不錯，雞滑既個價錢我會比三分一係服務度如果可以大份少少會更好男仔胃口應該唔飽

難得一個假日，早d起身同媽咪食早餐路過這間ok德海南雞專門店，竟然有早餐食心唸。。早餐食海南雞。。吾係卦入去坐低，原來呢度係食西式早餐。首先，一入來被個餐牌嚇親，有個98蚊嘅早餐，我以為係印錯，但侍應生極力推薦，姑且一試。個餐一來到，有驚喜！好似去左食all day breakfast咁。有黑鬆露炒蛋，炒得好滑，只是蛋味未夠香，香草牛油炒雜菌，超好味！我叫左果份係牛扒，牛扒好薄身，好在夠大塊。有朵煙三文魚玫瑰花，有點浪漫，心情都好埋。講埋伴碟先，都係有heart之作，全部用高級靚沙律菜伴意大利陳醋，吾怪得之收得咁貴，酒店級享受，物超所值！呢度環境坐得舒服，吾知係唔係新開，所以當日顧客不算多，坐得好休閒。總括來講，非常滿意！

衣間餐廳新開左幾個月，一路想試，最初新開時見網上區友評價都說不外如是，朋友食過都係話一般般，平時自己一個又唔會食，結果今晚有緣終於試到衣間餐廳了晚上7:45入座，唔洗等位，非常順暢咁入去餐廳裝修都有d設計，座位上都好舒適，其中更有梳化櫈可進餐，感覺暫時都叫良好好....到點餐，黎到衣度當然要食海南雞飯啦，不過都比餐牌吸引左其他，原來佢都有其他種類食物，可能我諗得太簡單啦，海南雞飯專門店只食海南雞咁結果我地叫左2個套餐，不過套餐亦只有衣2個，海南雞飯同口水雞飯，套餐分別比單叫多$10，但有多個菜同湯，另外可以半價叫飲品，我見一般咖啡奶茶檸茶檸水果d半價左+$11，不過我地冇嗌！到餐時間都算快，先黎個湯先，味道同平時都冇咩大分別，不過有隻雞腳海南雞飯先到見賣相好似幾吸引咁隨即口水雞飯又到了，論排場海南雞飯似吸引d，雞係標榜冇骨的，肉質都幾滑，我個人覺得好似好味過某專門店，就算口水雞我叫時都唔預算佢好正宗同好味，但食落都算有d驚喜，比我想像中好，雞仍然係好滑，唔會只係海南雞飯既雞先滑，不過雞上都幾多麻辣料亦有花生碎，食落有麻但唔算好辣，平時食麻辣野一定要飲野止麻辣，但佢係毫無念頭需要，不過講

本人係非常鍾意食海南雞飯，所以呢間叫得做專門店，就好大期望咁入去試下。雞係ok滑，但油飯一啲都唔香，個汁就好普通，叫得海南雞飯專門店但咁既水準就唔係咁得囉，仲要$68個餐，略貴！

嚟到OK德唔駛打開餐牌就知道一定要嗌返碟呢度嘅招牌去骨海南雞飯. 海南雞去哂骨, 肉OK多又夠滑, 真係冇得輸! 呢度海南雞飯嘅加分位係跟有甜豉油、薑蓉、泰式辣醬3款調味醬料, 為黃油飯同雞提味不少, 尤其以泰式辣醬撈埋飯食就真係好開胃!另外就再嚟一碟四川麻辣口水雞飯, 試試呢度除咗海南雞飯, 仲有冇其他吸引嘅菜式.  口水雞以辣油加花生碎調味, 辣味雖夠, 可能冇芫茜或葱花, 反之係配上青瓜絲和紅蘿蔔絲, 感覺只有辣, 味道有點單調。而白飯就加咗甜豉油, 整體嚟講比起海南雞飯又的確未係好突出.

在除夕時發現了這間店，試過挺好，就一家三口再吃一次。 呢間係海南雞飯專門店，梗係試返碟海南雞飯啦～ 我就覺得挺好，海南雞很滑。喜歡吃海南雞飯的朋友，不要錯過啊！加上一小碗青瓜，非常 refreshing ！ 剛好那時是 tea time，點了這裏的茶餐－鳳尾蝦春卷湯河粉。 鳳尾蝦春卷有3條(吃掉了一條)，很鬆脆，也很香。春卷除了有鳳尾蝦外，還有蘿蔔。其實，還有一個茶餐是只有鳳尾蝦春卷的。如果要選這款小食，茶餐比只點餐牌裏的便宜很多啊！ 那天，我們還點了香茅豬扒湯河粉(沒有拍照)。也挺不錯的！豬扒雖然浸了湯，但還是很香脆的啊！加上湯底清清甜甜的，配甚麼也不滯。 那裏常常播放舊歌，你們可與朋友一起聚舊啊！那裏還有個很好的觀念呢！ 信、望、愛！這就是我替食評取名的原則了！。

係初初試業時已食過，當日4人食晚市，只有海南雞飯選擇，其他食物一概沒供應，那天感覺飯好乾......今天早了出門口，就再試午市套餐！我要了海南雞飯.....去了骨既雞也算滑，味道不錯；而飯沒有初開店時的乾硬，熱辣辣最正！友人要了牛扒配蒜蓉汁，由於有點餓，食食下才發現比錯黑椒汁（最後我們發現原來是冇晒蒜蓉汁，但冇人同我們講），牛扒正常，最good是配大量蔬菜！環境不錯，所以見到好多一家大細也選擇這店！店員友善，但不太夠主動及熱情！

雞係好味，滑、軟、有雞味。加錢有雞湯同生菜，啲湯好味不過油膩。飯就有啲奇怪，係黃色椰油飯，而唔係雞湯煮飯？飯唔好食及份量太少，女生食完都未必飽。價錢唔算抵食，應該唔會太快會再幫襯。

呢間d海南雞幾滑，海南雞飯色澤好吸引，湯汁索曬落d飯度，d飯比較軟身。套餐有生菜同埋湯，味道一般。重慶麻辣口水雞飯隻味係我鍾意的，都幾辣下。仲點佐紅油BB抄手（辣），出乎我想像，第一次食咁細隻抄手，餡有d硬。店員態度好好！