OK德海南雞專門店 (新都城中心) (已結業)

今日又係放假周圍去試食嘅時間～～打開openrice app 又去搜尋佢附近嘅餐廳 ，咁見到佢ok德海南雞飯專門店 ～有25個讚讚 最近又喺facebook 經常見到好多人讚哩一間海南雞飯 ，但最近好似不停都好多人話好食 ，所以就嚟試下佢哋嘅飯啦～～（ 因為剛開張嘅時候 ，好多人都話佢哋唔好食所以一直都唔敢試 ）我只係鍾意食雞胸 ，所以我就叫咗個全雞胸 ，佢哋係加八蚊 ～～我聽見隔離枱話要加轉雞髀都係加八蚊咋～ 午餐時間58蚊一個飯餐 ～有四款可以選擇～ 凍飲加4蚊～算ok我覺得個雞係好食嘅 ～但個飯好似係叮過嘅飯～～有啲乾身就一般啦…… 個飯有三款汁可以選擇 ～有瑞士汁 ～泰式汁 ～同一個綠色嘅薑蓉 ～我叫咗杯熱咖啡～杯咖啡好似落花奶～我本身就唔多鍾意～

今日去左食一間fushion 越南菜, 話就話海南雞專門店, 但我無食到海南雞飯,反而食左佢既下午茶!我要左個香茅炸蝦春卷金邊粉, 朋友要左個英式蜜糖芥末魚柳包, 兩個都超好食!!!先講炸蝦既驚喜處, 外邊鬆脆但入面係full蝦肉, 比起平日出面食開入面係空既真係好驚喜! 碗粉入面舊蘿蔔吸哂青檸味, 好開心! 平時我都唔知碗入面粒青檸有咩用, 因為都無味, 但呢碗好香青檸味! 講到朋友既魚柳包配薯條, 薯條似係自己製, 因為形狀同味道都同出面唔同, 佢落左香草係茄汁同薯條上面, 加左分, 至於個包唔係平日漢堡既包面, 呢隻包好好食, 佢整暖左好細心, 魚柳好新鮮!重點係個蜜糖芥末醬似自己調, 好好食! 不過嫌少醬左少少, 好多都俾個包面吸左, 可建議order時叫佢加多啲。 最後碟辣腎係幾好食, 但真係好辣,食得辣既朋友可能會鐘意, 如果佢再凍啲會仲開胃!! 整體環境乾淨, 服務態度到, 所有野好精緻, 回頭率好高!!

係我食過最嫩滑最好食嘅海南雞飯仲有個老火湯仲正過我自己係屋企煲，我本身有味精敏感，飲完一點都唔覺得有味精，好得呢間鋪頭應該叫超級德美中不足係個飯未夠香！我本人好鍾意食海南雞飯，好多地方一係雞唔夠滑、一係湯唔好飲，這裏整體都超正

去了好幾間茶餐廳，坐落唔係貴呢就有陣怪味😥搞到大家都好無奈😡又夜又肚餓。又繼續行行去找飯食。突然醒起媽咪話呢間(海南雞飯)無骨好好食👍於是就決定去食。好彩唔係行好遠就到。招牌去骨海南雞飯餐哈哈！大家一於齊齊食海南雞飯🐔🍚唔洗諗咁多又係呢度招牌菜，可能有點夜和大家其實都肚餓啦！友人們未食過呢間都話雞真的好滑，最緊要係無骨呢？😂😂又有3種配料加一碟小菜和有湯飲添👍價錢又合理👏總算無介紹錯😂😂

今日下午黎OK德海南雞飯專門店食午飯，叫左個鎮店之寶去骨海南雞飯。***去骨海南雞飯*** 價錢為68元有三式醬，黃油雞，雞油飯及蕃茄青瓜各一片。三式醬係主要賣點，左上為甜豉油，中間係酸甜辣醬，右上係姜蓉及蔥油。本人不吃辣所以對酸甜辣醬沒有太大興趣，而且辣重甜酸味道沒甘明顯。反而我喜歡黃油雞配甜豉油，甜同咸味好適中同融合，加上隻雞沒骨又嫩滑，都幾易入口下。另外，雞油飯好有雞味同埋多乾蒜，味道幾正下。總結，都幾滿足下，去骨海南雞飯整體評分10分會比9分。

行過寶琳地鐵站外，見到對面有間舖個名好好笑叫ok德海南雞，還掂想揾飯食，一於入去揾雞食，間舖裝修好似西餐廳，座位舒適，真係似間cafe,當然試吃招牌無骨雞飯，入口皮滑肉嫩，最重要係無骨，無改錯名真係幾得，哈哈，埋單58蚊包杯凍飲無加一，抵

星期6下就同男朋友係寶林行行下有D肚餓，就去左呢間OK德海南雞専門店食番個下午茶，但餐牌入面既下午茶餐不太吸引，又見係海南雞係招牌菜，兩個少少地咁就叫左個海南雞飯。一黎到見到好靚，就咁睇落已經覺得雞皮係有彈性，雞肉好林，雞有雞味，食落舊雞仲要林得黎有彈性，好juicy，仲要比左個雞脾位我地，好滑。個飯睇落好香，同好乾身度岩岩好，但食落我就覺得可以再香多D。整體我覺得都唔錯，係上左菜之後都無人比餐具我地，呢度扣少少分，成間餐廳都好整潔，都係一間可以一戰既餐廳。

今日同老公行街，肚子餓了，便走到新都城第三期商場地下有一間海南雞飯專門店食個晚飯。若乘搭地鐵，可在寶琳站步出，店舖正正是地鐵出口對面。甫進餐廳，服務員熱情非常，安排入座後，看看餐牌，標誌着"全店不含味精"，"鎮店之寶"，相信它最出名是"招牌去骨海南雞飯"，就這樣點了兩個套餐了。住家老火湯~ 椰子味濃，湯甜，但感覺是有落味精的時蔬係生菜，白烚的，該下了小小蒜肉才有少少味，都算是"不含味精"這個主菜來到了，看見它的外形也被吸引了。雞肉嫰滑，雞皮不太肥膩，點上醬汁，。反觀飯沒有香味，雖然有少少蒜混在飯中但沒有增加香味。套餐可配飲品，都是半價的。整個餐已經令我填飽了，十分滿足。下次再光顧時，必定要嘗試它的特飲。何解？？只看它的飲品名稱已經很特别呢!!

放工和老公去吃晚飯，想起一直以來都未試過的街坊海南雞飯店， 這家餐廳在寶琳已開了差不多一年 ，所以便試一試這家新餐廳 。我們當然叫了這裏最出名的海南雞飯套餐，包括一碟海南雞 ，一個油飯， 一個小小的沙律菜， 還有一碗油菜和一碗例湯 。海南雞很嫩滑 ，但有點雪味，全靠那3隻醬汁包括蔥油醬, 泰式辣醬和甜豉油才可蓋過那個雪味。油飯不好吃 ，它有些飯焦在油飯中，吃起來有點硬硬的， 有點奇怪。 例湯有很多雪耳，不錯。 $78可以有湯有飯有雞有菜，其實很抵吃。另外叫有一個咖哩牛腩撈檬 ，牛腩好吃 ，但咖哩和檬粉很稠，蔬菜絲切得不夠細， 所以吃起來有點不順口...

lunch唔知食咩好，附近好多店舖都食過唒於是open rice下，見到呢間海南雞專門店未試過，一於嚟試下新野。去到仲早未係好多人，我地2人可以坐卡位。招牌去骨海南雞飯$68-lunch有午市套餐分別係海南雞飯、口水雞飯、香茅豬扒飯，套餐仲包咖啡或茶。呢間係海南雞專門店緊係要食海南雞。嚟到份量唔係好多，加飯要收錢。油飯幾香，雞都夠滑同唔係話好肥。鐘意點中間個辣醬食，酸酸辣辣好惹味。秘制潮式滷豬脾飯$68-豬脾飯冇套餐所以唔包一杯餐飲。豬脾整到好淋，滷汁啱啱好唔會太咸，加上豬皮唔係好肥超鐘意。呢個配飯食一流，豬脾有驚喜又好食。下次開餐又多個選擇。

早前有朋友見我啲食評講行山，好似幾正、幾好玩，都喺架，如果路線啱，真喺風景正，加上行得攰攰哋，之後食嘢就更滋味。所以，叫我搞番一轉輕鬆易行，故就一於「小夏威夷徑」啦，西貢行到入將軍澳，輕鬆又有靚景。結束點，就喺寶琳，所以，順理成章落新都城搵食，因為嗰度集中啲且選擇多。晌電子水牌上，票選咗「OK德海南雞專門店」，所謂票選，都喺得我哋幾個啫，揀佢都喺因為有老友想食海南雞，見佢自稱專門店，就投其信心（搏一搏）一票。睇佢門面，似似哋茶記，但踏入店內，左邊喺咖啡店風格，擺放多張舒服嘅梳化椅，另一邊嘅裝修，就帶工業風，水泥牆、水喉通搭烏絲燈膽喺慣常嘅設定，整間店再配上柔和嘅燈光，予人悠悠之感。嚟到目標當然喺海南雞飯，而晌門口放咗個午餐餐牌，只有3款，款款賣$68，無加一，海南雞飯亦喺其中一款，咁就啱晒啦。單睇呢個餐牌，就個佢哋賣嘅菜式一拘一國，絕對喺茶記精神。翻一轉主餐牌，拍拍照俾大家參考，主餐牌嘅海南雞飯同樣標$68，但午餐就多杯飲品。此外，仲有多款碟頭飯、越式粉麵、意大利麵、私房主菜、特色小食、蔬菜菜式、各款飲品。餐牌最尾一頁喺下午茶套餐，我哋離享用時間仲差一大截，無緣慳番啲錢。餐具、牙簽、糖

本人對米飯興趣不大，唯獨油飯可以食幾飯。同朋友仔行完新都城，見有間食店名為Ok德，最重要係有海南雞，食嘢又可以搵地方傾吓計，何樂而不為。餐廳座位闊落，坐得舒適，牆身油上灰色油，仲有唔好多車牌，燈等掛飾，幾別緻。食物質素唔錯，但比起油飯，我更欣賞湯河。值得一提，職員十分有禮。越式香茅豬扒河粉，浸喺湯都唔會太淋，而且肉質唔鞋，唔錯。越式生牛肉河粉，牛肉顏色吸引，肉質新鮮，每片牛肉都好平均，但兩款河粉唔夠滑。秘製潮式滷豬脾飯炆得入味夠淋夾起亦唔會散，汁亦幾惹味。招牌去骨海南雞飯，雞夠滑有雞味，但飯就麻麻，唔夠香。秘製咖哩牛腩飯，牛腩幾淋唔韌，咖喱夠香。四川麻辣口水雞飯，同海南雞一樣咁滑，唔會太辣，味道唔錯。紅棗龍眼蜜及雪梨蘋果蜜。

將軍澳雖然有好多大型商場，但係好多都係連鎖式嘅餐廳，食到已經好悶啊，呢間海南雞飯開咗應該大概一至兩年到，一入到去間鋪頭啲裝修都幾特別唔似一般嘅傳統海南雞飯店，除咗海南雞之外佢哋都有一啲香茅豬扒、雞絲湯麵同埋豬手飯等等⋯今日我晏晝就去試吓佢嘅海南雞飯，平時唔識雞皮架我我都忍唔住連雞皮一齊食，出邊食嗰啲海南雞d雞皮好肥，我都唔敢食，但係食海南雞點可以唔食雞皮啊，呢度個海南雞啲雞皮一啲都唔肥，連埋啲肉食仲好有雞味，雞肉一啲都唔鞋，所以呢間野我會下次再去食過，ps.呢度嘅咖啡好好飲架，因為佢唔係用沖粉呢，真係好似用咖啡豆嗰隻。

之前有好一段日子係將軍澳都搵唔到海南雞嘅縱影，冇得海南雞。直至ＯＫ德開咗，從此又多個選擇。ＯＫ德嘅海南雞係限量供應，曾經試過剛好叫咗最後一碟，之後嘅客就冇得叫lu。 呢到嘅海南雞水準算不錯，雞嘅份量唔少，而且啖啖肉，質地亦好軟屬～跟餐有湯有菜，湯佢地標榜係冇味精嘅雞湯，小朋友都飲得。而實在，飲完之後夜晚都唔會特別口渴嘅。除咗海南雞飯，我亦幾鍾意食佢地嘅豬脾湯河，豬脾煮得入味亦夠冧，價錢亦唔貴，我都幾推介架

每年總有兩次為牙齒洗白白， 之後當然是為自己醫肚、 而每次我都會在出發前搜尋一下附近有什麼可以開餐, 今次選址便是醫務所附近兩個站的寶琳站。。未出發之前看上開飯店內大部份食評都偏向選為不俗，所以也盡管來試試、 店子其實位置極之方便 ,就是一出地鐵口旁對面已看到, 餐牌易清晰分明地寫上在門口前~如果對門口的套餐沒有太大興趣,其實餐廳還有湯粉及飯等選擇、例如泰燒黃金豬頸肉飯、手剁鹹魚蓉煎肉餅飯、越式鳳尾蝦春捲飯、越式蔗蝦飯、越式香煎特級扎肉飯、香茅雞中翼飯、馬來咖哩牛腩飯等等， 不過一心想試他們的海南雞飯、所以別無它心一於坐定定斯斯然要上兩個(海南雞飯)和身邊人共享午飯~上餐速度其快與連鎖式快餐店無疑、 食物擺款絕對冇得輸， 感覺上餐廳特意用上這一款襯上三款不同醬油之碟子、 呃like時間開始和(蝦子餅)拍過兩、三張相片後便開始用餐~兩碟上枱之海南雞肉質也非常嫩滑 ,甚至乎雞胸位部分亦都不至於嚡、 絕對可以讚得上烹煮時間之掌握恰到好處。。不過亦沒有沒帶瑕疵， 油飯色澤足夠得有點而過火、 本身烹煮油飯上基本上是雞油、雞湯、班蘭葉、或是香茅， 故此感覺是就算黃油雞基本應該沒有這麼深色、就算加