Oldish (已結業)

LUCNH無時間過來食，所以等呢間鋪有晚市等左好耐終於等到，即刻同朋友去試，坐低見$588 SET DINNER咩都有D雖然比較貴但都去馬。環境 - 非常正既外國懷舊工業味飲品 - 一杯OK、一杯係藥水味蕃茄湯 - OKcaesar沙律 - 芝士似係用預先刨定的而且有苦味，菜算新鮮，沙律汁極少，上面有堆辣肉醬算有D特別，但無雞肉無蝦無麵包糠泰式糙米飯 - 有肉鬆、金不換、介蘭同煎蛋等材料，OK羊架 - 除左塊肉最入面接近全生之外都算唔錯甜品 - 每件得一隻手指闊三隻手指高既大小，兩件放係同一隻碟上都只用到隻碟十份之一既空間都無，甜品中間用左類似綠豆蓉，個底又唔脆又散又薄侍應 - 成晚最好既部份.....值100分兩個人埋單6XX，一D都唔算平，大把就腳既商場鋪都未必要咁貴，但食材麻麻，用料都幾節儉，味道亦只係普普通通，工廈當然係靠性價比同味道取勝，但呢度估計因為有不少租金成本去左另外半間用來做賣其他野既鋪頭度，所以除左環境外，同附近商場或工廈既餐廳比較，呢度可以話係伏.....

實在太就腳了，條team有新同事未試過，所以今次我帶路再去多次，沒計啦，成team人都係扮文青。事隔1,2個星期，今次個menu又唔同左喇，俾到客人新鮮感。先黎個鮮蕃茄湯，feel到真係好新鮮，因為好酸XD 好掛住上次個粉紅色湯。上次已經試過all day breakfast 既威力，今次試香烤黑毛豬炒飯。我成日都諗黑咩毛豬，急凍豬扒就急凍豬扒啦，加兩粒字就賣貴啲。但一黎到，份量同賣相已經大加分，勁大塊豬呀基本上cover晒啲飯！ok以為你想以份量搭夠質量啦，食左先算，一咬落去，唔係講笑架喎，個肉汁油脂爆晒出黎，肥瘦係岩岩好既6:4，所以肉質好嫩好淋但係食到係實淨果種，總之就係新鮮豬唔會霉。雖然可能大家會覺得好誇張，但小姐係真心未食過咁好食既豬，有幾個同事都叫左呢個飯都一致讚好！而且個炒飯底都係好有誠意，炒得好香，粒粒分明，正！已經好期待下次會轉咩menu!

這裡不只是吃咁簡單，逾千呎的空間內，有cafe，也有workshop，還有售賣帶有偽文青風格的衣服鞋物、用品。 這一切元素相加，構成了一種慢活的生活氣息。從來，吃就是生活的一環吧。

上網見到巧明工廠大廈開左一間新的cafe，位置又近公司，所以下午就去試試。位置上，不算易搵，因為要係一條巷仔行入去，先有升降機搭啊。食店佈置很特別，擺放了很多不同可能由外國收集的擺設，單車及電單車都有很多，另外也有售賣一些手作皮革物品。我們點了2個Lunch。1. Oldish All Day Breakfast ($112)很豐富唔！一個餐有咁多樣食物，足足有9樣食物啊！(麫包、薯餅、菇、蕃茄、茄汁豆、煙肉、三文魚、滑蛋同腸仔)雖然食材不算很特別，但一個價錢有咁多野食，都幾低啦。2. 粉色伏特加長通粉配意大利腸蓉 ($108)一個很強烈的對比，但眼前只見一碗通粉，和All Day Breakfast比較，感覺相差很遠啊。但味道方面，有驚喜的，味道似是食pizza的醬料，很好味。Oldish是一間有特式的cafe，如果set lunch選擇多些會更好啊。

正所謂每逢週五要LONG LUNCH! 一大班同事星期五就喺區內搜尋好食嘅隱藏小店都咪話唔過癮今日就嚟到呢間OLDISH!少少失望嘅係竟然冇牛食=3=就叫左個豬肋骨，醬汁有啲怪，不過唔算太差嘅，伴碟嘅薯條反而幾出色，值得一講嘅係佢嘅凍檸茶，沖得十分出色，甜度岩岩好，不過比起之前食嘅幾間，只可以話係不過不失。不過成間鋪好多VINTAGE野睇，中意時尚嘅人應該會中意呢度，但自己對於牛皮冇物興趣，都係食牛最實際！

睇到觀塘又有新餐廳，lunch time 去試下。環境幾好架，幾stylish ~最岩三五知己去hea一個下午，映下d chok 相嗱，其實都幾貴，都100蚊起跳架餐湯：正，好濃既蘑菇！來了來了！我的$112早晨呀！推介：佢個包，外脆內軟！熱！其他野都係一般一般。PS：大家食到悶factory 99都可以試一次呢個

今日雖然唔係happy friday, 但都有happy lunch因為阿姐s去晒開會，爽YY！公司對面開左間新野，過條馬路就到好方便！一上到去唔使等就有位，可能因為新開未係太多人識。淨係見到裝修已經好興奮，有風格，門口部古董電單車非常架勢有型，仲有reception BB歡迎你，好打耳呀～呢到每樣野都好有特色，menu係本dictionary，一打開中間就有張menu.不過lunch set 選擇唔太多，最後叫左all day breakfast＄98連湯，野飲.一黎飲番個湯先，好靚既粉紅色好特別，原來係紅菜頭湯，好少飲到，味道唔錯，質感幾creamy而且好香。主角出場，嘩好大份！仲要咩都齊，炒蛋、煙肉、三文魚、豬肉腸等等，breakfast要有既佢都有。薯餅仲要有兩塊咁多，淨係計份量都抵！炒蛋功架不錯，好滑而且有蛋味，唔會好似溝左水咁。另外要讚下個面包好軟熟，唔係好硬果種法包，配埋牛油好好味！蘑菇都炒得好香，一咬落去好多汁。薯餅炸得好脆身，但又唔會有油憶味，加埋旁邊既茄汁豆，正。煙肉煎得岩岩好，食落去係脆既口感唔會硬板板。略嫌蕃茄煮得唔夠，外皮無煎封，帶唔出蕃茄既香味。再加埋杯凍啡

是的, 觀塘工廈區又一間特色餐廳啦! 呢間野一邊係手作皮革workshop, 仲有製成品賣; 另外鋪入面有好多電單車同英倫風格既擺設, 係幾特別既。講返食物, 個menu係一張紙夾係本書入面...有all day breakfast至沙律/飯/意粉/ribs, 我就揀左豬仔骨($98)。上到黎有少少意料之外, 個ribs好似係炸過, 汁係泰式辣醬?!著條有一大堆, 但俾啲汁浸到淋哂, 加上係幼薯條, 不太好食。旁邊仲有少少沙律菜, 可以食下無咁膩。 至於ribs大概有7-8件, 切開見到已經知道會好乾好似柴紋咁, 食落仲好"鞋", 再加上個汁好辣, 同埋ribs完全唔夾... 唔食得辣既同事完全覺得伏已中仲有樣好慘既野, 食到完啲凍檸茶都未黎, 黎既時侯仲要一兩杯咁黎, 隔左5分鐘先黎第二次, 而且size很細好似熱飲咁, 好想問佢點解要咁做?_? 唯一值得讚既係佢幾好飲, 茶味同甜味都岩岩好, 唔酸亦唔澀。我就覺得鋪頭有特色的確會吸引到人去試, 但最重要還是食物既質素先留得住啲客既! 唔知係咪新開張, 埋單有9折, 同事食的all-day breakfast好像還不錯, 同埋見佢幾有

朋友推介，本身上環有間，一直都冇機會試，見佢觀塘新開左間，咁近一於去試啦！個工業大廈好近Landmark East，唔難搵。不過呢，佢部lift係好舊果d貨lift(鐵門+鐵閘)，佢仲有個阿叔幫乘客拉閘~~~一開閘，嘩，好有feel有個photographer影緊野，好有feel喺呢度等候安排入座，即有menu係用麻繩扣住本書，果然好有個人style，客人亦會好易記得佢呢個特色。不過呢，如果同時拎多幾本menu就會叮力d雖然係tea time，由於未食lunch，照叫兩個好full既野Oldish All Day Breakfast好夠份量，個蛋好滑，雜菌好香，然後佢個包扮饅頭(造型)，like!Rosated Baby Pork Back Rip wif Thai Sauce個汁真係好好好好好有泰國feel，加埋個salad好fresh好適合夏天。佢個薯條份量都頗唔少~~~~~~Americano佢跟埋奶同糖，我冇落，飲原味朋友飲ice mocha，我冇影相，用佢自己brand既mug出，都幾大mug，佢話咖啡同朱古力味好balance唔知關唔關open kitchen事，雖然有冷氣

早前在網上看見介紹這餐廳的環境覺得很有趣,食物圖片也頗大份, 便在星期6的下午過來試試。餐廳在99隔壁, 只有一塊手寫的小木牌指示,難怪經過多次都不知有新餐廳開業....而且位置的工廠大廈升降機不是一般的舊和慢....還好的是有駐守的管理員幫你開關升降機閘門。單位面積雖大,但用作餐廳的地方則少, 多了空間感。餐廳是開放式廚房, 剛好坐在廚房前的檯, 可看到廚師料理的情況, 不過油煙味頗大。原以為檯面的書是裝飾用，在傻傻等餐牌，再問一下才知餐牌早在書中。餐單及價錢也與附近餐廳出入不大。椰菜花薯仔湯一來到以為是蒸水蛋，湯不會太杰，椰菜花味濃，仍有少許薯粒增加口感。超大份的all day breakfast, 炒蛋夠香滑，炒雜菌份量超多但頗油，麵包軟熟，煙三文魚看似一小舊但解開就很大塊，個人覺得整體的份量及質素是附近最高，吃不完還可以打包。豬肋骨有濃濃的香烤味道，配搭的泰式醬汁味道和泰式生蝦的醬差不多，兩者很味道很配，就是越食越辣，過後口腔蒜味也久久不散...食得出醬汁非常足料。旁邊的沙律菜也新鮮及乾淨，就是薯條要扣分，全部都淋了。餐廳應該是走大份路線，凍咖啡也超大杯，不過那一小杯糖水就不夠

襯住仲未咁多人潮聖，梗係去試試啦。位置唔難搵，一入到去感覺好vintage好relax, 不過如果可以播番啲藍調或者輕快嘅英文歌會更加正。雖然我地book左位，但都要等大約10分鐘，好彩有冷氣，如果唔係我一定燥底。服務員態度好nice好好，不斷講唔好意思要我地等咁耐。本menu好特別，係卡係本書到嘅。我地叫左Oldish All Day Breakfast同Rosated Baby Pork Back Rip wif Thai Sauce，另外加錢轉左特飲Oldish Pink Lemonade同Fresh Lime Soda.兩個lunch都好滿意，附送一碗餐湯添架。All day breakfast好大份好足料，不過啲煙肉煎得太燶。個豬仔骨都好好食同埋啲薯條好多，但建議吾食得辣嘅就吾好點啦，我地兩個都食到有少少噴火嘅感覺。飲品方面，兩杯都係酸酸地開胃嘅野飲，但lime soda真係麻麻地，太酸吾係好多人接受到。新張期間直到7月25都有全單9折，我地賣單$232, 下次早啲去試下佢地嘅早餐。