Oliva (已結業)

說的其實是自己的慶生飯，恰巧遇上天氣不穩，所以就提議在家附近吃飯，好讓飯後回家時不至於太不便。兩個人，吃不了太多東東，只點一個白汁煙肉扁意粉和煙三文魚比薩。白汁煙肉扁意粉和卡邦尼相似，只是意粉換成扁意粉。對於愛吃白汁的我，當然是覺得好好吃～～白汁香濃，扁意粉有咬口，只是兩個人分享有點太多，有點膩。煙三文魚比薩上次已經點過，點了小份六塊，每塊上都有一朵三文魚花，好看又好吃。比薩餅皮薄薄，伴上一層起司，也不錯。不過服務員上菜時竟然因為找不到空位而隨便放在旁邊的空桌，服務態度有待改進。今年的慶生飯雖然平淡，天公不造美，但可以食到愛吃的食物又有親愛的相伴，自然笑口作結。

嗯，好久不見…仍然是我們二人的鐵三角=凱撒沙律+海鮮墨汁意粉+雜菌吞拿魚酥盒凱撒沙律—3個dish中最正常、最合我們調味標準的唯一一款。但事實材料、醬汁又充足的，很愛它的麵包脆脆呢！還有混入的魚乾碎…惹味耶！海鮮墨汁意粉—其實這個我是百食不厭的，都食了三、四年…這次係唯一一次甚至第一次覺得鹹得過份、過火了。對於我今次所謂鹹的標準，就像食合記杯麵飲埋味精湯那種鹹，咁又論事實當中料係十足的，麵質還煮得好好添！適中唔硬唔軟剛剛好，不過真係因咁而覺得個麵鹹得唔抵…因為主要個sauce令到整體鹹。雜菌吞拿魚酥盒—個酥盒真係焗得很香，很鬆化，一層層咁…真係唔錯！裡面中心的餡係混上白汁伴雜菌和吞拿魚，可惜又係與意粉一樣太鹹，比意粉令我覺得慶幸是起碼有酥皮這澱粉質中和了那種鹹，伴著食時把75%鹹減至60%！食後感：是都巿人的飲食習慣？還是我們在家在外的飲食習慣？當然oliva它唔係菓一度那類講卡路里講健康的食肆，絕唔可能因為我們的味覺而調整改善…但舉個例，我幫趁了沙田那間菓一度都已有四年，四年來我真係從沒試過在枱上要用食鹽添加調味，其中有位伙伴就係今日與我晚餐這位，嗯，佢都覺得很鹹呢！今餐飯用了一杯水

下午考完試，同兄弟們到此餐廳吃lunch。lunch set 有湯、餐包、main course and 飲品。先講湯，幾cream，不太"杰"，有蘿蔔碎，幾好飲，不過差點沒包吃，事源湯來的時候等了一會包也沒來，於是問侍應，他很細聱和好似感到很煩似的跟我們說，麵包賣完，其他的還未到，我們見其他"吉"枱有一籃一籃的包就問：「拿那些不行嗎?」，他竟然答「是!!!!我們放好的是不會拿開的」，這是生人霸死地嗎? 我去意大利餐廳就是枇吃他們的麵包點醋，如果沒有，我為何來吃。但是過了一會，那個侍應就不知從那裡取來了一籃包。不理從那裡來，有包便算。橄欖油加醋的味道我非常喜歡，酸酸的好醒胃，不需一會就吃掉了麵包，有點不夠的感覺。main course 我要了羊扒，好淋，又有點羶個汁又配合，好味，配菜的南瓜幾甜，薯仔加了點調味，幾"野"味。整體上幾滿意，食物有質素，但如果服務可改善會更好，整餐他們一次水也沒加，常常側起面當看不見你，而且黑口黑面。不過，一個set 三十七元又不用加一，非常超值，下次都會來試晚飯。

黎左呢度幾次又去左元朗GOR間幾次都係覺得呢間好食D呢度既WAITER好似NICE D而且個裝修好D又乾淨D最鍾意食個芝士菠菜彈弓粉勁CREAMY 同埋好勁芝士味D菜都好好味 D粉又岩岩好之後就係雞GOR個PIZZA個批底好脆好味過連鎖店仲有就係TIRAMISU好香酒味又大份之後就係BLUE BERRY CHEESECAKE好有芝士味!!!! D藍梅岩岩好唔會太甜!其實個飽雖然凍左D但我覺得淨點OLIVE OIL都OK好味既

今日天氣又熱又濕，約左朋友去oliva食野，一心諗住環境舒服先去啦，點知點左菜後無耐全餐廳無電3-4秒，有返電後就一直都無冷氣，又熱又焗。第一，d野食黎又黎錯湯，第二，個雜菜湯好鹹，飲完湯要飲水，第三，我叫左個芝士焗雜菜，雜菜上面只有少許芝士粉就攞去焗，勁慳皮，d汁又好甜，又係食完要飲水，一句講哂，唔得。好似係大排檔食咁，好熱，我地一行3人都流哂汗，問d士應一尾話一陣覆我地，我只係係餐廳坐左9個字係得2-3分鐘涼過冷氣後一直到埋單都無冷氣，我去過3次，無一次得，3次都係屋企人話去，我諗今次之後無人會再話去囉，我一定唔會再去，九龍塘有一間意大利餐廳好過佢好多多多多，一次教訓大埔d意大利菜唔得。

不記得何年何日, 只記得當時唔知食乜好, 剛剛經過一間貼滿hard sell廣告poster既餐廳, 睇下有乜野食就走左入去試試...食過d乜都已經差d唔記得, 就憑僅存印象寫幾句.巴馬火腿併哈密瓜... 正常, OK啦, 就是岩岩我果碟果幾塊火腿好似乾得濟, 要減少少分.燴牛膝... 夠淋夠入味, 好大份, 牛肉食落冇乜驚喜, 反而d薯仔點汁食又幾好食有d驚喜.南瓜雞肉車輪粉... 唔覺有南瓜肉, 同我心目中唔同, 扣分. 好多芝士汁走哂入d車輪粉到, 食得多會即時肥兩磅, 但係都算好味.各項評分都係同大埔區既餐廳加埋價錢比較黎評分, 總體都算OK以上.

和一家人到oliva 食晚飯,,.每一次去oliva食野都好開心焗田螺* 好滑*香味濃郁* 缺點係.. 太少了鵝肝拼白酒蘋果* 超推介! 好味好味.. 無油膩感* 清新配搭*芝士菠菜貝殼粉* 好多白汁* 有點像意大利雲吞.. 鵝肝牛柳..5成熟.. 鵝肝份量多,外皮鬆脆,內軟. 牛柳大概煎老了*約7成熟.. 我懷疑係個waiter 拎錯左人地果份俾我地.. 羊膝* 7成熟* 超好味!!!! 香口肉質滑溜* 煎得剛剛好

一行四人郊遊完，想起都有一段時間沒有來，就去 Oliva 啦。去到晚上七時多，都有不少人在等位，等了約二十分鐘才有位。點了:凱撒沙律蝦多士焗田螺海鮮墨魚汁意粉什菌意大利飯tiramisu食物都 keep 到，意粉及意大利飯不會太「淋」，尤其個蝦多士新鮮整起，熱辣辣，蝦肉彈牙，所以好好味。不過其他食物真的不太夠熱，而且份量好像少了...。侍應比較生手，人手亦好像不太夠，要加水都叫了幾次才有。不過 overall 以這個價錢都可以接受。

2個人叫左凱撒沙律/3文魚簿餅/意粉...3百幾蚊, 係貴左d, 但好好味 ~* 本來打左好大編, 但按錯鍵 delete左...so, 唔想再打太長了 ~~~ 哈 sorry最攪笑係 見識到乜野係 "口碑"......隔離間 扒x之x....裝修係好靚呀...但入面小貓2,3隻....呢間就人山人海, d人情願等十幾分鐘都等 ~

本人身為大埔人, 但都係上星期既中午先有機會幫襯Oliva. 平心而論, 呢間餐廳真係算係大埔罕見. 價錢唔係貴, 食物質素ok, 環境同服務都ok. 稍為高格調而價錢大眾化.本人lunch要左個墨魚仔辣意粉, 跟麵飽、菜湯同咖啡. 首先. 麵飽點醋加橄欖油- 正宗意菜食法- 正, 菜湯- 味道ok, 意粉- 啲墨魚仔大大隻又煮得好- 有誠意, 唯獨係咖啡冇預期既水準. $37 一個餐冇加一, ok抵.期待大埔開多啲呢類餐廳.

許久沒有光顧，以前的食物是大但味道質素麻麻地！今次發現食物和服務質素改善了許多。我們一行六人叫咗：1. 豬仔骨–好好味,好大份。2. 三文魚闊麵- 魚新鮮、濶麵彈牙和多香草3.海鮮墨汁意粉-好多海鮮,黑色好得意。4.三文魚PIZZA-PIZZA好脆,有12件。5. TIRANISU–超好味！6. 好好味！會繼續光顧！！！厨師先生請保持水準！

身為大埔人,都希望有間見得下人的餐廳,唔使成日光顧啲茶餐廳,之但係....午餐,老公一心想食pizza,個待應哥哥仔話:整pizza個師傅未返,可能要等耐啲.哥哥仔態度好好,但中午十二點噃,冇pizza食,連百幾蚊生意都唔志在,學乜人開餐廳先?set lunch的羊膝凍冰冰,配菜凍冰冰,唔知係咪叫佢叮熱,羊膝出到嚟又乾到似柴,咬極唔爛.搞咩鬼架?餐茶叫咗兩杯coffee,拎到嚟,老公嗰杯七成滿,我嗰杯得一半滿,咁都得?搲哂頭.待應全部後生仔,態度算係咁,但明顯生手.如果老闆冇辦法改善下間嘢,執笠係遲早的事.

以往試過在Oliva 食set dinner, 其中紅酒牛尾就很不錯。上兩個星期再食set dinner, 叫咗個紅酒羊膝，一放低個碟就發現碟嘢根本就唔熱，叫個類似部長嘅人攞去加熱，就要等到頸都長，佢哋根本就唔記得咗。一食簡直完全失望，個羊膝完全冇味，好似烚熟個個羊膝放d 汁响面咁。另外叫咗個bread budding, 好明顯係叮熱不在話下，我完全未食過咁嘅蛋糕狀但叫bread budding 嘅嘢，感覺完全被騙。餐飲個熱奶茶仲衰，個waiter 放低前都猶豫咗一陣，因為杯茶嘅色比咖啡仲深，飲落同苦茶差唔多，隔離枱個auntie 叫咗熱檸茶，佢同我哋一齊苦笑。其實我哋可以叫佢換嘅，但我哋實在冇信心再試。唉！好懷念以前嘅Oliva 呀！順帶一提，唔知d 食客係唔係覺得自己响茶餐廳咁，嘈到完全唔理其他人嘅感受...

我在大埔區上班，每星期最少也會幫襯這間餐廳一次食set lunch(附近實在沒有甚麼好選擇，況且佢既午餐真係幾平)。呢間餐廳既質素係近呢一年真係差左好多：食物凍、牛扒硬、咖啡難飲、侍應"生手"，唯一抵讚係佢地伴碟既薯仔同蔬菜幾好味，甜品也OK(不包在套餐內)。如果你同我一樣，一定要係呢間食晏，建議揀"白汁意粉"類或龍利魚，水準比較穩定；揀牛扒/羊扒就要碰下運氣了，因為好多時碟扒都唔夠熱，又靭又硬。如果你不是住在大埔區，實在沒有必要山長水遠入黎試，九龍/港島區既美式意大利餐廳好食過佢好多好多。這間餐廳的晚餐一點也不便宜，我曾經試過加班後係度食晚飯，基本上那些食物和中午完全一樣，但價錢就貴了一倍，極度唔抵食!

間野一直都幫襯開,味道一直都ok,只是最近點菜要那樣無那樣而已|||不過味道還是很好(大埔無嘜邊間可以好過這間)上次叫左個牛膝、豬仔骨和小食拼盤，waiter說有兩樣無,7點左右已經無有點無奈...跟住唔知係唔係我個樣無奈過頭,個女waiter好熱心介紹左有骨豬排和牛柳,味道唔錯。之後同fd叫甜品心太軟,個fd起到講心太硬唔係軟呀~~=口=說唔流出來的心太硬...起食物方便還不錯。同埋waiter服務不錯,去咁多次態度無差到,不過如像次次有新面孔。好像無什麼女生....除了要果樣無果樣外,其他服務、環境、味道水平都ok。不過食物等得有點耐就是了...