Olive Cafe (和富中心) (已結業)

熱石牛扒最近大熱，專門店越開越多，幾乎梗有一間喺左近。早前去和富中心「冰室 99」吃晚飯，留意到隔離開咗間主打石燒嘅 Café。看過門外餐牌，原來餐廳嘅晚市套餐非常抵食，最平 $75 已經有交易，而且仲要免收加一， 唔怪得咁多人等緊位，趁今日週末，專登早啲過嚟試下。我哋揀咗美國西冷扒 ($168/200g) 及 Olive 銀鱈魚 ($88)  各一客，另外用優惠價點咗兩杯飲品。套餐包任食沙律、餐湯及日本珍珠米飯，全部都放曬喺外面嘅自助吧檯供客人自取。出去睇過，雖然只係得一款田園沙律及粟米忌廉湯，選擇不多，但勝在飽肚。另外自助吧檯放咗好多款醬汁同調味料，有牛肉汁、蒜蓉汁、和風醬汁、日式胡麻醬、 芝士粉、岩鹽、黑椒等，全部都可以任用。返回座位後，兩客石燒扒同飲品已經送上。西冷厚近 2 吋，呈立方體狀，送上時已燒至約三成熟，客人可按個人喜好自行用石板燒至理想熟度。店員建議我哋燒到五成熟即可享用，肉質果然唔錯，不但爽彈有嚼勁，而且牛肉香氣很足，啱晒身邊嘅食肉獸。至於另一份 Olive 銀鱈魚賣相亦頗吸引，魚扒煎至表面金黃，魚皮非常脆口，魚肉雪白嫩滑，肥美又 Juicy，加上用熱石承托，入口熱

餐廳新淨新裝修座位寬敞，燈光柔和有室內及戶外座位木質調🪵自助區有醬汁調味料可以自取這裏的餐湯也要自取如果不想喝湯的朋友就不用浪費🥭芒椰派對 $3️⃣6️⃣芒果冰沙加椰汁加多層Cream好飲 值得一試不過芒果味道好似芒果汁女士飲用要注意因為真係好冰凍好適合夏天飲一人一杯☺️❤️🐮美國封門柳200G $1️⃣5️⃣8️⃣呢個牛肉比較厚身少少要快少少食如果唔係呢好容易造成出面過熟入面未熟既情況幾鍾意佢有啲洋蔥擺底咁牛肉呢就唔熟得咁快💕自選Pasta $9️⃣8️⃣煙三文魚，巴馬火腿，黑松露忌廉汁我哋叫呢個黑松露忌廉汁冇咩黑松露味當係另一個醬汁咁樣去食，都OK幾鐘意可以自己揀醬汁同埋配搭

晚餐石燒之選，價錢親民不特只，沙律、餐湯同日本珍珠米飯仲可以無限量添加。餐廳提供胡麻醬同和風醬汁俾食客作沙律醬汁。而另一個位置就提供咗蒜蓉汁同牛肉汁、俾大家點石燒扒類之用。Olive冇骨雞髀扒200g大大塊嘅雞髀扒，去哂骨啖啖肉。基本上已經熟咗先上枱，所以唔使再喺石上燒好耐。雞髀扒夠哂嫩滑，當然係配上蒜蓉汁最正啦。澳洲M5黑毛和牛板腱牛板腱大約五成熟，再喺熱石上燒一陣，就更加perfect。牛板腱粉紅香嫩，雖然有拎到牛肉汁，但其實灑上岩鹽同黑椒先係最好味。惠顧晚餐石燒之選，加$12就可以有茶、啡或汽水。加$18仲可以品嘗奶昔或各式特飲添。

北角匯開左咁耐，今日終於有空和朋友去逛逛，商場很細，很快就行完，就打算去和富中心附近的Outlet，中途見到一間Olive Café，有戶外和室內，餐牌有扒類、銀鱈魚、豬手、和牛、Pizza等…… 套餐還可享有自助無限量供應沙律和餐湯、還可以以優惠價選購飲品，價錢不是太貴，就決定試試。時間尚早，餐廳內不算太多人，冷氣充足，空間感都太算太壓迫，我跟朋友分別點了美國封門柳200g - $158、食肉獸薄餅 $128、乳酸奶昔$18(跟餐)。美國封門柳 – 用上熱烘烘的岩石板，上檯時約3成熟，可按自己的喜好熟度自己煎熟，侍應都很細心送上胡椒磨和鹽磨，肉味較重，肉質較腍，油花較少，非常適合喜歡肉味濃的我。食肉獸薄餅 – 餅底用了較薄的餅底，面上有一層惹味芝士，啖啖肉之餘，配上芝士粉絕配。湯、飯、沙律任食任添，這個價錢絕對超值，還用上珍珠米，性價比極高。乳酸奶昔 – 不會太甜，面上有一層厚厚的忌廉，非常開胃。

和富中心新裝修之後既餐廳都幾唔錯咁，今晚屋企無飯食，就落黎搵間餐廳醫肚仔，呢間餐廳聽個名就好西餐Fell, 原來係主打石燒牛同意粉組合。餐牌有個好特別既「意粉自由配」，無論係長通粉/意粉、配料同醬汁都可以自己擇。另外亦有自助吧可以任食田園沙律/餐湯/白飯....我地叫左一個自由配意粉，擇左「蒜香白酒煙三文魚巴馬火腿意粉$98」幾鍾意呢個配搭，可以自己擇鍾意食乜，唔使成日黎黎去去都係肉醬意粉同卡邦尼意粉🤣長通粉煮得比較硬身少少，較有好感，蒜香白酒醬汁唔錯，少少Creamy又唔會太膩..另一個就叫左個石燒牛「美國封門柳(200g) $158」牛肉本身得大約5成熟，睇著佢慢慢愈來愈熟，封門柳幾正，嫰滑軟熟有肉汁，加埋個牛肉汁好香同渣渣聲

Olive Cafe喺北角有分店啦！之前喺荃灣食過都覺得佢啲西餐幾唔錯果然真係真材實料 我朋友不嬲好鍾意食牛扒一坐低就係餐牌積極尋找見到餐牌上面有唔同類型嘅牛扒就即刻口水直流！全部都係石燒精選 另外仲有薄餅可以揀最後千挑萬選 叫咗塊牛板鍵肉非常厚切 由於佢放喺鐵板上所以可以控制到熱度係幾多成食落去中間仲有少少紅 口感剛剛好另外亦都叫咗個Olive銀鱈魚🐟大大件 唔會整得好乾身 咬落去魚肉白滑分明 上面仲有sprout 、洋蔥同小蕃茄出邊塊魚皮煎得好香脆 成舊魚都保持到肉汁出邊亦都有自助沙律吧 自己可以調配唔同嘅醬料添！

北角和富中心都有好多野食晏就都有唔少上班一族黎食lunch😙今次就試下開左冇耐既olive café😛•olive café有石燒🥩 意粉自由選🍝 pizza🍕系列食套餐 仲可享無限量沙律🥗 餐湯🥣 日本白飯🍚🐽 美國牛板腱🥩 ($78)-150g牛板腱係石燒板上 熱辣辣🔥可以配上牛肉汁/蒜汁幾香牛味同juicy😋😋配埋日本白飯 夠曬飽飽😎🐽 蘑菇蟹肉鮮蝦長通粉🍄 ($78)本身$68意粉自由選 另外+10就可以揀多一種配料🤣而且有5款汁可以揀 例如蕃茄 忌廉今次試左黑松露忌廉汁 都幾香黑松露味😋😋鮮蝦都好唔錯 有4隻蝦 幾彈牙🦐 🐽 芒椰派對🥭 (+$18)跟餐加$18就可以有特飲一個正正的午餐🤪🤪🤪

間中都會返北角行吓，和富中心裝修完之後，越開越多食店，近排都嚟多咗呢邊，鍾意呢度新淨，又唔算好多人。美國牛肩胛肉眼扒 (200g) $188有2個重量可以自選，150g或200g，我哋諗住share食，就揀咗200g；牛肉放喺熱辣辣嘅火山石上，侍應送餐行緊過嚟嗰時，已聞到香噴噴嘅洋蔥味加牛味，肉眼油脂較多，口感軟腍，又juicy！想食幾熟，由自己控制👍🏻Olive銀鱈魚 $88魚肉質感細膩嫩滑，有獨特的香及鮮味，魚皮經石燒煎到金黃色，脆脆地，係值得試嘅～乳酸奶昔 跟餐 +$18

朋友介紹和富中心有間專食農夫包好好味嘅餐廳叫Olive cafe 門口有幾張好有感覺嘅露天雅座位今日放假特登過嚟食咖喱農夫包個人認為咖喱畫雞配搭係非常完美所以揀咗咖喱🍛滑雞配農夫包$62Curry chicken lover 🥰必試咖喱雞配上龍厚拉絲芝士🧀啖啖肉加充滿椰香嘅咖喱🤎印度人都瘋狂愛上朋友就點左原條鰻魚咖喱蛋包飯 $98Menu上面有個手指公👍🏻有時姿勢有實際而呢一款㗎呢就係日式咖喱同頭先嘅農夫包咖喱不一樣原條鰻魚加上大大粒煙銀珍珠米已好完美佢仲加咗日式咖喱味道比較甜 質地較濃郁休閒嘅假期梗係配搭至chill嘅拉花手調咖啡☕️跟餐嘅話，飲品系列全部都正價減$10泡沫咖啡cappuccino ☕️$30 焦糖咖啡 caramel macchiato ☕️ $33唯一不足嘅地方就係因為呢度係地庫關係所以上網收得麻麻地🙇🏻‍♀️希望改善到呢個問題啦

豬腩肉係我至愛吃，仲要係石燒，咁又豈能放過！😀原來「冰室99」穿過舖中間就係「Olive Cafe」仲係同一老闆，怪不知D食物咁有質素。所以又再去踩場⋯⋯😂冰室99....🆚...Olive Cafe結果係...登登登登......兩間加埋係200分 兩間食物、各有特色、各有千秋勝負難分.........登登登登😂😂😂😂———————套餐：可以任食沙律：任食珍珠飯.任飲羅宋湯😋又可以優惠價加配飲品👏👏🟫200g牛板腱：108嘅價錢、堅平堅正堅好食熱辣辣、渣渣淋、香噴噴........軟熟無比、又有肉汁，又嫩滑......幾多成熟、自己選擇........可以咁平又可以咁靚件可以咁好食😋配埋牛肉汁.....堅上加鮮，堅上加堅，鮮上加鮮........👏👍😍——————————-🟧200g西班牙黑毛豬：又是108的價錢👍👍👍👍👍我至愛的黑毛豬，扒靚肉正😋滿佈油....筋......脂肪.......最靚的位置最靚的部位、最好食的口感.....配上蒜蒜蓉汁.....口感上的鮮......位置上的堅.....靚部位之鮮上堅....又是堅好食的....堅.....鮮......😋————————

北角和富中心越嚟越多新餐廳，近屋企真係好方便。行過見到Olive cafe有啲戶外位，氣氛好似幾休閒，價錢唔貴喎，就入去食個lunch先。lunch時間都幾繁忙，好受附近街坊同辦工一族歡迎。見到餐牌有石燒牛，好似唔錯，不過我更加鍾意食魚，所以就叫咗石燒銀鱈魚 $78，包自助沙律吧可以自己任食沙律同埋餐湯。另外仲叫了diy意粉，自由配搭，朋友就揀咗蕃茄汁粟米雞肉意粉 $68。另外加18蚊有特飲，我哋就點咗雜果賓治，加15蚊有是日甜品， 係朱古力慕絲蛋糕，味道幾濃郁。

-🔸美國金裝M9+和牛西冷 $270/150g🔸自助沙律、白飯、餐湯🔸凍檸茶 +$12-呢間叫Cafe竟然會有石燒牛食，好驚喜啊，仲有唔同來源地、唔同部位嘅牛肉，任君選擇。我就揀咗美國M9和牛，上枱牛肉幾厚身，上下左右已經預先煎好至金黃色，中間就可以自己切開再燒到想要嘅熟度。依款牛肉質肥美，有大量脂肪包圍住，雖然有少少邪惡，但肉汁豐富而且嫩滑。怕唔夠飽仲可以任食沙律吧，白飯任裝，仲有餐湯飲，一定食得飽呢！

同事知道和富中心新開咗間冰室同西餐廳，約我放工過嚟食！因為想食pizza，所以決定食Olive Café！冰室就留返下次先食啦😋石燒西班牙黑毛豬(200g/$138)黑毛豬肉味濃油脂甘香，落少少鹽已經好好食，如果鍾意濃味嘅亦都可以加牛肉汁或者蒜蓉汁，會更加惹味！另外要提一提塊石係超級熱所以一定要小心唔好淥親手，同埋當熟到自己想要嘅熟成度就要拎起啲肉，如果唔係就會過熟同好容易燶🤗瑪格麗特薄餅($108)餐廳得兩款pizza選擇，因為唔想食太多肉所以我哋揀咗瑪格麗特！雖然主要材料得番茄醬同芝士，但醬料塗得好均勻，每一啖都食到香濃嘅蕃茄醬同拉絲嘅芝士，連批邊都脆到好似食緊餅乾咁👍🏻莓莓奶昔(跟餐+$18)士多啤梨同牛奶攪拌到好細緻，飲落酸酸甜甜奶味香濃😍芒果奶昔(跟餐+$18)同事話芒果味好香好好飲！沙律、餐湯同白飯都係自取，可以無限量免費添加！保證一定食得飽❤️

星期六都要番工真係慘無人道, LUNCH TIME食得悠閒少少當獎勵下自己都得掛!! 北角和富中心新開左間CAFE,  見到佢個意粉SET幾抵食, 有自助BAR可以任裝沙律, 餐湯, 加錢可以叫飲品同甜品, 仲要免加一添! 雞肉巴馬火腿蒜香白酒意粉 可以自由揀兩款TOPPING, 雞肉煎香過, 而巴馬火腿亦有應有既咸香, 欣賞佢加左彩椒絲, 洋蔥同埋蒜片落去, 令到口感同味道都豐富左好多, 調味方面適中, 蒜香同橄欖油香突出, 意粉硬身帶彈牙, 係我中意既口感, 好味!另外推介加$15甜品同$12既即磨咖啡, 作為一間CAFE, 咖啡係十分重要, 佢既即磨咖啡十分香濃, 而且溫度好夠熱。 今日既甜品係伯爵茶蛋糕, 雖然只係+$15, 但係餐廳都好有心思擺盤, 一D都唔馬虎, 欣賞~ 味道方面茶味偏清香, 唔會太甜, 配上一杯靚咖啡, 心情都變好D~另外一提, 店員服務不錯, 上菜速度亦好快, 而且餐廳有OUTDOOR AREA, 客人可以帶住狗狗係出面食野, 咁岩今日好好太陽, 出面感覺相對CHILL D, 不過今日自己一個人仲要番緊工就冇時間CHILL, 下次會約埋朋友叫佢帶埋狗狗黎

北角和富中心翻新完,多左好多新餐廳西餐,中菜,快餐,常餐,仲有咖啡店都有今次去到食呢間Olive Cafe有PIZZA,同石燒牛扒,包無限沙律餐湯飯任食最平一款只要$75,食到你飽無限時！招牌封門柳超搶手，今次食唔到！咁樣就叫左份黑毛豬同牛板腱肉$138 /200克 自助沙律吧,餐湯,珍珠米飯任食食肉既醬汁有牛肉,蒜蓉汁,沙律有芝麻醬!另外仲有芝士粉,美極,鹽,黑椒任用!沙律菜係爽脆口感,加埋芝麻醬幾好食啦!個湯係白湯,味道淡左D!加返少少黑椒就好飲D!白飯係珍珠米飯,幾飽滿牛板腱 油花分佈均勻 肉質軟嫩中帶有彈性肉質係彈略帶嚼勁 賣點係肉汁多石燒5成熟岩岩好 !係近年新興既肉食部位西班牙黑毛豬扒最岩食法就係煎肉質肥瘦均勻，唔需要用鬆肉粉或者梳打粉醃，已經好嫩滑。最適合又要瘦要滑要肉嫩的香港人口味!煎封兩面加少少黑椒鹽就非常好吃走肥,好岩減肥肉食怪食