Oliver's Super Sandwiches (德福廣場2期)

营业中

休息中

小時候到Super Sandwiches不是吃焗薯, 便是吃飛碟. 長大後雖然熟悉的味道沒有了, 但卻被它的$68酥皮湯套餐吸引着!只要是在漫無目的的情況底下經過, 都會考慮一下..(不過好像週五至週日都沒有優惠)♀▴ ▾ ▴ ▾ ▴ ▾ ▴酥皮忌廉磨菇湯• 把整碟意粉吃下去才喝湯, 依然保持應有的溫度▴ ▾ ▴挪威煙三文魚•蜆肉•刁草忌廉汁拼肉醬扁意粉• 意粉軟硬度適中, 醬汁份量剛好▴ ▾ ▴西柚汁(跟餐) +$16• 有果肉, 甜酸度適中• 與坊間的西柚汁無異▴ ▾ ▴即磨咖啡(跟餐)• 下次會考慮檸檬茶...⓻

這一天本身沒有甚麼胃口, 來到商場逛了很久, 完全唔知食乜好。行下行下來到 Super Sandwiches 門口, 醒起自己係 member, 又見到各式各樣的 salad, 即時諗到食乜喇。先來一客香草燒雞凱撒沙律, 沙律菜新鮮香脆, 燒雞切成薄片。雞肉估唔到竟然又嫩又滑, 吃得出的新鮮, 份量也不少, 絕對不會又乾又柴皮 (我最怕)!仲有煙肉碎, 脆脆麵包粒, 大大片 parmesan 芝士, 全部都好好食。湯是露筍忌廉湯, 又香又滑, 夠濃又夠熱。配上黑胡椒更好味。沙律真的好味, 唯獨 salad dressing 不太夠, 要另外問店員拎, 不過很快就送上來了。我的沙律被淋滿 salad dressing 之後, 吃得一點也不剩。價錢不貴, 食材新鮮, 算是不錯的連鎖店!

諗住食個快快趣趣既午餐，又見Super Sandwich 好耐無食，就食下啦。入到去人都多，但都搵到位。派隊條隊都算清得快，買完就返埋位等食物。都等左幾耐先有野送上來。。。上到枱見少左個湯，佢又未收牌仔，咁我食住等啦。。。諗住搞下個咖啡，點知又無糖又無搞搞棒。。。見店員行過，叫佢都唔應我，最後要我只好自己去攞。食到中段，個湯都未同，行去同佢講佢話轉頭俾我。又轉頭五分鐘都未有，再同佢高級啲既員工講，先話即刻俾我。我見佢都沖定。。。都要我等咁耐，都嬲嬲地。食物質素就唔使太多講，正正常常有肉有蕃茄有芝士有澱粉質。都唔使話好唔好食既🙈不忙到無服務又真好難再想去。。。

2人行食返個豐富早餐先～成日食大家樂同茶餐廳冇咩特別～所以專登嚟試吓煙三文魚粟米炒蛋、蜜味火腿、早餐腸、烤蕃茄、意大利包多士加$7轉熱鮮奶～煙三文魚粒少得可憐～不過配起粟米同炒蛋都幾夾嘅～火腿同雞肉腸冇咩特別～蕃茄似係水煮嘅唔係烤嘅～意大利包多士亦都冇烤切完成片上～不過勝在都算軟身炸魚柳、黑松露炒蛋、牛角包加$7轉cappuccino～炸魚柳配tartar醬都幾好食~不過早餐嚟講就唔太健康囉～黑松露炒蛋完全食唔到黑松露味～牛角包都甩皮甩骨賣相麻麻地每個餐都跟熱咖啡、茶～但特色咖啡、鮮牛奶之類就要另加$7

今早又到了九龍灣上堂，先吃一個豐富早餐。朋友介紹德福的super sandwich，曾經吃過晚餐，感覺一般。今次第一次試早餐，截然不同。餐廳主題是Eat is... Eat is your life, Eat is Hot, Eat is Sweet....好一致，環境簡約風。令我最意想不到是，原來早上的super sandwich 是那麼多人，差不多九成滿。說說食物，早餐選擇不算太多，就是差不多食物不同配搭。朋友選了炒蛋輕盈早餐全接觸 $39，烤蕃茄，茄汁豆、腸、牛角包，配熱即磨咖啡或熱茶一杯。我選了蕃茄濃湯螺絲粉、紐倫堡腸、炒蛋、烤蕃茄、薯餅、多士 $43。這份早餐份量多，蕃茄濃湯超級濃，好味，可惜螺絲粉比較硬感覺未煮夠，烤蕃茄多汁，炒蛋不會太生，薯餅脆身，重點是，熱即磨咖啡香濃，而且夠熱，放久了還是熱的，好欣賞。另外，餐廳提供自助斟水，杯細細的，水是熱的，喝咖啡後，飲杯水不錯。總括而言，一份高質的早餐，可以令你有一個good morning！ 放假的周未，要尋找豐富早餐！

响德福行街，Lunch 唔知想食咩，於是揀左Super Sandwich，佢响二期比較入位置。地方都好寬敞，坐得舒服。牆上有句幾有意思的字句。今次揀左香草燒雞凱撒沙律，羅宋湯配凍檸檬茶沙律菜十分新鮮，份量亦很夠，燒雞唔會好 dry。可惜羅宋湯偏咸了。檸檬茶就正正常常。另外係挪威煙三文魚。碎蛋沙律意大利熱烘三文治，羅宋湯配熱咖啡麵包有香草味的，餡料足夠，味道不錯，再配半份凱撒沙律，已經好夠飽。咖啡就唔係咁好飲，很苦。

這天想吃得豪氣點！便去了super sandwich！這裡地方不錯，通常坐中央的枱！我都是首次坐在梳化椅上吃晚飯!叫了個挪威煙三文魚蜆肉刁草忌廉汁拼肉醬扁意粉一次滿足兩個願望！意粉的軟硬度處理得剛剛好!不會太腍！而且彈牙又有口感！刁草忌廉汁那邊醬汁香濃滑口！三文魚和蜆肉的分量也不少！但用上的煙三文魚味道不夠咸香！否則效果必定更好！此外這邊的焗肉醬，充足芝士！鮮蕃茄醬也勁多，味道濃郁!而且肉醬也多！意粉充分黏住肉醬及肉碎！同芝士的味道!絕對能令人得到滿足！酥皮湯彼大碗！破開酥脆的酥皮是熱熱的磨菇忌廉湯！那般鮮忌廉香滑！味道很濃！飲完暖立立，好幸福呀！即磨咖啡倒是不俗！夠大杯！不過晚餐上菜的次序是先來咖啡!意粉跟住來！最後來了酥皮湯，感覺很有趣的！可能即叫即焗！不過我有時間等埋個湯先一齊食！

I never experienced this kind of service in any fast-food shop even Mc Donalds, that the waiter asked whether the milk tea could be cleared, but the point was that it was still full. then he took the tray and bumped to my shoulder....What's up, dude? I just almost finished my meal and we're waiting for my mum and BB girl's back... How ridiculous was that he could see there was remaining half pasta in a plate and unopened orange juice....... Indeed I am disappointed with that waiter but not that

今日黎到德福廣場既Oliver’s Super Sandwiches 食Dinner，我企左係度望住餐牌，真係好多選擇，最後點左J4 套餐配熱奶茶，再加配左芝士肉醬焗薯條。落完單後，職員會俾一個號碼牌，等左差不多20分鐘，職員終於送上我點既J4 套餐。大蘑菇•馬蘇里拉芝士•松子仁配意大利香草軟包: 入面既餡料非常多，而且配有香草，食落味道別有風味。但令我最Suprise既係面前既芝士肉醬焗薯條，金黃色好吸引，我急不及待試左一條，點住芝士醬，而且係熱辣辣，食落去，好重芝士味，岩哂鍾意芝士既我

細個同婆婆晨完運佢就會帶我去屋企附近間super sandwiches買早餐，有時下晝又會食焗薯。而家有時想飲個粟米湯食個包都會搵佢。講返正題，今日去德福做野，得半個鐘食飯，就食個意粉啦。而家午餐食個意粉加湯一啲都唔平。叫左個N3午餐，一碟意粉加個蘑菇湯，成$76！辣肉腸蜆肉意粉，賣相不過不失。辣肉腸得幾片，份量唔多，蜆仔反而幾多，可惜有沙，個汁都幾香蒜味，快餐黎講算係咁。個蘑菇湯反而令我好失望，平時飲開個粟米湯又濃又香，多粟米粒，但呢個湯好稀好水，冇咩料冇咩味，仲差過開罐頭湯。$76食個晏唔算平，性價比唔高。

諗住食個下午茶，見到個 menu 張相幾吸引，就叫左呢個餐。點知一黎到，個肉醬意粉勁勁勁細，三啖就食完。 個酥皮湯大好多，同個 menu 張相既比例差好遠比張相呃左！唯有再買其他野食

有事要早餐都未食就朝早到九龍灣，搞得黎十一點呢d 好尷尬既時間，好彩黎到呢度都仲有早餐食，36蚊有兩塊pancakes，乾蕃茄炒蛋，薯仔粒，一條腸，再加杯咖啡，我覺得都算幾ok, cp 值都幾高。炒蛋同薯仔粒都唔油，pancakes 都好食，女生黎講都幾夠飽。店內環境舒適，員工又幾有禮貌，坐耐少少嘆下杯咖啡都唔會驚比人趕走。早餐 menu 都幾多選擇，只係我今日實在太想食 pancakes 所以二話不說就簡左呢個餐，下次有機會要試其他。

今日一個人要等晚上比賽，所以一個人揾個地方坐左2個小時，買左本書之後去揾個地方食野加消磨時間。叫左一個set dinner，有酥皮湯加意粉同杯熱OT。環境我個人幾鍾意，個熱的酥皮濃湯好好味（可能我個人比較鍾意酥皮）而且個湯好熱，唔係一早整定。但意粉就比較淡口，我個人覺得唔係好夠味。熱飲就正常的水平，沒有任何特別。整體而言我個人認為食物一般，只有酥皮湯會有衝動想再飲，其他都十分一般。但如果看看書，消磨時間都未常唔係一個好的選擇。

今天中午無食午餐，行完街就到這間餐廳嘆下。好彩星期日都有下午茶，我只想吃些少野，於是就叫了個蜜糖窩夫拼雞蛋沙律和司華力腸。不，今天我唔食肉，所以腸仔包走。飲品叫了熱檸水。幾分鐘後食物就來了。哇！個窩夫脆脆的外皮，又有甜甜的蜜糖味，好好食呀！雞蛋沙律有一球，都算係甘喇，下面仲有兩塊蕃茄，都幾好食。

以往一直都喜歡吃super sandwich的煙三文魚沙律焗薯，真的是不錯的，希望這個能保持多料和薯仔要焗得夠熱。不過，今天趁週末和老婆來到九龍灣的分店吃下午茶，有少許不舒服，今天便決定一試它的下午茶餐。我和老婆分別點了T2和T5的下午茶，真的希望以下意見能夠反應給集團知道。首先，其實三文治的包是夠新鮮的，可惜員工放置和塗上沙律餡料的時間，有點兒欠缺了心思，大半份包中是沒有餡的。另外，我所點的餐中有蜜糖雞翼，可惜雞翼是冷的，而且有點overcooked。希望能夠加以改善