Oneness Team

营业中

休息中

同朋友慶祝生日，晚飯點了兩個set，前菜是南瓜濃湯及煙三文魚沙律，main是三色椒雞柳配薯角，及雜菌扁意粉，甜品是黑糖無花果蛋糕配雲妮拿雪糕，飲品是特調lemonade，朋友的則是泡沫蘋果紅茶，食物精緻有特色。兩個女仔食，十分飽足。南瓜湯幼滑濃郁雞柳脆嫩，薯角惹味雜菌扁意粉，香氣四溢，十分美味，分量亦充足蛋糕外脆內軟，配雪糕，冷熱交加，味道層次豐富Lemonade 非常refresh，這晚飯的完美句號

因為天氣落雨，入一間Cafe避雨，入到去就係惡夢嘅開始1. 被侍應生強迫要每人一杯嘢飲再加甜品2. 老闆娘態度惡劣，結帳時一點也不不客氣，一貫老馮態度。多謝都冇句，仲要黑面。3. 多次周圍行嚟行去，偷聽食客言論，亦嘗試做出多次趕客嘅動作食物及飲品質素，亦屬一般。總括然而，價錢同食物質素與服務完全不相符。收到呢啲價錢，係咪要提應該提供好啲嘅服務質素呢？好少喺OpenRice落comment ，希望大家唔好中伏。幫襯前務必三思。🙏

« Oneness Team »·由粉嶺裁判法院延續到太和的添飲咖啡舊店的大樹裝飾亦保留著細看會發現很多有意思的字句·最喜歡他們的麵豉醬三文魚柳外皮煎得很香 內裏的魚肉還是充滿肉汁一點也不乾ꕀ麵豉的味道亦很濃郁配上紅酒洋蔥漬 酸酸甜甜的很開胃·🏠 大埔翠樂街8號富萊花園地下G08號舖

那天和朋友到大埔敘舊，隨便看見一間咖啡廳，我們便內進用餐。店員的服務態度照舊，沒有帶微笑，很像生意不憂做。😅幸好他的全日早餐質素很好，很好吃。很少看到全日早餐內有熱情果提供！ 還有小番薯，很甜，很好吃！點了一杯hot hojicha latte, 那杯咖啡來到的時候，頭上的拉花很好看！像是咖啡師練了很久的手藝！ 超級欣賞！ 還有大啡菇，煎得很香。竟然還有蘆筍，這算是很貴的食材，普通餐廳也沒有蘆筍和熱情果，所以這個全日早餐非常之合我胃口 ！ 🫶🏻

慢煮豬手肉配酸種包 / 英式鯷魚牛油 /蘋果八爪魚鯷魚蕃茄醬意粉一間裝修氣氛都舒服的西餐廳，內裏是木製的桌椅，文青工藝風格。點了兩個餐點，配搭都不是一般西餐廳會食到的，感覺到有用心設計餐單！八爪魚原本配墨魚麵，但剛好無貨，轉了普通意粉，味道一樣不錯，魚柳調味酸酸地，是有另外調味的，稍酸，但因此不腥。另外的手撕豬手肉多士，上面有較少食到的鯷魚牛油，加上蘋果調味，令整體口感不會太重。最後點了柚子茶，加上香草的調味，亦比一般只落茶包的花茶有心思。

如果有時間在大埔或太和區食飯，這是必選的餐廳。寜靜的環境、精心炮製的食物，令你身心愉快。今天選了春雞的set lunch, 粟米濃湯味道不濃不淡，剛剛好。春雞份量不算多，烤得香調味亦佳；青瓜沙律配上芝士醬，不太愛芝士的我也可接受。美式咖啡也是濃淡適中。好味舒適的午餐。讚。

位於大埔舊墟 離太和鐵站稍遠 約十五分鐘路程 店舖內裡幾大 樓底都幾高✌🏻空間感十足 坐位數量多 可以揀高枱 長枱燈光柔和 木系裝潢為主🪵 內外都放左特式擺設休閒感UP 確實好岩黎坐低抖抖 CHILL下😌今次平日朝早黎食個早餐😁客人數量唔多 上餐都算快試左 Chessy Naan Breakfast & Single Origin Chocolate🍫三式芝士烤餅大大塊 芝士香氣十足🧀🧀🧀甚有厚度 入面芝士餡同意大利肉餡裝得滿滿幾飽肚 食完幾個鐘先肚餓😆無估到有幾款地區既朱古力可以選擇中意朱古力既朋友值得黎一試☺️🌬️揀左尼加拉瓜既朱古力 烤味濃郁 仲略帶少少果味 相當唔錯😁方便指數: 3/5環境指數: 4.5/5回頭指數: 3/5地址: 大埔翠樂街8號富萊花園地下G08號舖

經過見到有間好chill 嘅cafe入去trytry☺️服務環境都唔錯，主打文青舒適系裝修🥰我叫左個lunch set 入面有一個蘑菇湯+麵包麵包非常脆好食☺️湯都唔錯飲品叫左個熱情果soda🤩甜度比例都幾好，唔會好啖亦不會死甜都幾適合打卡可惜個主菜就好一般我叫左個炸魷魚番茄大蝦貓耳朵魷魚炸到少少脆，但其實食落又唔係特別夾，大蝦都好大隻，仲加左d果仁脆系上面增加口感👍🏻可惜個貓耳朵唔係咁好食，好淋，好糊，麻麻地，所以就覺得好一般總括來講，都係比較適合打卡

一個普通禮拜四夜晚, 落雨.偶爾唻到大埔夠鐘覓食. 遠遠已經望到非常寧靜舒適的小店,燈光溫暖. 入店已見到一檯正在慶祝小朋友生日,更添溫馨.坐低已經驚喜, 見到4個set menu菜單都啱食, 最終揀一個炸魚薯條, 一個加拿大豬扒.本身並無期望, 係出面食過太多唔好食嘅炸魚薯條, 柴到飛起的豬扒. 但呢間小店不僅僅滿足期望, 更大大超過預期.(炸魚薯條)非常熱非常脆炸魚薯條, 薯條唔需要任何醬料已經十分美味. 外表鬆脆內裡嫩滑.最亮點係豌豆,出面從未試過如此好食豌豆沙律, 所有調味剛剛好.(加拿大豬扒)絕對想象唔到呢個豬扒可以如此多汁如此嫩滑, 簡直讓人喜出望外.下面D配菜都絕不輸俾豬扒本身, 薯仔同之前薯條一樣內裡嫩滑,毫無乾柴的感覺.番茄汁與一些蔬菜,煮到軟熟剛剛好, 每一口都入味十足.另外3款配菜都十分出色. 炸池魚, 番茄芝士(唔記得全名), 再有雞軟骨(唔記得影相)加上另外再叫南瓜湯同三文魚沙律. 呢餐沒有一樣食物係失望嘅, 以上每一款都讓人想象唔到一家大埔小店可以有如此質素.香港仲有如此店鋪,讓人感覺溫馨愜意.

優質小店值得推薦！！！！希望大家經過都幫襯下佢地🫡❤️唔想大埔小店嘅選擇愈來愈少⋯由前菜到主菜再到飲品都無樣hea樣樣都feel到有誠意 清新又滿足！前菜🥣南瓜湯配橄欖油多士🥣煙三文魚沙律兩款份量都好實在 煙三文魚有兩大片絕對唔係揸流攤比兩塊個種 而且鹹淡啱啱好配埋微酸嘅醬汁 同新鮮嘅沙律菜 好開胃！主菜🥣貓耳朵粉有啲似貝殼粉 一樣兜到多啲醬汁酸酸地帶有香草味嘅醬汁會令人一啖接一啖有完整六大隻蝦仁 口感都幾彈牙唔差脆魷魚鬚on top 酥得嚟唔𠝹口～🥣炸魚柳伴蜜糖乳酪豌豆沙律及薯條他他醬好特別！！！清新中和炸品嘅厚重感炸物都出色 炸得好透 唔油膩但好脆！飲品🥣牛奶咖啡🥣百香果紅茶梳打有靚拉花 有實實在在嘅百香果籽小插曲佢哋員工食哈密瓜仲請我哋食埋員工態都好好 氛圍好輕鬆～100/100 支持有質素嘅小店！

行過大埔嘅街頭，搵到間「添飲咖啡館」真係要立即入去試吓。裏面嘅裝修有種溫馨同埋親切感😌，店員嘅服務又好得嚟喎，啲飲品同餐點介紹得好細心。坐低後，頭先叫咗個龍蝦海膽汁芝士三文治，份量夠曬正。每啖都有足料嘅龍蝦塊，咬落去Q彈得嚟又多汁🦞，茄汁嘅酸甜好解膩。不過，個人覺得如果海膽汁味再濃啲就更加完美。下一樣試嘅係那軟綿綿嘅伯爵茶卷蛋，香濃嘅茶味超級撲鼻，個人超級鍾意！雖然蛋糕質感可能略硬咗啲，但依然唔損那份獨特嘅伯爵茶風味。最後，來杯經典嘅Flat White貼地收尾。呢杯咖啡打得好滑，奶泡綿密到不得了，咖啡香味濃郁得黎唔會太苦口，正喎！😋總體嚟講，「飲添咖啡」係個頗有品嘅地點，飲食質素同服務都一流，即刻mark低，下次再入嚟試埋其他食物！大埔呢間睇得過、食得開心嘅咖啡店，真係一試難忘。👌

星期日，希望出外走一走，為迎接忙碌的星期一至五先休息一下吧！Oneness 假日人流𣎴多，室內裝修舒適具有空間感，係假日休息嘅不二之選。首先，點咗一杯ice americano, 咖啡味濃，偏向fruity .因為餐廳設有最低消費嘅關係，之前已經食咗午餐，所以點多一杯嘢飲。第二杯嘢飲點咗啲朱古力，朱古力十分純厚，味道偏甜，如果想飲一杯濃郁嘅朱古力絕對係好好嘅選擇。而朋友點咗一杯薄荷花茶配蜂蜜，整個茶壺連精美茶杯奉上，飲完之後服務員亦都會好禮貌問你使唔使加熱水，好適合同朋友傾偈或者喺餐廳消磨時間嘅時候慢慢飲。朋友第二杯飲品，都係選擇咗不含咖啡因嘅飲品，就揀咗焙茶拿鐵。肯意外地焙茶味10分濃郁，係咖啡以外不錯嘅選擇。

不時都會經過依間cafe ，發覺裡面客人都不多，可能大埔太多好嘢食。先黎食個清爽開胃嘅柚子醋油甘魚他他，配上脆脆嘅鍋巴幾得意。alldaybreakfast 十分健康豐富，大啡菇、炒蛋、煎蘆筍、小蕃薯、仲有哈密瓜配意大利火腿好吸引。最後試埋個黑糖無花果蛋糕配雪糕，十分滿足。

今年開關之後見到人流少咗好多⋯⋯我每次嚟呢度嘅用餐經驗都好好，覺得佢哋值得多啲人支持。食物好味，飲品好飲，環境舒服（人多人少都唔會限時），完全對得住佢價錢。好好味！豬扒係厚切，個普羅旺斯燉菜我要清晒先肯畀佢收碟，烤薯仔都好香。魷魚鬚好食，貓耳朵都好食，但唔知點解呢個醬凍得比較快，同埋個人口味鍾意酸啲。甜品好出色！野莓乳酪芝士蛋糕，店員話係自己將野莓打汁，餅底都好味。抹茶士多啤梨卷蛋，我喺呢度食過嘅每一款卷蛋都覺得好食。飲品冇影相，焙茶latte好香，鍾意飲凍嘢嘅朋友為咗佢願意叫熱飲；熱朱古力可以揀唔同可可豆，好飲好飲

定期更換set Menu 每次都充滿驚喜亦都感受到佢哋好俾心機好細心總共有四個選擇 而今次就試左兩樣嘢<脆魷魚鬚蝦肉蕃茄乾醬貓耳朵份>魷魚鬚嘅炸皮係有紫菜味炸得口感似天婦羅 外脆內煙靭 十分惹味蝦肉亦都煎得好香 熟度剛剛好 食落新鮮貓耳朵粉份量足夠 配上蕃茄乾醬 又鮮甜又開胃加上杏仁片 口感層次加分我另外叫咗啲芝士粉 好好味<燒鰻魚高湯烏冬拌溫泉蛋>佢哋相當細心 特別預備咗日式筷子俾呢一道菜唔單止食物味道優質 成個體驗亦都加分