Oolaa (東薈城名店倉)

营业中

休息中

值得去㗎因為舒服環境食物質素好食過無數咁多次因為經常喺東涌出入梗係搵間坐得舒服嘅餐廳啦最緊要食材穩陣Happy Hour時間就會清閑啲吹水一流價錢都非常合理大大份一定食到包平時午餐都OK 㗎早餐都係反而晚餐我就覺得貴咗少少早餐同午餐都食到你飽飽佢杯咖啡真係超掂又香又濃佢係用 illy 咖啡豆食咗兩次都會選擇呢個Q版漢堡包雞翼就比較辣咗少少但係服務員話好多人欣賞Pizza真係唔錯嘅經常去都係有原因食物質素好又靚仔服務態度好好！只係全英文冇中文連服務員都係英文對話！其實唔難嘅一睇就明㗎啦！反而有個服務員識少少中文啦肥肥地幾靚女㗎！值得推薦唔錯嘅一間餐廳😙

常常來東涌但未食過這一家 。有去過他在上環必列者士街的同名店，那次經驗不錯 。今次決定來試這一家。中午walk-in有位，地方裝修不錯。但枱與枱之間太接近，一定唔夠防疫距離。中午過後食客陸續入座，比較嘈吵。另外侍應服務唔夠專業，上菜時隻手滴水。食物又隨便放在枱上，不分方向。整體來說，有待改善。

假期原本上去大澳，但假期實在太太太多人，去到東涌巴士總站，長長嘅人龍，一條又一條，未入大澳已人頭湧湧。怕了！算吧～食個Brunch，慢活一下，再去Shopping。

一早與友人到店，早餐款式都算頗多。價錢偏貴，但不收加一。早餐不包括飲品，但店舖會提供免費清水。店舖乾淨，環境優雅，裝修有情調。可能因為平日早上，就餐者不多，尚算闊落。上菜速度較快，不需要等太耐。我和友人都選擇了Benedict。Benedict可選擇兩種不同的食材。我選了bacon和avocado。雖然Benedict份量十足，但bacon十分鹹。正因為bacon的鹹味，搶奪了其他食材的味道，導致其他食材入口時味道不過不失。這份早餐十分飽滯，由原本心中的breakfast變成了實際上的brunch。

Lunch 約朋友食下飯揀左黎東薈城oolaa 之前試過食set lunch , 今次試下另一個選擇食burger 揀左個char grilled black Angus cheese burger, 配薯條果餐仲包左一杯飲品，可以揀汽水或者black coffee 可能唔係滿座，得一半人左右，所以15分鐘內野食就到了 薯條黎到都仲熱辣辣同脆卜卜Burger 都大大份都熱辣辣肉揀左medium ,黎到岩岩好又夠juicy 下次可以再試其他款式burger

多謝疫情😓冇得外遊，老公需要清假；加上朋友剛去過🐀迪迪尼酒店，諗住入去行吓，就鎖定東涌午飯🍽我都係睇 open rice 食評選這間😀真係有外國風情，大多數係外國人食客，門口也是外藉猛男熱情招呼，最外國風情係 成個餐牌冇乜邊個字識😂rib eye 這字我識🤣見人哋嗌 賣相也佳 不過妹仔肚應該唔識欣賞……嗌咗一個 starter (tostada) + main (香草燒雞）$150免加一 😃😆😍🙂🤗抵抵抵抵抵一個 salad + 蝴蝶粉 + 心太軟 伴雪糕 $170(真係查字典都搵唔到 fondant 原來係佢🤣🤣)滿足而回。網友話食物夠大份 所言非虛👍

Join 咗迪士尼嘅買二送一優惠之後最近嘅晚餐地點就係東涌啦 之前經過見到環境好chill 已經好想試所以今次要係東涌dinner 就直接揀咗oolaa 啦由於我地都唔係好肚餓 所以三個人order咗1個starter 同兩個main course 🥄Wide Mushroom Risotto好濃黑松露味飯粒口感都好好 又唔似平時意大利飯中間好硬🍴Spicy Chicken Quesadilla 雞味香而且Juicy 個餅皮keep 到乾身Sour Cream & avocado 醬都好好食👍🏽🍕Pepperoni pizza好濃茄汁味但辣肉腸唔夠辣個pizza 底朋友話似急凍返屋企整返熱果種pizza😂好韌唔夠鬆呢間嘅pizza 就真係唔太推薦🤪由於我地都接近9點先order, 餐廳其實都係得幾枱，上菜好快，大概10分鐘就上哂👍🏻本身好鍾意落地玻璃餐廳，環境好chill 一直播好輕快嘅歌，侍應都好nice 同有禮貌另外餐廳無加一，可以滿意先比tips✨

東涌一個唔熟識嘅地方，以為大部份都係新移民，商場內大多本地人從港九新界來逛下，因為好多牌子嘅outlet就係度，另外要搵食都唔難。我本來諗住去大澳玩，不過假期太多人了，所以入去商場行吓。在外面見到一間玻璃門的西餐廳，諗住坐下食D嘢就去shopping , 入面環境好舒服，有巴枱可以嘆番杯，枱與枱之間亦好鬆動，意想不到俾咗一張沙發，舒服度呢望下週圍大多外國人，好似去咗旅行餐牌上都係starter, Salad, main course , pizza , pasta等，我們三人叫咗一個好特別嘅黑豆牛油果沙律，味道好香、酸酸甜甜好開胃，而青瓜、蕃茄好新鮮，超好味😋值得推介另外，fish & chips 當然唔少得，嘩，炸魚好大而且好厚肉，魚好香又滑，薯條亦唔乾，配上青豆蓉好味😋通常比茄汁同沙律醬，但呢度重有醋，三個汁醬。Pizza 方面，好大個亦焗得好好味😋最緊要就係橄欖無個種酸喊味，估計香港人未必鍾意食，但呢個好好味😋飲品方面亦都好多選擇，而且不會太甜，最適合女士們總括嚟講，大碟又好味😋係一個驚喜

去完大澳出返市區晚餐想食西餐据下扒咁就搵吓東涌有冇啦...見到網上講呢間都係食多國菜所以就入去試吓..呢度除咗有扒食仲有啲意粉甜品..同埋見到佢都有生啤飲..咁我哋分別今餐就叫咗兩份steak..呢個冇記錯好似係肉眼...個肉質都好淋..最正係佢配埋個蒜...一啖蒜一啖牛..個汁係燒汁..冇咩特別都係一般正常味道西冷黎到個擺盤好靚多咗一個薯蓉...個薯蓉略嫌個味道就淡咗少少..如果可以多番啲牛油香就勁正啦不過響東涌搵到呢類西餐廳都真係唔錯..

今日得閒無事同屋企人去東涌outlet行下街shopping 🤩心思思想食下西餐，就入去地下mtr對面又幾靚既oolaa一試😋朋友話佢d牛扒幾正，但lunch黎講就有d heavy 啦～ 所以大家都叫左cheese burger 🍔 黎試都幾好味，塊漢堡肉多汁鬆軟薯條🍟都不錯值得一試

東涌我差不多樣樣野都食過 除左Oolaa, 今日禮拜六 懶得煮 就決定落黎食個早餐!一入到黎 差不多90%都係外國人 有一種去左外國既感覺😂睇一睇餐牌 覺得樣樣野都唔平 最後叫左呢2樣野呢個eggs benedict 係可以自選2種配料 ($145) 我就揀左煙三文魚同牛油果 味道係唔錯既 但我諗住成145蚊 至少都會有d配菜係側邊襯托下 點知得4粒olive...仲要我唔食既😅之後叫多左個Big Breakfast Burger ($95), 呢個都幾正 入面夾左煙肉 腸 蛋 薯餅等等, 將成個早餐合晒落個包度 好味! 但差左d薯條硬係差左d野咁...之後睇番個餐牌 其實佢係有得另外加錢叫薯條, 所以想食既朋友可以試下 我見都好多人有叫!以為實會唔夠飽 好彩食到最後都好飽! Oolaa 質素係ok既 但性價比低左d, 不過間唔中一次, 又有去旅行既感覺, 抵番啦!😝

早前到東涌探朋友，順便試了一下位於東薈城的Oolaa。餐廳位置便利，一出地鐵站便能望見。⁣分別點了 Wok Fried Garlic and Chili Calamari (即管叫佢西式椒鹽鮮魷）；慢煮烤豬腩肉及西冷牛扒。 首先，個人覺得西式椒鹽鮮魷不脆不香，粉身極濕，真心差評。西冷牛扒雖然為推薦菜式，但沒有什麼驚喜。蕃薯條配上芝士醬十分配合。反而是沒什麼期待的慢煮豬腩味道極好。外皮香脆肉身肥嫩，配上蘋果醬使味道更豐富。伴碟的雨衣甘藍沙律帶上酸甜的醬汁，加上顆顆藜麥，口味滿足。⁣個人覺得整體還可以，但那道鮮魷。真心一次就夠。

行完Tung Chung Outlet經過呢到門口好chill所以就入去試!超近地鐵站，要嚟都好方便。Avocado Toast 份量好足，冇諗過佢會有咁多牛油果 + Avocado醬！Burger中上，唔算油。出色嘅位係個burger有hashbrown同bacon!但佢走冇sidedish，不過兩個人都係食咗$2XX價錢配呢個環境勝價比好高!因為有好大嘅落地玻璃所以餐廳到好光猛，日頭黎都幾chill。同埋唔洗等位，亦唔會好多人，所以好舒服。

係限聚令之下，冇得食夜晚飯咁就唯有搵間餐廳食晏晝慶祝。之前行過睇個餐牌，覺得都幾OK所以就嚟食。嗰日兩點幾，就咁Walk in做完體溫探測就可以安排入座。坐低睇餐牌之制，偷望到隔離枱嘅菜式份量都唔算少，所以兩個人就叫咗兩樣野加野飲就ok 啦。Carbonara 碟邊附有一塊有溫度既麵包比你，意外地軟熟，再點埋個意粉啲汁嚟食，真係好正。意粉入面嗰啲Bacon唔係一小片而係有咬口嘅一粒粒。Fish and chip 嘅配菜竟然係青豆蓉。向來好討厭食青豆嘅我係壽星公嘅鼓勵下試咗一啖。意外地係幾好食架。另外有3個sauce 跟埋比你，分別有黑醋、沙律醬同茄汁。薯條不過不失，講到主角炸魚柳係外脆內軟，完全符合預期之中。 最鍾意係杯milk shake, 我哋叫咗杯Banana milk shake 加 花生醬!!! 估唔到香蕉同花生醬係咁夾，真好好飲丫!! 仲有杯 疏菜smoothie, 入面仲加左羽衣甘藍。不甜的係好清新的口味。完全係健康之選。整體用餐係滿意嘅。唔知係咪疫情嘅關係，是次堂食係免收加一服務費。

哈哈其實今天也是車媽媽的生日不過是農曆的壽辰，昨天收到大家滿滿的祝福真的很開心，在此我也祝福大家身體健康、平平安安、生活重入正軌可以愉快地過每一天！每年7788的生日飯今年約好了也因限聚令無奈地要取消！但當中的好姊妹兼街坊O小姐約吃午餐我當然樂意仆到出去見她啦！為了減低風險我選了東薈城的Oolaa跟她吃個午餐！約好中午十二時多來到以落地茶色玻璃裝飾的Oolaa感覺挺Classic！推門一進接待處已有員工為客人逐一測量體溫然後送上紙袋存放口罩，抗疫措施做得足夠可以令客人放心不少！入到餐廳估不到原來已有不少客人在內用餐！檯面除了有美麗花朵裝飾外亦有酒精搓手液供客人使用。看過餐廳Lunch Set不太合口味而且也怕太豐富最後決定散點來Happy Share！先選上飲品O小姐選了後方的Lime Squash＄45聽聞有點過甜！而我則點了清爽的Fresh Lime Soda＄45酸香不太甜加上梳打喝得我挺爽快！頭盤選了Tuna Sashimi & Mango Salad＄175，來到時我倆的大眼睛變得更大，因為實在太過大份了，內裡有為數不少新鮮的吞拿魚刺身粒，配上酸香的芒果粒和新鮮的沙律菜加上紫