Oslo (已結業)

游完水🏊🏿‍♂️🏊🏿‍♀️🏊🏿‍♂️🏊🏿‍♀️好肚餓， 搵吓附近有咩食。 行吓行吓， 去到九龍城， 太多選擇嘅情況吓， 是但入咗呢間食店。 適逢下午茶時段， 而本人又十分喜歡食waffle. 就決定點了一個香蕉朱古力窩夫， 另加錢配芒果奶昔。 香蕉朱古力窩夫好好味，不太甜， 配一球朱古力雪糕， 唔錯！芒果奶昔就有小小甜， 可能係加咗棉花糖嘅關係。朋友叫咗一份雞翼， 普普通通。 分量以下午茶時段價錢嚟講， 算合理！

之前同老公到九龍城拍拖，食tea！之後去買餸，見呢間有位就試下，難得佢肯食西餐😂我地落左order , 都等左好耐，真係好耐！不過食物上到枱熱辣辣，估佢係即叫即做，等自己心靈上安慰D😅個包唔得，好似雪左好耐，其他可以甜品有點驚喜，係一位年輕男侍應做，男仔都做到呢個效果，扺讚👍整體環境唔錯，係枱椅細張，而且是硬椅子，坐得唔舒服，價錢偏貴，冇乜餐，一杯小小既熱檸茶都$30，tea Tim 都食左 $290（有加一）但其實無乜service, 冇人理，可能tea time 時段，少人手，所以我覺得100滿分的話，呢間店值70分

去開九龍城買餸順便食個lunch，九龍城除咗泰國嘢都仲有其他選擇架😂【小食併盤】炸炸炸，樣樣都炸，不過炸得嚟唔覺得好油，脆卜卜熱辣辣，愈熱氣愈好食😂【煙三文魚芝士焗大蘑菇】賣相精緻，蘑菇好juicy，夾埋煙三文魚同芝士一齊食👍🏼👍🏼👍🏼【香草忌廉雞肉長通粉】無乜香草味，但個忌廉汁就煮得非常好，配合埋有咬口兼掛汁力十足嘅長通粉就👍🏼👍🏼👍🏼不過份量比較少😅【巨蜂提子梳打】好難得咁唔似藥水味，唔算太甜，大熱天時飲佢好解渴👍🏼【新鮮水果蜂蜜綠茶】茶味唔算好濃，但勝在用新鮮生果，又唔係好甜，大大杯夠解渴😬全部食物都即叫即製，賣相精緻，感受到小店嘅誠意👍🏼

晚餐後再吃個甜品，之前同呀女拍拖食過呢間幾次，今次黎 encore 多次。我同老婆要個石板街雪糕杯，朋友們就叫左個士多啤梨雪糕杯。石板街雪糕杯水準穩定，朋友comment 士多啤梨雪糕杯的雪糕就一般般，水果同蒟蒻就幾好。要彈的是之前可以用不同方法付款例如信用咭同支付寶，今次只能用cash.......士多啤梨雪糕杯內有鮮果同蒟蒻石板街雪糕杯加熱紅棗茶有Oreo, coco crunch, marsh mellow

九龍城 除左有泰國菜外 仲有好多特色店鋪 今日經朋友推介 黎左呢間cafe 店內除左有咖啡 小食外 仲有主打輕食類 如：意粉 特別pizza 仲有甜品添我地雖然下午茶時間去 但坐位都坐左6，7成客人朋友推介主打pizza 入邊有青椒 菠蘿 芝士 成個配答都好好唔會太油膩 果然係皇牌另外 仲叫左個漢堡 有牛肉/雞肉 選擇包外脆內軟 不過 個雞肉略微喊左少少薯角都好好味兩條友 呢個份量都食得好飽老闆娘都好好人店員回應都快上菜時間唔會等太耐一句講哂 好評 有下次！

昨晚和三五知己在九龍城行逛時，偶然被Oslo的環境裝飾吸引，於是入內一試。一看餐牌食物，發現無論小食、主菜、甜品及飲品也很多選擇，且價錢不高。最好點選了丹麥酥、煙三文魚意粉、雞翼、雪糕窩夫、心太軟、花茶，全部食品製作出來的賣相也很精美，連士多啤梨也會切成花的形狀來擺設，可想廚師多用心製作！當然食物味道也相當不錯！食物價錢合理、賣相精美、可口美味、環境舒適，是一個與朋友家人閒談共聚的好地方所以誠意推介大家一試

九龍城多泰國野食係人都知，但原來都有間唔錯既café。呢間野門面係行簡約路線，冇好華麗既裝修，但就有一種好舒服既感覺。一埋位店員就好有禮貌咁服侍周到，係佢盛情推介之下，我同朋友嗌左份牛扒同丹麥酥pizza。Pizza我就食得多，丹麥酥pizza就真係第一次食。件野一黎到睇落個樣好似多士咁，食落原來好多鬆脆，酥皮口感豐富，加上芝士同菠蘿呢D無可匹敵既組合，真係令人食指大動。仲有塊扒質素唔錯，極富性價比。我同朋友意猶未盡，仲加單嗌左窩夫拼盤同心太軟，特別要讚下個心太軟，朱古力味夠香，朱古力流出黎果下亦好治癒，非常值得推介。間野門口對正起緊既港鐵出口，第時港鐵通埋車就方便得多，呢間野一定要bookmark低佢。

與好朋友相聚，從大門口進入餐廳，看見牆上放滿掛畫，內心充滿喜悅，有度假感覺。殷勤的待應很細心，安排舒適的座位，有禮地送上餐牌，價廉物美。我們選了推介必食的丹麥酥薄餅，濃郁的芝士加上菠蘿味道好夾。 黑松露焗芝士大啡菇，好多汁超好食，真係非常滋味喔！ 三文魚芝士焗香菇，睇出廚師心思造出玫瑰花，眼前一亮，真係唔捨得食。 安格斯牛扒肉香四溢。 玉子野菌煙肉卷，口感一流, 肉汁豐富。蒜香雞翼， 皮脆肉嫩。 生蠔新鮮肥美。甜品士多啤梨造玫瑰花，加埋棉花糖配上雪榚，非常吸引。 水果茶及香濃泡沫咖啡，有驚喜！離開前去埋洗手間，環境非常衛生，有玫瑰花味，更值得一讚。

假日係尖沙咀太多人，所以轉到九龍城搵食。由於女朋友剛病好，所以冇揀九龍城出名既泰國野食，早前知道九龍城有間評分幾高既甜品店，所以就揀左呢間餐廳。總括佢地既面包好鬆脆，所以pizza同層層疊都非常好食。而且好大份，好平又抵食👍🏼

食物：食咗幾次，每一次都無失望嘅感覺。係一間幾用心嘅小店。今次叫咗碟黑松露pasta，同個綠茶雪糕多士嘅甜品。個pasta啲黑松露好香，啲汁厚度啱啱好，唔會太水，又濃又香又滑。個雪糕嗰toast烘得啱啱好，表面焦焦哋，入面又軟又暖。個雪糕唔會好甜，份量夠，唔會話食食下覺得太少雪糕，剩食多士。環境：幾少人，店入面又好静，可以坐相對耐一啲，好啱同朋友坐耐少少吹水。service：店主同助手都好nice，會同客而講有笑。

今日去九龍城搵男友食野，本身想試樂園，點知無開到😑之後去open rice見到Oslo,好似幾正咁，就去試試啦!!晏就食都幾抵，有set餐包野飲我地叫左個all day加Burger ,,漢堡包好脆，肉都好味！All day 都幾正，都算足料，仲有我鍾意食脆脆既牛角包🥐咖啡反而一般般，但唔錯呀下次都會再試下Pizza 🤤🤤

兩公婆黎度九龍城南角道呢間Oslo Cafe試試，因見佢周圍都比泰國菜圍住，即刻發揮助人本色、支持弱勢就衝入去試試，未坐低已受到vip既招呼，店內都有 幾枱客人進食，無獨有偶，每一枱都有一款類似Pizza既物体，所以我地都有叫呢款夏威夷丹麥酥，的確好正，似pizza但又食到我最愛既丹麥酥，另一order 蜜糖雞翼亦很juicy外脆內嫩，呢d先好味，佢重有椒鹽同蒜香味揀， 最後我地叫左個朱古力窩夫，賣相亦很精緻，一定會再黎試埋其他食物

☕️抵食濃濃朱古力下午茶🍫~~~~~~~~~~~~~~~~~~~~~~~~~~~~~~CP 值好高👍💜每次去‪九龍城‬都好想試依間甜品，今次終於試到，食完真係覺得好抵食，飽死咁返屋企。個環境帶vintage 風，好適合同朋友嚟。👯‍♀️下午茶系列包嘅餐飲好多選擇，連朱古力都有，拉式和果茶就要加$18。🍌楓糖香蕉朱古力窩夫（$42）窩夫好脆身，外面仲有楓糖和朱古力醬，唔會太甜，朱古力味唔會搶咗楓糖嘅味道，朱古力雪糕上面還有脆糖。🍗蜜糖雞翼（4隻）（$32）好特別，唔會太甜，初頭唔知咁熱，一咬落去就知道應該係焗過嚟，雞翼冇雪味，肉質滑嫩。餐飲：😋榛子朱古力飲落去完全會覺得點解朱古力可以咁濃，飲落去仲可以好滑身。😋焦糖朱古力依杯朱古力味中帶點焦糖味，令人回味。~~~~~~~~~~~~~~~~~~~~~~~~~~~~~~

平日自製假期，和男朋友放假到處走、到處吃。來到九龍城，去吃過tea，見到oslo都多好評，一於去try下。平日關係，冇乜人唔洗等位，out door有兩張枱，可以俾養寵物or食煙嘅人坐。裡面座位都寬闊，不過裝修比較殘舊，椅子爛左都就咁痴黑膠紙，白色牆身都花哂，環境有點扣分。椒鹽雞翼（$32）我們點了一個雞翼下午茶set，雞翼賣相吸引，入口外脆內軟，肉汁仲keep住，但椒鹽味遜色，雞翼好似醃得唔夠味。薑茶餐配薑茶加返d分，薑味十足，入到喉嚨會有點辣，唔似就咁開水沖果d。石板街多士層層疊平時食窩夫、梳乎厘、pancake比較多，多士層層疊是怎樣呢？好奇害死貓啦今次！d丹麥多士條好硬，食到有幾次都摑口！

今日中午三位，入到去有四、五張枱用餐中，（係一至兩位）近門口有兩張枱客人已走，但枱面未執，咁都見到係冇人手忙既，咁同帶住眼鏡嗰位女仕應講：我地三位，佢就答：我忙緊未得閒執枱，咁咪企埋一邊喺度等佢囉，隔三四分鐘走埋黎話：我咪話唔得閒執枱囉，咁我就問佢係咪我地唔洗等呀？佢話係，咁我地走左。心諗：唔洗咁呀麻，又唔係旺，又唔係人多，又唔係唔等你，明知食晏時間（嗰時點半）。