Oslo (已結業)

以前去親九龍城就一定係食泰國菜，但其實呢度仲有好多好野食。今次同朋友約左喺城南道嘅一間Cafe晚餐，被佢嘅甜品吸引而黎。心大心細最後點左一個意粉Dinner Set同丹麥酥Pizza Set。荔枝綠茶 焦糖咖啡我點嘅C餐黑松露野菌意粉 ＄98跟set可選餐湯或沙津，我揀左當日嘅忌廉粟米湯，唔記得影相。講番意粉本身，初時以為係磨菇醬汁形式加埋黑松露嘅意粉，冇諗過係乾炒黑松露意粉，未試過咁食法，都我自己而言係幾新鮮。黑松露唔算多，所以味道唔係咁突出，但加埋野菌同炒得乾身嘅意粉麵條，總算香口。朋友點嘅夏威夷Pizza丹麥酥 ＄88其實就係丹麥酥上面加左菠蘿，煙肉同芝士，焗成香脆嘅口感，呢個係一流嘅配搭好好食。食得漏漏地嘅時候，再食一口伴碟嘅千島醬沙津中和番，就剛剛好喇。慢慢食下傾下就傾到人地關門本身仲因為甜品而黎，但最後食完意粉同丹麥酥已經覺得好飽，冇叫到甜品，朋友仲食剩半塊丹麥酥添。亦好彩冇叫2人餐，份量大到隔離枱2位女士係需要成大碟意粉打包走，但前菜嘅大啡菇望落個樣都幾好食，下次會叫位大食嘅朋友一齊去試! 或者4個人share再加小食拼盤都應該係唔錯嘅選擇。

九龍城真係美食天堂，除左多泰國野，連呢間食西餐嘅都係超級好味😛😛煙三文魚磨菇丹麥酥外型好似薄餅，其實用左丹麥酥做包底，酥邊微焦，一咬落係脆脆地，但包身非常軟熟。面層舖滿餡料，有芝士，煙三文魚，磨菇，蛋黃醬，一擺上枱已經香味四溢，旁邊仲有青瓜，蕃茄同沙律菜，口感豐富，但又唔會覺得飽滯。超級推介❤️窩夫拼盤窩夫共三件，上面放左三球唔同口味嘅雪糕同生果，包括綠茶紅豆，士多啤梨同埋香蕉朱古力。窩夫外脆內軟，充滿蛋香，配上雪糕，非常開胃。熱水蜜桃綠茶連野飲都係高水準，唔會太甜但又帶有水蜜桃嘅香味，而且都算大杯。食完野飲杯桃茶感覺好溫暖好滿足。

✏️法式杏仁餅多士盒 ($149)遠道以來嘅目的 就係為咗呢個多士盒❤️淨係睇個樣已經贏晒係咪先係咪先🤩超級色彩繽紛靚到暈😚雖然定價頗高 但係味道都真心唔差個多士盒有別坊間一般嗰啲 佢唔係用普通麵包 而係用丹麥吐司!!好酥軟嘅質感 而且麵包本身帶微甜 入面係一粒粒切左嘅麵包粒 烘到超級脆 而且搽咗蜜糖好香甜🤤老實講咁多粒嘅macaron本身諗住得個樣多 質素冇乜期望😆但係又幾好食喎🤪有好似黑加侖子味嘅 雜莓味 朱古力味等等甜度適中 最怕macaron淨係死甜 好快食膩雪糕相對下就冇咩特別 不過配酥脆嘅多士真係無得輸食呢類多士盒最忌就係太乾 但選用呢個丹麥麵包就唔會 再配埋忌廉同雪糕最後成功挑戰成個清晒 滿足😚-✏️黑松露野菌意粉 ($98)呢個意粉同一般cafe嘅黑松露野菌意粉有少少唔同 出面大多係配黑松露白汁嗰隻 而呢個係加左黑松露嘅炒意粉😌😌意粉炒得好出色 完全唔會炒到痴埋左一撮 又唔會覺得油膩 黑松露味道好香濃 對比起之前叫開好多餐廳配汁嗰隻黑黑松露野菌意粉 我更加鍾意食呢個 唔會滯感覺清新😌😌🍄🍄都炒都好香好好食喔🤪-✏️煙三文魚芝士焗大蘑菇 ($68)#喜出望外的菇🍄🤩呢個菇索價

不餓還是想食回家前就先食一點點當然也是離不開家附近的餐廳Oslo9:00已經不早了客人依然滿滿的店裡播著十餘年前在下喜歡的英文歌曲好喜歡不知不覺有一種放鬆下來的感覺點個餐食個麵讓自己心身得到了一點舒緩好有家庭味道的一碟炒長通粉味道不重每口都有著不同的愛廚師對食材的愛用心為客人的愛對烹調熱誠的愛每一口每一顆心每一點愛在下今天心裡深深感受著（今天感情那麼的豐富。。。）再來一杯青得不自然的熱青蘋果汁IKEA的清樸透明玻璃杯子放置在如此賓芬燦爛的盤子上旁邊一支圓厚結實的茶匙三種不配的器皿配搭出的不調和也莫名地讓人產生調和感啊。。講食物。。青蘋果汁對在下而言有點太甜了不過。。沒關係今天在下的意境不在食物旁邊牆壁的自然風格令一切都很好❤

Happy Friday 同朋友食生日飯，去九龍城，當然就係食泰國菜啦，飯後仲想食甜品，係九龍城打左個圈，最後揀左Oslo好似仲未好飽，一行三人就決定揀兩個窩夫黎試下。呢個朱古力層層疊嘅雪糕，朱古力味好濃，賣相好吸引，引唔住食多兩啖呢個士多啤梨雪糕，普普通通，窩夫外脆內軟，外型設計亦頗有心思不過如果士多啤梨係厚切嘅話就更加好喇食下笑下咁就過左一個鐘啦🤭🤭如果係開九龍城，又想食窩夫，呢間值得一推😬😬

又來到九龍城了，上OpenRice搜尋一下晚餐之選，看見這間餐聽 - Oslo，有不少讚，看似頗受歡迎，所以就決定在這間餐廳吃晚飯。南角道有不少餐廳，Oslo在街的中間，頗顯眼。我這個有選擇困難症的人，面對着眾多的選擇，完全揀不下手，看見set dinner幾便宜，一個餐有餐湯或沙律，再送飲品，所以決定叫一個套餐，叫了黑松露野菌意粉。這個餐配了一個田園沙律，有粟米、青瓜、山菜等等蔬果，再配合沙律醬，整體感覺新鮮和健康，不錯。至於黑松露野菌意粉，我自己本身喜歡吃比較硬身一點意粉，它正是較硬身的，再加上絕配的黑松露和野菌，味道不錯。唯一美中不足的是汁不夠多，比較乾身。我點的飲品是+$18的特色飲品 - 特濃朱古力奶昔。這杯奶昔的甜度正常，朱古力很濃郁，奶昔上佈滿小小的棉花糖，飲下去凍凍的，簡直是透心涼；而我朋友也叫了一杯士多啤梨奶昔，味道也不錯。秘製牛柳粒，肉粒鮮嫩，有黃綠芥末伴碟，沾了芥末醬有另一番風味。椒鹽雞翼，惹味和香口，完全符合我這個雞翼控的要求。黑松露焗芝士大蘑菇，很重黑松露味，足料！上面還有流心芝士，很邪惡！最後，當然不少得甜品，叫了一個綠茶紅豆多士層層疊，賣相很美，裏面有大量

幾年前食覺得好高質，系我食過最高質既Cafe, 呢晚再同男朋友嚟，試下佢有冇變質先。餐廳裝潢俾人一種温暖舒適家既感覺。Strawberry milkshake 一上枱忍唔住嘩一聲，真系好靚！飲落士多啤梨味好濃郁天然，連埋果肉一齊食，正！Oreo milkshake 賣相又系好靚！飲落oreo味濃到好似食緊oreo, 但可能太濃啦，味道會偏甜少少。順帶一提呢度既milkshake 好大杯，兩個人share都夠飲！蜜糖雞翼熱辣辣，外脆內juicy, 滲出淡淡蜜糖香甜，食唔停口！黑松露芝士焗大啡菇就更加正！熱辣既芝士拉哂絲，大啡菇淋滑多汁，配埋香噴噴既黑松露醬，美味！Burger包身微脆內軟，漢堡扒稍為熟左啲，唔太夠多汁，少少嚡口。粗薯條非常香脆，唔錯！蒜香雞肉炒意粉蒜味夠重，令成碟意粉好惹味，雞肉亦夠嫩滑，意粉al dente,煙韌既質感唔系間間餐廳都做到。最後食個窩夫作結，擺盤有心思，窩夫蛋香濃，美中不足系雪糕茶味唔夠濃。食到十分飽都唔洗$500兩個人，cp值極高！呢度依然系我既cafe之選！

食貨小子帶我到九龍城吃生日晚餐。本來我以為來這邊吃，應該是泰國餐吧，怎會料到是cafe呢！當我步入餐廳時，已經覺得有很chill的感覺了！餐廳播著輕快的音樂，還有掛在牆上的畫，令人輕鬆起來～牛肝菌汁雞肉意粉 意粉的量很足夠，而且牛肝菌汁的味道非常濃郁。我一直吃，都停不下來了！香辣蜆肉炒意粉 炒意粉的關係，意粉乾身的很到位，還有他用的蜆肉都挺新鮮的，加上香辣的味道，很惹味。玉子野菌煙肉卷 我最喜歡吃這個！因為有齊了我喜歡的食物，玉子還沒熟透的感覺，一吃下去有很多汁都流出來。裡面有不同種類的野菌，外面表層是煙肉把所有材料包起來，我都不能夠一口把他吃完，因為裡面都是滿滿的食材啊，哈哈！石板街多士層層疊 因為吃貨小子訂位時有提過是生日飯，所以在甜品上，餐廳都會免費為客人寫上祝福字句和提供蠟燭喔！而且，餐廳的服務員都很貼心，主動提出幫我們拍照，還拍了很多張！各位男朋友都可以參考一下啦～哈哈！如果喜歡吃甜品的大家，這個多士我十分推薦！其實他們還有其他的口味，但我被oreo的配料吸引住了！

見呢間餐廳係openrice食評吾錯，早幾個星期已想試下，可惜剛好撞正佢星期一休息，結果摸門釘!到今晚星期五終於有時間再去試下。可能打緊世界杯，成晚得我同男友一枱客，真係包場晚餐睇openrice知道佢既煙肉蛋卷同焗大蘑菇最出名，所以就叫呢兩樣再加pizza。先黎pizza, 好特別地用厚丹麥包做包底，焗完後充滿牛油香又脆脆地，非常好味，包上面又有很足料的煙肉，菠蘿同芝士，每人一塊已很胞肚很滿足。煙肉蛋卷就好有驚喜，整隻雞蛋打進卷起成一圈的煙肉一起焗，煙肉的咸香配上雞蛋正好中和當中的油膩。煙三文魚大蘑菇都幾好味，蘑菇好多汁，煙三文魚很大片又吾會太咸。店舖雖然細細但食物質素同賣相都有驚喜，絕對可以再試

今日同個fd去左九龍城搵食，行行下見到間cafe d 裝修都唔錯咁，於是就去食啦。入到去又真係幾有特色，唔係奢華風，但每樣擺設都幾精緻。我同個fd最鍾意就係個幅樹年輪嘅牆日頭去影相打卡正呀！🌲講翻d野食先，oslo呢間cafe嘅野食整體評價我覺得用抵食🤑黎形容！我地兩個人 前菜叫左個煙三文魚沙律 🤤🥗沙律菜新鮮 三文魚足秤 兩個人一人都食到四五片 大片嘅，🐟🐟算係咁啦，好過好多餐廳得兩片放面交差多多聲餐飲我地有一杯就跟set叫嘅 叫左杯巨峰提子綠茶 再叫左杯曲奇沙冰🍪佢個甜度啱啱好裝飾就用左美綠波波同Oreo 兩樣一向都係絕配黎嫁啦個杯好qq肥肥地咁 🙊忍唔住po左Ig story主菜呢就叫左個煙鴨胸意粉🍝睇唔出佢個碟係咁深，食極都有。。本來都想試個三文魚意粉但諗諗下同個前菜撞左決定正確！ 沙律嘅三文魚已經食夠皮 個鴨胸都唔錯啖啖飲 仲有肉汁 唔會乾身 除左意粉真正大佬應該係呢個多士喇我地揀左夏威夷風味 🌴拉絲芝士 菠蘿 同埋千島醬 煙肉片 Pizza咁 🍕但佢包烤到脆卜卜我下次翻黎一定會再叫 雖然好邪惡😈甜品喇到 叫左個窩夫👍🏻啱啱出爐暖暖地 加埋雪糕最完美ending 啦三隻雪糕入

喺九龍城真係好少一啲坐得咁舒服嘅地方，燈光柔和之餘啲侍應招呼無得頂，店舖設計新穎，坐到唔捨得走。我今次叫咗一個二人餐，包咗有黑松露芝士焗大啡菇，蜜糖雞翼，牛肝菌汁野菌意粉，楓糖香蕉朱古力窩夫同士多啤利奶昔和水果蜂蜜綠茶。先講黑松露芝士焗大啡菇一啖咬落去啲黑松露「必」晒出嚟，感覺好正。 牛肝菌汁野菌意粉份量好多呀好足料，我同朋友竟然式唔晒，最未拎走咗小小第日LUNCH食。呢個楓糖香蕉朱古力窩夫，佢真實係比相片仲要大啲賣相正到不得了，啱晒我呢啲朱古力控，兩杯飲品非常多生果，士多啤梨味的確幾香，不過口感好creamy，值得再嚟！！

不太常去九龍城，說起餐廳一定離不開泰國菜和牛肉餅，原來除了這兩樣之外，也有很多其他類型的小店。週末時間，九龍城的泰國店、水果店十分熱鬧，看到還有一些台式的小店，亂逛之下發現了這個小店。入座時其實已經下午3時，旁邊還有不少客人在嘆 All Day Breakfast，果然是假期的感覺！咖啡很香，不過是徧多奶的，正正是我喜歡的 。招牌菜玉子野菌煙肉卷的樣子配合了貓貓碟肯定就是相機先吃的時間，內裡沒有太大驚喜，普通的好吃 友人試了士多啤梨奶昔，說是十分好喝，下次會再來試試。

今日老公生日，所以係附近搵間近近地又好味嘅餐廳慶祝呢間係等一次食，我地見價錢唔算貴，老公話想試下。開頭我地以為好似無咩人食，但原來行入少少仲有幾張台，d客人坐左係入面，不過我地想靜靜地，所以坐係行門口入面仲有手飾賣我地見二人餐抵過散叫，仲包甜品過2杯野飲，所以我地叫左二人餐，再加多個丹麥Pizza呢個沙律有好多粟米，沙律好新鮮！仲有青瓜同番茄仔，好清新雞翼好食，層皮有少許脆配上蜜糖真係一流！黑松露大啡茹真係要必食，咬落去勁多汁，仲有滿滿嘅芝士同黑松露，香到不得了，好邪惡！但真係勁好食芝士多到流岀來煙鴨胸意粉，大大碟，絕對足夠2個人食！鴨胸份量都多，而且白汁都好足，好味道！呢個我覺得係皇牌，麵包勁酥皮，而且上面有菠蘿同沙律醬，食落去一d都唔滯，仲越食越想食！香蕉朱古力窩夫，呢個就正常野，窩夫岀面夠脆其實食左咁多野先400幾蚊左右，真係好抵，味覺仲要係好食，正！

今日同朋友慶祝生日，順便來一場談心大會，於是走入九龍城，穩到間環境非常舒適的餐廳。 店內裝修十分有心思，裝飾亦十分精緻，令人賞心悅目。餐廳有晚餐套餐，價錢唔貴，我地揀左e餐 意式芝士煙鴨胸長通粉。另加28蚊加小食，芝士煙肉焗薯角並加18蚊轉士多啤梨奶昔。意式芝士煙鴨胸長通粉： 醬汁濃郁，甚至可以拉絲，煙鴨胸配合醬汁和長通粉做出層層疊的效果，打破以往淨係擺係長通粉頂上。擺耐少少，d煙鴨胸都仲有餘溫。芝士煙肉焗薯角：一碟焗薯角有海量芝士，吉起果陣仲可以拉絲。好玩又好味。套餐價錢點小食抵過單點小食，份量又唔會少左。士多啤梨奶昔擺放得十分精緻，無論係杯頂，杯內旁都花足心思擺放。玉子野菌煙肉卷： 呢個係餐廳推介的菜色，咬落去有爆漿嘅感覺，因為頂頂的玉子係半流質狀態。整體觀感亦一流。甜品呀！女人食甜品係有另一個胃㗎！兩個女人食甜品都幾多幾誇張除了點左綠茶紅豆多士層層疊，仲點左兩個雪糕杯綠茶紅豆多士層層疊：非常高質，甚至好味過我食過嘅咁多間甜品店，多士焗到十分香脆，配合綠茶雪糕，一凍一熱，口感一流。綠茶紅豆椰果雪糕杯&芒果雪糕杯各有特色，份量適中，唔會過多，而且整體擺設都十分精緻，美感十足。

喺九龍城真係好少一啲坐得咁舒服嘅地方，坐得舒服之餘，D格局又有feel(燈光柔和)，約女仔嚟食飯一流呢個煙肉卷，我覺得個設計幾新穎，煙肉入邊包住流心半熟蛋漿，一啖咬落去啲蛋漿「必」晒出嚟，我建議大家一定要成舊煙肉卷食，唔好分開食，如果唔係就食唔到師傅嘅心事 呢個綠茶紅豆多士層層疊，佢真實係比相片仲要大啲，佢重點係入邊嘅多士非常脆，再配合紅豆同綠茶味嘅cream一齊食以佢嘅味道加埋份量， ＄58呢個價錢超值！（出面甜品舖一個芝麻糊都＄30啦）呢個石板街，外型就好似起樓一樣，有心思（唔通師傅讀過土木工程？）個賣點亦都係啲脆多士，配合朱古力醬加cream又有另一番風味！總括嚟講呢間cafe嘅菜式幾有心思同創新，會再試！