Our Restaurant

营业中

休息中

最近幾星期, 通菜街附近的店都食左好幾間 (之前的食評可能之後補寫返, 有一間都值得講)今日想試試有特式點的, 於是就揀左呢間土耳其餐廳平時行過又醒唔起, 而其實女人街都真係幾多唔同國的菜式可選擇一入門口, 裝修簡潔, 幾舒服(午飯時間一般店都會因人多而好嘈雜, 呢間店節奏不會很港式的明快, 加上少人, 氣氛舒服)菜單選擇也很多選了「廚師推介」的轉轉燒羊肉配沙律, 等左五分鐘左右, 侍應送上了土耳其湯具體材料不詳, 飲得出唔少溶左的薯仔主角, 轉轉燒羊肉同埋沙律味道調得很好, 有沙律的清新和羊肉的香, 下的調味適中不太濃, 不會搶掉食物本身的味道份量適中, 食完唔會飽到頂住最後以一杯咖啡結束這個午餐其實香港都唔少呢類土耳其烤肉店, 如果呢一間的價格上可以更有競爭力, 應該會更受歡迎

經過好多次呢間食店,都唔知係乜野國家菜,但一直都好想試,終於今次鼓起勇氣去試,入到去,竟然識講廣東話試了幾款特式菜燒羊肉丸 - 有一點so味,但係可以接受. 肉燒肉餅, 外有些乾乾,但內褢好juicy烤牛肉粒配薯條 - 有點燒烤香味,有些微辣,牛肉有肉味,我最欣賞魚肉卷 - 魚肉係魚柳, 有點點魚鯹味, 但也可以接受, 中間有d蔬菜,減低漏感雜錦羊+雞肉配飯- d肉切到好碎, 羊一d都唔so,雞肉都好入味飲中東紅茶 - 跟一般飲開d西式紅芋茶差唔多,較濃所有食物都有d綠色汁(有一點薄荷味,又有一點班蘭味, 另一種白色汁似乳酪味, 兩種都不錯.

其實食左呢間店幾次都無打上黎,但覺得唔同人分享實在對唔住自己點識呢間既呢??開頭只係經過望一望好似無咩野,但聞到有好香既烤肉味被吸引左而且係旺角食埋D普通野食到厭左,決定一試每次去都唔洗點等位店舖唔係好多位,空間感有D迫 黎左幾次都係坐同一個位哈哈牆上有好多土耳其裝飾 有風味!!而且COOKER都係土耳其人夠正宗!!好!入正題!點左"轉轉羊肉卷""(次次都一定叫)"酸奶""特式芝士多士""蕃茄羊肉XXX"(唔記得)羊肉卷>>>入面有好多菜同蕃茄(新鮮),羊肉既分量都好多,仲有D肉汁流出黎(我同朋友2個一人一半都夠食)酸奶>>>一飲,,無咩味奶味,得個酸字..淡...飲左2,3啖就飲唔落了..芝士多士>>>>正正常常,試一次夠蕃茄羊肉XXX>>>>都一樣係次次一定叫,,有新鮮打既蕃茄,羊肉,薄餅,點黎食好好食!!!我相信仲有下次下次下次...再黎食!!

想食SALAD, 本來想去APPLE GREEN但係要加一又如果只係要一個SALAD又有D異相, 所以黎左試卡巴2個人叫左:1份羊肉卡巴配沙律, 羊肉係免治羊肉條, 羊肉同PITA分開上, 羊肉條好好味但係對我黎講好辣, 沙律有2種醬, 有個係青青地色既嗰個最好味1份轉轉羊肉配沙律, 呢個羊肉就唔辣啦, 不過就碎左少少包熱飲, 我地要左杯土耳其紅茶(即係茶,味正常, 個杯幾靚), 同一杯凍啡, 比一般茶記好共銀$138唔....係旺角後街, 我都覺貴, 如果$8X-$9X我就會成日黎食只講味道, 我就鐘意尖沙咀K字頭個間, 材料種類同質素都突出好多, 好似仲平一截添

友人介紹食了轉轉羊+雞配薯條(好似是$68)味道唔差, 不過亦唔見得好好食羊+雞蘸旁邊白色的兩款醬都OK!酸酸甜甜的!薯條放得耐都仲係脆身不過可能D轉轉羊+雞太碎,好快凍晒, 食野時唔好講野,講無兩講,D肉就凍,唔好食了!杯檸檬茶就無乜特別,起碼唔會澀!不過太細杯了!SO FAR, 我覺得唔太抵食啦!!!$68可以係MK食好D!

上次去食台灣嘢果陣經過見到呢間土耳其菜，所以搵咗日去試~間舖好細,但係人吾多所以唔太迫.我地叫左炒羊肉飯同牛肉卡巴.另外加咗個湯同土耳其紅茶.先講個炒飯，份量都好大，啲羊肉冇so味，正!而個卡巴亦都好大份~啲牛肉好正~菜亦都好新鮮=]土耳其湯-味道有啲似酸酸地嘅番茄湯..土耳其紅茶-個人覺得同普通荼餐廳紅茶冇乜分別..總結：價錢有啲貴，但味道唔差。

卡巴在世界各地變化成不同的食法，只要有土耳其原本和德國式，也有香港的變異為旋風雞卷，今次去了女人街的一間土耳其小食店Our Restaurant 嚐一嚐土耳其的卡巴。這一間土耳其小店由土耳其打理，設計一如其他土耳其小店一樣，放左兩大串烤肉吸引人。店內食物價錢由40-80元不等，而50蚊就有一個卡巴和一杯飲料。今次叫了一個雞肉卡巴和一個燒牛肉沙律。這裡的卡巴是用錫紙包捲而成，叫ROLL，有點像肯德雞上校的旋風卷。其實原本的卡巴有點飲漢堡包一樣，有兩塊Pita夾上肉菜加醬汁而成，但來到香港，為了方便進食，才將卡巴變成包捲式。這裡的卡巴肉菜比例適中，但略為乾身，應該沒有落太多醬汁去調味，但烤雞肉惹味，比港式的旋風卷好味得多。而燒牛肉沙律，牛肉粒很香口，有肉味，配上香草汁和乳酪汁都好很味。而沙律則蕃茄粒，青椒粒，生洋蔥，青瓜粒和沙津菜而成，蔬菜新鮮甜美，但沙律粒用上醋去配搭，食到最後有點愈食愈酸的感覺，未必岩大家的胃口。整體來說，這間都是十分有風味的小食店，店內還有其他特色小食，如芝士奄子，炸魚手指，春卷等。以今天昂貴的快餐天下，用50蚊食一個卡巴，聽著土耳其音樂，嘆一口土耳其紅茶，是值完票價

係OPENRICE見到依間餐廳既食物幾特別,所以特登同男友過黎旺角試下我地大約7點中去到,餐廳只係得幾枱人,所以我地唔洗等位2個人都可以坐4個人既位~我地叫左一個雞肉卡巴卷同轉轉羊肉卷配飯個雞肉卡巴材料其實都幾豐富,有生菜,蓄茄,洋蔥,雞肉..不過醬汁既味道太淡,俾洋蔥既味道蓋過晒~同埋完全唔夠熱,只係暖暖地轉轉羊肉卷就好好多,熱度夠!羊肉好腍身,醬汁有小小辣辣地,非常醒胃,沾埋酸忌廉一齊食,味道非常之夾!個GOOD係俾個羊肉架!!!!而個餐飲土耳其紅茶就同普通紅茶無咩分別,無咩特色

I've been eating here for many years. So why have I not written a comment until now? Dunno. Must be laziness or the calm after a satisfying meal that leaves one just content to be alive. Well, defenitely not the latter.My staple is the doner kebab with salad. This luncheon meal has gone from $28->$32 -> $38->$50 today. So desu ne. Inflation. It happens.The lamb was as it always was. Superb. Crusty and soft on the other side. The salad was manly. Manly enough even for me.

是晚老公出去食...由於我有D O野係MK 做, 咁我未食自己LAW...好彩有個朋友晚上又係無節目, 未一齊出黎食~行行下...佢就決定此店食物方面:一個SET , 一個芝士春卷, 一個推介菜大家唔好俾佢D相呃....睇圖好大碟好靚來到就真的好細份....烤牛片薯條: 又薄又濃, 無咩特別推介菜賣相好似嘔吐物....(番茄牛肉XXX)芝士春卷 : 小小的,,,,似出現成貸, 無芝士味味道普通....咁O既價錢係MK 仲有好多好好選擇....可能我地無食佢個卡巴啦.....就以上食物及味道不能令我再光顧不過此幾項更加令我扣分第一 : 衛生環境麻麻....好多飛飛第二 : 坐位一定好迫同細第三 : 個WAITERESS 就真的無咩禮貌...(90後...真的)第四 : 想要咩無咩...選擇範圍好少*好煩...明明我有講食物都講我無講.....真的愈來愈不想來此留評不過

週日下午係旺角行街累了，想起kebab，記得女人街有一間，就入去試下。餐廳內得一位年輕畫上粗眼線、沒有笑容的女侍應在招呼客人。之後人數漸多，即使我們示意要下單，她總是處理其他客人，等了很久才為我們下單。我們叫了轉轉燒羊肉卷、土耳其扁豆湯( 女侍應︰冇！) 、米飯布丁、凍檸茶。因為對她的態度十分不滿，所以求其點些食物，食完快d 走人。羊肉卷來了，不過只是暖的，不夠熱，羊肉又少。大失所望！米飯布丁就太細碗($24)，size 約茶樓的碗仔吧，不值!我們決定轉戰另一間。叫埋單，( 女侍應︰出面！) 冇尾音、冇" 唔該".態度十分惡劣、rude既侍應，火都黎！下次想食土耳其菜，都係去番尖沙咀或灣仔啦。

在旺角通菜街（女人街）的這個繁華之地，有一間由土耳其人所開，充滿異國風情的餐廳，售賣地道的土耳其菜式。而這一間餐廳，正是這一天我吃午餐的地方。說這間餐廳充滿土耳其異國風情，絕對合適，從餐廳中不懂廣東話，只懂英文的土耳其老闆，到天花上懸掛的彩瓷燈飾；從店中播放的土耳其歌曲，到牆上的土耳其風景照片與別致的土耳其水煙壺，都在在提醒顧客這裡是一間不折不扣的正宗土耳其餐館。這裡的午餐選擇都幾多，最吸引我的土耳其特色轉轉燒肉有四款選擇，不過因為每天只供應其中兩款的關係，這天沒有燒魚柳和燒牛肉供應，只得燒雞肉和燒羊肉兩款，所以我便叫來了較少吃的「轉轉燒羊肉配土耳其沙律」做午餐，另外還叫來特色的「凍土耳其紅茶」作飲品。「轉轉燒羊肉配土耳其沙律」份量不少，而且賣相極為吸引，特別是沙律，色澤亮麗鮮明，七彩繽紛，材料也多，豔紅的蕃茄，青綠的生菜和青瓜、淺紫色的紫椰菜與白中帶紫的洋蔥，加上奶白色的薄荷乳酪醬汁，交織成一幅美麗的圖畫。各款蔬菜都新鮮爽脆，沾上味道偏酸，但甚為開胃的薄荷乳酪醬後，也甚為可口呢！至於已削成薄片的燒羊肉片，瘦中帶點兒肥，醃料的味道適中，不會太濃或太淡，而且頗有肉味。這燒羊肉與土耳其沙律

好食過尖沙嘴赫德道的土耳其餐館。多數都的燒肉都太乾，因為烘夠後為保溫仍繼續烘，結果烘到過乾。但呢間就烘得剛剛好。我叫了雞肉卷。肉塊又暖，又有肉汁。香料比較少，主要靠純肉味，但都夠喇。雞肉卷（$35）幾得意，用錫紙包到實，保溫。食時就好似食甜筒咁撕開錫紙。雞肉卷係蕃茄新鮮，沙律醬味夠，其餘就係轉轉肉片好唔好。諗落都好似漢堡包的組合。單天保至尊，全靠轉轉烤肉。好在呢間轉轉烤肉真係好食。下次試下茄汁+乳酪的 Iskendar 轉轉肉片包／飯餐，聽下好唔好過赫德道的。土耳其冰紅茶都唔錯喎，茶味濃又不會過甜。土耳其咖啡都幾貴，$25蚊，其實係種 expresso，好細杯，只係兩個一蚊銀咁闊。都幾濃幾香，無一般expresso咁苦，好多咖啡渣沉底。但唔係特別好，唔值我花$25。下次唔會叫。

拿完貨後, 走一轉入女人街找好味的東西去吃, 心大心細期間再行向對面, 偏偏選了這間店。甫入店內, 首先由一位挺着兩寸事業線的中國籍美少女引路入座, 熊媽見識少當場傻眼 坐底後, 又有另外一名上身穿得密實但下身穿熱褲的中國籍美少女為我們奉茶及menu一睇到menu就覺得有很多食物都很吸引, 例如香煎牛肝、土耳其扁豆湯、土耳其乳酪米飯湯、炸米飯肉丸等等 今次又是那位為事業而拼駁到底的美少女為我們take orders 她很有禮貌地俯身向前細聽我們的要求, 可惜得來的答覆是以上食品全都不再供應 熊媽問問她為何這些食品依舊是存在在menu裏? 她笑答說:「用來吸引客人嘛~」結果只草草地order了些普普通通的土耳其食品亞丹娜串燒羊肉沙律$58...羊肉好乾, 香料不足而且味道偏淡, 那原隻燒青椒能吃出新鮮味道來 不過沙律菜與洋葱都嚐不到菜汁來, 看來是預早切定的蔬菜雜錦轉轉燒烤肉配薯條$58...今天是雞肉及羊肉, 羊肉是一點也沒有燥味, 奇怪是兩款肉的肉質都是散散的, 偏「雨每」(DO YOU UNDERSTAND? 用龍心腔) 切也切到碎濕濕；薯條如果能炸透就最好不過 因為是真的

本身想去食卡巴，去到跟餐牌叫左個轉轉羊肉配飯，結果很一般，羊肉都幾乾同硬同埋唔香，如果油潤多少少會比較好，飯的質地反而唔錯，跟餐要左杯土耳其紅茶，幾特別。下次去應該叫卡巴試下。