Outback Steakhouse (MOKO新世紀廣場)

营业中

休息中

我和家人經常於週末在 Outback 吃午餐。我最喜歡 '意大利香草牛肉三文治'，兩塊麵包充滿香草味，烤得香香，連牛肉一齊吃，味道出奇地配合，連年過七十的父母也讚好味。其次，我常點 '香辣燒蝦飯'，雖說 '香辣', 我喉嚨容易敏感都只覺得是 '極少辣'，根本不用擔心，每隻蝦都充滿蝦味，飯亦煮得恰到好處，好味。我間中會點 '烤雞肉芝士夾餅'，非常香口和美味。也會點'燒肉醬豬肋骨'，味道好，只是略嫌重口味。注意，你可取一張午餐咭供蓋印用，消費滿 $100 (？忘了)便得一個印章，儲夠八個，便可憑咭在下次消費時享用一個免費午餐。扺食!環境清潔舒適，員工態度極好，推薦!I highly recommend the lunch sets. I love to order the Beef Sandwich and Spicy Shrimp Rice. I sometimes order Chicken Quesadilla and Baby Back Ribs. Delicious food. Good & enough portion for a male adult. Polite & f

星期三的晚上，在旺角新世紀做完瑜珈後，便約了朋友在outback 吃飯。當天晚上大概6點半致電訂位已經full booking ，只接受walk-in。各位想吃的話，建議預早一天申請會員和訂位，這樣才有折扣優惠。8點等了20分鐘便有位，餐廳已經滿座，等位期間，看見一個胖妞跟友人離開餐廳說了句「好滿足喔」！我和朋友也笑了！剛坐下，侍應便遞了一條黑糖麵包，這個包每次來我也很喜歡吃，熱熱的。記得在尖沙咀店，侍應見你見吃光了，便會添一條新的麵包，但旺角分店可能太忙的關係，收了籃子便匆匆送上餐湯。蘑菇湯濃稠綿滑，不會太稀，很好喝，不錯。另外，還有一碟凱薩沙拉，沙拉菜很新鮮，也是很大的一碟，伴了很多起司，好吃。點了一個六百多元的牛扒龍蝦二人餐，牛扒點了medium rare ，很香牛味，牛肉顏色粉粉嫩嫩，seasoning 也很足夠帶出牛肉的味道。龍蝦略嫌太熟，味道很淡，我不太喜歡。值得一讚是我十分喜歡Outback的伴菜，asparagus 很新鮮翠綠，就這樣吃已經很爽甜。Garlic and onions 也是很甜，伴著牛肉吃就很好，尤其喜歡onions 上面塗了蜜糖。雞肉起司pasta，雞肉

一向去開荃灣Outback，服務及水準都ok，今次改去Outback，真係一試難忘，以後都會改去旺角Outback 呢一坐低，急不及待食哂d 熱辣辣黑糖麵包，食完侍應已自動波refill 麵包，加10分叫左兩個set dinner，其中一個set 係牛扒，要medium 真係比到medium, 唔會過熟，好有牛味，真係食到lam lam 脷。再來斧頭扒，因為就小朋友的關係，所以叫左7成。正正因為有比較的關係，所以絕對知佢真係有做到5成定7成的分別！35oz 的斧頭扒真係好有氣勢，侍應亦好好安排「相機食先」時間，然後再問要不要代切！我地懶惰就搵左侍應代切，又係覺得service 一流斧頭扒不及牛扒juicy 及有牛味 (可能因為7成熟的關係吧）。不過35oz 端上枱。真係好震撼。再來大蝦雞肉闊條麵，少少黑椒味提起d 味。但唔會覺得有辣味！濃濃的芝士味，而且蝦冇雪藏味m真係回味無窮。其實仲有其他拼盤沙律等，呢d 就唔多介紹了。因為叫左兩個set，問吓侍應有冇野未出，侍應快而準咁答到齊，絕對覺得佢地用心對待每個客人。就算我地1枱8人只有2個人叫refill 的飲品亦絕無黑面。今時今日咁ge

同朋友一齊黎食呢間扒房～其實之前都黎過好幾次 今次會上黎打食評係因為staff services very good!!!我食得太飽 想退返個薯菜唔想徙野 又比佢知道女人有兩個胃 哈哈！轉個甜品比我～黑糖面飽: 一如以往好味燒雞:好味,配汁食更好味白汁雞意粉:好味價錢又唔算好貴，有呢D service 我真係會黎多幾次！

今日約咗個朋友一齊嚟食午餐，我搬咗嚟旺角工作都有個多月，估唔到好多朋友&舊同事都喺呢一區工作，所以可以成日搵不同朋友去食各款菜式。今次我地就揀咗黎新世紀呢間outback食午餐 ，餐廳環境舒適 ，位置好容易搵。我 order左黑毛豬扒，朋友就order ribs ，但最估唔到個waiter問我要幾多成熟，我即刻黑人問號，乜豬都可以生食㗎咩 ??咁我都好大膽咁同佢講我要七成熟，估唔到真係有驚喜，豬扒雖然係有少少粉紅色，但肉質係真係好軟熟& juicy， 未試過嘅朋友真係可以試下七成熟豬扒。

平時好少去新世紀廣場食野，因為始終離市區比較遠都無咁方便，不過因為今次同同事食Farewell飯，所以專程過黎呢邊食西餐。之前都食過Outback，不過係食荃灣同銅鑼灣果間，今次試下新世紀呢間。我地有7個人，所以點左呢個tomahawk steak。黑糖包都係一如以往咁好食，個感覺係每次黎到都係為左個包咁。蘑菇湯係呢一餐午飯既驚喜，因為平時無點湯飲，今次點完覺得真係無點錯，個蘑菇湯好香而且好足料。雞扒沙律真係平時少人唔會叫，好彩我地今次有7個人，所以可以試下沙律，我自己平時無乜點沙律，因為真係麻麻地食沙律。呢個係我黎親都會食既，醬燒豬肋骨，今次都無令我失望，燒得岩岩好，啲汁亦都好好味。呢個闊麵個白汁岩岩好，夠晒濃郁，芝士味亦都好香濃。終於黎到今日既主菜，個牛扒淡淡肉，而且好Juicy，加埋少少鹽落去吊一吊味，我自己覺得係物有所值既。最後食埋個甜品岩岩好，成個Feel好似心太軟咁，雖然有少少流，但我係接受到既。埋單每人都係三百幾蚊，雖然食晏黎講算好貴，但食完咁滿足我又覺得可以再Encore

匯豐信用卡無論是儲分還是折扣優惠都做得幾好。outback在2018年12月前都有呢個幾抵食既套餐優惠。會計婆那數的我，特登選了星期四的晚上去^^今次點了D餐（美國牛扒為主菜）有餐湯、黑糖包、凱薩沙律、美國牛扒、在12款選擇裡選一款，我們點了雞肉拼燒蝦寬麵，最後配一件甜品和飲品。餐湯.......完全唔掂。勁水，勁淡，多油。USA牛扒層次分明的燒網紋，剛好5成熟成度。牛味濃郁肉質有口感而不算過un.白汁濃稠程度剛好，但建議盡快食，凍了會變得過黏。芝士片味濃能發揮好好的點綴。雞肉比以前嫩，但仍有改善空間。整體來說雖然有改善空間，但性價比已很不錯。唯一真的不滿是一個2人餐，竟然只有一份甜品，如果2人不是情侶不是家人，分著食好奇怪而且感覺寒酸，大扣分。旺角東店侍應非常禮貌，亦會問客人意見。欣賞。

今日同朋友經開旺角新世紀廣場，朋友提議去食 Outback Steakhouse，所以就去左睇下個餐牌先。去到門口發現多左一張餐牌，原來依家用匯豐信用卡簽帳有啲特別嘅優惠餐牌。有 4 款套餐價錢豐儉由人，最後我地揀左美國頂級紐約牛扒套餐 (D餐 $534)。套餐有是日餐湯、黑糖麥包、凱撒沙律、美國頂級紐約牛扒、雞肉拼燒蝦寬麵 (12 選 1 )、是日甜品及飲品。餐湯同黑糖麥包都 Keep 得住水準，而凱撒沙律份量都多，不過如果炸麵包粒再多啲就更好。雞肉拼燒蝦寬麵 : 醬汁係白汁芝士而且帶點辣，非常惹味 ; 而蝦肉爽口彈牙，雞肉亦整得好香口之剩不鞋口。👍🏻 👍🏻美國頂級紐約牛扒 : 牛扒屬二人份量，扒上有兩條爽口既露筍 ; 牛扒點了七成熟，雖然外面煎得好似過火咗，但內裏出奇地嫩口同肉味濃。👍🏻 👍🏻是日甜品係 Tiramisu 蛋糕，自己本身超超超級鐘意食Tiramisu 😍，蛋糕味道好濃郁好滑，而且重係入口即溶既感覺，超正 😍，不愧係意大利國寶蛋糕。

星期日晏晝瞓到一點左右 決定random地去新世紀廣場食outback其實星期四公司午餐已經食過九龍灣分店一次 嘢食好味環境舒適感覺十分良好所以今次就是一下太子嘅分店我哋兩個人大概兩點半鐘入座時間接近下午茶不過都接近半滿我哋決定叫lunch set因為比起下午茶有咁多嘢食黎outback最鍾意嘅就係佢嘅黑糖麵包同埋餐湯但係下午茶就只有主菜同埋嘢飲叫完餐後大概5分鐘前菜就送上了呢一個黑糖麵包係每一台都會送上嘅而且當你唔夠嘅時候仲可以叫店員再拎多一條俾你呢個黑糖麵包一如以往外脆內院咬入口食到濃濃嘅甜味配上牛油十分之可口題外話：其實黑糖麵包係可以外賣價值$10 一條然後店員就送上餐湯及沙律餐湯係粟米忌廉湯沙律菜新鮮上面有足夠嘅沙律醬第一個主菜醬燒豬肋骨送上枱嘅時候非常之熱辣辣豬肋骨烤得啱啱好唔會太淋有另一間連鎖店嘅豬肋骨係烤得太淋切落去啲肉就散晒而呢度嘅豬肋骨醬汁內有煙燻嘅香味十分之惹味！！！！令我不得不讚嘅係佢伴碟嘅薯條炸得香脆鬆軟 薯味係極之濃郁改重一下令一碟係encore之菜—香煎盲槽魚柳其實出街食飯好少會叫魚柳嘅菜式因為加我嘅普通好多時嘅魚柳都只係平價鱈魚但係呢度嘅魚柳真係一分錢一

開心星期五就緊係要約啲朋友出黎見下面架啦，我地想食扒，就簡OUTCABK食啦，我地簡咗最方便既旺角。星期五咁開心，我都4個人叫咗好多野食，有扒， 炸洋蔥圈，焗反薯，海鮮通粉，芝士雞扒拼盤，沙律，最有最重要既舉扒一坐底，緊係要食黑糖包啦，好重要架，一個吾夠，我地叫了兩個，最值一提既係啲粗薯條，真係好正，外脆內軟架，食完又會想食，仲有個焗反薯，真係好甜，大家都搶住食。

一送上黎，就見到個汁同啲蝦覆蓋左块排8成。。。已經心知不妙，乜唔係擺旁邊既咩🙂明白既，露出嘅部份都黑過炭。。唔遮一遮點得？  叫就叫三成熟，加上餓到一個點，切開有一半係五成熟既話，都算數架啦，幾百蚊唔要求啲咩，加上心諗呢個牌頭，開得係呢個地段，都唔會太差。但事實上係另一回事，過半块排都七成熟，中心位五成，肉啞色又乾柴👍👍擔心9安士食唔飽既人絕對可以試下，一定飽，淨係嚼都飽。又咁講吖，块排啲肉暗紫紅色。。可能係擔心人食咁生會肚痛，煮到咁上下至少唔會食物中毒先☺️  但個客叫三成，又不能夠完全貨不對辦，唯有係個筋位度留返三成，一黎個客未必食，唔怕有手尾，二黎又做到有一忽三成，交到差，三黎可以展示一下廚藝有幾咁高深，，間餐廳有咁＂好＂既廚，真係難得👍😊👍    再講，就算啲排係咪好似早幾個負評咁講，乜嘢價錢同品質不符。。。呢啲果啲。  呢間餐廳仲有個黑糖包同薯條頂住，至少我食個黑糖包溫度啱啱好，唔係之前啲人講到凍既，而薯條都真係整得好好(正常發揮?)，我諗我已經好好彩架啦☺️☺️☺️

係旺角返工食lunch時間一定勁多人，想坐低舒舒服服食個perfect lunch又唔想比太貴的話。首選一定係outback. 旺角既outback位於moko新世紀廣場內。Lunch time 唔洗排隊就入得。Set lunch有10幾種比你揀。我就揀左燒雞，同事就揀左ribs. Set lunch包左黑糖包，餐湯同沙律，仲有杯飲品。都係100左右，好抵食。燒雞好滑，配埋d飯索哂d汁，正。Ribs就正正常常。次次食完Outback lunch set,晚餐都唔洗食

眾所周知Outback 係連鎖式美國扒房，全港九新界都有好多分店，我都食過好幾間，當中只有旺角Moko 呢間唔多掂！今次叫咗個套餐加咗d嘢，埋單成8舊水，價錢同食物質素真係唔成正比。黑糖麵包呢個係outback嘅招牌，麵包帶淡淡嘅黑糖甜味，不過個樣有d肉酸！原來呢個包係可以免費追加，之前有新聞話有枱客，4個人食咗7條，哈哈！是日餐湯：好麻麻，杰躂躂～跟餐沙律：正常無特別香煎蟹肉餅味道正常但煎燶咗dSignature Steak牛扒好普通，完全唔值呢個價錢。薯條全晚只有呢個係正常水準！羅勒香草醬意粉意粉淋過茶餐廳快餐，又油淋淋，超級難食！甜品tiramisu 非常一般，可能我個人比較鍾意多d手指餅！

今日約左幾個同事係新世紀食晚餐咁岩見到匯豐信用卡做優惠，我地就叫左個6人餐食🤤黑糖麵包係可以無限添加，包係熱辣辣，仍然都可以保持到水準👍🏾👍🏾餐湯係一煲上比我地，今日晚餐餐湯係忌廉湯。因為我地係6人餐，煲湯一煲過比我地自己分，岩岩分到6碗☺️☺️主食係美國頂級斧頭扒，塊扒好似塊面咁大塊，我地叫左5成熟，塊扒好香牛味，但就好多肥膏。侍應送左塊扒比我地影相之後，就幫我地切埋，非常細心👍🏾👍🏾👍🏾燒肉醬味豬肋骨，望落好普通，但肉質好鮮嫩，而且非常入味🤤🤤一咬開d肉就已經好易骨肉分離👍🏾👍🏾👍🏾芝士白汁燒蝦寬麵白汁味相對較淡，味道較一般🙂而甜品係brownie,不過6個人都係得一件分，好似就爭咁d咁😅😅

約朋友食飯都鐘意約moko貪佢個商場app可以攞定飛仲可以消費儲分換禮物今次約兩個大同出黎食飯本身未諗定邊間就揀moko app最多人排果間—Outback（人總是犯賤）就算一早攞定飛都係好多人排等左一陣有waitress拎一盤汽水請排緊隊既人飲不過我唔飲凍野所以呢d福利本來與我無關同埋我心諗汽水本來就係free refill都唔係咩貴野但又隔左一陣Waitress 拎左ribs出黎請大家食係ribs 係ribs 係ribs呀！同行既朋友都大讚太窩心至於食物都係一貫高質呢個黑糖麵包永遠都係至愛小食拼盤因為等位既時候食左ribs入到黎就唔嗌全份喇炸磨菇雞肉薄餅大蝦意粉（有少少辣辣地既感覺, 一d都唔漏）