Oyster Station Snack & Oyster Bar (已搬遷) 新店位置

1. 半打生蠔($120):　多款任選，試過美國和南非的，都很鮮甜。2. 日本牡丹蝦($28隻): 鮮甜3. 日本海膽($168一板): 乾身，帶鮮味，不苦。4. 海膽蝦子炒飯($88): 原本是沒有海膽的，但因吃不掉整板海膽，故侍應建議可把餘下的海膽加入炒飯內。但其實當食炒飯時，海膽的味大大減少，不太覺其味。不過，個炒飯本身做得相當出色，一來不太油膩(而我事前亦有說明要少油)又不會太鹹；二來有很多紅蘿蔔粒和蝦子，兩者都很爽，令整個炒飯很有口感。而後來據廚師所說，要待炒好飯後，把火熄滅才可下蝦子，否則後者便會燒焦。服務方面亦相當不錯，侍應很有禮，惟地方稍偏僻。

蝦頭妹升職加人工，當然要孝敬老人家。要生佢，一於搵樑哥啦。先黎例牌，加個赤貝。之後要的生蠔自已都唔記得食過咩喇。總之，一路食一路有貨返又一路繼續食。淡既濃既爽既creamy既都食晒。好過引盡興啦。aiya…諗起…本來話我出酒喎！？

D 生蠔非常新鮮,有好多選擇,而其他的海鮮亦好新鮮,大家記得食龍蝦刺身,超鮮甜,龍蝦粥亦好好味。

無開衡turbo食，因為唔一定要狂食先至盡興的。小飲小食傾下計又有另一番情趣。樑哥招呼仍然熱情，生客摸上門仍然要等，坐底左的一樣食到懶死唔走。一個seafood plate，加份海膽。一支酒，一餐飯時間之後，飲飽食醉。

看了OPENRICE 的食評見呢間好似幾好評語播~ 於是就試下喇~ 地點不算十分方便﹐行人電梯走兩分鐘先到~ 不過都OK﹗外賣好抵~ $100/6隻﹐包括左BALD EAGLE 同另外兩款唔知係咩PEARL 同唔知咩~ 哈哈~ 極度新鮮﹐好味﹗加上SERVICE 超好~ 會再光顧的﹗

到底係一個生蠔的愛好者，尋找鮮蠔，已經係我生活的一部份。試遍跑馬地、鯉景灣、山林道等大大小小蠔bar，終於，比我遇上一個滿意的地方。Oyster Station 開業3年，而家先去，真係相逢恨晚。由於事出特然，在未有訂位的情況下，就咁去撞一次運氣。好在bar檯剛好仲有兩個位，坐低後，首先向老闆打聽一下有咩介紹。放是先來個seafood platter加聖子。仲包括有3款由濃至淡的生蠔、牡丹蝦、蜆和石磥。聖子爽口彈牙，鮮甜味美。蝦則稍遜，因為得一啖唔夠喉，石磥有咬口，但要自殼中取出亦不容易。3款蠔，唔記得名，但新鮮得像BB仔咁彈，掃一下條邊，仲會郁的。意猶未盡，再分別加了兩次，先半打淡口的、再來濃味的。全部由樑哥發辦，由佢挑選好的便拿來。總共吃掉1個platter，打半蠔，兩支白酒，無錯，所以今朝唔記得晒D蠔名。飲飽食醉之典範也。