Parkview (新城市廣場一期)

营业中

休息中

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！  耐唔時會食Parkview，但一定只限下午茶，無他，貪佢用app book檯有半價，半價之後就可以將佢嘅質素match番你嘅expectation，簡單D講，有半價就去，無半價係唔會去嘅。下午茶選擇都幾多，價錢由五六十到百幾都有，間唔中就會轉menu保持新鮮感！今日同女友試叫左兩個主菜、一個配菜同一個甜品。忌廉汁焗海鮮飯：正常野，即叫即焗，有d脆焦芝士，幾惹味！材料海鮮就普通貨色，唯一亮點係我幾鐘意個飯入面加左d甜椒粒，我本身無特別偏好甜椒，但加左多左口感，幾match！牛肝菌磨菇黑松露鮮製意大利寬麵：個名好長好似好勁咁，其實佢只不過係將碟野有嘅材料list哂出黎，有d似肉醬意粉，味道過鹽，正價$118亦都偏貴。我發覺宜家d餐廳逢係加黑松露三隻字碟食

假日正午, 新城市周街都係人, 去邊好?咁岩見呢間叫做比隔離平dd, 又唔算好多人等, 就衝入黎食。叫左all day breakfast, 煙三文魚凱撒沙律。未黎正餐之前, 每個餐可以揀一款包, 一款牆。total 有6款包 5款醬 任君選擇母親大人勁中意食西餐包, 簡直開晒佢個範啊。個包上枱岩岩好暖暖地, 食落好鬆軟。跟住黎沙律, 滿意既係份量十足, 不論菜同三文魚, 醬就分開上。菜夠脆 夠新鮮, 撈埋芝士就夠晒飽~~跟住all day breakfast 中規中矩, 普通料, 煮得係唔錯, 不過性價比較低, 不作推介。

老豆唔一齊食，我地就可以唔駛就住一定食中式喇。simply life 又勁鬼多人，等好耐好耐，咁不如試下parkview,人少少，原來parkview同A-1又係同一間公司既。跟餐有餐湯，餐包，自選醬汁，飲品。餐湯就好稀，一般啦。但餐包都唔錯，叫左 pasley，牛油芝士?，茄醬都唔錯。三文魚沙律，醬係自己落，唔係已拌勻個種。軟殼蟹意粉all day breakfast

諗住簡簡單單邊食個tea邊傾野啦， 點知個丹麥酥層層塔震撼登場😱！我忍唔住同位侍應講「有冇咁大份呀😅！」三層厚厚嘅丹麥酥面包加上四大球唔同口味嘅雪糕， 四個人share都夠食啦😅， 我地得三個人仲要另外點左份公司三明治同nachos添噃。結果我因為要埋首努力食野最後乜都冇傾到囉🤣🤣🤣P. S. 媽咪原本死都唔肯幫手食個層層塔雪糕， 但當佢一試其中一球應該係牛奶棉花糖口味之後， 眨下眼就成球雪糕清左😏😏

今晚一家三口在此晚膳，3個餐$9xx，但最估唔到呢個價錢食嘅食物質數咁差，食材唔新鮮。上餐時個樣幾靚架，還影埋相添！點知食落口後……😖首先個酥皮龍蝦湯，酥皮未熟哂！超咸冇料，連龍蝦味都冇。麵包都還可以，主菜最差係龍蝦仔口感超霉兼冇去腸，食到成口沙咁🤢，即時冇哂胃口，舊魚又乾又鞋，魷魚圈超硬，蟹肉餅似食緊薯蓉咁，重要冇咩味，成碟食得吓只係個洋蔥好甜，成個晚餐最得就係杯奶昔，其他就……真係冇下次😓星級價錢😣

行街有點累，又餓，經過見到這兒的下午茶很多選擇，又有很多位，便入去坐坐。最後選了牛肉漢堡，menu上說有芝士流心。熱檸茶先上，茶是分開一壺，不錯，下午茶就是想慢慢坐，慢慢喝一會。主菜來了，但味道卻不如預期。薯條乾硬，有些還是凍的。漢堡牛肉沒有芝士流心，也許有，就是那一點點白色的醬和肉汁從切開的漢堡肉流出來，但完全沒有芝士味，也沒有預期那種濃厚的芝士流心的感覺。肉很冧，牛肉味不濃郁，只有麵包好吃。索價$88，還要加一，下午茶來說有點稍貴。這兒的服務不錯，環境也坐得舒適。約人聊天應該幾好，但食物的質素卻有待改善。

某星期五晚同朋友於沙田速食晚飯，要知道星期五晚的沙田新城市是像一個避風港，多人到不行，我們就如沙甸魚般圍成一堆，在各間餐廳門前等飯食。本想吃隔邊的日式西餐，但見到等成過百位，我確定放棄食呢間開飯了劣評多多的店子。我結果點了巴瑪火腿熱烘意大利三文治配薯條，應該唔會死的套餐。來到的樣子都不錯的，話雖如此，我還是抱著戰戰競競的心吃第一口一食𠲖左一聲！好味喎！真心不錯，麵包有厚度脆身但唔係硬，亦都唔削，有綿、韌的口感。巴碼火腿唔會話好鹹，夾在麵包中調味剛剛好！最正是伴碟的粗切薯條，熱辣辣裡面的薯蓉又好粉，如果多一點點鹽及黑胡椒調味會更香更惹味！不過而家我都非常收貨！有時候意外驚喜比實際味道更深刻、更動人！

星期六嘅下午茶時間去到新城市廣場，因為要方便推bb車出入同埋想坐得舒服d，所以去L1搵食。嚟到Parkview，雖然見到有不少“吉枱”，但仍要拎飛等位。等等下，眼見帶位員叫左超過10張A飛(2人枱)，但都冇叫過大枱，就問下點解咁多大枱“吉”都不停叫A飛，點知帶位員冇禮貌地回應：“嗌飛次序係跟據拎飛次序” 。 雖然呢個可能係公司規矩，但佢嘅語氣態度真係好差。之後我地3大人2bb終於被安排到一張6人枱，我地安頓好bb車，該帶位員亦拎bb椅嚟，正當我抱起大女去坐bb椅之時。。。帶位：“你地架bb車要摺起”我：“但我細b 仲細，坐bb車好d”帶位：“走廊旁邊唔可以擺bb車”（利申：6人枱，我抽起左其中一張凳，bb車唔係擺主席位置，亦冇block住條路）我：“ok，咁我地要多一張bb椅”帶位：“呢度只可以擺一張bb椅”我：“咁即係點？ 2個小朋友，我要抱住其中一個？”帶位：“呢張枱只可以擺一張bb椅呀，如果唔得就要出返去再等位”我：“你見到我推住bb車入嚟架嘛，喺門口你唔講？” 帶位：“唔好意思，我唔知睇唔到。”之後連我媽咪都聽到嬲，起身話唔幫襯呢間。我真係好懷疑，呢間餐廳究竟有咩位置嘅枱係可

估唔tea 都有咁多選擇，直頭可以當lunch 或 dinner. 試左小龍蝦牛油果軟法包，兩位分享，也滿足！再來綠茶雪糕配丹麥酥包，美味！另加錢叫左士多啤梨雪粒球，是自家味制雪糕，質地軟，味道濃郁，大家要試吖！

當日係12月31號，一年一度倒數大日子，日頭同屋企人番左母校CU 行下感受下中大難得少人嘅恬靜氛圍。 行到下晝出番沙田新城市六點幾左右，就決定拿拿林搵間餐廳食，如果唔係再夜啲一定好多人等位。結果等左都要半個鐘左右先入到呢間A1 bakery 集團旗下嘅 parkview 西餐廳。我地三個人叫左三個餐，分別係一個煙肉卡邦尼意粉，黑松露意大利飯同埋海鮮拼盤，每個主菜加幾十蚊就有埋沙律/餐湯，餐包，野飲同甜品。卡邦尼意粉唔會好膩，蛋黃醬濃稠同埋咸度啱啱好，但係煙肉就太咸啦，整體還可以。最出色係海鮮拼盤，帶子煮得半生熟，龍蝦雖然唔算大隻但尚算鮮甜肥美。

食完之後㩒入呢個page來睇，好驚訝點解咁多負評，overall呢間嘢選擇多，好食，又大份，點解會咁多負評呢？當晚叫咗個二人套餐，前菜可揀餐湯或前菜配餐包，餐湯蘑菇味濃，又唔會水稀稀。第一次見有餐廳offer咁多餐包選擇，仲可以揀唔多source，重點仲要好食，當然呢間餐廳under a1 bakery，點都要sell core value 比 customers。法包牛油味好香，配cream cheese食好夾；特別要講鬆軟餐包，質地好soft，帶有好少嘅煙韌口感，味道無平時我最怕個陣麵包發酵味，的確好surprised。主餐龍蝦海鮮拼盤，實在太多款唔同海鮮：焗龍蝦帶子，炸魷魚圈，煎蟹餅，魚，樣樣唔同煮法，仲有唔同配菜，其實真係好抵食。焗龍蝦帶子上面嘅忌廉洋蔥醬好濃郁，而且有少少醋香；煎蟹餅啖啖蟹肉。另外一個主餐嫩雞藜麥飯相比之下就有點兒寡，可能因為無source嘅原因，食落就比較乾而且味道單一啲，不過雞件確實好滑，下次可以試吓其他焗飯。食到最後已經好飽，甜品竟然係一件blueberry cheesecake，不過又真係好好食唔捨得唔食，整體件cake好light，芝士蛋糕本身藍莓味

Teatime嚟到新城市廣場，都就快5:30，我哋問店員仲有冇tea，佢話有但要快啲嗌叫咗3個餐，餐飲都係配橙汁一個係小龍蝦牛油果意式軟包配薯條牛油果有三塊都幾新鮮，下面嘅小龍蝦份量都幾多，有沙律醬同少少菜一齊食，味道幾配合薯條炸得啱啱好，熱辣辣有夠crispy香蕉菠蘿吉士批配雪糕反而有少少失望兩個吉士批偏淋，而且入面嘅吉士醬太大陣玉桂粉嘅味，同想像中差太遠，唔好食雪糕竟然係配berries醬，同黃色嘅菠蘿味醬汁形成好大對比雞扒漢堡包配薯條算係fair雞排好滑厚肉，而且唔會太乾，連埋成個包食勁飽肚美中不足嘅係呢碟薯條好硬，冇第一碟咁好食

其實我地係俾面門既三層架下午茶所吸引, 所以先入去食, 點知坐低後點菜時話賣相喎, 果刻幾想起身走人, 如果係賣相就攞走個牌同抽走埋個餐牌啦, 等人空歡喜一場, 最後揀咗幾款野食小龍蝦牛油果意式香草軟包三文治配薯條 - 份量都好足料,  龍蝦肉都好爽口, 麵包夠軟熟, 薯條都好脆口墨西哥粟米片配肉醬 - 感覺味道咸咗少少, 但都好食既甜品拼盤(藍莓芝士蛋糕, 四色馬卡龍, 三文魚牛角酥) - 賣相精品, 每款都幾好食總結 : 其實真係好想試佢個下午茶三層架, 好可惜話賣晒, 當時好似都係4點左右

週末的新城市廣場被遊客擠得水泄不通，很多食店都要等十多二十張枱。剛好經過Parkview， 看到雖然有人在等候，但也有人可以直接入座。原來在等候的食客是在等候下午茶的，如果光顧午餐的話則可直接入座。作為A1 bakery旗下的餐廳，光是午餐的麵包就有七種選擇，再加上六種醬汁。比較特別的有自家製蕃茄莎莎醬和西班牙番茄醬，又或者是平常的牛油等等都有...朋友和我不約而同選了種子軟包， 雖然實物上的日本直送罌粟籽比圖片上的少得多， 亦無礙麵包的新鮮香軟。 在這幾天冰冷的氣溫下，有一個溫暖的軟包作為前菜實在是一種享受！我們點了意式肉丸配鮮製意大利寬麵和香煎鵝肝意式燴飯。意式肉丸配鮮製意大利寬麵肉丸的醬汁稍為偏酸，番茄味很香，意大利闊麵有咬口軟硬適中香煎鵝肝意式燴飯鵝肝煎得內脆外軟， 鵝肝香氣四溢，生熟程度剛好，燴飯很creamy滿意、價錢合理的套餐

.🌻抹茶甘栗紅豆丹麥多士🐿 $55厚厚的丹麥多士上有超多toppings💜配料盒多的超級大方有2球抹茶雪糕 抹茶凍 栗子 蜜紅豆 鮮忌廉 仲要淋左煉奶🤤 丹麥多士烘得外脆內軟😳配凍冰冰嘅抹茶雪糕好食啊啊啊抹茶凍有點苦 加雪糕食啱啱好望落好細份 但2個人食都有d滯😛😛💫🤦🏼‍♀️再加$10配多杯朱古力雪糕但杯雪糕難食過雀巢結果食幾淡放棄了只有人工朱古力味無奶香味而且充滿冰粒感 一點也不滑😠😠😠