Parkview (新城市廣場一期)

营业中

休息中

過完聖誕節，好快又到新年，當然要置新裝，就趁放假的周末，跑遠一點，到沙田的商場逛逛。 看來自己的選擇是正確的，大節過後，好多連鎖店在減價，荷包減壓不少。拎住大包小袋，又係時候醫肚。 沙田呢個商場，除了店舖多之外，食肆都是一個亮點，今次就選了Parkview。 餐牌有散點，亦有套餐供應，而部份散點餐，可以加錢（$45或$68）變成套餐，悉隨專便。 特級初榨橄欖油煮青口配薯條（$72）青口本身好入味，但感覺乾身，估唔到薯條炸得香脆可口，似乎更加吸引，三扒兩撥清碟。 炸芝麻雞翼配水牛城辣汁（$72）並非常見既雞中翼位，而係連翼尖，也好，可以多點嚼口，炸到外層脆卜卜，蘸點些少辣汁就更惹味，送啤酒一流。 葵花籽蟹肉忌廉南瓜湯很鮮甜滑溜，舀一下，都有不少葵花籽及蟹肉，但質感似乎稍薄，如果濃稠一點會更好。 蒜香橄欖油烤嫩羊架（4支骨）（$248）可能忘了交帶一聲，烤得全熟，肉有點韌，羊羶味都幾勁，不過食得羊肉又點會怕呢？ Dinner for 2 澳洲M5和牛西冷（12oz）（$598）由於來貨關係，原先西冷改成澳洲M5和牛肉眼扒，點了最愛的

好肚餓之際比呢度門口大大個和牛牌吸引住，仲要唔使等位，梗係二話不說拉左男朋友入去食😻點左個二人餐加青口。-特級初榨橄欖油煮青口配薯條。青口大大粒，份量好多，汁唔會好濃，依然食到青口既鮮味。薯條熱辣辣，男朋友好為食仲差d辣到咀。-澳洲M5和牛西冷。我地叫左7成熟，好d後悔，覺得熟左d，早知叫5成熟😭不過都好食，好嫩口，外面脆脆地。另外牛扒仲配有自家製紅酒蘑菇醬同埋法式芥末籽醬，個人鐘意就咁食唔配醬，否則好易蓋過牛肉味。-三重芝士小龍蝦肉燴飯。芝士控表示芝士味要再濃d🙋🏻‍♀️小龍蝦好足料，仲要唔係細細粒個種，燴飯唔會太硬。-

沙田看完戲後，就在商場吃晚餐 晚飯時間，幾乎每一間都要排隊，門口看完餐牌後就選定了這間 男友已鎖定了這款澳洲M5和牛肉眼扒先來是日餐湯，這晚是蟹肉忌廉南瓜湯本來想加錢轉酥皮湯，可惜太晚來賣光了南瓜湯質地濃稠，南瓜甜度自然，質感滑膩，更有不少蟹肉絲 喝的時候毫無膩感，配上餐廳自家製麵包，不錯先吃感覺較輕怡的點了牛油果沙律配無花果及菲達芝士面上風乾火腿帶咸香而不死鹹，再加上無花果跟牛油果的天然甜度平衡感做得不錯，沙律菜也來得新鮮爽脆，不妨多吃澳洲M5和牛肉眼扒(10安士)五成熟的燒肉眼扒其厚薄適中，顏色粉嫩，令肉汁吃來更豐盈肉汁豐盈，肉質頗嫩近脂肪位更見甘香，令人吃得滿足三文魚明太子意粉 三文魚煎很香口，更有不少明太子跟蟹籽吃前拌均勻，吃起來咸鮮味十足濃郁幼滑的忌廉汁掛在每一條具咬口的意粉上，非常滋味絕對是我期吃過最合口味的，希望能keep住水準！！雖胃納已撐著，但沒有甜品的晚上稱不上美滿自家製甜品質感輕怡，吃起來沒有太大膩感 相信很快會再來！沙田沙田正街18號新城市廣場一期1樓117號舖

家母年事已高，已經很久沒有入廚，但興之所至，也會弄一點美食給大家分享。早兩天就忽然蒸了幾底年糕，還說要我送一底給住在大圍的哥哥。其實我這個不稱職的妹妹已經很久沒約哥哥閒話家常，就一於趁週末，相約喺沙田見面。本來打算一起吃飯，但原來哥哥還要趕住開工，幸好有小鬼同行，所以交收後，就決定去新城市逛逛，順便喺場內搵食。無嚟一排，原來場內進駐了不少新食肆，左挑右選，最後決定試下位於一期 1 樓呢間「Parkview Restaurant」。餐廳入面地方都幾大，加上來到時，時間尚早，食客還不算太多，毋須排隊輪候，但不消半小時，餐廳已高朋滿座。翻閱餐牌，午市以套餐為主，有新鮮沙律、經典漢堡、意大利飯、意粉同扒類，套餐全部都會配送是日餐湯或沙律+自家製麵包及咖啡或茶。至於散點方面，就只有小食同兩款兒童餐。兩個人吃得不多，揀了一個三文魚扒餐，另外再散點一客特色拼盤。先嚟是日餐湯及餐廳自家製麵包，忌廉湯加入了大量蘑菇一同烹煮，質感濃稠，加上啖啖爽口的菇菌碎粒，入口滿載菇香。自家製麵包乃種子軟包，麵包非常軟熟，頂頭鋪滿由日本直送的罌粟籽，咀嚼起來香味四溢。香煎三文魚扒配牛油果鮮橙莎莎 ($178) 接著送上

沙田新城市廣場真是得天獨厚，本已是沙田市中心地段，再食正自由行條水，日日旺過旺角。本來很怕在新城市廣場食晏，因為四處人山人海，人頭湧湧。但經過多次翻新及商戶重組後，廣場地方更加整整齊齊，食肆多了，組合多了，選擇多了。今天路經廣場一期一樓，食肆都採用開放式設計，感覺地方開揚，人流亦不擠湧，休休閒閒，氣氛不錯。眼前有間環境不錯西餐廳，叫Parkview。看看店前小宣傳名牌，才知Parkview為嚐‧高美集團西餐系之最新成員。嚐‧高美集團有多個餐廳品牌，如品越越式料理、稻成亞丁京川料理、稻成小館、浦和日本料理、牛氣及Say Cheese等等，而且餐廳都水準穩定。Parkview配合全新設計的餐牌和優質食材，當然要嚐嚐這個新成員的菜式。Parkview採用開放式設計，佈置優雅，地方寬敞，環境舒適。食晏時間，轉眼就客滿了。餐廳有多款優惠套餐、意粉、意大利飯、沙律、小食、甜品、蛋糕和飲品供應。坐下叫了扒餐烤美國安格斯西冷牛扒 (10安士) 、雜扒拼盤和小食炸芝麻雞翼(4件)配水牛城辛辣汁，飲品叫了凍鮮奶咖啡和蜜桃冰茶。可惜侍應說今天沒有西冷供應，不過可以轉肉眼扒，但要加$20差價。扒餐配是日餐湯/

今晚約左中學老師食DINNER慶祝佢就快做人媽媽，我地都揀左 PARKVIEW 食好D =]先黎餐包，好快有得食，食落鬆軟又好味～之後有湯飲，本身想要酥皮龍蝦湯，不過當日咁岩冇>< 所以叫左個蟹肉忌廉南瓜湯，唔錯，入面真係有蟹肉，但個湯唔係好夠熱！如果熱D 會好D ~好快個特級初榨橄欖油煮青口配薯條黎左，D 青口都幾肥美，著條非常脆同香口，食完一條又一條～牛油果沙律配無花果及菲達芝士又係好正，唔怪得之係TOP 5，D 牛油果熟得岩岩好，而無花果係超甜，菲達芝士第一次食，唔甜又唔酸，NICE！食完後，２個MAIN 都黎左，就係：澳洲M5和牛肉眼扒，蒜香橄欖油烤嫩羊架！澳洲M5和牛肉眼扒真心冇得輸，估唔到係沙田都可以食到咁高質既和牛！由於肉眼扒係靠近胸部既肋肌，食落非常鮮嫩，我地揀左剛剛7成熟，油花豐富，口感又軟滑，極推介！ 另外個蒜香橄欖油烤嫩羊架，羊肉味濃而不膻，肉汁juicy，好好食～最後黎個熱檸水同個MOVENPICK ，真係PERFECT =]

早前，沙田新城市廣場的「喜茶」，一炮而紅，成為全城熱話﹗ 這天，相約友人去附近Shopping兼用餐。曾到一期四樓的「喜茶」，打算朝聖去。只是，見到那條長龍，就卻步了﹗ 午飯時間，在食肆林立的一期地下繞場一周，去了這間裝潢清新簡約且時尚富活力的「Parkview Restaurant」用餐。 餐廳範圍挺大的，午市時間，幾乎座無虛席。翻閱餐牌，大部份扒餐、飯餐與意粉餐，均奉送是日餐湯或沙律、自家製麵包，以及咖啡或茶。 好久沒有飲凍檸茶了，今天，就讓自己放肆一下吧﹗蝸阿牛，則要了一杯熱檸茶。 小妹揀選了黑醋車厘茄青瓜沙律，清爽開胃；蝸阿牛則要了了質感濃稠得宜，湯入混入不少具咬口的蘑菇粒的香滑暖笠笠忌廉蘑菇湯。 是日自家製麵包，乃外層滿佈香脆具咬口的亞麻籽，內裏則是口感鬆軟溫熱的種子軟包。由於麵包仍帶溫熱，把冰冷的牛油，放入包內，瞬間融化，吃起香氣四溢，滋味無窮﹗ 主菜上枱前，點來了一客小食 - 特級初榨橄欖油煮青口配薯條$72。 香草醬青以鐵桶盛載奉客，青口不算十分肥美，幸入口鮮嫩飽滿且美味。 蝸阿牛的香煎北海道帶子野菌南瓜意大利飯$128，賣相不賴，食味配搭也清爽而不膩。落單前，侍應溫馨

商場擠滿了逛街買聖誕禮物的人。我也挑了一間西餐廳，來個預祝聖誕的二人大餐。10oz安格斯肉眼牛扒 二人套餐 （$468)點了二人套餐，一個價錢有齊餐湯，麵包，主菜，甜品及飲品，相當豐富。餐前麵包不是普通的餐包，而是合桃麵包。麵包烘熱才上桌，有誠意。麵包有不少合桃粒粒，香脆好吃。是日餐湯是忌廉磨菇湯。磨菇含量多，可以飲到磨菇粒粒。口感creamy, 但又不會太過黏膩。酥皮龍蝦湯現在有供應酥皮湯的餐廳並不多，很久沒有喝過了！所以加錢點了酥皮龍蝦湯。酥皮金黃酥脆，浸湯來吃，口感蓬鬆柔軟，有點點牛油香。龍蝦湯中有不少龍蝦肉。喝下第一口，龍蝦味不算濃郁，但味道就是"越飲越出", 當中更能嚐到點點酒香。10oz安格斯肉眼牛扒牛扒煎得好有火喉，外層焦香。點了五成熟，牛扒中間仍然保持嫩紅。牛扒的口感有嚼頭，每咬一下都有肉汁濺出，牛肉味亦濃郁。簡單用黑椒及鹽調味，無需蘸點芥末及燒汁，已經好夠味。伴菜是焗薯，口感軟糯。香煎鵝肝意式燴飯鵝肝外層香脆，內裡軟綿有油香。有點點鵝油羶味，但又不會太過濃烈, 怕羶的我也接受到。燴飯以忌廉汁作base,忌廉 汁相當creamy, 有奶香。鵝肝的油份混和在燴飯當中，加添

💔👎👎👎12月15日Parkview食晚餐【7:00左右: 到counter攞位(4位)】而當時我哋只喺兩個人， 門口counter男職員話: 「齊人數優先」因為我哋當時未到齊人，所以我哋就喺門口等咗30分鐘。【7:30 : 我哋知道其餘兩人五分鐘之內會到】我哋就同門口個男職員講話可以下一張臺比我哋男職員態度差、串地講:「你唔好呃我呀， 如果我請你哋出嚟㗎！ 我試過請d客出嚟㗎係。」我:「我可以嗌埋佢哋兩個個餐。」之後佢安排咗個位畀我哋，但係好似坐咗喺條街咁(即係類似洗碗地方咁)宜間餐廳食物質素好一般服務連快餐都不如，串到佢😌😤用咗五百幾蚊食都唔知食咗啲乜$108+，$50都好食過佢(e.g 禾輋意樂)一啲都唔推薦， 我嚟食飯唔係受你氣， 咁串對啲客，男職員(特徵:頭髮稀疏)😡😠

聖誕節就黎到啦 難得放假就決定同老公去沙田大購物 買咗好多嘢行到好攰就諗住搵間可以坐得耐d而又舒服嘅餐廳 之前都食過parkview覺得都ok 所以決定今次又再去食 ••••••我哋叫咗個二人餐包兩杯飲品 蒜香橄欖油烤羊架同香煎北海道帶子野菌南瓜意大利飯 係兩個主菜上之前 會有兩個餐包 沙律或者忌廉蘑菇湯揀 真心好鍾意食種子麵包 微暖得黎好鬆軟 ••••••因為唔想太熟以致太韌 我地叫左個羊架7成熟 經過香料腌制 羊架肉質嫩滑 沒有太大羊嘅酥味 仲有少少蒜香味 至於個意大利飯 淡淡嘅南瓜味滲入係risotto入面 食落好creamy而又有陣陣嘅奶油香氣 配上新鮮嘅帶子真係幾好味••••••宜家仲有個甜品menu 一向鍾意食甜品嘅我就梗係要叫返個原味pancake層層塔 一共有八層 中間仲夾住左士多啤梨同cream 仲有個雲呢拿雪糕係側邊 食完真係好滿足

上個星期日去左新城市行街 諗住順便食埋晚飯先返屋企 由於同行朋友想食西餐 所以我地就揀左間睇落比較坐得舒服嘅餐廳***一入到去我就已經俾佢個澳洲M5和牛肉眼扒嘅menu吸引左🥩🥩估唔到係沙田都可以食到高質嘅和牛 牛嘅油脂分佈較為均勻 由於靠近胸部嘅肋肌 所以簡單嘅烹調就已經可以突岀到肉質嘅鮮嫩 揀左剛剛五成熟呢個決定真係冇錯 因為呢個時候係最柔軟同最多汁 亦係最能食到和牛本身濃郁嘅肉味 除左有塊和牛肉眼扒之外 仲有少少嘅薯蓉同薯菜 飲埋個蘑菇忌廉湯同餐飲 食埋個餐包就啱啱好***另外朋友就叫咗個龍蝦蘆筍配意大利寬面 龍蝦都有差唔多一隻手掌咁大都算多肉 有少少嘅芝士味 睇落唔係好大份 因為朋友想飲焗龍蝦忌廉酥皮湯 所以就加咗$68配埋個餐湯同麵包 麵包鬆軟真係好好食 仲有雪糕甜品同餐飲***由於冇限時 我同朋友都覺得坐得幾舒服可以慢慢傾計 之後仲見到有人生日可以散叫一件cake 所以我地都叫左一件cheese cake同一件千層蛋糕 芝士味濃郁 餅底又厚實👍🏻👍🏻

星期曰晚同屋企人試了呢間味道唔錯嘅西餐，環境寬躺坐得舒適。 西冷：肉質嫩牛味重 牛肉漢堡：份量吸引，漢堡Juicy 初榨橄欖油煮青口： 青口頗大隻夠入味 +$68轉餐 焗酥皮龍蝦忌廉湯：味道好濃郁 熱奶茶：夠熱，茶味夠最後點了一個雪糕pancake,真係嘩一聲賣相好吸引，好大份,pancake微暖同埋雪糕、新鮮士多啤梨一齊食，正～ 整體食品很好，唯一上菜速度快了一點，未飲完個湯主菜已到齊。（可能係我地食得慢啦）

第一次食。羊架正常水平，好大件，不過肥肉比較多。叫五成熟，切開睇係咁上下，味道正常，整體算係不過不失咁。但漢堡真心伏，塊漢堡扒無肉汁都算，仲乾爭爭，又鞋又硬，屋企樓下既細cafe都整得好食過佢，唔明白最容易好食既漢堡扒點解可以搞成咁。然後加左餐有包，湯，飲品及甜品。但估唔到所謂既甜品係現成獨立包裝既雪米糍兩粒（仲要係雪凍左硬到咬唔入果種)，甜品令成間餐廳比我既感覺cheap左10倍。相信都無第二次。

兩個人食點咗一份羊架和一份肉眼。再加68蚊有酥皮湯。餐飲和甜品。先講個酥皮湯嚟到個樣好似幾似樣。原來個碗就大。但個湯就得半碗。味道麻麻仲要個湯只可以用暖嚟形容😫。即係酥皮湯唔係即叫即焗。羊架同個肉眼嚟到切開一睇冇7剩都有8剩熟。不過兩份我地都係點5剩熟👎🏻。羊架同牛叫做還可以啦！最後個甜品係雪米糍。我連叫佢攞嚟都費事。伏到想坐多陣都唔想。揚手賣單即走。好耐冇食過咁垃圾既西餐。餐包。餐湯。主菜。一獲過嚟晒。咁同食大家樂有咩分別。比700蚊嚟食個快餐。真係超伏！

新城市呢間少人排D，試吓囉⋯⋯話就話下張枱到我，都要等十五分鐘架。望吓餐牌先，有二人餐，包一個扒，一個意粉同埋跟餐四寶。或者可以散叫餐牌上任何的主菜，+ $45 有變套餐四寶，或者 +$68 四寶然後餐湯 top up 酥皮龍蝦湯or 三文魚沙律。安格斯肉眼 $248叫左七成，上左全熟。但唔算韌，牛味都有，算ok 。有露荀墊底，正。肉眼比較多肥膏，加上佢用普通碟上，天氣冷好快凍左，D肥膏凝結了，賣相同口感即時跌曬 watt 。價錢貴貴地，唔算好值。牛油果大蝦忌廉意粉 $128足料，有成四至五隻大蝦，肉質結實。意粉汁好 creamy ,食到有磨菇同牛油果，都幾討好。加左 $68 upgrade 套餐，有酥皮龍蝦湯，都 good , 味濃加上好多蝦仔。餐包正常, 橙汁不是鮮拃的。甜品係雪糕糯米糍，很 hea 很失望。唔夠飽，＋$15 叫多個薯條，即炸又夠多，肥嘟嘟好美味。再配上啤酒 $40 ，一大杯，一樂也。