Peace Concerto Cafe 17 (已結業)

食個早餐，3 個人入去，我order 3 個早餐，都未去俾錢，老細已經大大聲叫我有最低消費。我話3 個早餐夠嗎？如果唔夠可以再order, 但係唔使咁大聲remind 我喎。之後又話早餐係繁忙時間，要我轉枱坐埋一邊。如果想舒服享受一個早餐，就唔好入呢間。食物ok, 但係態度太差。老細同伙計都一樣冇禮貌。枱面已經講明免傾生意，免做功課，大家食完就好走。40 分鐘時限，大家要慢活就唔好入嚟。都係嗰句，一肚氣，食得咁辛苦！

平日下午同同事做完嘢經過，每人嗌咗一杯嘢飲，唔多人。不過呢間Cafe好多規矩，唔知係唔係五點關門，淨係俾我哋坐半個鐘；又唔可以攞紙同筆出嚟，同事想寫少少野都唔得，對客人態度好唔歡迎。味道好自然，無落糖，好純嘅紫薯同牛奶味，清新。搭配小酥餅。冬天溫暖之選🔮不過因為東主/店員的服務態度問題，有效降低了客人再次光臨的意欲。總消費：$ 48 （單人） 性價比：中下飲品味道：7.5/10視覺美感：8/10服務：5.5/10環境裝潢：6.5/10

個咖哩汁係加埋沙嗲醬，個咖喱汁唔會好辣突出到一啲沙嗲嘅香味，個汁係幾特別。再加上塊菠蘿好甜，係幾好食嘅。不過塊豬扒就過熟，咬落感覺有啲太實。杯咖啡個花拉得幾靚，而且幾持久，個味道同出邊差唔多，都係一般奶啡嘅水準。個環境係幾舒服嘅，不過佢寫明唔想人坐喺度睇書、做嘢，我估個餐廳唔係好想人坐得耐，可惜

食物OK但係態度極差！已經不是第一次！事緣我進店，落單，坐低，部iPad響，有新email，我打開覆一覆，未打夠三個字，有個男人從後走過來，話唔recommend係呢度工作，我話我只是覆幾隻字，唔會坐好耐，食完就走，佢同我講：總之唔recommend做嘢，態度差到你覺得佢出來同你鬧交。其實作為店主，佢絕對有權利話唔俾人喺度做嘢，但係我走之前檢查過整個樓面，完全沒有告示話俾人知唔俾人做嘢，再者如果啲人只係用手機，佢又點check ？最不忿係佢嘅態度，面口差冇禮貌語氣不可一世！呢啲嘢完全可以處理得好啲，如果自己唔識處理，唔該請啲識處理嘅人，又或者學下點處理。未見到啲留言以為自己好mean，見到下面留言咁多人話佢態度差，我都抒懷一啲。

朋友生日 我地去左呢間食野!店員態度超差!  店員態度超差!以為cafe可以好好地傾下計，12點幾食個80幾蚊既餐。食完都未夠12:30!  要我還枱 !尊重人嘅態度都冇嘅食肆! 

疫情轉差，星期六下午來這小店輕鬆一下，特意叫了個較貴的三文魚扒，很大碟，而且我很喜歡食那些炒素菜。而男朋友叫辣了的全日早餐😋，辣腸幾特別的。會再來的！希望疫情快些好過來。

三個大人一個小童 (5歲)星期六下午4:30諗住入去食下午茶，入到去未坐穩個男人已經急住同我哋講要有最低消費，我個女冇諗住食嘢，我就問小朋友咁細個係唔係唔使計，佢居然回答”咁佢係唔係人呀？” 哈哈，今時今日香港嘅服務性行業，居然仲可以存在着呢啲連尊重人嘅態度都冇嘅食肆，佢咁講完當然我火都嚟埋，我太太就問咁係唔係我有個手抱BB都要計，然後另一個女侍應就話”係，如果唔啱嘅你哋可以再考慮清楚。” 根本就係想趕我哋走，最後我哋當然係走咗..... 我想分享俾大家，唔好再幫襯呢啲咁嘅餐廳，本身已經唔鍾意幫襯大集團餐廳，因為通常佢哋都係態度差，唔需要理客户感受，估唔到一間咁嘅小店都係咁，我唔係要求有酒店嘅服務態度，但係點解我係消費者都要受佢哋嘅氣呢？除非我係被虐狂吧！後來先知原來唔止我一個係咁認為，大家可以繼續睇吓上上下下其他人嘅 post，所以奉勸大家:唔好再幫襯！唔好再幫襯！唔好再幫襯！2020.06.06 (4:30pm)

疫情之下，都好少出街食飯。一向中意食西式早餐，呢間係我心水之一，所以外賣都會選佢。最中意佢地茄豆炒蛋早餐。個炒蛋好滑煮得剛剛好。配菜可自選一款。晨早最緊要係杯咖啡。呢度咖啡好有水準，一定比連鎖店既好。

已經幫襯多次，一間小店，價錢有點偏高，食物還可以，主要是在我家對面和人少，多數有位，服務態度一向是一般般。因為近期大家憂慮肺炎，老闆要求每位客人出示口罩，但是說話的態度有待改善，往往適得其反，今天看見一對男女進店，店員說只招待有口罩人仕，這對客人回應口罩放在門口車上 是否需要在車內拿出，店員說不需要可以坐下叫食物，客人坐下後另一人走出來要求這對客人離開，這對客人不發一言的離開！我心裏反思，本來是很好的衛生要求，但是處理態度什差，香港小店生存空間越來越少，成功是困難，失敗是容易。再看看其他客人對這店的評論，老闆太自以為是，今天看在眼內，我估計也不再回頭！

以為cafe可以好好地傾下計，上午11點幾食個五十幾蚊既早餐。食完都未夠11:45，果老闆走出來話12:30前要還枱，我話我地知道。佢見我同朋友傾保險，話呢度唔歡迎人地傾保險。真心講，你又無客等位，我又無嘈住人，咁樣趕客，我第一次見。

到新蒲崗去幫家人買東西，下午茶時間，有點倦及想吃，看到新蒲崗著名的商場對面有一間咖啡店，於是走過去看看。咖啡色的名字很特別，門前貼著餐牌，也有標著價錢，看來不錯，走進去試一下。店內一角是櫃檯，以及咖啡機等飲品製作地方，另一角放著精緻裝飾及小枱，很有特色，有點童話故事內的場景感覺。簡單的餐牌，點選了什菌雞肉長通粉，以及一杯鮮奶咖啡。鮮奶咖啡很快送上，還送上一隻櫻花形狀的茶匙，很是精美可愛，非常特別。咖啡入口順暢，不是烘焙太多的咖啡，雖沒有天然甜味，卻也不苦，味道剛好，難得兩者也兼顧的味道。什菌雞肉長通粉以長形的碟送上，雞肉塊的份量不算小，長通粉份量剛好是下午茶的一人份。什菌及雞肉嫩滑，沾著忌廉汁顯得不乾，長通粉並沒有過熟而太軟，卻又有咀嚼感，非常喜愛這種口感。已經有一段時間沒到過新蒲崗，想不到有著這出色的店子，看來有個吸引多些過來的借口了。

下午放工時，來到新蒲崗的peace concerio嘆個tea,選擇了楓葉糖漿西多士配上藍莓醬$48,兩者味道都好夾，多士用了傳統煎的方法烹煮，煎至黃金色澤，賣相十分討好，多士沾上藍莓醬帶出微酸的味道，而另一款楓葉糖漿就帶出香甜美，剛煎好熱辣辣，再點杯凍柚子蜜桃茶，晤太甜有果香，冰涼透心，地方環境雖然細細，但聽著節拍慢而優雅的音樂歌曲，感覺總教人舒適，服務都好友善有禮，這間cafe 都是不錯來嘆tea 的好地方

一向支持有誠意既小店，一向鐘意食all day breakfast, 所以都幫襯過呢間餐廳好多次食物同咖啡都不錯，但今日發生左一件事令我覺得呢間餐廳處理手法好有問題，所以唔會再光顧話說我地一坐低，店員就拎左一張單出黎，話兩星期前我地去過冇找數，問我地有冇印象，張單上既item係我地每次都叫的，但我地冇印象冇找數，因為佢地早餐時間係先比錢後用餐的，店員就話我地光顧時間係12點，午餐時間佢地係先用餐後找數，事實上我地唔可能記得兩星期既事，但如果我地有走數係唔會再去果間餐廳啦之間餐廳老闆走左出黎，好大聲話好肯定張單係我地既，肯定我地冇找數，當時餐廳係好多人，全部人一齊望過黎，感覺記係要我地尷尬，要用群眾壓力迫我地比錢，我見佢地店內有CCTV, 問佢地會唔會睇番CCTV去証實我地有冇比錢，佢聲稱兩星期既片段睇唔番即係咁，早餐同午餐比錢方法唔同，會好易引起混亂，如果我地果次真係唔記得比錢，我係好樂意去比番，但佢一口咬定，又唔肯展示CCTV片段，仲要咁大聲去令全部人望住我地令我地尷尬，用群眾壓力去迫我地找一張單，食餐飯都食得唔開心，咁樣既處理手法係好有問題利申：老公最後怕尷尬又唔想大家難做，係有找

本身係黃大仙想食野 但又無乜野好食於是近近地行過去新蒲崗搵食有次朋友提起 Mikiki對面有間cafe 話想試下就一於去睇一睇門面人唔算多 傾計都可以想食意粉 終於點左個溫泉蛋青太子忌廉蘑菇意粉男朋友叫左個意大利軟包配炒蛋美式咖啡同cappuccino味道一般 飲落個奶泡唔係太綿明太子有點腥 搞到個味道麻麻地但個包幾好 焗到脆脆地配炒蛋唔錯美式咖啡呢 就偏fruity 有微微酸味總體黎講 未必會特登再黎食野飲野坐下都可以既

今日約埋朋友，一行6人 黎試下呢間cafe，正正商場對面，商場食肆食到悶，今次支持一下小店，的確喜出望外。老闆同老闆娘好nice，好有heart, 仲推介野食比我地前菜沙律大蝦紫薯蓉沙律我最like 紫薯蓉 健康好味 蝦都新鮮 配搭個汁仲好味我鐘意飲個忌廉湯 好濃好味菜湯就清淡d小食拼盤 因為我地多人， 叫左大份， 雞槌好惹味 芝士雞翼一咬d芝士流出咁， 雖然好heavy，但照食乜肉眼扒好味， 生熟岩岩好，好juicy, 不過個汁較濃，我無點，我就比較鍾意加dd鹽食 仲突出個牛味三文魚外脆內軟 意粉軟硬岩岩好 火喉時間控制好重要 隻溫泉蛋一啖啜落去食呢度咖啡好出名 拉花又好靚 老公話正但我朝早已飲左杯， 唯有下次再試啦