PHENOMENON WINE • DINE (已結業)

老公話Book 左The One 食晚飯，心想試過The One 22樓同20樓都唔錯，能夠開在The One高層應該都唔會差得去邊，但原來呢個諗法真係太天真！首先上到去沒有人在reception招呼人客的，同行有2個疑似內地客沒有book位，大搖大擺的走進去其中一張檯隨便坐下，我跟我先生企在門口位置，過了幾分鐘才有個女侍應過來帶我地埋位，坐低左之後自己睇餐牌點菜，完全沒有人介紹餐牌，我們點了1位要4個度菜，一位要5度菜。首先送上麵包，麵包有牛角包和拖鞋包，牛角包味道ok是熱的，但食完一個之後，我先生發現有張落單紙放在麵包籃中，坦白說，如果呢張紙出現在茶餐廳的碟上，我絕對唔會怪佢，但如果出現喺高級餐廳中，實在是很過份～跟著頭盤到了，我先生要帶子，我要鵝肝，2個頭盤都唔熱，只係微暖，食完餐還未收碟時便送上餐湯，我先生要忌廉濃湯，我要龍蝦湯，侍應只送了一個湯來並且沒有說明是什麼湯便放在檯中間離開，更沒有幫我們收拾已食完的碟子，這真的是很茶餐廳feel呢～然後我的龍蝦湯等了很久還沒有送來，心想不是應該2位湯一起上的嗎？再三追問才知道原來落錯單了，落單的侍應落錯了意大利飯，兩者差很遠呢，這也不

生日見到做promotion menu價錢都ok就預先付款訂位，環境和暗藍色燈光都幾有情調，但如果視力有問題就比較暗d! 出面有個小露台可以睇到夜景，影相好靚😍 服務生就比較後生同埋似trainee,唔似係好專業，我地食甜品時候完全無匙羹😂promotion menu有5個courses, 但食到去main course 就出事，剛放低的食物凍左…我只去左幾分鐘洗手間，出嚟條魚完全無温度，仲有小小魚腥味，我食第一啖已經唔想食，問服務員拿pepper 調下味…但都係唔得…不過我就無反應叫佢煮過…費事…. 我成份俾左愛人食🙃佢都話唔好味😌我問返佢份羊架，佢都話係一般，只係份量多！呢啲就真係要改善，因為當晚都無咩人，只得幾枱客人！最後甜品等左好耐，因為甜品中有雪糕，我哋係出面影緊相，其中一個服務員就叫我哋入返去食嘢怕啲雪糕會溶，我地食完就走啦！臨走前門口有個影相位幾Cyber feel，打下咭幾靚😙

1300hrs order嘢食，1345hrs都未上麵包前菜。斟水都嗌兩次，問生日有無得寫名，第一個話要問，第二個侍應話得，但行咗去無再番黎，咁我應該同邊個講寫乜人咩！枱枱客都等到2046。。。等了45分鐘後，我決定走！🥹好彩唔係生日正日黎食飯，唔係就更嬲！

唔係特別嘅日子先同閨蜜去High Tea 嘅！今次我哋去咗好多打卡位嘅 Phenomenon_wine_dine食 afternoon tea！仲要係我哋二人最愛嘅粉紅色 ～《邂逅粉紅之戀》 精緻下午茶，所有精緻下午茶點，擺設，兩副粉紅色嘅太陽眼鏡🕶️俾我哋帶住打卡！餐廳以宮廷為主題，有大大嘅水晶吊燈，主要以白色和藍色為主調，仲可以欣賞到維港海景，我地一邊食下， 一邊睇埋日落🌄，部相機和IPHONE 影到冇電！💝PinkIOVE•LOvePINK💝🧈SAVOURY🍄法國N2吉拉度生蠔🍄啖啖龍蝦牛角包🍄法式鵝肝馬卡龍🍄黑魚子醬煙三文魚多士🍄和牛藍芝士漢堡包🍄巴馬火腿水牛芝士烤包🍄西班牙火腿芝士三文治🍰SWEET🦋迷你提拉米蘇干層酥🦋甜 • 甜 • 甜圈🦋迷你小卷蛋糕🦋草苺朱古力忌廉泡芙🦋法式檸檬撻🦋紅桑子奶凍🦋粉嫩荔枝慕絲睇埋日落🌄，再嘆埋杯WINE，唔飲都被黃昏美景醉昏了！

朋友生日，一早諗定請佢嚟呢度，不過自己都有私心嘅，想搵人陪我嚟。我哋約咗喺度食午餐，較早時全場得我哋兩個，盡情影都唔怕尷尬。過咗大約半個鐘先有其他客人到，午巿比較清靜，但係亦因為咁我哋邊食邊傾都傾到三點。我哋對呢度嘅環境，食物，服務都好滿意。有靚境，餐枱擺設都好精緻。我哋點咗兩份午餐share。餐前嘅牛角包同埋軟法包。前菜：醃北海道扇貝,青蘿蔔,蘋果,牛油果,柚子醬，牛油果配扇貝好味。尼斯沙律,薄燒吞拿魚,鵪鶉蛋,青豆,薯仔,櫻桃茄湯：意大利牛肝菌泡沫濃湯，一開始以為係飲品，湯嘅味道唔會太鹹。法式龍蝦湯,干邑忌廉,小香蔥，呢個湯個味濃咗啲。主菜：香烤深海鱈魚、和風麵豉醬、意大利西蘭花，魚肉同西蘭花嫩，外面微微焦脆。+$40烤澳洲和牛牛柳、香滑薯蓉、鮮蘆筍、甘筍蓉、紅酒汁，牛肉一啲都唔鞋，食落牛味都幾香。訂位嗰陣有remark係慶祝生日，朋友話呢個係佢今年生日嘅第一個蛋糕。誘惑醉人提拉米蘇。

食物質素好差… 一啲都唔值呢個價錢 ，蛋糕似擺左好耐果啲放題cheap cheap 蛋糕，勁乾身…………..每一樣野都冇好好食既感覺，服務係幾好既 ，知道係慶祝生日，會主動過黎幫我地影張相 地方ok ，好寬敞，風景都唔錯，居高臨下但好多座位都面向太陽，陽光完全係直射眼睛 成餐飯都幾辛苦😅😅😅。廁所好大 但好奇怪 男女廁所係一齊的…….. 講真，加埋一兩個人都成$600 真係去食放題好過。呢啲預購優惠既餐廳，下次都係諗過先再去😅

午餐過來causal lunch，普通lunch set $248，executive lunch set $428。環境是一流，餐廳採光、景觀、環境是滿分。餐廳裝潢以藍白色做主調，餐具也配上藍白色，十分有心思。我和朋友order 了兩個$248 lunch set，主菜分別為法式忌廉蘑菇闊意粉，和風乾豬肉意大利飲管粉，另外也加錢order 了當天的兩個甜品。兩個意粉沒太大驚喜，但味道也不差。法式忌廉蘑菇闊意粉的蘑菇味十分重，感覺有放進黑松露醬，味道很濃郁，可是口感比較厚身，吃得多便會感到膩和難以入口。甜品賣相不錯，但也沒一試難忘的感覺，就是普通甜品一道。雖然食物沒太大驚喜，但環境實在很舒服，在日光充足的一個中午到Phenomenon 吃飯，實在寫意！

第一次到這餐廳，露台有美麗的維港夜景，好吸引，打咭是指定動作。室內裝修有心思，好cyber。待朋友們到齊，我們一起分享各款前菜，presentation 不錯的，味道卻一般，我以為是我個人的感覺，不代表其他人的立埸吧，還是安份地吃晚餐。見侍應生準備不同的餐具給大家時是放在碟上的，心想: 要用餐時我該用麵包碟或把食物應放到那兒? 既然派得上埸的餐具自然要用吧~ 由於朋友點了法式田螺，深信相關的鉗子會用得上的，怎知侍應生收起了; 不一會又再多派一份，這回放在食物碟旁邊，好像方便了一點，至少有地方放食物。可能是我鄉里，不知高級餐廳的餐桌禮儀吧~正餐各自為政，我點的是海鮮意大利飯，賣相很好看，可惜每一口都沙沙地，一度懷疑是自己的錯覺，直至吃到最後一口，我的體驗是正確的。這晚人客不多，算我們在內，只有三張枱，才9PM，不同的侍應生已紛紛問我們是否有需要加餐或甜品，他們last call 了…後來和朋友談及此用還餐體驗，他說這是高級餐廳，訂座後要求加坐位，但餐廳回應booking 很滿，不能安排加位…全晚三枱客，我們是最大張枱了，共6人，他們的營銷策略真高明，至少我們信她真是full house。

呢間餐廳環境係好好，有靚景可惜食物性價比唔高而最差個樣野係要貼錢買難受😡侍應啲態度差到好似得罪左佢咁款🥶Book左窗邊位（原先已經confirm左係reserved)去到畀左第2枱人，仲要一句唔好意思到冇成程飯個啲服務都令到我地好唔舒服好似好趕成日收你嘢 （4/5個場都係空，時間都係9:00應該唔係咁早趕收工）本身係同朋友慶祝點知搞到勁掃興你話茶記價錢就無所謂啦但呢個價錢就接受唔到如果係咩大時大節既話勸你唔好去費時要受氣啦

以玻璃屋設計的 "Phenomenon Wine.Dine" 以落地玻璃可欣賞270°維港景色, 水晶吊燈、透緻餐具, 還有華麗坐椅😍可慢慢享受高質食物😋意大利拖鞋包和牛角包🥐 配上自家制牛油（以海鹽、法國牛油、油封蒜粒、碎胡椒、意大利蕃茜制成）Yummy👍法式龍蝦湯🦞 以干邑忌廉、小香葱及濃郁龍蝦味💯甘荀忌廉湯🍵 口感綿滑甘甜🥕北海道扇貝🍽 配上青蘋果、牛油果、柚子酱,味道清新鮮甜💕烤澳洲和牛牛柳🥩香滑薯蓉、鮮蘆荀、甘荀蓉、紅酒, 肉質鮮嫰🍷🍴深鍋煎挪威三文魚🐠配上刁草忌廉汁及雙色椰菜花、雅枝竹😋夢幻瑩藍🍮以冰藍啫喱片、檸檬慕絲、西柚、黑苺、榛子朱古力脆脆👍餐後還可進入科幻隊道以電子世界設計 ,充滿Cyber feel🤩打卡之選🤩

為咗慶祝朋友結婚我哋一早就打咗電話訂枱，仲指明話要近窗嘅枱，因為可以望到海景，餐廳職員都應承咗可以留俾我哋點知嗰日去到，嗰張我地訂咗嘅枱有人坐咗而成個餐廳淨係得一張可以坐到三個人，而又係近窗嘅枱當我哋同職員表示我哋一早訂咗枱嘅時候佢地只係不斷咁重複話張枱已經有人坐咗完全冇任何解釋點解張枱會無咗亦都無道歉或者認錯一副我哋想繼續食就食，唔想食就算嘅心態因為時間都唔早，所以我哋最後都決定坐低食嘢但係全晚食飯嘅過程當中，佢哋嘅服務態度都非常之差，唔係個別員工，而係個個都係咁例如我哋未食完嘅嘢，已經想收走佢當我哋表示我哋仲要食嘅時候，佢竟然話：「 吓？仲要㗎？」之後仲有幾次同樣嘅情況，都係未食晒啲嘢就想收走佢而且餐廳嘅碟比較重，啲職員唔會就住力慢慢放上枱面，每次上菜嘅時候都嘭嘭聲，感覺有啲似發晦氣咁成個食飯嘅過程都極度不愉快食物質素一般，唔值嗰個價錢結論係：我哋永遠都唔會再喺呢間餐廳食嘢

服務態度還可以，諗住同老婆慶祝結婚周年，會安排張較有氣氛嘅位置，點知好失望，食物方面質素和價錢唔成正比，除咗餐前牛角包外，由前菜到餐飲都唔係物有所值，open rice訂位有九折，返到屋企睇張單，原來無做俾我，只能怪自己當時無留意，所以成餐飯都好失望，唔會再有下次和絕對唔會推薦俾朋友，牛扒得個霖，但無味無道，盧魚鞋，啲急凍三文扒介好食好多，餐廳只係靠裝修吸引顧客，如果用這個價錢食餐飯，出面有更多更好選擇

平時已聽講呢度日，夜景觀🏞🌇都靚，所以一早要預約嚟呢到😋🥰😊食物，首次嚟到環境舒適同乾淨。枱上有兩份set menu比大家揀，價錢就按食物🍽份量多與少選擇！ 落了Order趁有充足時間比大家影相添。 大約十分鐘開始，食物就上碟都會等各位食完先再上；同各方面配合優閒地可以放心享受💗，食物擺設實在好吸引，打卡位影相📸一流👍👍！ 主菜份量唔太Heavy味道剛好Creamy，到最尾更＋錢要埋佢地嘅甜品🥂🧁餐酒慶祝一番。所以約埋三五知己最適合🎉🥳不過，下次試下傍晚前嚟睇埋日落食SetDinner🍽🌇

今日終於嚟咗PHENOMENON食晚飯, 呢度個景真係好靚好靚好靚😍 其實除咗個維港景色好吸引, 餐廳係以電子世界做主題, 好特別。一直都見好多人喺度打卡, 所以自己都放咗喺bucket list, 今日終於有機會嚟❣️P.S.: 呢度唔只係女士們打卡嘅專利, 如果男士們鍾意科幻電子世界都會大開眼戒！！⋄ 食物 ⋄Above average, 所有食物質素都唔錯, 好平均。特別欣賞龍蝦湯, 味道非常濃郁, 無欺場。生蠔配牡丹蝦都好正😋 非常鮮甜, 生蠔同丹蝦一齊放入口品嚐, 口感好好💯甜品 - Highly recommend tiramisu & 心太軟, really good😋⋄ 服務 ⋄Serve我枱嘅staff俾我嘅印象唔錯。有耐性介紹同埋俾recommendation, 仲有幾分幽默感🤭 上菜係比較慢, French dining嘅感覺。但如果同朋友傾吓計, 欣賞吓靚景, 又唔係趕時間, 其實冇影響。偶爾slow down吓都唔錯吖🤭⋄ 環境 ⋄真心靚❤️ 可以坐喺度一邊用餐一邊欣賞個靚景真係無憾😍 仲有, 餐廳嘅設計係參考電影《創戰記 Tron Legacy》, 喜歡科幻世界

好朋友生日 特別揾咗呢度晚飯我遲到啊 去到大家已經點哂菜接過menu 服務員都有好努力介紹各款 dishes我揀咗4道菜全部要介紹嘅signature 頭盤要帶子同乾豬面肉配粟米汁帶子鮮甜嫩滑 煎得焦香 剛剛好薄脆豬面肉 就係bacon feel鬆脆有肉味 配搭濃滑粟米忌廉汁 朋友直頭當湯飲我就略嫌太多汁跟住招牌龍蝦湯粒粒彈牙龍蝦肉湯汁濃滑鮮味 我哋掛住影相打卡湯凍咗少少 如果熱啲會更精彩我好鍾意食龍蝦 呢個pasta真係冇令我失望龍蝦烹調剛剛好 唔會過熟肉質鬆軟彈牙 非常鮮味pasta掛滿薄薄醬汁 濃而不膩主菜到 我梗係點牛喇prime ribeye我要medium 應該熟咗少少可能都係大家掛住打卡嘅原因肉質都OK嘅 牛味唔算重 唔算大驚喜 合格好味嘅 我太貪心呀又食pasta又食扒已經飽到一個點無能力再食甜品建議大家點Pasta或main dish就好然後留肚吃甜品聽聞佢哋嘅甜品非常掂朋友有點心太軟同tiramisu 讚口不絕 掛住食唔記得影相添唯有下次再試我哋開咗支紅酒 酒壺擺設好靚 好特別總括來說 好精彩又滿足的一餐會再幫襯 滿意啊ps 餐前麵包食得少少 服務員幫我哋包