Pho 778 (已結業)

我同老公都好鐘意食越南野 尤其是食生熟牛河 特別鐘意它們的湯底 去旅行都會去食越南野 今晚就同老公去左灣仔克街嘆越南生牛河 因為朋友們太有我心 一有好野就通知我 所以擇日不如撞日 趁他今晚還在港 點知拍好車後 行到去門口竟然有人排隊呀 更係快快去排啦 原來真係小店 得十幾個位架咋 不過食好野排隊也值得嘅 約等5分鐘就有位都算快 坐低後被這poster吸引 教如何正確地品嘗越式湯河 跟我係澳洲食法雷同 安格斯生牛肉坑腩湯河粉 Large size $66 當送上時有淡淡藥材味 飲落口湯又唔覺係藥材味 反而清甜 將芽菜 九層塔 辣椒粒 青檸 放適量入湯河即時提升味覺享受 生牛肉浸在熱辣辣的湯 即時邊成粉紅偏淡啡 超滑又牛味重手切坑腩就較淋身 安格斯生牛肉牛丸湯河粉 Regular size $48 湯底應該同一款味道 但牛丸切開細小粒 牛味濃 可惜份量少d 不過河粉竟然選用較幼身嘅河粉 容易吸收到湯精華 跟湯河附送的配料 另外+$15 可追加小食 好選香茅雞亦同香茅蝦餅又或者網絲春卷 我地選擇雞翼同蝦餅兩款小食 蝦餅炸得外脆但係無質感太薄 雞翼帶點香茅味道無驚喜 叫左個扎肉越式法包 $2

之前聽朋友話灣仔有間開張無耐賣越南河既，今日咁啱經過灣仔，順路去探一探路見到鋪仔細細，已經坐滿人，仲有人係門口等位，我諗應該食得過，就去排隊好快就有位，侍應問我地介唔介意搭枱有得食當然唔介意，但坐低後，我反而介意後面枱個男人個背脊多d， 想一彎低少少坐就會背貼背，坐得唔舒服兩個人叫左兩個set combo， 趁3點前快快落單，因為送小食又有飲品，我叫左一個生牛肉坑腩湯河(正常份量)，老公就叫另一個生牛肉牛丸湯河(大份量)，送雞翼同春卷，叫埋罐汽水同咸檸七侍應先俾左食越南河一定要有既新鮮芽菜，九層塔，青檸，辣椒粒，枱面有介紹點樣食越車南河唔使等好耐，先上左春卷，春卷唔係普通貨式，而係用佈滿網紋既紙米卷包住蝦尾，賣相唔單止唔錯，而且咬落鬆脆而不油膩另一個香茅雞翼賣相比較普通，但味道都唔輸蝕重點生牛肉河黎到，識食梗係飲湯先，湯底牛味濃郁帶少少藥材味，味道獨特，飲得出用足料熬湯河材料方面，一睇就睇得出生牛肉質素同出面食既唔同種類，呢間係用安格斯牛肉，用湯輕輕碌熟，剛熟既牛肉肉嫩味濃，廚師選材好有品味，好識食，而坑腩亦煮得好軟腍，我地邊食邊話正我開頭有擔心碗湯河唔夠飽，原來都唔係呀，我個碗正常份

為咗試食一碗加拿大越南粉，專登去灣仔試試，點知個湯太濃藥材味，碗粉唔係金邊粉，又細碗，牛肉得一片，青檸梳打冇青檸味，越南春卷入面夾左隻蝦，完全唔係新聞介紹果回事，應該吸引唔到我幫襯多一次.

Lunch time 時候成日都諗今日要食咩呢?　食黎食去都係個幾間，　見有新店又驚中伏又驚佢貴。今日得返我同另一個同事, 兩個人等位比較易, 所以決定去試新野.此小店位於灣仔道的小巷內, 但呢條巷絕對唔冷清, 因為整排都係食店. 一到達已見到有條人龍排在門口. 而店內座位大約就只有廿個左右. 幸好等不久就可以入座. 係門口先望左餐牌, 坐底就可以即叫.除左主食外, 加$15 可以多一罐汽水/盒裝飲品及一份小食.平日唔多食牛的我見店內大部份人都係食牛, 而且佢的餐牌頭幾項都係同牛有關, 應該主打吧.所以試了安格斯生牛肉坑腩湯河粉$48 (正常份量), 唔夠食可以叫大份量. 送黎時除左碗粉外, 重會連一碟芽菜. 不過係二人share一碟.碗粉的湯好濃味. 比起平時食開越南河粉的湯味更濃. 安格斯生牛肉切得好薄片. 食落又林又滑.入口唔駛點咬就溶左...另外肉坑腩同樣好入味而且好滑好林.就算將牛肉跟粉一齊入口都唔駛話要慢慢咀嚼.不消一會就全吞下. 有點後悔不叫大份量. 對我來說好像一陣風就食完一碗粉.幸好有叫小食.蝦餅, 黎到時有點失望, 雖然都預左跟餐加$15 一定唔會大. 都預左係兩件

今日媽咪生日，就食佢其中一間最愛的越南野。這間鋪之所以深得媽咪歡心，是因為價廉物美。上幾次黎都有食的是安格斯生牛肉湯蠓粉，牛牛瘦不肥，岩正值春天要減肥的港女，但入口依照香滑，牛味濃郁。不過今次要試其他野～越南網絲春卷春卷很香脆，很有於高級酒樓食的質素，脆的程度係網絲在口爆炸，內有爽彈蝦，更添美味。香茅蝦餅蝦餅又係必叫，外面脆內裡質感比較腍身嘅，但個蝦味好香，全家都話呢個好味。豬扒撈蠓撈蠓個汁係好重要的，佢個汁好有檸味，好鮮呀，酸中帶甜，開胃又滿足，豬扒炸得鬆化而不油。香茅雞翼又係好味，面好香脆，內裡的肉很嫩滑。不過始終食咁多炸野有d熱气，一定要叫番杯鹹檸七平衡下先得架！

這天我們計劃食一份簡簡單單的晚餐，所以決定食湯河粉。我們點了安格斯牛肉湯河粉，我加了牛筋。湯的味道很濃，但不是味精湯底。安格斯生牛肉肥瘦適中，容易咬開，肉味濃郁。河粉頗滑，份量不多，但尚飽肚。牛筋夠軟又入味。加錢可轉套餐，有飲品及小食。我們選了雞翼及蝦餅。蝦餅爽口，不錯。雞翼香茅味頗濃。越南咖啡香味濃郁，不會酸。咖啡苦味明顯，配合煉奶，則不會太難入口。整體而言，食物味道偏濃，雖然不算太鹹，若能配合淡味的飲品，會更滿足。

I'm from Vancouver and had been eating pho since i was a kid. I saw an ads about this new shop about Vancouver's pho. I tried it today but nothing is close it.Broth: relatively sweet and a taste of ingredients. Not the strong taste of beef bones you get in Van and the soup is not hot enough. However, sth good is that i dont feel thirsty after.Beef: only 4 thin slice of beef even i ordered a large bowl, too less.Noodle: They are using thick noodle and easy to pull apart. Not those thin ones you a

香港天氣真係越嚟越熱，有陣時熱到個人都冇乜胃口。口淡淡咁樣，食一碗濕濕地嘅越南河就啱晒啦。其實尋日出開灣仔見到呢一間d人排晒隊已經好想試，今日男朋友有時間就陪我出嚟食嘻嘻。今日七點半嚟到好在有位，因為店仔細細得五張枱。我哋一坐低出邊已經有五六個人排緊隊，好誇張。佢嘅招牌有塊楓葉，原來佢嘅河粉係加拿大嘅口味。工作嘅關係成日飛，都試過唔同國家嘅越南河，印象中加拿大嘅版本湯底就會係少甜，偏濃味d。我哋兩個就叫咗安格斯生牛肉坑腩湯河粉，仲有火車頭湯檬粉。呢度加＄15可以轉set combo包小食同埋嘢飲。咁我哋就叫咗香茅雞翼，香茅蝦餅，再加多兩杯凍嘅越南咖啡（combo+$15）男朋友嘅生牛肉坑腩湯河粉先上，偷飲一啖個湯底，的確係好濃少甜，而且帶有藥材味道。金不換，芽菜，青檸，指天椒分小碟另上。 配料份量雖然冇加拿大咁多，不過都夠。安格斯牛肉好肥美入口即溶，坑腩都煮得好淋，筋膜位好香，唔錯。因為我貪心想食多啲餸所以叫火車頭。我個火車頭嘅份量好大呀！特別係拍落男朋友碗粉度就好明顯。我一個人根本唔會食得晒呀⋯不過大隻仔男朋友會幫我包底既，冇問題！佢上邊有牛丸，安格斯牛肉同埋坑腩。牛丸肉味夠又彈牙

最近隻手錶壞咗, 就今日同朋友呢就去咗灣仔188度揀返隻新嘅g shock,滿載而歸, 走時經過附近，食咗間新開既越南菜 餐廳見到入面都幾多人食喎，我相信應該唔會中伏，就一於去食啦因為都幾餓，我就嗌咗個安格斯湯濛粉先, 等左一奈就開餐!安格斯牛，浸一浸喺湯到，就夾上嚟食，嗰種牛味真係香氣四溢 ，牛肉非常之淋，非常之滑 湯底同濛粉非常之夾，好食!!份量唔算好多, 未夠喉, 就叫多個豬頸肉法包, 哇, 個法包好juicy, 包非常之脆口,裏面啲豬頸肉同埋生菜, 咬口又爽脆之脆, 豬頸肉又香又滑又爽, 好食好食!

有陣時後環境唔一定要靚，最緊要好食呢一句話就正正印證左係呢一間餐廳入邊。呢度嘅地方定唔大，入到去個座位其實都好小，但都好多人去食，為嘅就係一嚐拒嘅湯底。嚟到呢度咁梗係就要食返碗越式嘅生牛肉河啦，呢度嘅牛肉就真係值得提一提，唔係好普通嘅雪花肥牛，係用咗好靚嘅手切安格斯牛肉，入口嘅感覺完全唔同。油脂同埋牛肉嘅比例絕對係正。另外就講一講佢嘅湯底，入口嗰陣味道好香濃，有少少藥材嘅味道，但係絕對唔會覺得奇怪，反而覺得好特別。如果要淨係飲佢個湯嘅話我諗我都可以飲上一大碗。一如既往嘅湯河都會配上芽菜，青檸，香葉同埋辣椒。而呢到配嘅份量都超級之多。大家記住芽菜要親個湯仲熱嗰陣時候就放落去啊。另外就叫咗個香茅雞扒撈檬，佢嘅雞扒唔係就咁煎，係經過醃制先至去煎，所以食落去除咗有雞肉原本嘅味道之外仲會有醃料嘅香。如果單單食一碗麵唔夠嘅話就建議大家加埋個小食，只需要＄15就可以加個春卷又或者蝦餅，真係十分之平，出邊就咁叫個小食咗成＄40啦。仲要再提提嘅就係呢度教嘅食法，一碗普普通通嘅湯河除咗本身嘅食法之外，仲可以加埋喺辣椒醬油或者甜醬，加唔同嘅嘢落去食嘅層次感完全唔同，大家一定試一試。

好耐都未去過食越南野, 因為仔仔去學野嘅關係，所以近日對灣仔嘅餐廳特別有興趣，喺附近找到一間越南特色小店。之前係外國讀書嗰陣都好掛住食越南包，同埋越南粉。 好想找回從前讀書時期嘅回憶。門面裝修有點兒像傳統越南餐館特色， 餐廳位置唔係好多，但係座位都坐得幾舒適。我哋叫咗一個法式香茅豬扒越南包，生牛肉粉，同埋香茅雞翼。法式香茅豬扒包，個人覺得法包一定要報道香脆，先會好味。 呢個法包除咗香脆之餘，熱辣辣。仲會保持到發包嘅軟硬度，非常適中，豬扒嘅味道非常入味，配上新鮮嘅番茄蔬菜，正生牛肉河，香濃嘅湯底，牛肉亦都好新鮮，好耐未試過連湯都飲埋。香茅雞翼，香茅味十足，但亦都唔會話好油膩，雞翼亦都好入味，不過如果喜歡吃嘅最好要帶多幾碟，因為一客只有四隻，而因小弟喜歡吃雞翼嘅關係，我哋叫左兩客

曾經在灣仔VTC總部上班，這天故地重遊，發現了一間新餐廳，門口擠滿了等候的人群，想必是好東西，一於來試試！ 店子很小，很快就坐滿，門口擠滿了等候入座或買外賣的人，根據這「人群指標」，就覺得要入來試試。 安格斯生牛肉牛丸湯河粉 ($48) 到越南餐廳，我一定點生牛肉湯河，這裡提供的是安格斯牛肉。先呷一口湯底，味道濃郁但不會過鹹；牛肉肥瘦均稱，肉質夠腍，很好吃！ 越南網絲春卷 (跟餐 +$15) 越式蔗蝦 ($28)；香茅雞翼 (跟餐 +$15) 跟餐可以加$15要小食，當然分量也較少。試了三款小食，最喜歡的是蔗蝦，蝦膠彈牙美味，蔗也香甜，點著甜辣汁吃，不錯。 越南咖啡 (跟餐 +18) 另一越南名物，一定是咖啡。等咖啡滴漏之後，記得先與煉奶攪拌後才倒入冰杯，否則煉奶會黏底。咖啡香滑順喉，香味濃郁，咖啡控必點。

今日同個同事又去灣仔做嘢，下午三點幾嘅時候先有得食 lunch, 由於太肚餓，所以決定喺公司附近食呢間越南河粉，雖然佢位置咁近但之前一直都未試過，因為午飯時間永遠都等唔到位，估唔到今日食呢個時間終於可以一試我哋兩個人首先叫咗一個香茅蝦餅，蝦餅炸得好脆口，而且亦都唔油膩，蝦肉餡料好足，性價比好高另外我同同事食咗一個大火車頭 (XL size)，本來仲想叫多一碗檬粉，但店員話我哋應該食唔晒，結果一嚟到原來真係唔係講笑，碗麵大到不得了，而且唔係淨係個碗大，而係佢裡面既河粉同配料都多到不得了，我最鍾意佢入邊嘅生牛肉同埋牛肉，牛肉質感同埋味道都做得好好，而且河粉亦都好特別，好滑，唔怪之得呢間餐廳雖然地方細細，但都可以一直咁受歡迎，真係不錯

這天晚上在灣仔收工後順便找個地方吃晚飯。天氣悶熱，真不想多走幾步，幸好在灣仔道附近就有間吃越南菜的餐廳，便衝了入去。 餐廳雖小，但食物種類還可以呢！ 🍜🐄安格斯生牛肉湯河粉🌿（$45） 生牛肉是手切肥牛，所以吃上來比較有嚼口，較有口感。湯頭清甜美味，河粉嫩滑幼細。旁邊的芽菜、紅辣椒和青檸是另外配上的，可按個人喜好隨意添加。 🐥🍜香茅雞扒撈檬（$43） 香茅雞扒味道超好，醃味不錯，配上冰凍可口的撈檬上涼涼地，酸甜又開胃。 🐷香茅豬扒越式法包🍞（$38） 越式法包同樣是店內招牌，法包香脆可口，夾著生菜、蕃茄等非常清新美味。 加$15 可轉Set Combo 包香茅蝦餅、網絲春卷、香茅雞翼（其中一款）及汽水或其他紙包飲品 🍤香茅蝦餅 蝦餅薄薄一塊非常香口，配上香茅味道，真是不錯！ 🌯網絲春卷 網絲春卷香脆可口，沾上酸汁味道非常開胃。 🍗香茅雞翼🍃 香茅味道道香濃，即叫即炸，皮脆肉嫩，非常好吃！ 套餐還可加$轉其他特飲 青檸梳打 冰冰凍凍，清涼解渴。

I'm from Vancouver and have been eating Vancouver pho for the past 20 years of my life. When I saw on a local media outlet that this new joint wanted to bring a taste of proper pho from Vancouver I was so pumped. Unfortunately when I tried it, the taste failed to deliver. I gotta say I've had better pho than this, even by HK standards. I can taste that the broth has been obviously a huge part of the recipe, but it doesn't even come close to what it tastes like in Vancouver. The portions weren't