Plato Cafe & Bistro (Mikiki)

今日打算去Airside shopping之前就去咗Mikiki食咗個lunch 🤭🤪「Plato Cafe & Bistro 」環境舒適,落地大玻璃，空間感夠，坐得舒服🤭🤭小柱貝牛肝菌忌廉意大利粉….. 小圓貝都不少，有六至8粒🤪🤪醬汁夠濃稠，意大利粉軟硬適👍鮮菠蘿牛肉竹炭漢堡…菠蘿略略煎過好香甜😄牛肉漢堡，肉質都鮮嫩味道不錯！小食日式天婦羅魷魚鬚…香脆可口😬甜品檸檬芝士餅，好香嘅檸檬味芝士都夠濃不錯！

之前食過呢間餐廳嘅另一間分店，印象中係幾好食，近排先知原來新蒲崗有分店🤣好鐘意呢到嘅環境同坐位好闊落，好舒服👍🏻 呢到主要係西式野，但啲野比起同類型餐廳算平啲，而重點係啲野食好好食🥹完全覺得係好值💯🍝 香蒜欖油海蝦炒意大利粉作為蒜頭愛好者表示，呢個意粉蒜香同欖油味道十足，啲海蝦都幾新鮮彈牙，意粉又煮得岩岩好，唔會太淋！🐷 西班牙黑毛豬鞍黑毛豬鞍煎得恰到好處，肉質嫩滑多汁，食第一啖就已經覺得停唔到🤤🫕 蘑菇餐湯呢個湯味道夠濃，鐘意佢嘅綿密口感🤤🍰 自家製麻糬提拉米蘇想講呢個tiramisu係100分🥹🤤 Tiramisu柔滑綿密，麻糬嘅加入提升咗口感，甜而不膩，唔係誇張我會係左呢個甜品再黎食🤤🍋 檸檬茶呢杯一般，飲到後面有啲澀🙈 如果真係想飲檸檬茶，可以早啲伶走塊檸檬～ 🍯 蜂蜜柚子茶呢杯唔錯！柚子茶帶有自然嘅果香，甜度適中，飲落非常舒爽😆

有日同朋友去左mikki 行街，見到呢間cafe 嘅2人餐都幾抵食，$438 就已經包哂餐湯，小食，主食，意粉/飯，甜品同飲品～好豐富！環境都幾靚，靜靜地啱晒同朋友傾偈/拍拖食飯。是日餐湯係蕃茄湯小食揀左薯條，份量好大份😮意粉/飯竟然有波士頓龍蝦龍蝦汁意大利飯，吾洗額外加錢，有成半隻龍蝦，仲要滿哂膏，好正啊😋飯粒吸收哂龍蝦汁嘅鮮味，好入味！主食有澳洲肉眼牛扒，系厚切嫁，仲好大塊😍有得揀幾多成熟，咬落仲有肉汁，吾會好乾身！

見到Mikiki新開咗間餐廳係Plato嘅分店因為好耐以前食過佐敦果間分店印象中都唔錯所以一新開就即刻走去試呢間分店點知就中曬伏我哋係週末下午去幫襯兩個人叫咗兩個假日午餐套餐包餐湯/沙律、主食同飲品我哋兩個都揀咗餐湯是日餐湯係南瓜湯得個咸字完全冇南瓜味 之後主食方面第一份叫咗紅酒燴牛肋條意粉 （$108）個意粉係凍嘅好似啲頹canteen加pat汁咁牛肋條只係正常味Canteen質素但係收西餐廳價錢 另一份叫咗香蒜欖油海蝦炒意大利粉 （$88）啲意粉同蝦係冇味嘅 不過好彩起碼係熱嘅最後餐飲方面欣賞佢冰果茶係唔使加錢又夠大杯但係杯茶叫咗少甜都甜到乜咁整體嚟講完全唔推介無相睇係因為完全唔值得打卡同本身無諗住寫食評但食完真心失望覺得要同各位分享等大家唔好中伏食物質素完全對唔住個價錢如果收$60-70一個餐都算啦雖然坐得都舒服同服務質素OK但唔會再幫襯

呢間係我平時最鐘意幫襯嘅食牛扒好地方之一🤓咁啱今日喺新蒲崗做嘢，見到原來佢喺Mikiki開咗分店今晚晚餐非佢莫屬每次同老公嚟既話都會叫二人套餐$458 有兩個主食、一個前菜、兩碗餐湯、甜品、兩杯野飲飽到抱住個肚走🤰🏽主食除咗叫意粉一定會叫佢煎牛扒食咗幾次真係好滿意值得打上嚟大大比個好評！澳洲肉眼牛扒 $238 有一杯飲品&餐湯叫左七成熟點解我話好啱Gym撚呢首先佢塊牛扒勁大塊 我估應該起碼250g仲有超大嚿焗薯（估計都係250-300g）大過平時係街市買既大size😂仲有少量菜一餐有齊靚碳水、high protein、纖維😍簡直係perfect開頭仲擔心就咁叫一份晚餐牛扒唔夠飽點知佢咁大塊扒同埋咁大舊焗薯最欣賞佢嗰焗薯 係就咁焗完之後冇溝到忌廉同牛油只係加咗一小pat蛋黃醬同煙肉碎如果再追求健康啲可以走埋醬牛扒厚身大塊得黎唔鞋！肉質鮮嫩多汁！呢個價錢係出面我諗只係食到佢三分二塊🥴每份牛扒仲會配一杯醬汁 我就無點啦～都係最鍾意嘅最簡單嘅鹽同胡椒調味就夠是日餐湯係我最鐘意既蕃茄湯🥹🩷🩷酸酸甜甜同濃稠狀無得輸 好足料老公叫左杯冰果茶估唔到跟餐飲品都有驚喜呢個果茶甜甜地 加咗幾塊薄荷葉之後成杯

由油麻地店食到佐敦店，竟然開到嚟Mikiki,真係好驚喜。難得呢度有間環境舒適的餐廳，枱與枱之間有合適距離，可以傾吓偈，舒適用餐。點了精選2人餐，先上甘荀湯，用料足，口感濃密香甜。前菜點了天婦羅魷魚鬚配沙律醬，外層脆漿加紫菜，食落更惹味。主菜是澳洲肉眼牛扒，7成熟，外層煎到微焦，切開煎到粉嫩色剛剛好。肉眼大大塊保留到肉汁之餘又唔會難咬開。配菜焗薯都好粉好好味。平時會點西班牙海鮮飯，今日就試試波士頓龍蝦龍蝦汁意大利飯～一上枱就聞到濃香！員工很細心會跟埋個夾，等我可以食埋隻龍蝦鉗。龍蝦肉大大啖咬落爽口好滿足，意大利飯味道香濃，有少量洋蔥及青椒。最後甜品時間，已經食到好飽，所以下次先食心太軟。是日甜品是cheese cake,大滿足～想讚一讚呢度服務很好，落單飲品可以選擇「即上」 或「叫起」， 很貼心～

Plato Cafe & Bistro 位於Mikiki商場,提供了一個舒適優雅的用餐環境。首先是自家制麻糬提拉米蘇,外表以新穎風格塑造的提拉米蘇的l,但口感卻與眾不同。麻糬的軟糯和提拉米蘇的濃郁慕斯交織在一起,質地滑順綿密,咖啡味道偏濃,一口下去令人回味無窮。 接著是日式香辣炸雞扒竹炭漢堡。漢堡的麵包外酥內軟,加上香辣多汁的雞扒和清新的生菜,完美平衡了口感和口味。最後是英式炸魚薯條。炸魚外層酥脆,裡面肉質鮮嫩多汁有口感。薯條金黃酥脆,沾上特製芝麻沙律醬更添風味。西班牙冰咖啡中夾埋軟雪糕,為整個下午茶增添了悠閒愜意的氣氛。總的來說,Plato Cafe & Bistro 的各式菜式都有其獨特之處,不僅口味出眾,連呈現方式也別具創意。

終於可以同老公撐枱腳，今日嚟到Mikiki 呢間Cafe 👍🏻 環境同裝修，試試先😋最後同老公揀左精選二人套餐🫶🏻樣樣都唔錯，唔駛諗咁多 😂🤣方便！煙三文魚凱撒沙律菜夠新鮮爽口👍🏻煙三文魚份量多🤭滿意🫶🏻北海道帶子松露野菌意大利粉好creamy 帶子同蘑菇🍄‍🟫成熟度剛剛好，配搭西班牙黑毛豬鞍黑毛豬鞍好Juicy 呀本身豬鞍品質👍🏻黑毛豬肉味夠濃⋯ 就咁食都好惹味❤️檸檬芝士蛋糕再加兩件餅，好喜歡。蜂蜜柚子茶悠悠閒閒又一日，坐得舒服，性價比高🙌🏻❤️