PRET A MANGER

营业中

休息中

呢間野係金鐘地鐵開左一排,都無試過.最近,早餐食Delifrance 飽真係食到無胃口,雖然平,只係7-8蚊,但真係唔多好食,兼夾佢飽偏肥.但一路都無諗過幫襯Pret A Manger,睇過佢三文治,好似好怪,又凍冰冰咁,唔想一早食生冷野. 有日lunch出左去辦私事,返黎已經無時間食野,諗住順手係地鐵買份三文治返公司咬.於是係呢度買左份牛油果雞肉治,加一個雜豆沙律,同一枝紅莓橙汁.價錢真係唔平,淨係枝果汁都18蚊,但原黎真係一分錢一分貨.牛油果加雞肉係perfect match,佢用料好新鮮,加埋生雜菜,一都唔漏,麥包亦好天然,連平時唔食麥包我都對呢樣野改觀.個雜豆沙律入面有紅腰豆,白腰豆(個名唔sure),一綠色豆,仲有一小片青瓜,同一個車厘茄.份量唔大,但豆係較難消化野,佢野份量係剛好.個沙律汁好清新,同豆味好夾.至於個果汁,紅莓橙比較酸,勝在新鮮,後黎試過淨橙汁好入口.佢地仲有一種叫Smoothie雜果汁,我試過黑加侖子+藍莓+紅莓+橙+....隻,超級濃,好似飲緊果jam 咁,個人嫌太heavy了,相信糖份亦極高,減肥千祈唔好飲. 原來佢地仲有熱湯賣,仲未試,日一定要試埋.

再留comment.. 哈哈!試多0左隻小龍蝦辣菠菜三文治, 好好食呀! 辣菠菜有陣好特別0既清香, 有少少似芥辣的味道, 令人好精神.Chocolate muffin 都好好食, 好moist, 好正~

今次買了Marie-Rose Crayfish 玫瑰醬小龍蝦三文治. 好好食呢: )俾個名嚇死, 仲以為d 醬係有花味的... 之前食過d 醬好甜; 今次0個d 就較酸, 同埋d 醬好似稀0左少少. 個人比較喜歡甜d 0個次的玫瑰醬~

一早返"工", 又買半份小龍蝦辣菠菜三文治, 加一罐Yoga Bunny汽水."同事"們對我的汽水好有興趣, 其實味道同Ginger Ale有d似, 冇咁甜, 而且有Echinacea (註) 及人參成分, 可能幫到少少提神o卦. 小龍蝦辣菠菜三文治今日冇咁好食, d包濕左少少, 我相信係擺耐左喇.

食過IFC 店的chocolate brownie 及燒牛肉三文治後好鍾意, 0係金鐘地鐵站經過, 決定入去買半份小龍蝦+牛油果+ egg mayonnaise 三文治試0下.好多餡... 龍蝦仔好爽甜, 加埋d 牛油果同egg mayonnaise 去moisturize d 包, 所以唔乾. 好好食呀$20 半份三文治當早餐其實真係非常奢侈($20 0係大學canteen 食到兩盒$10 "頹飯" 了, haha!), 但間中都要對自己好d 0既