Rambler Cafe (已結業)

3人來食lunch buffet.無乜人,來來去去都係d酒店住客內地人,食物分量少,但岩晒我地d lady.食幾百元buffet最唔抵.個照燒汁雞扒好好味,食左好幾件.西洋菜湯亦好味.比我地食左半鍋.d內地可能唔好煙三文魚.無出現爭食情況.靜靜地坐下食下.$70+1算抵.

唔願之下來食第二次。今次係lunch buffet，食物款式都是一貫的少，無左又唔添。甜品的質素已比上次好，但泡夫真的要改善一下，又霉又淋，唔知放左幾耐咁。如果加多D魚生壽司類，會好一點。最欣賞是其沙律款式真的多，而且都幾好味。服務亦不錯。

雖然款式唔多，但係味道都唔錯。椰汁奶凍、泡芙、螺絲粉等幾好食。幾十蚊一位算係咁喇。

專程去青衣吃lunch buffet，由葵芳搭車去。其實真係幾山卡啦。個景就唔得架喇，因為一邊對正藍澄灣，一邊對貨櫃碼頭。$70的自助餐，都沒有很大期望，由12：00開始，熱盆有8樣左右，冷盆約4款，沙律3，4款，湯有1中1西，甜品就5款甜點，1款中式糖水。包一款餐飲。食物大致ok，其實係無話回不回本，當一個稍貴的lunch set 去吃會比較好。因為食物是普通的，沒有高價的食物，沒有刺身壽司或好好味的甜點。有一款不知名的蛋糕，有芥末味，好古怪。但要靜靜地吃一餐的話，又想過o下buffet癮，都可以試下o既

經母親的朋友大力推介,今日來到依間酒店內的cafe試一試~果然值得推介!!dinner係半自助餐式~可以點一個主菜~其他沙拉,小食,湯,甜品就自助形式自助食品味道不過不失~食物都比較普通~以煙三文魚,凍食的燒牛肉較好主菜有3款選擇~我點了牛柳配紅酒汁~味道非常好~牛柳嫩滑多汁~比起出名的扒房好得多~牛柳淋得黎係無加蘇打粉自助甜品款式都是不多~有朱古力蛋糕~藍莓吉士蛋糕~泡芙~jelly糖~凍紫米露~生果~以藍莓吉士蛋糕比較好吃最後有一柸餐飲~每位88蚊~真係非常抵~服務仲好好~環境清靜~值得推介不過地方就難搵d~得葵芳站,青衣站先有van仔去~去到仲要好難搵~

想試呢間酒店餐廳好耐,今日終於成真,由葵芳站坐小巴入黎都好方便;只係落車之後仲要行一大段路至到(呢間餐廳係盛逸酒店,要過左第一間華逸酒店至到。)酒店規模唔大,由lobby已經睇到,餐廳個reception永遠無人,客人要行入餐廳至有侍應帶位。餐廳真係幾細,不過樓底好高,加埋燈光暗暗地所以感覺都好舒服。而家呢度無左dinner buffet,改為星期五、六、日有半自助餐($98)。今日主菜有4款揀,我地揀左三款:炆牛尾配寬意粉:同事話好咸、wing wing話ok,所以唔知邊個評語至啱。炸豬扒他他汁:小朋友齋食炸薯角,豬扒由呢三個女子瓜分,豬扒炸得好香脆,但好漏!! 煎三文魚扒: 三文魚煎得香脆唔腥,加上少少類似香草忌廉汁,味道ok,伴碟菜反而幾骨子有煙肉卷青瓜、甘筍同炸薯蓉,反而伴碟菜好似仲好味d。餐湯有眉豆花生雞腳豬骨湯同忌廉薯蓉湯,呢度又係中湯好過西湯,味道真係好似阿媽煲既老火湯,雞腳都煲到淋晒,正!!沙律款式都好多,粟米、菠蘿、煙三文魚、沙律菜都有,我用一碟沙律菜試勻佢4款沙律汁=p 4個人一致認為日式冷麵同海草最正!!日式冷麵用紅色八爪魚黎撈,wing wing話味道好似炒麵加

兩人食﹕1.龍蝦濃湯($36)2.大蝦凱撒沙律(>$50)3.海鮮寬條麵($78)4.軟心朱古力布丁($3x)食評﹕1.餐前麵包熱騰騰，好味。湯味新鮮，但好似食蝦似過食龍蝦。2.大蝦變中蝦，好似滑蛋蝦仁size,沙律有水。3.用蕃茄住，我都係鍾意食白汁。4.推介，值得一試，建議兩人食一份。環境﹕一般，望貨櫃場。優惠﹕食滿$250，午餐有兩小時免費泊車，晚餐有三小時免費﹔否則$50兩小時，之後每小時$20。藍澄灣停車場$12/小時。

幾個月後再尼食lunch buffet,今次係同人farewell,發覺D食物種類同幾個月前係完全一樣,而且水準亦能保持,其實D廚師每同都做相同o既菜式悶唔悶架!宜家食buffet o既心態已經變左,以前淨係食D所謂貴價野,以"回本"為目標,有好多野都冇食,其實諗深一層,咁易俾你"回本"人地仲使做生意?所以宜家識得欣賞其他菜式.例如沙律,麵包,餐湯等,雖然在"回本"價值方面較輸蝕,但在味覺方面卻會取得勝利,因為可以食多D唔同野.而且仲可以講係享受buffet而唔係搶食貴價野buffet......

餐廳規模比想像還要小,食品種類不多,餐湯有甘筍湯和中湯,前菜及冷盤有各式沙律,幾種麵包,煙三文魚,杯裝大蝦沙律,切片肉腸,白雲鳳爪等.熱盤有十多款,如薯仔,生菜包(用生菜包住其他菜),蟹子海鮮炒飯,牛排,雞球,香草龍利,意大利粉,排骨等.尚算豐富!甜品有芝士蛋糕兩款,黑森林蛋糕,果凍,紅豆沙,水果(西瓜,哈蜜瓜,火龍果).最後包一杯飲品.味道方面,酒店出品品質應該有保證,尤其以香草龍利及牛排較好,遺憾是缺少海鮮及刺身等貴價食品.但以七十零蚊o既價錢尼講,算OK.

論就腳，它十二萬份之不方便，的士佬都會行錯路。離開時還要打電話上台叫車。論環境，細細長長的餐廳，最多容納40人(酒店客食早餐怎算?)論景色，欠奉。前貨櫃碼頭後住宅。論食物，可能我來的時候仲新，未做過10幾人lunch的生意，上菜很慢，海南雞飯很差，雞"鞋"飯無味，意粉亦很差，太"張"口喇。個湯唔得。隨餐附送體毛乙條。好彩這餐萬歲老闆。

青衣新開左間酒店，阿媽話想去試下佢d buffet，128蚊一位，我心諗好極有限啦。不過由佢請，求其食餐都冇所謂啦。間cafshop好細，不過裝修唔差，而且樓底好高又落地玻璃，沒有一種局促感覺，坐得蠻舒適。一去到見到真係好少野食，壽司、剌身同生蠔欠奉，甜品加埋生果盤，都係得5款選擇。心裡已經一沉，已沒有興趣為佢寫食評。食過先知，原來係佢貴精不貴多，冷盤d沙律唔錯，d大蝦沙律有好多蝦，我都食左好多隻，而且幾新鮮，肉質彈牙唔似係雪藏貨。煙三文魚沙律，我最欣賞係佢D橄欖油，覺得比一般的特別香。而老豆猛讚d湯冇味精夠老火，又讚d豉油王蝦雖然細隻，但勝在新鮮入味，連食兩大碟。我就鍾意食佢d豬仔骨，連食6大舊，好過我早排去Fat Angelo's食個d豬仔骨多多聲。甜品得兩款cake，我先食chocolate cheesecake，好香濃朱古力味，並沒有掩蓋原有的芝士味，我連續食了兩大件，而媽媽就稱讚另一款mousse cake好食。還有一款木瓜雪耳糖水，材料十足，略嫌甜左少少。另一要讚係佢o地d服務，餐廳經理夠細心外，就連侍應哥哥個個都好醒目，大集團管理果然係唔同D。

午市惠顧，除有lunch buffet外，都有a la carte。散叫了:1. 龍蝦湯($35)﹕有濃郁海鮮味，當中亦有幾件龍蝦肉，以這價錢來說，十分超值。2. 素菜千層麵(約$50)﹕千層麵中夾了很多茄子，味道不錯。3. Egg benedict($50)﹕原本只有早餐時份才有供應（而且連coffee/tea)，但見menu內仍夾了set breakfast的list，便向經理查詢，他表示午市時都可以提供breakfast的食物，但就不包括飲品。2隻poached eggs、spinach和bacon，放在French toast上，加上一些醬汁，美味非常!整體食物味道都很有水準，估不到!餐廳雖然對著貨櫃碼頭，但因在Level 5，環境算開揚及很光猛，惟位置實在幾偏。註:餐廳是由海逸酒店管理。