影片
更多
2006-06-17
4 浏览
想试呢间酒店餐厅好耐,今日终于成真,由葵芳站坐小巴入黎都好方便;只系落车之后仲要行一大段路至到(呢间餐厅系盛逸酒店,要过左第一间华逸酒店至到。)酒店规模唔大,由lobby已经睇到,餐厅个reception永远无人,客人要行入餐厅至有侍应带位。餐厅真系几细,不过楼底好高,加埋灯光暗暗地所以感觉都好舒服。而家呢度无左dinner buffet,改为星期五、六、日有半自助餐($98)。今日主菜有4款拣,我地拣左三款:炆牛尾配宽意粉:同事话好咸、wing wing话ok,所以唔知边个评语至啱。炸猪扒他他汁:小朋友斋食炸薯角,猪扒由呢三个女子瓜分,猪扒炸得好香脆,但好漏!! 煎三文鱼扒: 三文鱼煎得香脆唔腥,加上少少类似香草忌廉汁,味道ok,伴碟菜反而几骨子有烟肉卷青瓜、甘笋同炸薯蓉,反而伴碟菜好似仲好味d。餐汤有眉豆花生鸡脚猪骨汤同忌廉薯蓉汤,呢度又系中汤好过西汤,味道真系好似阿妈煲既老火汤,鸡脚都煲到淋晒,正!!沙律款式都好多,粟米、菠萝、烟三文鱼、沙律菜都有,我用一碟沙律菜试匀佢4款沙律汁=p 4个人一致认为日式冷面同海草最正!!日式冷面用红色八爪鱼黎捞,wing wing话味道好似炒面加
酒店规模唔大,由lobby已经睇到,餐厅个reception永远无人,客人要行入餐厅至有侍应带位。餐厅真系几细,不过楼底好高,加埋灯光暗暗地所以感觉都好舒服。
而家呢度无左dinner buffet,改为星期五、六、日有半自助餐($98)。今日主菜有4款拣,我地拣左三款:
炆牛尾配宽意粉:同事话好咸、wing wing话ok,所以唔知边个评语至啱。
炸猪扒他他汁:小朋友斋食炸薯角,猪扒由呢三个女子瓜分,猪扒炸得好香脆,但好漏!!
煎三文鱼扒: 三文鱼煎得香脆唔腥,加上少少类似香草忌廉汁,味道ok,伴碟菜反而几骨子有烟肉卷青瓜、甘笋同炸薯蓉,反而伴碟菜好似仲好味d。
餐汤有眉豆花生鸡脚猪骨汤同忌廉薯蓉汤,呢度又系中汤好过西汤,味道真系好似阿妈煲既老火汤,鸡脚都煲到淋晒,正!!
沙律款式都好多,粟米、菠萝、烟三文鱼、沙律菜都有,我用一碟沙律菜试匀佢4款沙律汁=p 4个人一致认为日式冷面同海草最正!!日式冷面用红色八爪鱼黎捞,wing wing话味道好似炒面加甜酱,笑死我!!
甜品款式唔太多,西式只有tiramisu(软淋淋口感无酒味,味道ok)、朱古力蛋糕(质感好实味道ok)、纽约芝士饼(芝士味唔太浓,味道普通)、橙味方形蛋糕(质感柔软,感觉似食美心蛋糕)、泡夫(睇落淋pat pat 无试)、jelly糖(烟烟un un,好耐无食过就食番粒,ok啦)、焦糖炖蛋(焦糖超甜,炖蛋几滑),中式就有绿豆沙(无臭草味又无海带,得糯米同绿豆,清热气之用)。
生果:只有西瓜、蜜瓜、菠萝,甜菠萝比我地几个消灭晒。
包餐茶一杯,冻柠茶都算ok,帮助消化。最好既地方系提供长铁匙!!!唔驶用d搅酒棒呀、椰子树黎笃柠檬。
总括黎讲,呢度唔可以同外面自助餐比较,食物无论质素、选择、味道都只系不过不失,不过胜在环境清静少人,用百零蚊就可以享受到个舒服晚餐,呢样叫做几好。
2位侍应服务态度都好好,我系电话已经问佢地有无蜡烛提供,今晚我一问佢地即刻帮我拎出黎,真系麻烦晒!另外呢度既洗手间好清洁,最钟意个透明碗状洗手盘=p
张贴
