RBTea

营业中

休息中

今日經過始創中心行街買野，見到有間RBTea就睇下有咩食。當我還有想食什麼時，見到佢地有出牛扒餐，特然有個肥仔經理就沖埋來推介我牛扒餐，雖然我本身都比個圖片吸引過來，都重猶豫緊食唔食牛扒，但個肥經理咁好服務推介，就要試下。座位都很舒服、環境好坐!、位與位之間唔算太迫，係音樂差左一點最美中不足地方是個黑椒汁份量好少。最後食完個肥經理又出現，問返我用餐意見，現今已很少經理有這樣服務態度與顧客互動，推介推介。👍🏻👍🏻👍🏻滿足地離開，值得推介一下。👍🏻👍🏻👍🏻

叫咗一個鹹窩夫一個意大利粉一個珍珠奶茶pancake其實個鹹窩夫都ok特別不過窩夫就普普通通唔係特別香意大利粉正正常常珍珠奶茶pancake個sauce其實整得好好食但係個pancake係涼涼地 唔夠鬆軟唔係熱辣辣如果我pancake係新鮮熱辣出爐會比100分

大家都知太子無乜好坐既食店除咗Starbucks 個日有空餘時間 咁就去咗RBtea試下～下午茶都幾抵wo!半價不過佢係嗌正價飲品先可以嗌menu半價既野食我覺得佢擺個飲品menu起門口好d環境好坐！位與位之間唔會太近私隱度幾好岩哂傾計我地嗌咗百香芒果烏龍茶$39甘菊荔景烏龍茶$39焦糖咖啡合桃pancake$31先講兩個茶茶味唔濃.....仲有d澀澀哋唔滑早知嗌其他唔推介個pancake即整所以等耐少少 大約15分鐘 但係值 得 等 待熱熱地 好鬆軟咖啡味唔濃 但同焦糖醬好夾再加埋oreo碎$31好抵！！！！食完好飽但唔覺得好漏！亦唔食好甜好想再食多次整體黎講環境舒服價錢亦唔算貴係太子傾計既好地方但唔推薦茶類下次試下佢d凍飲先！性價比高比你好評啦

在旺角行街行到累，想搵間cafe坐下hea下，就去左太子始創呢間rb tea 。首選一定係士多啤梨窩夫，光睇外表已經覺得很漂亮，打卡一流！一層叠一層的窩夫外脆內鬆，配上士多啤梨醬也很夾。士多啤梨果肉甜中帶酸，可以開胃一下。

始創既RBTea幾乎係每次到始創都會入去坐下，不論午餐，下午餐定晚餐，好似有無形既吸引力入咗去咁~約朋友一齊去附近行下買野，假期無套餐提供，只有散叫~ 唔梗要啦~~就來個All Day Breakfast 啦~ 煙三文魚凱撒沙律脆香鬆餅 一上餐~ 哇~~ 好大碟~~~ 煙三文魚比想像中多，唔會太鹹，配上沙律菜就剛剛好啦~ 沙律菜新鮮無苦澀味。鬆餅放到最後先食，可能就係因為咁就淋咗啦~唔脆~~ 餐飲包基本的檸檬茶，檸檬水。但都係忠於黑珍珠奶茶，每次來都要飲番杯。不論茶香，奶濃，都正合我所需。仲有大量珍珠，珍珠控就絕對唔會錯過啦~

這間台式店，我和Honey 來過幾次，水準不算穩定。今天我倆來吃午飯，主食之外包一個飲品。Honey叫了檸檬綠茶(不必加錢)：不錯！台式綠茶好甘香，檸檬和薄荷葉，被熱茶泡泡，更香，很清新！餐飲轉特飲，可補錢。我補了$16，叫了Iced Tirumisu。Creamy，但不算太甜。有Orea餅碎，當甜品一樣吃。Honey替我叫了我喜歡的白汁蜆意粉：這個……麻麻哋。份量少，味道太淡！全沒有白汁的creamy，淡得很。就連蜆肉，也是淡而無味的。Honey叫了炸豬排窩夫：這個，Honey讚不絶口！豬排大塊，香脆而不油膩。厚厚的窩夫，夾有甜甜的沙律醬，還配以青瓜和蕃茄，很開胃！今次進餐，整體品質不錯。

今日經過這裡，妹妹說很想吃，於是我們就試了。我們點了一個煙三文魚凱撒沙律脆香鬆餅，焗忌廉野菌螺絲粉和一杯岩鹽OREO朱古力奶茶，總括這裏環境舒適，食物味道適中不會太淡也不會鹹。我們有機會會再來😋

行街經過見到呢個珍珠奶茶pancake 就吸引左入黎食喇！Pancakes 味道真係唔重，要夾到甜味野食先好味，今次配珍珠又幾特別由於天氣太熱真係要叫左夠fresh嘅野飲呢個pizza嘅配料好match食下煎炸野傾下計咁就一個下午喇

同仔仔行街行到攰，諗住坐低飲杯嘢~安排咗張韆鞦凳，仔仔好開心，見個menu都 好吸引,忍唔住嗌咗個all day breakfast， 加杯珍珠奶茶~沙律菜好新鮮，窩夫好好味、好脆，炒蛋都好好味，仲要熱辣辣嘅添~

飯後再戰來到太子的始創中心來食窩夫，四周都是有兔仔的裝飾，以兔仔為主題，地方夠多座位，環境都幾舒適。我選擇了一個最傳統的草莓雪糕鬆餅(輕食)$72，可是窩夫餅身偏軟又晤香，只是靠草莓片及草莓醬調味，配上鮮忌廉及有一球雲呢拿雪糕，奶香細滑，整體一般。而妹妹點了一份oreo朱古力雪糕鬆餅(輕食)$70，oreo 餅會有點偏甜，忌廉有少許微鹹，雪糕都是朱古力oreo餅味，但oreo 味淡，整體朱古力味道偏弱，整體水準較一般

如果晚上聚會想找一間無入座時限的餐廳傾下計~🎈太子始創的RBTea就是一個好地方了~~💕💕💕有一排是沙發位的~~可以坐得舒舒服服咁食~~🤗🤗🤗晚市套餐有餐湯、主菜、飲品，仲配甜品添~☺用落單紙填好之後要自己拎出去收銀處落單~~🙋‍♀️不過佢上菜時間真係有少少慢~~要耐心等候啊~~😅😅😅餐湯: 蘑菇湯🥣蘑菇湯好香濃~~真材實料，不是稀淋淋~~🍄仲有兩小粒麵包粒用來配湯，好脆口~~🍞意式蕃茄肉丸意粉 ($83)🍝肉丸有好多粒，大大粒~~有少少黑椒味~咬落好鬆軟，有肉汁，不會太實~😚而蕃茄意粉的醬是真的有蕃茄蓉果種茄醬~不是純用茄汁拌，口感增加，味道夠濃~🍅意粉亦不會太硬太軟~~好味好味~~🤤🤤🤤BBQ雞翼配凱撒沙律 ($88)🥗由於怕沙律醬太多，我叫了醬另上~沙律份量都幾多，好大碟~~菜好新鮮爽脆~配上小蕃茄🍅、少少芝士粉🧀、麵包粒🥖~~都好味，就正正常常新鮮沙律~~雞翼就烤得非常香口乾身~~皮是脆脆的~~可惜的是雞翼沒什麼調味的感覺，比較淡~😶反而薯角就真係炸得非常乾身🥔🥔🥔完全沒有油膩感~~~配埋茄醬一流~~😚甜品: 木糠芝士球🧀別睇佢外表好似平平無奇咁~佢雪到凍冰冰~~❄❄❄食落好似食

放假逛街，剛好路過太子彌敦道750號的始創中心，天氣太熱了，決定進去涼快涼快，透透氣。 逛到二樓，看見有家RBTea，突然有種想進去歇歇的衝動，於是我如願以償的坐下了。開放式的環境帶點田園風格，座位也算舒適但地方感覺有點小。先在門口下單，然後有服務生為賓客送上美食。甜品、飲品、食品都非常吸引。飲品我們點了：益力多香橙雪糕（HKD $50）→酸甜適中，可口抹茶紅豆雪糕 （HKD $55）→甜度不足，口感普通食品我們點了：炸魚柳薯角 （HKD $26）→外脆內酥，口感不錯焦糖咖啡核桃班戟（HKD $31）→飽腹滿足

以前經過這商場不時也被古早田園氛圍美食和老字號深深被吸引走進店內空間周邊遍佈大小角落充滿田園雅緻開放式情調環境的確有不一樣氣派把異國體驗帶進Café中，最適合放假去邊忙里偷閒悠閒慢活朋友集結傾說的朝聖好地方 ! 蜜桃蘆薈茶(凍)-$39 / 黑糖珍珠鮮牛奶(凍)-$38單點或套餐食物選擇多當然係重點 :各式各樣既甜品/小食/主餐仲有餐牌上其他款式任君選擇，尤其係顏色賣相配搭色彩更加鮮明相信總有一款合你心意 ! 綜合菌茹芝士薄脆($52)看似不起眼但卻意外地好吃，薄薄的一口烤得格外鬆化，恰到好處外脆內嫩調味適中裡面充斥著滿滿覆蓋芝士起司這份惹味白汁海鮮意粉 ($89)/香濃忌廉蜆意粉($68)口味上較重份量每人一份又十足吃得很爽，一次性把醬汁拌隨海鮮加上豐富豪邁品嚐一口，滿滿濃度滲透口腔嘗到不同口味的多角度

今天去咗荔枝角公園影相，之後落咗太子，因為天氣太熱了，所以要揾個地方歇下腳，我哋去咗始創中心上面，有間RBtea嘅CAFE，見人吾多便攞飛仔等一陣……坐下點咗個魚柳鬆餅同姪女share，每人叫咗個新鮮花果茶！個all day breakfast有兩件格仔鬆餅、一條魚柳、有些薯條、茄汁豆蕃茄及炒蛋……味道ok，個花果茶我是叫熱的，有點苦澀，可能係啲檸檬及薄荷葉加咗在水中濃咗啲，應該凍會好飲啲……呢度在始創中心上面starbucks隔離，原本都係因為太熱要歇吓，但點知呢度冷氣吾夠，美中不足。

已有一段時間無去RBTea 太子店，主要原因人潮擁擠，餐廳太多人要排隊等候時間比較長。坐落在太子始創中心，走進店一眼望見落地玻璃，正門口靠牆邊吊櫃擺設了很多陶瓷公仔增添一份溫馨感覺，裝修如一般台式茶餐室風，木餐枱襯灰色咕𠱸梳化椅，感覺悠閒，舒適、返璞歸真、室內以緣包為主，給人清新大自然悠然感。座無虛席餐牌種類繁多，有脆鬆餅（有甜有咸）吐司和薄餅任君選擇。燒三文魚芝麻豆腐沙律清新清爽食得健康鮮果雪糕吐司盒至少要等候時間20分鐘，士多啤梨做伴碟製作精美垂涎三尺吐司很鬆軟綿密，吃到淡淡的甜味。